വി​ശ​ദീ​ക​ര​ണം കൂ​ടാ​തെ 20 ഇ​മി​ഗ്രേ​ഷ​ൻ ജ​ഡ്ജി​മാ​രെ പി​രി​ച്ചു​വി​ട്ട് ട്രം​പ് ഭ​ര​ണ​കൂ​ടം
Tuesday, February 18, 2025 3:38 PM IST
പി.​പി. ചെ​റി​യാ​ൻ
വാ​ഷിം​ഗ്ട​ൺ ഡി​സി: ഫെ​ഡ​റ​ൽ സ​ർ​ക്കാ​രി​ന്‍റെ അ​ധി​കാ​രം നി​യ​ന്ത്രി​ക്കാ​നു​ള്ള നീ​ക്ക​ങ്ങ​ൾ​ക്കി​ട​യി​ൽ, ട്രം​പ് ഭ​ര​ണ​കൂ​ടം 20 ഇ​മി​ഗ്രേ​ഷ​ൻ ജ​ഡ്ജി​മാ​രെ പി​രി​ച്ചു​വി​ട്ട​താ​യി റി​പ്പോ​ർ​ട്ട്. ഇ​തു സം​ബ​ന്ധി​ച്ച് ഇ​വ​ർ​ക്ക് വി​ശ​ദീ​ക​ര​ണ​മൊ​ന്നും ന​ൽ​കി​യി​ല്ലെ​ന്നും ഫെ​ഡ​റ​ൽ തൊ​ഴി​ലാ​ളി​ക​ളെ പ്ര​തി​നി​ധീ​ക​രി​ക്കു​ന്ന യൂ​ണി​യ​ൻ അ​റി​യി​ച്ചു.

ഔ​ദ്യോ​ഗി​ക​മായി നോ​ട്ടീ​സ് പോ​ലും ന​ൽ​കാ​തെ ഇ​വ​രെ പി​രി​ച്ചു​വി​ട്ട​താ​യി​ട്ടാ​ണ് ആ​രോ​പ​ണം. ഇന്‍റ​ർ​നാ​ഷ​ണൽ ഫെ​ഡ​റേ​ഷ​ൻ ഓ​ഫ് പ്ര​ഫ​ഷ​ന​ൽ ആ​ൻ​ഡ് ടെ​ക്നി​ക്ക​ൽ എ​ൻ​ജി​നീ​യേ​ഴ്‌​സ് യൂ​ണി​യ​ൻ പ്ര​സി​ഡ​ന്‍റ് മാ​ത്യു ബി​ഗ്സാ​ണ് ഇ​ക്കാ​ര്യം അ​റി​യി​ച്ച​ത്. ഇ​തി​നു​മു​മ്പ്, ര​ണ്ട് ജ​ഡ്ജി​മാ​രെ സ​മാ​ന​മാ​യ രീ​തി​യി​ൽ പി​രി​ച്ചു​വി​ട്ടി​രു​ന്നു​വെ​ന്നും അ​ദ്ദേ​ഹം ആ​രോ​പി​ക്കു​ന്നു.

അ​മേ​രി​ക്ക​യി​ലെ ഇ​മി​ഗ്രേ​ഷ​ൻ കോ​ട​തി​ക​ളി​ൽ 3.7 മി​ല്യ​ണി​ല​ധി​കം കേ​സു​ക​ൾ കെ​ട്ടി​ക്കി​ട​ക്കു​ക​യാ​ണെ​ന്ന് സി​റാ​ക്കൂ​സ് സ​ർ​വ​ക​ലാ​ശാ​ല​യു​ടെ ട്രാ​ൻ​സാ​ക്ഷ​ണ​ൽ റിക്കാ​ർ​ഡ്സ് ആ​ക്‌​സ​സ് ക്ലി​യ​റിംഗ്​ഹൗ​സ് റി​പ്പോ​ർ​ട്ട് ചെ​യ്യു​ന്നു.


അ​ഭ​യാ​ർ​ഥി കേ​സു​ക​ൾ തീ​ർ​പ്പാ​ക്കാ​ൻ വ​ർ​ഷ​ങ്ങ​ളെ​ടു​ക്കു​ന്ന സാ​ഹ​ച​ര്യ​മാ​ണു​ള്ള​ത്.​ കൂ​ടു​ത​ൽ ജ​ഡ്ജി​മാ​രെ​യും സ്റ്റാ​ഫി​നെ​യും നി​യ​മി​ക്ക​ണ​മെ​ന്ന് രാ​ഷ്ട്രീ​യ വൃ​ത്ത​ങ്ങ​ളി​ൽ ആ​വ​ശ്യ​മു​യ​ർ​ന്നി​ട്ടു​ണ്ടെ​ങ്കി​ലും ട്രം​പ് ഭ​ര​ണ​കൂ​ടം നേ​ര​ത്തേ ഇ​മി​ഗ്രേ​ഷ​ൻ ജ​ഡ്ജി​മാ​രി​ൽ ചി​ല​രെ കേ​സു​ക​ൾ വേ​ഗ​ത്തി​ൽ തീ​ർ​പ്പാ​ക്കാ​ൻ സ​മ്മ​ർ​ദ്ദം ചെ​ലു​ത്തി​യ​താ​യും റി​പ്പോ​ർ​ട്ടു​ക​ൾ സൂ​ചി​പ്പി​ക്കു​ന്നു.

ക​ഴി​ഞ്ഞമാ​സം, നാ​ടു​ക​ട​ത്ത​ലി​നി​ര​യാ​യ​വ​ർ​ക്കു​ള്ള സ​ഹാ​യ​ത്തി​നാ​യി സ​ർ​ക്കാ​രി​ത​ര സം​ഘ​ട​ന​ക​ൾ​ക്ക് നീ​തി​ന്യാ​യ വ​കു​പ്പ് ന​ൽ​കി​ക്കൊ​ണ്ടി​രു​ന്ന ധ​ന​സ​ഹാ​യം നി​ർ​ത്തി​വ​ച്ചു. എ​ന്നാ​ൽ, ലാ​ഭേ​ച്ഛ​യി​ല്ലാ​ത്ത ഗ്രൂ​പ്പു​ക​ളു​ടെ സ​ഖ്യം ഫെ​ഡ​റ​ൽ കോ​ട​തി​യി​ൽ കേ​സ് ഫ​യ​ൽ ചെ​യ്ത​തി​ന് ശേ​ഷം, ഇ​ത് പു​നഃ​സ്ഥാ​പി​ക്കേ​ണ്ട​താ​യി വ​ന്നു.