കൂരാച്ചുണ്ട്: സംസ്ഥാന സ്കൂൾ ഒളിംപിക്സിൽ സ്വർണ മെഡലുകൾ നേടിയ കായിക താരങ്ങൾക്ക് കൂരാച്ചുണ്ട് പഞ്ചായത്തിന്‍റെ നേതൃത്വത്തിൽ പൗരസ്വീകരണം നൽകി. താരങ്ങളായ അൽക്കാ ഷിനോജ്, ശ്വേതാ ട്രീസാ സന്ദീപ്, ആൻഡ്രിയ ജോമോൻ, ഷിൽജി ഷാജി, കീർത്തി സുരേഷ്, അന്ന റെയ്ച്ചൽ തോമസ് എന്നിവരെ ഉപഹാരം നൽകി ആദരിച്ചു.
ചടങ്ങിൽ പരിശീലകൻ കെ.എം. പീറ്റർ കരിമ്പനക്കുഴി, കായികാധ്യാപിക സിനി ജോസഫ്, പരിശീലകൻ വിജയൻ നരനട എന്നിവരെയും ചടങ്ങിൽ ആദരിച്ചു.
പഞ്ചായത്ത് പ്രസിഡന്‍റ് പോളി കാരക്കട അധ്യക്ഷത വഹിച്ചു. പഞ്ചായത്ത് സ്ഥിരം സമിതി അംഗം ഒ.കെ അമ്മദ്, അഗസ്റ്റിൻ കാരക്കട, കെ.എം. പീറ്റർ, പഞ്ചായത്തംഗം വിത്സൺ പാത്തിച്ചാലിൽ, കെ.ജി. അരുൺ, ഷിബു ജോർജ്, വി.എസ്. ഹമീദ്, ബേബി പൂവത്തിങ്കൽ, സൂപ്പി തെരുവത്ത്, ജെയിംസ് കൂരാപ്പിള്ളി, ജോസ് ചെരിയൻ, പഞ്ചായത്തംഗം വിൻസി തോമസ് എന്നിവർ പ്രസംഗിച്ചു.