ഡോ. ആസാദ് മൂപ്പന് ലൈഫ് ടൈം അച്ചീവ്‌മെന്‍റ് അവാര്‍ഡ്
Wednesday, April 30, 2025 12:52 AM IST
കണ്ണൂർ: ആസ്റ്റര്‍ ഡിഎം ഹെല്‍ത്ത് കെയര്‍ സ്ഥാപക ചെയര്‍മാനും എകെഎംജി എമിറേറ്റ്‌സിന്‍റെ സ്ഥാപക പ്രസിഡന്‍റുമായ ഡോ. ആസാദ് മൂപ്പനെ എകെഎംജിയുടെ മറായ 2025 ബൈന്യല്‍ കണ്‍വന്‍ഷനില്‍ ലൈഫ് ടൈം അച്ചീവ്‌മെന്‍റ് അവാര്‍ഡ് നല്കി ആദരിച്ചു.
റാസല്‍ഖൈമയിലെ കള്‍ച്ചറല്‍ ഡെവലപ്‌മെന്‍റ് സെന്‍ററില്‍ നടന്ന ചടങ്ങില്‍ ലോകമെമ്പാടുമുള്ള പ്രമുഖ ഹെല്‍ത്ത് കെയര്‍ പ്രഫഷണലുകളും പ്രതിനിധികളും പങ്കെടുത്തു. ആരോഗ്യ പരിചരണ മേഖലയിലെ ദീര്‍ഘവീക്ഷണമുള്ള നേതൃത്വവും മികച്ച സംഭാവനകളും ഒപ്പം എകെഎംജി എമിറേറ്റ്‌സ് സ്ഥാപിക്കുന്നതിലും സംഘടനയെ വളര്‍ത്തുന്നതിലും വഹിച്ച നിര്‍ണായക പങ്കും പരിഗണിച്ചാണ് ഡോ.ആസാദ് മൂപ്പന് അവാര്‍ഡ് നല്കി ആദരിച്ചത്.