ഹൂസ്റ്റൺ: ഹൂസ്റ്റണിൽ മൂന്ന് വയസ്സുകാരൻ അമ്മയെ അബദ്ധത്തിൽ വെടിയുതിർത്തു. വെള്ളിയാഴ്ച രാത്രി ബിസോണറ്റ് സ്ട്രീറ്റിന് സമീപമാണ് സംഭവം. വെടിയേറ്റ യുവതിയെ ഉടൻ തന്നെ ആശുപത്രിയിൽ എത്തിച്ചതായി ഹാരിസ് കൗണ്ടി ഷെരീഫ് ഓഫീസ് അറിയിച്ചു.
ഹൂസ്റ്റണിലെ ബിസോണറ്റ് സ്ട്രീറ്റിലെ 13800 ബ്ലോക്കിലെ വാഹനത്തിൽ നിന്നുമാണ് മൂന്ന് വയസുകാരന് തോക്ക് ലഭിച്ചത്. കൂടുതൽ വിവരങ്ങൾ പുറത്തുവിട്ടിട്ടില്ല. അന്വേഷണം പുരോഗമിക്കുകയാണെന്ന് പോലീസ് അറിയിച്ചു.