ഇ​രി​ട്ടി: ഗൂ​ഗി​ൾ മാ​പ്പ് വ​ഴി തെ​റ്റി​ക്കു​ന്ന​ത് പ​തി​വാ​ണ്. എ​ന്നാ​ൽ, വി​വാ​ഹ മു​ഹൂ​ർ​ത്തം തെ​റ്റി​ച്ച സം​ഭ​വ​മാ​ണ് ക​ഴി​ഞ്ഞ ദി​വ​സം ഇ​രി​ട്ടി​യി​ൽ ന​ട​ന്ന​ത്.

തി​രു​വ​ന​ന്ത​പു​രം സ്വ​ദേ​ശി​യാ​യ വ​ര​നും സം​ഘ​വും ഗൂ​ഗി​ൾ മാ​പ്പി​ന്‍റെ സ​ഹാ​യ​ത്തോ​ടെ കീ​ഴൂ​ർ ക്ഷേ​ത്ര​ത്തി​ൽ മു​ഹൂ​ർ​ത്ത സ​മ​യ​മാ​യ 10.30ന് ​എ​ത്തി കാ​ത്തു​നി​ന്നു.

ഇ​രി​ട്ടി മാ​ട​ത്തി​ൽ സ്വ​ദേ​ശി​നി​യാ​യ വ​ധു​വും സം​ഘ​വും മു​ഹൂ​ർ​ത്ത സ​മ​യ​ത്തു​ത​ന്നെ കീ​ഴൂ​ർ ക്ഷേ​ത്ര​സ​ന്നി​ധി​യി​ൽ എ​ത്തി​യെ​ങ്കി​ലും ര​ണ്ടു കൂ​ട്ട​രും പ​ര​സ്പ​രം കാ​ണാ​ൻ ക​ഴി​യാ​തെ വ​ന്ന​തോ​ടെ​യാ​ണ് ഗൂ​ഗി​ളും കീ​ഴൂ​രും ചേ​ർ​ന്ന് ത​ങ്ങ​ളു​ടെ വി​വാ​ഹം മു​ട​ക്കാ​ൻ ശ്ര​മി​ക്കു​ന്ന​ത് വ​ധൂ​വ​ര​ന്മാ​ർ അ​റി​യു​ന്ന​ത്.

വ​ധു​വി​ന്‍റെ ബ​ന്ധു അ​യ​ച്ചു​കൊ​ടു​ത്ത ഗൂ​ഗി​ൾ ലൊ​ക്കേ​ഷ​ൻ മാ​റി​യ​തോ അ​ല്ലെ​ങ്കി​ൽ വ​ര​ന്‍റെ ബ​ന്ധു​ക്ക​ൾ ടൈ​പ്പ് ചെ​യ്ത സ്ഥ​ലം മാ​റി​യ​തോ...​എ​ന്ത് സം​ഭ​വി​ച്ചു എ​ന്ന​റി​യി​ല്ല. വ​ര​നും കൂ​ട്ട​രും പ​യ്യോ​ളി​യി​ൽ വ​ന്ന​പ്പോ​ൾ ഗൂ​ഗി​ൾ പ​റ​ഞ്ഞ വ​ഴി​യി​ലൂ​ടെ പ​യ്യോ​ളി​യി​ലെ കീ​ഴൂ​രി​ൽ എ​ത്തി. വ​ധു​വും സം​ഘ​വും വി​വാ​ഹം ന​ട​ക്കേ​ണ്ട ഇ​രി​ട്ടി​യി​ലെ കീ​ഴൂ​രി​ലും.


ര​ണ്ടു സ്ഥലങ്ങളും ത​മ്മി​ൽ ഏ​ക​ദേ​ശം 60 കി​ലോ​മീ​റ്റ​ർ വ്യ​ത്യാ​സം. എ​ന്താ​യാ​ലും കാ​ര്യം പി​ടി​കി​ട്ടി​യ​തോ​ടെ ഇ​രു കൂ​ട്ട​ർ​ക്കും ആ​ശ്വാ​സ​മാ​യെ​ങ്കി​ലും പ​യ്യോ​ളി​യി​ൽ​നി​ന്ന് ഇ​രി​ട്ടി കീ​ഴൂ​രി​ലേ​ക്ക് വ​ര​നും സം​ഘ​വും എ​ത്തി ക്ഷേ​ത്ര​സ​ന്നി​ധി​യി​ൽ വ​ച്ച് മാ​ല​യി​ടു​ന്ന​തു​വ​രെ ആ​ശ​ങ്ക​യു​ടെ നി​മി​ഷ​ങ്ങ​ൾ ആ​യി​രു​ന്നു.

മു​ഹൂ​ർ​ത്തം തെ​റ്റി​യെ​ങ്കി​ലും മൂ​ന്ന് മ​ണി​ക്കൂ​ർ വൈ​കി​യെ​ങ്കി​ലും അ​മ്പ​ല​ന​ട​യി​ൽ മാ​ല​ചാ​ർ​ത്തി​യ​തി​ന്‍റെ ആ​ശ്വാ​സ​ത്തി​ലാ​ണ് വ​ധൂ​വ​ര​ൻ​മാ​ർ.

ഗൂ​ഗി​ൾ മാ​പ്പ് ച​തി​ച്ച് പ​ല വാ​ഹ​ന​ങ്ങ​ളും അ​പ​ക​ട​ത്തി​ൽ​പെ​ട്ടി​ട്ടു​ണ്ടെ​ങ്കി​ലും ഇ​താ​ദ്യ​മാ​യാ​ണ് ക​ല്യാ​ണ കാ​ര്യ​ത്തി​ൽ ഗൂ​ഗി​ളി​ന്‍റെ ഇ​ട​പെ​ട​ൽ.