തിരുവല്ല: സര്ക്കിള് സഹകരണ യൂണിയന് നേതൃത്വത്തില് 102 - ാമത് അന്താരാഷ്ട്ര സഹകരണ ദിനാചരണ പരിപാടികള് സംഘടിപ്പിച്ചു മാത്യു ടി. തോമസ് എംഎല്എ ഉദ്ഘാടനം നിര്വഹിച്ചു.
സഹകരണ പ്രതിജ്ഞയ്ക്കുശേഷം ഈ വര്ഷത്തെ സഹകരണദിന പ്രമേയമായ സഹകരണത്തിലൂടെ എല്ലാവര്ക്കും നല്ല ഭാവി കെട്ടിപ്പടുക്കുക എന്ന വിഷയത്തില് കെ.എന്. രാജീവ് കുമാര് പ്രബന്ധം അവതരിപ്പിച്ചു.
സര്ക്കിള് സഹകരണ യൂണിയന് ചെയര്മാന് ആര്. സനല്കുമാര് അധ്യക്ഷത വഹിച്ച യോഗത്തില് അസിസ്റ്റന്റ് രജിസ്ട്രാര് വി.കെ. അജിതകുമാരി, ലേബര് ഫെഡ് ഡയറക്ടര് ഷിബു വർഗീസ്, സഹകരണ ബാങ്ക് പ്രസിഡന്റുമാരായ എ. വിനയചന്ദ്രന്, വി.എസ്. അനിഷ, ആര്. മനു, സി.എന്. രാധാകൃഷ്ണന്, കെ.കെ. രാജു, സോമനാഥന്, സര്ക്കിള് സഹകരണ യൂണിയന് അംഗങ്ങളായ, റജി പി.എസ്., റ്റി.ഡി. മോഹന്ദാസ്, അനിഷ് കുമാര്, ശ്യാംകുമാര്, വിപിന് കാര്ത്തിക് എന്നിവര് പ്രസംഗിച്ചു.
മല്ലപ്പള്ളി: നാടിന്റെ സമഗ്രവും സുസ്ഥിരവുമായ വളര്ച്ചയ്ക്ക് സഹകരണ സ്ഥാപനങ്ങളെ ശക്തിപ്പെടേണ്ടതുണ്ടെന്ന് മാത്യു ടി. തോമസ് എംഎല്എ. അന്തര്ദേശീയ സഹകരണ ദിനാഘോഷത്തിന്റെ മല്ലപ്പള്ളി താലൂക്കുതല ഉദ്ഘാടനം നിര്വഹിച്ചു പ്രസംഗിക്കുകയായിരുന്നു അദ്ദേഹം.
സര്ക്കിള് സഹകരണ യൂണിയന് ചെയര്മാന് ഡോ. ജേക്കബ് ജോര്ജ് അധ്യക്ഷത വഹിച്ചു. ഭാവിയുടെ നന്മയ്ക്കായി സഹകരണ പ്രസ്ഥാനത്തെ വളര്ത്തുക എന്ന വിഷയത്തെ അധികരിച്ച് റിട്ടയേർഡ് ഡെപ്യൂട്ടി രജിസ്ട്രാര് കെ.എന്. രാജീവ് കുമാര് സെമിനാര് നയിച്ചു. സഹകരണ സംഘം അസിസ്റ്റന്റ് രജിസ്ട്രാര് പി.കെ. അജിത്കുമാർ,
സര്ക്കിള് സഹകരണ യൂണിയന് ഭരണ സമിതി അംഗങ്ങളായ രാജന് എം. ഈപ്പന്, എസ്. രവീന്ദ്രന്, ഇ.ഡി. തോമസുകുട്ടി, എം. ശശീന്ദ്ര പണിക്കര്, തോമസ് ഏബ്രഹാം, പി. മധുലാല്, സഹകരണ ഇന്സ്ട്രക്ടര് എം. അര്ച്ചന, സഹകരണ സംഘം ഇന്സ്പെക്ടര് വനജ കുമാരി എന്നിവര് പ്രസംഗിച്ചു.