വാഷിംഗ്ടൺ ഡിസി: ബംഗളൂരുവിലെ യുഎസ് കോൺസുലേറ്റ് 2025 ജനുവരിയിൽ ഔദ്യോഗികമായി തുറക്കുമെന്ന് ഇന്ത്യയിലെ യുഎസ് അംബാസഡർ എറിക് ഗാർസെറ്റി അറിയിച്ചു. വ്യാഴാഴ്ച നടന്ന യുഎസ് - ഇന്ത്യ ബിസിനസ് കൗൺസിൽ(യുഎസ്ഐബിസി) യോഗത്തിലാണ് പ്രഖ്യാപനം.
വിദ്യാർഥികൾക്കും പ്രഫഷണലുകൾക്കും ഇത് പ്രയോജനകരമാവും. വീസ നടപടിക്രമങ്ങൾ ലളിതമാക്കുന്നതിനും ഉഭയകക്ഷി വ്യാപാരം പ്രോത്സാഹിപ്പിക്കുന്നതിനും സാങ്കേതികവിദ്യയുടെയും നൂതനത്വത്തിന്‍റെയും ആഗോള കേന്ദ്രമെന്ന നിലയിൽ ബംഗളൂരുവിന്‍റെ പദവി ശക്തിപ്പെടുത്തുന്നതിനും പുതിയ കോൺസുലേറ്റ് സഹായിക്കുമെന്നാണ് വിലയിരുത്തപ്പെടുന്നത്.