ഒറ്റപ്പാലം ന​ഗ​ര​സ​ഭ ബ​സ് സ്റ്റാ​ൻ​ഡി​ലെ പ​ഴ​യ കെ​ട്ടി​ടം പൊ​ളി​ച്ചുമാ​റ്റും
Wednesday, July 3, 2024 12:41 AM IST
ഒറ്റ​പ്പാ​ലം:​ ന​ഗ​ര​സ​ഭാ ബ​സ് സ്റ്റാ​ൻ​ഡി​ലെ പ​ഴ​യകെ​ട്ടി​ടം പൊ​ളി​ച്ച് മാ​റ്റും. കെ​ട്ടി​ട​ത്തി​ന് ബ​ല​ക്ഷ​യം സം​ഭ​വി​ച്ച​താ​യി വി​ദ​ഗ്ധ സം​ഘം ക​ണ്ടെ​ത്തി​യ സാ​ഹ​ച​ര്യ​ത്തി​ലാ​ണ് ന​ട​പ​ടി.

പാ​ല​ക്കാ​ട് - കു​ള​പ്പു​ള്ളി പ്ര​ധാ​ന പാ​ത​യോ​ര​ത്തെ കെ​ട്ടി​ട​ത്തി​നു ബ​ല​ക്ഷ​യ​മു​ണ്ടെ​ന്ന് തൃ​ശൂ​ർ ഗ​വ. എ​ൻ​ജി​നീ​യ​റിംഗ് കോ​ള​ജി​ലെ സം​ഘം ന​ട​ത്തി​യ പ​രി​ശോ​ധ​ന​യി​ൽ ക​ണ്ടെ​ത്തി​യി​രു​ന്നു. ഈ ​റി​പ്പോ​ർ​ട്ട് ന​ഗ​ര​സ​ഭ​യ്ക്കു സ​മ​ർ​പ്പി​ച്ചി​ട്ടു​ണ്ട്.

നാലുപ​തി​റ്റാ​ണ്ടി​ലേ​റെ പ​ഴ​ക്ക​മു​ള്ള ഇ​രു​നി​ല വ്യാ​പാ​ര സ​മു​ച്ച​യ​മാ​ണി​ത്. ബ​ല​ക്ഷ​യ​ത്തി​ന്‍റെ ല​ക്ഷ​ണ​ങ്ങ​ൾ ഏ​റെ​യു​ള്ള കെ​ട്ടി​ട​മാ​ണി​ത്.

10 വ​ർ​ഷം​മു​ൻ​പു​ത​ന്നെ കെ​ട്ടി​ട​ത്തി​ന്‍റെ മു​ക​ൾ നി​ല​യി​ൽ കാ​ല​പ്പ​ഴ​ക്ക​ത്തി​ന്‍റെ ല​ക്ഷ​ണ​ങ്ങ​ൾ പ്ര​ക​ട​മാ​യി​രു​ന്നു. അ​ന്നു വ്യാ​പ​ക​മാ​യി ചോ​ർ​ന്നൊ​ലി​ച്ചി​രു​ന്ന മു​റി​ക​ളി​ൽ സീ​ലി​ങ്ങി​ൽ നി​ന്നു കോ​ൺ​ക്രീ​റ്റും പ​ല​ത​വ​ണ അ​ട​ർ​ന്നു​വീ​ണി​രു​ന്നു. അ​ക്കാ​ല​ത്തു കെ​ട്ടി​ട​ത്തി​നു മു​ക​ളി​ൽ ഷീ​റ്റ് മേ​ഞ്ഞാ​ണു ന​ഗ​ര​സ​ഭ താ​ൽ​ക്കാ​ലി​ക പ​രി​ഹാ​രം ക​ണ്ടി​രു​ന്ന​ത്.

