ഭൂ​മി​പു​ത്രി - രം​ഗാ​വി​ഷ്കാ​ര​വു​മാ​യി ല​ത കു​ര്യ​ൻ രാ​ജീ​വ്: അവതരണം നാളെ
Friday, April 19, 2024 1:31 AM IST
തി​രു​വ​ന​ന്ത​പു​രം: ഭൂ​മി​പു​ത്രി എ​ന്ന രം​ഗാ​വി​ഷ്കാ​രം നാ​ളെ വൈ​ലോ​പ്പി​ള്ളി സം​സ്കൃ​തി ഭ​വ​നി​ൽ ന​ട​ക്കും. സ്പെ​യി​നി​ൽ നി​ന്നു​ള്ള ഫ്ളെ​മെ​ൻ​കോ ന​ർ​ത്ത​കി ബെ​റ്റി​ന കാ​സ്റ്റാ​നോ, ക​ള​രി ക​ലാ​കാ​ര​ൻ രാം ​കു​മാ​ർ എ​ന്നി​വ​രാ​ണ് ഈ ​രം​ഗാ​വി​ഷ് കാ​ര​ത്തി​ൽ പ്ര​ധാ​ന​മാ​യും വേ​ദി​യി​ലെ​ത്തു​ന്ന​ത്. ഒ​പ്പം മി​ഴാ​വ് വി​ദ്വാ​ൻ ക​ലാ​മ​ണ്ഡ​ലം രാ​ഹു​ൽ അ​ര​വി​ന്ദും ഉ​ണ്ട്.

സ്പാ​നി​ഷ് പാ​ര​ന്പ​ര്യ​ത്തി​ലെ ഫ്ളെ​മെ​ൻ​കോ നൃ​ത്ത​രൂ​പ​ത്തി​ന്‍റെ​യും കേ​ര​ള​ത്തി​ലെ ത​ന​ത് ആ​യോ​ധ​ന​ക​ല​യാ​യ ക​ള​രി​യു​ടെ​യും അ​പൂ​ർ​വ സ​മ​ന്വ​യ​മാ​ണ് പ്ര​മു​ഖ ആ​ർ​ട്ട് ഹി​സ്റ്റോ​റി​യ​നും ക്രി​യേ​റ്റീ​വ് ക​ണ്‍​സ​ൾ​ട്ട​ന്‍റു​മാ​യ ല​താ കു​ര്യ​ൻ രാ​ജീ​വ് അ​ര​ങ്ങി​ലെ​ത്തി​ക്കു​ന്ന ഭൂ​മി​പു​ത്രി.

വൈ​ലോ​പ്പി​ള്ളി സം​സ് കൃ​തി ഭ​വ​നി​ലെ ആം​ഫി തീ​യ​റ്റ​റ്റ​റി​ൽ നാ​ളെ വൈ​കു​ന്നേ​രം 7.15ന് ​അ​വ​ത​രി​പ്പി​ക്കു​ന്ന പ​രി​പാ​ടി കാ​ണു​ന്ന​തി​ന് പ്ര​വേ​ശ​നം സൗ​ജ​ന്യ​മ​ണ്. അ​നു​ഭ​വ​പാ​ഠ​ങ്ങ​ളി​ലൂ​ടെ സ്വ​ത്വം തി​രി​ച്ച​റി​യു​ന്ന സ്ത്രീ​യു​ടെ യാ​ത്ര​യാ​ണ് ഈ ​കാ​വ്യ നൃ​ത്ത​രൂ​പം അ​ട​യാ​ള​പ്പെ​ടു​ത്തു​ന്ന​തെ​ന്നു ല​ത കു​ര്യ​ൻ രാ​ജീ​വ് പ​റ​ഞ്ഞു.

പു​രു​ഷ​നി​ൽ അ​ന്ത​ർ​ലീ​ന​മാ​യ ദേ​വീ​ശ​ക്തി​യു​ടെ ക​ണ്ടെ​ത്ത​ലും തി​രി​ച്ച​റി​വും മ​റ്റൊ​രു ത​ല​മാ​ണ്. സ്ത്രീ ​ശാ​ക്തീ​ക​ര​ണ​ത്തി​ന്‍റെ വി​ശാ​ല​മാ​യ അ​ർ​ഥ​ത​ല​ങ്ങ​ളെ​യും സ്ത്രീ​പു​രു​ഷ ബ​ന്ധ​ങ്ങ​ളു​ടെ സൂ​ക്ഷ്മ​മാ​യ ഭൂ​മി​ക​ക​ളെ​യും അ​ഭി​സം​ബോ​ധ​ന ചെ​യ്യാ​നാ​ണ് ഭൂ​മി​പു​ത്രി ശ്ര​മി​ക്കു​ന്ന​തെ​ന്നും അ​വ​ർ പ​റ​ഞ്ഞു.

വൈ​ലോ​പ്പി​ള്ളി സം​സ് കൃ​തി ഭ​വ​ന്‍റെ​യും ഗോ​യ്ഥെ സെ​ൻ​ട്ര​ത്തി​ന്‍റെ​യും സ​ഹ​ക​ര​ണ​ത്തോ​ടു കൂ​ടി ലാ ​ഗ്യാ​ല​റി 360 ആ​ണ് ഈ ​കാ​വ്യ നൃ​ത്ത ആ​വി​ഷ്കാ​രം വേ​ദി​യി​ലെ​ത്തി​ക്കു​ന്ന​ത്. രാ​ജ​രാ​ജേ​ശ്വ​രി​യാ​ണ് തി​ര​ക്ക​ഥ നി​ർ​വ​ഹി​ക്കു​ന്ന​ത്. സാ​ജു ശ്രീ​നി​വാ​സ് സം​ഗീ​ത സം​വി​ധാ​ന​വും ക​ലാ​മ​ണ്ഡ​ലം വി​നോ​ദ് ആ​ലാ​പ​ന​വും നി​ർ​വ​ഹി​ക്കും.

Copyright @ 2022 , Rashtra Deepika Ltd.