ചെറുതോണി: കഞ്ഞിക്കുഴി എസ്എൻ ഹയർ സെക്കൻഡറി സ്കൂളിൽ 27 മുതൽ 30 വരെ നടക്കുന്ന 35-ാമത് റവന്യൂ ജില്ലാ സ്കൂൾ കലോത്സവത്തിനുള്ള സ്വാഗത സംഘം രൂപീകരിച്ചു. ജില്ലയിലെ ഏഴ് വിദ്യാഭ്യാസ ഉപജില്ലകളിൽനിന്നായി നാലായിരത്തോളം വിദ്യാർഥികൾ പങ്കെടുക്കും.
കഞ്ഞിക്കുഴി എസ്എൻ സ്കൂളിൽ നടന്ന സംഘാടക സമിതി രൂപീകരണ യോഗം ഇടുക്കി ബ്ലോക്ക് പഞ്ചായത്ത് വൈസ് പ്രസിഡന്‍റ് സിബിച്ചൻ തോമസ് ഉദ്ഘാടനം ചെയ്തു.
വിദ്യാഭ്യാസ സ്റ്റാന്‍റിംഗ് കമ്മിറ്റി ചെയർമാൻ പ്രദീപ് മധു അധ്യക്ഷത വഹിച്ചു. ജില്ലാ പഞ്ചായത്ത് അംഗം ഷൈനി റെജി, പഞ്ചായത്ത് വൈസ് പ്രസിഡന്‍റ് രാജേശ്വരി രാജൻ, സ്കൂൾ മാനേജർ ബിജു മാധവൻ, കഞ്ഞിക്കുഴി പഞ്ചായത്ത് അംഗങ്ങളായ ബേബി ഐക്കര, ടിൻസി ജയ്മോൻ, മാത്യു തായങ്കരി,
സിൽവി സോജൻ, സോയിമോൻ സണ്ണി, ലിൻസി കുഞ്ഞുമോൻ, ഐസൻ ജിത്ത്, സ്കൂൾ പ്രിൻസിപ്പൽ രാജി ജോസഫ്, ഹെഡ്മിസ്ട്രസ് മിനി ഗംഗാധരൻ, ഡെപ്യൂട്ടി ഡയറക്ടർ എസ്. ഷാജി, വിദ്യാകിരണം ജില്ലാ കോ-ഓർഡിനേറ്റർ കെ.എ. ബിനുമോൻ,
കെ. ആർ. ഷാജിമോൻ, അറ്റ്‌ലി, സിബി ആറക്കാട്ട് ഉൾപ്പെടെ നിരവധിപേർ സ്വാഗതസംഘ രൂപീകരണ യോഗത്തിൽ പങ്കെടുത്തു.