വ​നി​താ കൂ​ട്ടാ​യ്മ​യി​ലെ സം​ഘ​ശ​ക്തി; ആ​റ​ന്മു​ള​യി​ലും പൂ​പ്പാ​ടം
Sunday, October 6, 2024 2:49 AM IST
കോ​ഴ​ഞ്ചേ​രി: വ​നി​താ​കൂ​ട്ടാ​യ്മ​യു​ടെ സം​ഘ​ശ​ക്തി​യു​ടെ വി​ജ​യ​മാ​ണ് ആ​റ​ന്മു​ള​യി​ലെ പൂ​പ്പാ​ടം.
മാ​വേ​ലി​ക്ക​ര - കോ​ഴ​ഞ്ചേ​രി റോ​ഡി​ല്‍ ആ​റ​ന്മു​ള വി​ള​ക്കു​മാ​ട​ത്തി​നോ​ടു ചേ​ര്‍​ന്നു​ള്ള സ്ഥ​ല​ത്താ​ണ് പൂ​ക്ക​ളു​ടെ പാ​ടം ഒ​രു​ക്കി​യി​രി​ക്കു​ന്ന​ത്. സം​സ്ഥാ​ന സ​ര്‍​ക്കാ​രി​ന്‍റെ 'ഓ​ണ​ത്തി​ന് ഒ​രു​മു​റം പൂ​വും പ​ച്ച​ക്ക​റി​യും' പ​ദ്ധ​തി​യു​ടെ ഭാ​ഗ​മാ​യി​ട്ടാ​ണ് ഇ​ട​യാ​റ​ന്മു​ള സ്വ​ദേ​ശി​ക​ളാ​യ സു​നി​ത മോ​ഹ​ന്‍, ഉ​ഷ രാ​ജ​ഗോ​പാ​ല്‍ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള മോ​നി​ഷ സ്വ​യം​സ​ഹാ​യ​സം​ഘ​മാ​ണ് പൂ​ക്കൃ​ഷി ആ​രം​ഭി​ച്ച​ത്.

ഓ​ണ​ത്തോ​ട​നു​ബ​ന്ധി​ച്ച് ഉ​ത്രാ​ടം നാ​ളി​ല്‍ 7000 രൂ​പ​യു​ടെ പൂ​ക്ക​ളാ​ണ് ഇ​വ​ര്‍ വി​റ്റ​ത്. ആ​ദ്യ​വി​ല്പ​ന ക​ഴി​ഞ്ഞ് 15 ദി​വ​സം ക​ഴി​ഞ്ഞ​പ്പോ​ഴേ​ക്കും വീ​ണ്ടും കൃ​ഷി​യി​ടം പൂ​ക്ക​ള്‍​കൊ​ണ്ട് നി​റ​ഞ്ഞു. നി​ര​വ​ധി​യാ​ളു​ക​ളാ​ണ് പൂ​പ്പാ​ടം കാ​ണാ​നെ​ത്തി​യ​ത്. കു​ട്ടി​ക​ൾ​ക്കും യു​വാ​ക്ക​ൾ​ക്കും സെ​ൽ​ഫി പോ​യി​ന്‍റാ​യും പാ​ടം മാ​റി.

25 സെ​ന്‍റ് സ്ഥ​ലം പാ​ട്ട​ത്തി​നെ​ടു​ത്ത് ചാ​ണ​ക​വും ജൈ​വ​വ​ള​ങ്ങ​ളും ഉ​പ​യോ​ഗി​ച്ചാ​ണ് പൂ​ക്കൃ​ഷി ചെ​യ്യു​ന്ന​ത്. ഓ​ണ​ക്കാ​ലം ക​ഴി​ഞ്ഞ​തോ​ടു​കൂ​ടി പൂ​ക്ക​ള്‍ വാ​ങ്ങു​ന്ന​തി​ന് ആ​വ​ശ്യ​ക്കാ​ര്‍ കു​റ​വാ​ണെ​ങ്കി​ലും ആ​റ​ന്മു​ള പാ​ർ​ഥ​സാ​ര​ഥി​ക്ഷേ​ത്രം, മാ​ല​ക്ക​ര തൃ​ക്കോ​വി​ല്‍, ചെ​റു​പ്പു​ഴ​ക്കാ​ട്ട് ക്ഷേ​ത്രം തു​ട​ങ്ങി​യ ക്ഷേ​ത്ര​ങ്ങ​ളി​ലും വി​ശേ​ഷ ദി​വ​സ​ങ്ങ​ളി​ലും ഉ​ത്സ​വ​ങ്ങ​ള്‍​ക്കും ഇ​ത്ത​വ​ണ പൂ​ക്ക​ള്‍ വാ​ങ്ങി​യ​ത് വി​ള​ക്കു​മാ​ട​ത്തെ പൂ​പ്പാ​ട​ത്തു നി​ന്നാ​ണ് മൂ​ന്നു​മാ​സ​ങ്ങ​ള്‍​ക്കു​മു​ന്‍​പ് ആ​റ​ന്മു​ള കൃ​ഷി ഭ​വ​നി​ല്‍ നി​ന്നും ല​ഭി​ച്ച 1000 ബ​ന്ദി​ത്തൈ​ക​ളി​ല്‍​നി​ന്നാ​യി​രു​ന്നു പൂ​പ്പാ​ട​ത്തി​ന്‍റെ തു​ട​ക്കം.

ത്രി​ത​ല പ​ഞ്ചാ​യ​ത്തു​ക​ളി​ല്‍ നി​ന്നും കൃ​ഷി​ഭ​വ​നി​ല്‍ നി​ന്നും മി​ക​ച്ച പ്രോ​ത്സാ​ഹ​ന​മാ​ണ് ല​ഭി​ച്ച​തെ​ന്ന് മോ​നി​ഷ സ്വ​യം​സ​ഹാ​യ​സം​ഘം ഭാ​ര​വാ​ഹി​ക​ള്‍ പ​റ​ഞ്ഞു. അ​ടു​ത്ത സീ​സ​ണി​ല്‍ കൂ​ടു​ത​ല്‍ സ്ഥ​ല​ത്ത് പൂ​ക്കൃ​ഷി ആ​രം​ഭി​ക്കു​ന്ന​തി​നു​ള്ള ത​യാ​റെ​ടു​പ്പി​ലാ​ണ് ഇ​വ​ര്‍. പൂ​ക്കൃ​ഷി​യോ​ടൊ​പ്പം പ​ച്ച​ക്ക​റി - വാ​ഴ​ക്കൃ​ഷി​യും സം​ഘം ന​ട​ത്തു​ന്നു​ണ്ട്.
Copyright @ 2018 , Rashtra Deepika Ltd.