പോ​ഷ​കാ​ഹാ​ര കു​റ​വ്: ഡാ​ള​സി​ൽ ഓ​ട്ടി​സം ബാ​ധി​ത​യാ​യ 19 വ‌‌യസുകാ​രി മ​രി​ച്ചു, അ​മ്മ അ​റ​സ്റ്റി​ൽ
Wednesday, February 26, 2025 6:41 AM IST
പി.പി. ചെ​റി​യാ​ൻ
ഡാ​ള​സ്: ഗു​രു​ത​ര​മാ​യ പോ​ഷ​കാ​ഹാ​ര​ക്കു​റ​വി​നെ തു​ട​ർ​ന്ന് ഓ​ട്ടി​സം ബാ​ധി​ത​യാ​യ മ​ക​ൾ മ​രി​ച്ചു. സം​ഭ​വ​ത്തി​ൽ അ​മ്മ​യെ പോ​ലീ​സ് അ​റ​സ്റ്റ് ചെ​യ്തു. ബാ​ൽ​ച്ച് സ്പ്രിം​ഗ്സി​ലെ ഹോ​ഴ്സ്ഷൂ ട്രെ​യി​ലി​ലെ വീ​ട്ടി​ലാ​ണ് 19 വ​യ​സു​കാ​രി ഡ​ലീ​ല​യെ പോ​ഷ​കാ​ഹാ​ര​ക്കു​റ​വി​നെ തു​ട​ർ​ന്ന് മ​രി​ച്ച നി​ല​യി​ൽ പോ​ലീ​സ് ക​ണ്ടെ​ത്തി​യ​ത്.

41 കാ​രി​യാ​യ അ​മ്മ ക്രി​സ്റ്റ​ൽ ക​നാ​ല​സി​നെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്. ഭി​ന്ന​ശേ​ഷി​ക്കാ​രി​യാ​യ മ​ക​ളെ വേ​ണ്ട​വി​ധം പ​രി​ച​രി​ക്കാ​ത്ത​തി​നാ​ണ് അ​മ്മ​യെ അ​റ​സ്റ്റ് ചെ​യ്ത​ത്. മ​ക​ൾ​ക്ക് ശ്വ​സി​ക്കാ​ൻ ബു​ദ്ധി​മു​ട്ടു​ണ്ടെ​ന്ന് പ​റ​ഞ്ഞ് ബാ​ൽ​ച്ച് സ്പ്രിം​ഗ്സ് പൊ​ലീ​സി​നെ വാ​ല​ന്റൈ​ൻ ദി​ന​ത്തി​ൽ ക​നാ​ല​സ് ബ​ന്ധ​പ്പെ​ട്ടി​രു​ന്നു.

എ​ന്നാ​ൽ വീ​ട്ടി​ലെ​ത്തി​യ പൊ​ലീ​സ് ഡ​ലീ​ല​യെ മ​രി​ച്ച​നി​ല​യി​ലാ​ണ് ക​ണ്ടെ​ത്തി​യ​ത്. ആ​റ് മു​ത​ൽ 24 മ​ണി​ക്കൂ​റി​നും ഇ​ട​യി​ൽ മ​ര​ണം സം​ഭ​വി​ച്ച​താ​യും പോ​ലീ​സ് വ്യ​ക്ത​മാ​ക്കി.​ഡ​ലീ​ല​യു​ടെ കി​ട​പ്പു​മു​റി​യി​ൽ നി​ന്ന് രൂ​ക്ഷ​മാ​യ ദു​ർ​ഗ​ന്ധ​വും കോ​ൺ​ക്രീ​റ്റ് ത​റ​യി​ൽ അ​വ​ളു​ടെ ശ​രീ​ര​ത്തി​ന്‍റെ രൂ​പ​വും പ​തി​ച്ച​തി​ൽ നി​ന്ന് മ​ണി​ക്കൂ​റു​ക​ളോ​ളം ഒ​രേ നി​ല​യി​ൽ ഡ​ലീ​ല കി​ട​ന്ന​താ​യി പോ​ലീ​സ് ക​ണ്ടെ​ത്തി.

ക​ടു​ത്ത പോ​ഷ​കാ​ഹാ​ര​ക്കു​റ​വാ​ണ് മ​ര​ണ​കാ​ര​ണം. ശ​രീ​ര​ത്തി​ൽ വ്ര​ണ​ങ്ങ​ളും ഒ​ന്നി​ല​ധി​കം ച​ത​വു​ക​ളും ക​ണ്ടെ​ത്തി​യി​ട്ടു​ണ്ട്.​ക​ടു​ത്ത ഓ​ട്ടി​സം ബാ​ധി​ത​യാ​യ ഡ​ലീ​ല​യ്ക്ക് സം​സാ​രി​ക്കാ​ൻ അ​റി​യി​ല്ലെ​ന്നും ഡ​യ​പ്പ​ർ ധ​രി​ച്ചാ​ണ് ന​ട​ന്നി​രു​ന്ന​തെ​ന്നും അ​തേ​സ​മ​യം വ​ലി​യ ആ​രോ​ഗ്യ​പ്ര​ശ്ന​ങ്ങ​ളൊ​ന്നു​മി​ല്ലെ​ന്നു​മാ​ണ് ബ​ന്ധു​ക്ക​ളു​ടെ വി​ശ​ദീ​ക​ര​ണം.

പ​ല​പ്പോ​ഴും അ​ക്ര​മാ​സ​ക്ത​യാ​യി​രു​ന്ന​തി​നാ​ൽ വൈ​ദ്യ സ​ഹാ​യം തേ​ടി​യി​ല്ലെ​ന്നും അ​വ​ർ വെ​ളി​പ്പെ​ടു​ത്തി. രേ​ഖ​ക​ൾ പ്ര​കാ​രം 2021 ലാ​ണ് ഡ​ലീ​ല അ​വ​സാ​ന​മാ​യി ആ​ശു​പ​ത്രി സ​ന്ദ​ർ​ശി​ച്ച​ത്. മേ​യ് 2021ന് ​ശേ​ഷം വൈ​ദ്യ​സ​ഹാ​യം തേ​ടി​യി​ട്ടി​ല്ലെ​ന്നും വ്യ​ക്ത​മാ​യി​ട്ടു​ണ്ട്.
Copyright @ 2018 , Rashtra Deepika Ltd.