ന്യൂ​ഡ​ൽ​ഹി: ഓ​പ്പ​റേ​ഷ​ൻ സി​ന്ദൂ​രി​ൽ ഇ​ന്ത്യ​യു​ടെ ഡ്രോ​ണു​ക​ളു​ടെ​യും മി​സൈ​ലു​ക​ളു​ടെ​യും പ്ര​ഹ​ര​ശേ​ഷി​യാ​ണ് പാ​ക്കി​സ്ഥാ​ന് വെ​ളി​പ്പെ​ടു​ത്തി കൊ​ടു​ത്ത​തെ​ങ്കി​ൽ 15 ഇ​ന്ത്യ​ൻ ന​ഗ​ര​ങ്ങ​ളി​ലേ​ക്കു​ള്ള പാ​ക് ആ​ക്ര​മ​ണം ആ​കാ​ശ​ത്തു ക​വ​ച​മൊ​രു​ക്കി ത​ക​ർ​ത്ത​തി​ലൂ​ടെ ഇ​ന്ത്യ തെ​ളി​യി​ച്ച​ത് ത​ങ്ങ​ളു​ടെ വ്യോ​മ പ്ര​തി​രോ​ധ സം​വി​ധാ​ന​ത്തി​ന്‍റെ ശ​ക്തി​യാ​ണ്.

അ​തി​ർ​ത്തി സം​സ്ഥാ​ന​ങ്ങ​ളി​ലെ പ്ര​ധാ​ന സൈ​നി​ക കേ​ന്ദ്ര​ങ്ങ​ളി​ലേ​ക്ക് പാ​ക്കി​സ്ഥാ​ന്‍റെ ഡ്രോ​ണു​ക​ളും മി​സൈ​ലു​ക​ളും എ​ത്തി​യ​പ്പോ​ൾ ഇ​ന്ത്യ​യു​ടെ ര​ക്ഷാ​ക​വ​ചം അ​വ​യെ നി​ലം​തൊ​ടാ​ൻ അ​നു​വ​ദി​ച്ചി​ല്ല. റ​ഷ്യ​ൻ നി​ർ​മി​ത എ​സ്-400 മു​ത​ൽ ഇ​ന്ത്യ​യു​ടെ ത​ദ്ദേ​ശീ​യ നി​ർ​മി​ത ആ​കാ​ശ് സം​വി​ധാ​നം വ​രെ നീ​ളു​ന്നു രാ​ജ്യ​ത്തി​ന്‍റെ ക​രു​ത്തു​റ്റ വ്യോ​മ പ്ര​തി​രോ​ധ സം​വി​ധാ​നം.

എ​സ്-400

ഇ​ന്ത്യ​യു​ടെ പ്ര​തി​രോ​ധ സം​വി​ധാ​ന​ത്തി​ന്‍റെ ദീ​ർ​ഘ​ദൂ​ര പ​രി​ധി​യി​ലെ താ​ര​മാ​ണ് എ​സ്-400 അ​ല്ലെ​ങ്കി​ൽ സു​ദ​ർ​ശ​ൻ ച​ക്ര എ​ന്ന​റി​യ​പ്പെ​ടു​ന്ന വ്യോ​മ പ്ര​തി​രോ​ധ സം​വി​ധാ​നം. ലോ​ക​ത്തി​ലെ ഏ​റ്റ​വും അ​ത്യാ​ധു​നി​ക വ്യോ​മ പ്ര​തി​രോ​ധ സം​വി​ധാ​ന​മാ​യി ക​ണ​ക്കാ​ക്ക​പ്പെ​ടു​ന്നു.

