ആ​യി​ര​ക്ക​ണ​ക്കി​ന് കു​ടി​യേ​റ്റ​ക്കാ​ർ​ക്ക് 60 ദി​വ​സ​ത്തി​നു​ള്ളി​ൽ രാ​ജ്യം വി​ടേ​ണ്ടി​വ​രും
Thursday, July 24, 2025 2:32 AM IST
പി.പി. ​ചെ​റി​യാ​ൻ
വാ​ഷിം​ഗ്ട​ൺ ഡിസി: 1999 മു​ത​ൽ അ​മേ​രി​ക്ക​യി​ൽ നി​യ​മ​പ​ര​മാ​യി താ​മ​സി​ക്കു​ന്ന ആ​യി​ര​ക്ക​ണ​ക്കി​ന് കു​ടി​യേ​റ്റ​ക്കാ​ർ​ക്ക് 60 ദി​വ​സ​ത്തി​നു​ള്ളി​ൽ രാ​ജ്യം വി​ടാ​ൻ നി​ർദേശം​. ട്രം​പ് ഭ​ര​ണ​കൂ​ട​ത്തി​ന്‍റെ പു​തി​യ തീ​രു​മാ​ന​പ്ര​കാ​രം, പ​തി​റ്റാ​ണ്ടു​ക​ളാ​യി യു​എ​സി​ൽ ക​ഴി​യു​ന്ന 50,000ത്തി​ല​ധി​കം ഹോ​ണ്ടു​റാ​സ്, നി​ക്ക​രാ​ഗ്വ പൗ​ര​ന്മാ​ർ​ക്ക് സെ​പ്റ്റം​ബ​റോ​ടെ താ​ൽ​ക്കാ​ലി​ക സം​ര​ക്ഷ​ണ പ​ദ​വി ന​ഷ്ട​മാ​കും.

ന​ഴ്സു​മാ​ർ, മെ​ക്കാ​നി​ക്കു​ക​ൾ, ശു​ചീ​ക​ര​ണ തൊ​ഴി​ലാ​ളി​ക​ൾ, എ​ക്സി​ക്യൂ​ട്ടീ​വു​ക​ൾ തു​ട​ങ്ങി സ​മൂ​ഹ​ത്തി​ന്റെ വി​വി​ധ തു​റ​ക​ളി​ൽ പ്ര​വ​ർ​ത്തി​ക്കു​ന്ന​വ​രാ​ണ് ഈ ​കു​ടി​യേ​റ്റ​ക്കാ​ർ. റ​സ്റ്റോ​റ​ന്‍റുക​ളും നി​ർ​മ്മാ​ണ ക​മ്പ​നി​ക​ളും ഉ​ൾ​പ്പെ​ടെ നി​ര​വ​ധി ബി​സി​ന​​സു​ക​ൾ ഇ​വ​ർ ആ​രം​ഭി​ക്കു​ക​യും നി​കു​തി അ​ട​യ്ക്കു​ക​യും സാ​മൂ​ഹി​ക സു​ര​ക്ഷ​യ്ക്ക് സം​ഭാ​വ​ന ന​ൽ​കു​ക​യും ചെ​യ്തി​ട്ടു​ണ്ട്. 1999 മു​ത​ൽ യു​ണൈ​റ്റ​ഡ് സ്റ്റേ​റ്റ്സി​ൽ നി​യ​മ​പ​ര​മാ​യി താ​മ​സി​ക്കു​ക​യും ജോ​ലി ചെ​യ്യു​ക​യും ചെ​യ്യു​ന്ന​വ​രാ​ണി​വ​ർ.


കു​ടി​യേ​റ്റ​ത്തി​നെ​തി​രെ ക​ർ​ശ​ന നി​ല​പാ​ട് സ്വീ​ക​രി​ക്കു​ന്ന​തി​ന്‍റെ ഭാ​ഗ​മാ​യാ​ണ് ഈ ​ന​ട​പ​ടി​യെ​ന്ന് ഹോം​ലാ​ൻ​ഡ് സെ​ക്യൂ​രി​റ്റി വ​കു​പ്പ് അ​റി​യി​ച്ചു. ഹോ​ണ്ടു​റാ​സി​ലും നി​ക്ക​രാ​ഗ്വ​യി​ലും ​സാ​ഹ​ച​ര്യ​ങ്ങ​ൾ മെ​ച്ച​പ്പെ​ട്ട​തി​നാ​ൽ​ ത​ദ്ദേ​ശീ​യ​ർ​ക്കു​ള്ള ടി​പി​എ​സ് പ​രി​പാ​ടി അ​വ​സാ​നി​പ്പി​ക്കു​ക​യാ​ണെ​ന്നാ​ണ് വ​കു​പ്പി​ന്റെ വി​ശ​ദീ​ക​ര​ണം.

ട്രം​പ് ഭ​ര​ണ​കൂ​ട​ത്തി​ന്‍റെ ഈ ​നീ​ക്ക​ത്തി​നെ​തി​രെ നി​ക​രാ​ഗ്വ​ൻ, ഹോ​ണ്ടു​റാ​ൻ കു​ടി​യേ​റ്റ​ക്കാ​ർ നി​യ​മ​പോ​രാ​ട്ടം ആ​രം​ഭി​ച്ചി​ട്ടു​ണ്ട്. ജോ​ണി സി​ൽ​വ എ​ന്ന​യാ​ൾ ത​ന്‍റെ കു​ട്ടി​യോ​ടൊ​പ്പം ചേ​ർ​ന്ന് കേ​സെ​ടു​ത്തി​രി​ക്കു​ന്ന​ത് ഇ​തി​ന് ഉ​ദാ​ഹ​ര​ണ​മാ​ണ്.