ഇന്ത്യന്‍ എന്‍ജിനിയേഴ്‌സ് അസോസിയേഷന്‍ ഗോള്‍ഫ് ടൂര്‍ണമെന്‍റ് ജൂണ്‍ ഒന്നിന്
ഗ്ലാഡ്‌സണ്‍ വര്‍ഗീസ്
Tuesday, May 27, 2025 2:48 PM IST
ഷിക്കാഗോ: ഇന്ത്യന്‍ എന്‍ജിനിയേഴ്‌സിന്‍റെ പോഷക സംഘടനയായ അമേരിക്കന്‍ അസോസിയേഷന്‍ ഓഫ് എന്‍ജിനിയേഴ്‌സ് ഓഫ് ഇന്ത്യന്‍ ഒറിജിന്‍റെ (എഎഇഐഒ) ആനുവല്‍ ചാരിറ്റി ഗോള്‍ഫ് ടൂര്‍ണമെന്‍റ് ജൂണ്‍ ഒന്നിന് ബേന്‍ഡന്‍വില്ലായിലുള്ള വൈറ്റ് പ്ലെയിന്‍സ് ഗോള്‍ഫ് ക്ലബില്‍ നടക്കും.
അതിനുശേഷം നടക്കുന്ന ഡിന്നറും വിനോദ പരിപാടികളും മഹാരാജ് ഇന്ത്യന്‍ റസ്റ്റോറന്‍റ് ബാങ്ക്വറ്റ് ഹാളില്‍ (3400 റിവർ റോഡ്, ഫ്രാങ്ക്ലിൻ പാർക്ക്, ഐഎൽ) നടക്കും. ഗോള്‍ഫ് ടൂര്‍ണമെന്‍റിലും ഡിന്നറിലും പങ്കെടുക്കാന്‍ താത്പര്യമുള്ള എന്‍ജിനീയേഴ്‌സ് [email protected] ലേക്ക് മെയില്‍ ചെയ്യുക.
എഎഇഐഒയുടെ പ്രസിഡന്‍റ് ഗ്ലാഡ്‌സണ്‍ വര്‍ഗീസ് (ഗ്ലോബൽ ഡയറക്ടർ, ജിഇ), ഗോള്‍ഫ് & ചാരിറ്റി ചെയര്‍മാന്‍ ഗുല്‍സാര്‍ സിംഗ് (ഇഇഒ പാൻ അമേരിക്ക ഇൻ‌കോർപ്പറേറ്റഡ്), ഗോള്‍ഫ് & ചാരിറ്റി കോ-ചെയര്‍മാന്‍മാരായ ഡോ. പ്രമോദ് വോറ (പ്രസിഡന്‍റ് പ്രൊബിസ് ഇൻ‌കോർപ്പറേറ്റഡ്), ദിപന്‍ മോദി (സിഇഒ മോദി ഫിനാൻസില ഗ്രൂപ്പ്), നാഗ് ജയ്‌സ് വാള്‍ (സീനിയർ അഡ്വൈസർ, സെയിൽസ് ഫോഴ്‌സ് ഇൻ‌കോർപ്പറേറ്റഡ്), രാജിന്ദര്‍ സിംഗ് മാഗോ (ഡോ. മാനേജർ നോവിസ്റ്റാർ) എന്നിവരാണ് ടൂര്‍ണമെന്‍റിന് നേതൃത്വം നല്‍കുന്നത്.
ഉച്ചയ്ക്ക് ഒന്നിന് ടൂര്‍ണമെന്‍റ് ആരംഭിക്കും.നെറ്റ് വര്‍ക്കിംഗ് ആൻഡ് ഡിന്നര്‍ അഞ്ചിന് തുടങ്ങും. ടൂര്‍ണമെന്‍റില്‍ നിന്നും ലഭിക്കുക തുക സംഘടനയുടെ വിവിധ ചാരിറ്റി പ്രവര്‍ത്തനങ്ങള്‍ക്കായി വിനിയോഗിക്കും.
എന്‍ജിനിയറിംഗ് വിദ്യാര്‍ഥികള്‍ക്കുള്ള സ്‌കോളര്‍ഷിപ്പുകള്‍ സെപ്റ്റംബറിൽ ഓക്ക് ബ്രൂക്ക് മാരിയറ്റില്‍ നടക്കുന്ന ആനുവല്‍ ഗാലയില്‍ വച്ച് വിതരണം ചെയ്യുമെന്ന് എക്‌സിക്യൂട്ടീവ് ബോര്‍ഡ് അറിയിച്ചു.
കൂടുതല്‍ വിവരങ്ങള്‍ AAEIOUSA.ORG-ല്‍ നിന്ന് ലഭിക്കുന്നതാണ്.