പി​ന്നീ​ടു കെ​ട്ടി​ട​ത്തി​നു പു​റ​ത്തും അ​ക​ത്തും കോ​ൺ​ക്രീ​റ്റ് ക​ഷ​ണ​ങ്ങ​ൾ വീ​ഴു​ന്ന​തു പ​തി​വാ​യി.
കെ​ട്ടി​ട​ത്തി​ൽ കോ​ൺ​ക്രീ​റ്റി​ന് ഉ​പ​യോ​ഗി​ച്ചി​രു​ന്ന ഇ​രു​മ്പു​ക​മ്പി​ക​ൾ പോ​ലും തു​രു​മ്പെ​ടു​ത്തു ദു​ർ​ബ​ല​പ്പെ​ട്ട നി​ല​യി​ലാ​ണെ​ന്ന് ഉ​ൾ​പ്പെ​ടെ റി​പ്പോ​ർ​ട്ടി​ൽ പ​രാ​മ​ർ​ശ​മു​ള്ള​താ​യാ​ണു വി​വ​രം.

സ്റ്റാ​ൻ​ഡി​നോ​ടു ചേ​ർ​ന്നു പു​തി​യ കെ​ട്ടി​ട​ത്തി​ന്‍റെ നി​ർ​മാ​ണം പൂ​ർ​ത്തി​യാ​യ​തി​നു പി​ന്നാ​ലെ​യാ​ണു കാ​ല​പ്പ​ഴ​ക്കം ബാ​ധി​ച്ച കെ​ട്ടി​ടം പൊ​ളി​ച്ചു​നീ​ക്കാ​ൻ ന​ഗ​ര​സ​ഭ ആ​ലോ​ച​ന തു​ട​ങ്ങി​യ​ത്. കെ​ട്ടി​ട​ത്തി​ൽ നി​ല​വി​ൽ ധ​ന​കാ​ര്യ​സ്ഥാ​പ​നം ഉ​ൾ​പ്പെ​ടെ ഇ​രു​പ​തോ​ളം സം​രം​ഭ​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട്. ഇ​തി​നി​ടെ ന​ഗ​ര​ത്തി​ൽ ടി​ബി റോ​ഡി​ലെ പ​ഴ​യ മാ​ർ​ക്ക​റ്റ് കെ​ട്ടി​ട​ത്തി​നും ബ​ല​ക്ഷ​യ​മു​ള്ള​താ​യി റി​പ്പോ​ർ​ട്ടി​ൽ പ​രാ​മ​ർ​ശ​മു​ണ്ട്.

അ​തേ​സ​മ​യം, മാ​ർ​ക്ക​റ്റി​ലെ പു​തി​യ കെ​ട്ടി​ട​ത്തി​ൽ പ്ര​ശ്ന​ങ്ങ​ളി​ലെ​ന്നാ​ണു ക​ണ്ടെ​ത്ത​ൽ ന​ഗ​ര​സ​ഭ​യു​ടെ കാ​ല​പ്പ​ഴ​ക്കം വ​ന്ന കെ​ട്ടി​ടം പൊ​ളി​ച്ചു നീ​ക്കു​ന്ന​തി​നു​ള്ള ന​ട​പ​ടി​ക​ൾ ഉ​ട​ൻ പൂ​ർ​ത്തി​യാ​ക്കു​മെ ന്നാ​ണ് സൂ​ച​ന. ഇ​വി​ടെ​യു​ള്ള ക​ച്ച​വ​ട​ക്കാ​രെ മാ​റ്റു​ക​യും ഇ​വ​ർ​ക്ക് പു​ന​ര​ധി​വാ​സം സാ​ധ്യ​മാ​ക്കു​ക​യും ചെ​യ്യു​ന്നത​ട​ക്ക​മു​ള്ള ന​ട​പ​ടി​ക​ളും പൂ​ർ​ത്തി​യാ​ക്കേ​ണ്ട​താ​യി​ട്ടു​ണ്ട്.
Copyright @ 2018 , Rashtra Deepika Ltd.