വെള്ളറട: തീര്‍ഥാടന കേന്ദ്രമായ വെള്ളറട തെക്കന്‍ കുരിശുമല 66 -ാമത് തീര്‍ഥാടനത്തിന് ഒരുക്കമായി നടത്തുന്ന കുരിശുമല ബൈബിള്‍ കണ്‍വന്‍ഷന്‍ മാര്‍ച്ച് ഒന്നിന് ആരംഭിക്കും. വിശുദ്ധ ജോണ്‍പോള്‍ രണ്ടാമന്‍ നഗറില്‍ (കുരിശുമല ബസ് പാര്‍ക്കിംഗ് ഗ്രൗണ്ട്) നടക്കുന്ന കണ്‍വന്‍ഷനില്‍ ലത്തീന്‍, സീറോ മലബാര്‍, സീറോ മലങ്കര റീത്തുകളില്‍ ദിവ്യബലി, ദിവ്യകാരുണ്യ ആരാധന, വചനപ്രഘോഷണം, പൊതുസമ്മേളനം എന്നിവയുമുണ്ടാകും.
നെയ്യാറ്റിന്‍കര ബിഷപ് ഡോ. വിന്‍സന്‍റ് സാമുവല്‍, വികാരി ജനറല്‍ മോണ്‍. ജി.ക്രിസ്തുദാസ്, കുരിശുമല ഡയറക്ടര്‍ മോണ്‍. ഡോ.വിന്‍സന്‍റ് കെ. പീറ്റര്‍, ഉണ്ടന്‍കോട് ഫൊറോന വികാരി ഫാ. എം.കെ. ക്രിസുതുദാസ്, ഫാ.രതീഷ് മാര്‍ക്കോസ് തുടങ്ങിയവര്‍ തിരുക്കര്‍മ്മള്‍ക്കു കാർമികത്വം വഹിക്കും. കണ്‍വന്‍ഷന്‍ ഒരുക്കങ്ങള്‍ക്കായി മുപ്പതുപേരടങ്ങുന്ന കമ്മിറ്റിക്കു രൂപം നൽകി. ലോറന്‍സ് സെബാസ്റ്റ്യൻ ജനറല്‍ കണ്‍വീനറായും, സിസ്റ്റര്‍ ഷീജ, വിന്‍സന്‍റ് ഉപദേശി, ലൂയിസ് ഉപദേശി, ക്രിസ്തുദാസ്, വി.എം.ഷിബു,പി.വി.പ്രസാദ് ,അജി വിന്‍ഫര്‍, സാബു കുരിശുമല, എല്‍.ഷിബു , പ്രസല്‍സ്, ജോയി, സന്തോഷ് കുമ്പളത്തിന്‍പാറ, യോഹന്നാന്‍, കെ.സിന്ധു , പ്രദീപ് രാജ്, വിജയരാജ്,സുരേഷ്, പി.വി.പ്രമോദ്, സി.ജെ. ലിജിന്‍ എന്നിവരെ കണ്‍വീനര്‍മാരായി തെരഞ്ഞെടുത്തു.