വാ​ഷിം​ഗ്ട​ൺ: യു​എ​സ് പ്ര​സി​ഡ​ന്‍റി​ന്‍റെ പു​തി​യ താ​രി​ഫു​ക​ൾ മി​ക്ക​വാ​റും എ​ല്ലാ സാ​ധ​ന​ങ്ങ​ൾ​ക്കും വി​ല കൂ​ട്ടാ​ൻ ഒ​രു കാ​ര​ണ​മാ​യി മാ​റി​യ​പ്പോ​ൾ ഭ​ക്ഷ​ണ സാ​ധ​ന​ങ്ങ​ൾ​ക്ക് ത​ത്കാ​ലം വി​ല വ​ർ​ധി​പ്പി​ക്കേ​ണ്ട​തി​ല്ലെ​ന്ന തീ​രു​മാ​ന​വു​മാ​യി വ​ലി​യൊ​രു ശ​ത​മാ​നം റ​സ്റ്റ​റ​ന്‍റു​ക​ൾ.

ഇ​റ​ക്കു​മ​തി ചെ​യ്യു​ന്ന സാ​ധ​ന​ങ്ങ​ൾ​ക്കെ​ല്ലാം വി​ല കൂ​ടു​മ്പോ​ൾ ചി​ല ഗ്രോ​സ​റി സാ​ധ​ന​ങ്ങ​ൾ​ക്കും റ​സ്റ്റ​റ​ന്‍റ് വി​ഭ​വ​ങ്ങ​ൾ​ക്കും വി​ല വ​ർ​ധ​ന ഇ​ത് വ​രെ സം​ഭ​വി​ച്ചി​ട്ടി​ല്ല. ചെ​റു​തും വ​ലു​തു​മാ​യ ചി​ല ഭ​ക്ഷ്യ വ്യ​വ​സാ​യ സ്ഥാ​പ​ന​ങ്ങ​ൾ ചൈ​ന​യി​ൽ നി​ന്ന് ഇ​റ​ക്കു​മ​തി ചെ​യ്യു​ന്ന സാ​ധ​ന​ങ്ങ​ൾ​ക്ക് വി​ല വ​ർ​ധി​പ്പി​ക്കാ​തെ ത​ന്നെ കു​റെ നാ​ൾ കൂ​ടി മു​ന്നോ​ട്ടു പോ​കു​ക​യാ​ണ്.

ചൈ​ന​യി​ൽ നി​ന്നു​ള്ള ഇ​റ​ക്കു​മ​തി​യു​ടെ താ​രി​ഫു​ക​ൾ 145 ശ​ത​മാ​ന​ത്തി​ൽ നി​ന്ന് 30 ശ​ത​മാ​ന​മാ​യി കു​റ​ച്ച​ത് ആ​ശ്വാ​സ​മാ​കു​ന്നു. ട്രം​പ് പ്ര​ഖ്യാ​പി​ച്ചി​ട്ടു​ള്ള 90 ദി​വ​സ​ത്തെ ഇ​ട​വേ​ള ക​ഴി​ഞ്ഞാ​ൽ നി​ര​ക്ക് എ​ങ്ങ​നെ ആ​യി​രി​ക്കും എ​ന്ന കാ​ര്യ​ത്തി​ൽ വ്യ​വ​സാ​യ, വാ​ണി​ജ്യ രം​ഗ​ങ്ങ​ളി​ൽ ആ​ശ​ങ്ക തു​ട​രു​ക​യാ​ണ്.


യൂ​റോ​പ്യ​ൻ യൂ​ണി​യ​ൻ രാ​ഷ്ട്ര​ങ്ങ​ളി​ൽ നി​ന്നു​ള്ള ഇ​റ​ക്കു​മ​തി​ക​ൾ​ക്കു 10 ശ​ത​മാ​നം താ​രി​ഫ് പ്ര​ഖ്യാ​പി​ച്ച​തും അ​നി​ശ്ചി​ത​ത്വം സൃ​ഷ്ടി​ച്ചി​രി​ക്കു​ക​യാ​ണ്. ടെ​ക്സ​സി​ലെ റ​സ്റ്റ​റ​ന്‍റു​ക​ളും മ​റ്റു ഭ​ക്ഷ്യ സേ​വ​ന സ്ഥാ​പ​ന​ങ്ങ​ളും പ​ല ക​ണ​ക്കു​കൂ​ട്ട​ലു​ക​ളും ത​ന്ത്ര​പ​ര​മാ​യ മാ​റ്റ​ങ്ങ​ളും വ​രു​ത്താ​ൻ കാ​ത്തി​രി​ക്കു​ക​യാ​ണ്.

താ​രി​ഫു​ക​ൾ യു​എ​സ് മ​റ്റു രാ​ജ്യ​ങ്ങ​ളി​ൽ നി​ന്ന് വാ​ങ്ങു​ന്ന ഉ​ത്പ​ന്ന​ങ്ങ​ളി​ൽ ചു​മ​ത്തു​ന്ന നി​കു​തി​യാ​ണ്. ഇ​വ അ​തി​ർ​ത്തി​ക​ളി​ൽ നി​ന്നാ​ണ് ശേ​ഖ​രി​ക്കു​ന്ന​ത്. പ​ല​പ്പോ​ഴും ഈ ​നി​കു​തി ഇ​റ​ക്കു​മ​തി ചെ​യ്യു​ന്ന​വ​ർ വി​ത​ര​ണ​ക്കാ​രി​ലേ​ക്കു മാ​റ്റു​ന്നു.

വി​ത​ര​ണ​ക്കാ​രി​ത് റ​സ്റ്റ​റ​ന്‍റ് ഉ​ട​മ​യി​ലേ​ക്കും സ്റ്റോ​ർ ഉ​ട​മ​യി​ലേ​ക്കും മാ​റ്റു​ന്നു. അ​വ​ർ ഈ ​നി​കു​തി മു​ഴു​വ​നു​മോ, ഭാ​ഗി​ക​മാ​യോ ഉ​പ​ഭോ​ക്താ​ക്ക​ളി​ലേ​ക്ക് മാ​റ്റു​ന്നു. ഇ​പ്പോ​ൾ ഭ​ഷ്യ വ്യ​വ​സാ​യം നേ​രി​ടു​ന്ന പ്ര​ശ​നം ഈ ​വ​ർ​ധി​ച്ച നി​കു​തി എ​പ്പോ​ൾ, എ​ങ്ങ​നെ ഉ​പ​ഭോ​ക്താ​ക്ക​ളി​ലേ​ക്ക് മാ​റ്റും എ​ന്ന​താ​ണ്.