റ​ഷ്യ​യി​ൽ നി​ർ​മി​ച്ച എ​സ്-400 ട്ര​യം​ഫു​ക​ൾ​ക്കാ​യി ഇ​ന്ത്യ 2018ലാ​ണ് ഏ​ക​ദേ​ശം 35,000 കോ​ടി രൂ​പ​യു​ടെ ക​രാ​റി​ലൊ​പ്പി​ട്ട​ത്. ദീ​ർ​ഘ​ദൂ​ര ശേ​ഷി വ​ള​രെ മി​ക​ച്ച​താ​യ​തി​നാ​ൽ നാ​റ്റോ അം​ഗ​രാ​ജ്യ​ങ്ങ​ളെ​ല്ലാം എ​സ്-400​നെ ഭീ​ഷ​ണി​യാ​യി ക​ണ​ക്കി​ലാ​ക്കു​ന്നു. നി​ല​വി​ൽ എ​സ്-400​ന്‍റെ മൂ​ന്ന് സ്ക്വാ​ഡ്ര​നു​ക​ൾ ഇ​ന്ത്യ​യു​ടെ പ​ക്ക​ലു​ണ്ട്. 2026ഓ​ടെ ര​ണ്ടെ​ണ്ണം കൂ​ടി ക​ര​സ്ഥ​മാ​ക്കാ​നും ഇ​ന്ത്യ ശ്ര​മി​ക്കു​ന്നു. ഇ​ന്ത്യ​ൻ ന​ഗ​ര​ങ്ങ​ളെ ല​ക്ഷ്യ​മി​ട്ട് പാ​ക്കി​സ്ഥാ​ൻ ന​ട​ത്തി​യ വ്യോ​മാ​ക്ര​മ​ണ​ങ്ങ​ളെ ത​ട​ഞ്ഞ് രാ​ജ്യ​ത്തി​ന്‍റെ അ​ഭി​മാ​ന​മാ​യി എ​സ്-400 മാ​റി.

ബ​റാ​ക് 8

ഇ​ന്ത്യ​യും ഇ​സ്രാ​യേ​ലും സം​യു​ക്ത​മാ​യി വി​ക​സി​പ്പി​ച്ചെ​ടു​ത്ത ബ​റാ​ക് 8 മ​ധ്യ​ദൂ​ര മി​സൈ​ൽ പ​രി​ധി​യു​ള്ള സ​ർ​ഫ​സ്-​ടു-​എ​യ​ർ മി​സൈ​ൽ സം​വി​ധാ​ന​മാ​ണ്. 70 മു​ത​ൽ 80 കി​ലോ​മീ​റ്റ​ർ വ​രെ ദൂ​ര​പ​രി​ധി​യു​ള്ള ബ​റാ​ക് 8 ഹെ​ലി​കോ​പ്റ്റ​റു​ക​ൾ, വി​മാ​ന​ങ്ങ​ൾ, ഡ്രോ​ണു​ക​ൾ, ക്രൂ​സ് മി​സൈ​ലു​ക​ൾ, ഹ്ര​സ്യ ദൂ​ര മി​സൈ​ൽ പ​രി​ധി​ക​ൾ തു​ട​ങ്ങി​യ വ്യോ​മ​മാ​ർ​ഗ ഭീ​ഷ​ണി​ക​ളെ ഫ​ല​പ്രാ​പ്തി​യോ​ടെ പ്ര​തി​രോ​ധി​ക്കു​ന്നു. ഐ​എ​ൻ​എ​സ് വി​ക്രാ​ന്ത് പോ​ലെ​യു​ള്ള ഇ​ന്ത്യ​ൻ പ​ട​ക്ക​പ്പ​ലു​ക​ളെ ആ​കാ​ശ ഭീ​ഷ​ണി​ക​ളി​ൽ​നി​ന്ന് സം​ര​ക്ഷി​ക്കാ​ൻ സൈ​ന്യം ബ​റാ​ക് 8 ഉ​പ​യോ​ഗി​ക്കു​ന്നു.


ആ​കാ​ശ് മി​സൈ​ൽ സം​വി​ധാ​നം

ഇ​ന്ത്യ ത​ദ്ദേ​ശീ​യ​മാ​യി നി​ർ​മി​ച്ചെ​ടു​ത്ത അ​ഭി​മാ​നം. രാ​ജ്യ​ത്തി​ന്‍റെ പ​ടി​ഞ്ഞാ​റ​ൻ അ​തി​ർ​ത്തി​യി​ലേ​ക്കും നി​യ​ന്ത്ര​ണ​രേ​ഖ​യി​ലേ​ക്കു​മു​ള്ള പാ​ക്ക് ഡ്രോ​ണ്‍ ആ​ക്ര​മ​ണ​ങ്ങ​ളെ ത​ടു​ത്തി​ട്ട​ത് ആ​കാ​ശി​ന്‍റെ മി​സൈ​ൽ പ്ര​തി​രോ​ധ സം​വി​ധാ​ന​മാ​ണ്.

