ഹാബില്‍ഡിന് ലോക റിക്കാര്‍ഡ്
Monday, July 7, 2025 3:13 AM IST
കൊച്ചി: യോഗ പ്ലാറ്റ്‌ഫോമായ ‘ഹാബില്‍ഡ്’ അന്താരാഷ്‌ട്ര യോഗ ദിനാചരണത്തിന്‍റെ ഭാഗമായി നടത്തിയ ‘ആഗോളതലത്തില്‍ ഒരു ഓണ്‍ലൈന്‍ യോഗ ക്ലാസിലെ ഏറ്റവും ഉയര്‍ന്ന പങ്കാളിത്തം’ എന്ന പ്രോഗ്രാമിന് ലോക റിക്കാര്‍ഡ് ലഭിച്ചു.
‘ഒഫീഷ്യല്‍ വേള്‍ഡ് റിക്കാര്‍ഡ്‌സി’ന്‍റെ മേല്‍നോട്ടത്തില്‍ ആഗോളതലത്തില്‍ ആക്‌സസ് ചെയ്യാവുന്ന രീതിയില്‍ തത്സമയം സംപ്രേഷണം ചെയ്ത 45 മിനിട്ടുള്ള യോഗ പരിശീലനത്തില്‍ 169 രാജ്യങ്ങളില്‍ നിന്നുള്ള 7,52,074 വ്യക്തികള്‍ വെര്‍ച്വലായി പങ്കെടുത്തു. ഹാബില്‍ഡിന്‍റെ അഞ്ചാമത്തെ ലോക റിക്കാര്‍ഡാണിത്.