പ്ര​ള​യ​ത്തി​ല്‍ വീ​ടു​ക​ള്‍​ തകർന്നിട്ട് ആ​റു വ​ര്‍​ഷം; ആ​നു​കൂ​ല്യം ഇതുവരെയും ല​ഭ്യ​മാ​കാതെ കുടുംബങ്ങൾ
Tuesday, October 1, 2024 8:28 AM IST
നി​ല​മ്പൂ​ര്‍:പ്ര​ള​യ​ത്തി​ല്‍ വീ​ടു​ക​ള്‍ ത​ക​ര്‍​ന്നി​ട്ട് ആ​റ് വ​ര്‍​ഷം. ഫ​ണ്ടി​ല്ലെ​ന്ന കാ​ര​ണം പ​റ​ഞ്ഞ് സ​ര്‍​ക്കാ​ര്‍ ആ​നു​കൂ​ല്യം വൈ​കു​ന്നു. ചാ​ലി​യാ​ര്‍ പ​ഞ്ചാ​യ​ത്തി​ലെ ചെ​ട്ടി​യ​ന്‍​പാ​റ​യി​ല്‍ 2018ല്‍ ​ഉ​ണ്ടാ​യ പ്ര​ള​യ​ത്തി​ല്‍ ആ​റു പേ​ര്‍ മ​രി​ച്ചി​രു​ന്നു.

ചെ​ട്ടി​യ​ന്‍​പാ​റ​ക്ക് സ​മീ​പ​മു​ള്ള ആ​ന​ക്കു​ള​ത്തെ 11 വീ​ടു​ക​ളും അ​ന്ന് ഭാ​ഗി​ക​മാ​യി ത​ക​ര്‍​ന്നി​രു​ന്നു. ഇ​തി​ല്‍ അ​ഞ്ച് കു​ടും​ബ​ങ്ങ​ള്‍​ക്ക് സ്ഥ​ല​ത്തി​നും വീ​ടി​നു​മാ​യി 10 ല​ക്ഷം രൂ​പ ന​ല്‍​കി​യെ​ങ്കി​ലും ആ​റ് കു​ടും​ബ​ങ്ങ​ള്‍​ക്ക് ഇ​നി​യും സ​ര്‍​ക്കാ​ര്‍ ആ​നു​കൂ​ല്യം ല​ഭി​ച്ചി​ട്ടി​ല്ല. മ​ല​പ്പു​റം ക​ള​ക്ട​റേ​റ്റി​ലും നി​ല​മ്പൂ​ര്‍ താ​ലൂ​ക്കി​ലും കു​ടും​ബ​ങ്ങ​ള്‍ ക​യ​റി​യി​റ​ങ്ങി​യി​ട്ടും ഒ​രു പ്ര​യോ​ജ​ന​വും ല​ഭി​ച്ചി​ല്ല.

അ​ബു മ​ല​യ​ന്‍​കു​ള​യ​ന്‍, ര​ജി​ത തെ​ക്കേ​ട​ത്ത്, ത​ങ്ക​മ്മ ആ​ല​ക്ക​ല്‍, സു​ബൈ​ദ ആ​ന​ക്ക​ല്ല​ന്‍, ല​ത ചേ​ല​ക്കോ​ട​ന്‍, സീ​ത ചേ​ല​ക്കോ​ട​ന്‍ എ​ന്നി​വ​രു​ടെ കു​ടും​ബ​ങ്ങ​ളാ​ണ് ആ​റ് വ​ര്‍​ഷം മു​മ്പ് പ്ര​ള​യ​ത്തി​ല്‍ ഭാ​ഗി​ക​മാ​യി ന​ശി​ച്ച വീ​ടു​ക​ളി​ല്‍ ക​ഴി​യു​ന്ന​ത്. ഇ​തി​ല്‍ ത​ങ്ക​മ്മ ആ​ല​ക്ക​ല്‍ മ​ര​ണ​പ്പെ​ട്ടു.

ഇ​വി​ടെ താ​മ​സി​ക്കു​ന്ന​ത് സു​ര​ക്ഷി​ത​മ​ല്ലെ​ന്ന് ജി​യോ​ള​ജി വ​കു​പ്പ് റി​പ്പോ​ര്‍​ട്ട് ന​ല്‍​കി​യി​ട്ടു​ണ്ടെ​ന്ന് ഏ​റ​നാ​ട് എം​എ​ല്‍​എ പി.​കെ.​ബ​ഷീ​ര്‍ പ​റ​ഞ്ഞു. സ​ര്‍​ക്കാ​ര്‍ ആ​നു​കൂ​ല്യ​ത്തി​ന് അ​ര്‍​ഹ​ത​പ്പെ​ട്ട ഈ ​കു​ടും​ബ​ങ്ങ​ള്‍​ക്ക് അ​ടി​യ​ന്ത​ര​മാ​യി ന​ഷ്ട​പ​രി​ഹാ​രം ന​ല്‍​ക​ണ​മെ​ന്ന് മു​ഖ്യ​മ​ന്ത്രി, റ​വ​ന്യു മ​ന്ത്രി, ജി​ല്ലാ ക​ള​ക്ട​ര്‍ എ​ന്നി​വ​രോ​ട് താ​ന്‍ പ​ല​ത​വ​ണ ആ​വ​ശ്യ​പ്പെ​ട്ട​താ​ണ്.

നി​യ​മ​സ​ഭ​യി​ലും ഇ​ക്കാ​ര്യം ഉ​ന്ന​യി​ച്ച​താ​ണ്. എ​ന്നാ​ൽ റീ ​ബി​ല്‍​ഡ് ഫ​ണ്ടി​ല്ലെ​ന്ന കാ​ര​ണം പ​റ​ഞ്ഞ് ഇ​ത് നി​ഷേ​ധി​ച്ചു​വെ​ന്നും അ​ദ്ദേ​ഹം പ​റ​ഞ്ഞു. മ​റ്റൊ​രു മാ​ര്‍​ഗ​വു​മി​ല്ലാ​ത്ത​തി​നാ​ല്‍ ഈ ​കു​ടും​ബ​ങ്ങ​ള്‍ ഇ​പ്പോ​ള്‍ ക​ഴി​യു​ന്ന​ത് ഏ​തു സ​മ​യ​ത്തും പൊ​ളി​ഞ്ഞു​വീ​ഴാ​വു​ന്ന വീ​ടു​ക​ളി​ലാ​ണ്. വീ​ടി​ന്‍റെ ഭി​ത്തി​ക​ളി​ല്‍ വി​ള്ള​ല്‍ വീ​ണി​ട്ടു​ണ്ട്. ആ​റ് വ​ര്‍​ഷ​മാ​യി​ട്ടും നി​ല​മ്പൂ​ര്‍ താ​ലൂ​ക്ക് ഓ​ഫീ​സി​ലേ​ക്ക് ഇ​തേ​ക്കു​റി​ച്ച് അ​റി​യാ​ന്‍ വി​ളി​ച്ചാ​ല്‍ ഫ​യ​ല്‍ നോ​ക്ക​ട്ടെ എ​ന്ന മ​റു​പ​ടി​യാ​ണ് ല​ഭി​ക്കു​ന്ന​തെ​ന്ന് കു​ടും​ബ​ങ്ങ​ള്‍ പ​റ​യു​ന്നു. ന​ട​പ​ടി എ​ന്നു​ണ്ടാ​കു​മെ​ന്ന് ഒ​രു നി​ശ്ച​യ​വു​മി​ല്ല.
Copyright @ 2018 , Rashtra Deepika Ltd.