മ​ധ്യ​ദൂ​ര പ​രി​ധി​യു​ള്ള സ​ർ​ഫ​സ്-​ടു-​എ​യ​ർ മി​സൈ​ൽ സം​വി​ധാ​ന​മാ​യ ആ​കാ​ശ് വി​ക​സി​പ്പി​ച്ചെ​ടു​ത്ത​ത് ഇ​ന്ത്യ​യു​ടെ ഡി​ഫെ​ൻ​സ് റി​സ​ർ​ച്ച് ആ​ൻ​ഡ് ഡെ​വ​ല​പ്മെ​ന്‍റ് ഓ​ർ​ഗ​നൈ​സേ​ഷ​നാ​ണ് (ഡി​ആ​ർ​ഡി​ഒ).

ആ​കാ​ശി​ലെ ത​ത്സ​മ​യ മ​ൾ​ട്ടി സെ​ൻ​സ​ർ ഡാ​റ്റ പ്രോ​സ​സിം​ഗും ഭീ​ഷ​ണി​ക​ൾ വി​ല​യി​രു​ത്തു​ന്ന​തി​നു​ള്ള മി​ക​ച്ച സം​വി​ധാ​ന​വും ഒ​ന്നി​ല​ധി​കം ദി​ശ​യി​ലെ ആ​ക്ര​മ​ണ​ങ്ങ​ളെ ഒ​രേ സ​മ​യം പ്ര​തി​രോ​ധി​ക്കാ​ൻ സ​ഹാ​യി​ക്കു​ന്നു. 35 മു​ത​ൽ 60 കി​ലോ​മീ​റ്റ​ർ വ​രെ പ​രി​ധി​യി​ലു​ള്ള വ്യോ​മ ഭീ​ഷ​ണി​ക​ളെ പ്ര​തി​രോ​ധി​ക്കാ​ൻ ആ​കാ​ശി​നു ക​ഴി​യും.

സ്പൈ​ഡ​റും ഇ​ഗ്ല-​എ​സും

ഇ​സ്രാ​യേ​ൽ സാ​ങ്കേ​തി​ക​വി​ദ്യ​യി​ൽ നി​ർ​മി​ച്ച സ്പൈ​ഡ​ർ ഇ​ന്ത്യ​യു​ടെ ഹ്ര​സ്വ​ദൂ​ര പ്ര​തി​രോ​ധ സം​വി​ധാ​ന​ത്തി​ലെ പ്ര​ധാ​നി​യാ​ണ്. താ​ഴ്ന്നു​പ​റ​ക്കു​ന്ന ഭീ​ഷ​ണി​ക​ളെ അ​തി​വേ​ഗ തി​രി​ച്ച​ടി​യി​ലൂ​ടെ വീ​ഴ്ത്തു​ന്ന സ്പൈ​ഡ​റി​ന് 15 കി​ലോ​മീ​റ്റ​ർ ദൂ​ര​പ​രി​ധി​യു​ണ്ട്.

താ​ഴ്ന്നു പ​റ​ക്കു​ന്ന വി​മാ​ന​ങ്ങ​ളെ​യും ഹെ​ലി​കോ​പ്റ്റ​റു​ക​ളെ​യും ല​ക്ഷ്യം​വ​യ്ക്കു​ന്ന ഇ​ഗ്ല എ​സ് സൈ​നി​ക​ർ​ക്കു​ത​ന്നെ ഒ​രി​ട​ത്തു​നി​ന്ന് മ​റ്റൊ​രി​ട​ത്തേ​ക്കു മാ​റ്റി​വ​യ്ക്കാ​ൻ ക​ഴി​യു​ന്ന വ്യോ​മ പ്ര​തി​രോ​ധ സം​വി​ധാ​ന​മാ​ണ്.