ബെ​ര്‍​ലി​ന്‍: ജ​ര്‍​മ​നി​യി​ല്‍ 21 വ​യ​സു​കാ​ര​നാ​യ ക​റു​ത്ത വ​ര്‍​ഗ​ക്കാ​ര​നെ പോ​ലീ​സ് വെ​ടി​വ​ച്ചു​കൊ​ല​പ്പെ​ടു​ത്തി​യ സം​ഭ​വ​ത്തി​ൽ പ്ര​തി​ഷേ​ധം ശ​ക്ത​മാ​കു​ന്നു. ക​ഴി​ഞ്ഞ വാ​രാ​ന്ത്യ​ത്തി​ല്‍ ജ​ര്‍​മ​നി​യി​ലെ ഓ​ള്‍​ഡ​ന്‍​ബു​ര്‍​ഗി​ല്‍ ന​ട​ന്ന സം​ഘ​ര്‍​ഷ​ത്തി​നി​ടെ​യാ​ണ് പോ​ലീ​സ് വെ​ടി​വ​യ്പി​ല്‍ യു​വാ​വ് കൊ​ല്ല​പ്പെ​ട്ട​ത്.

ഓ​ള്‍​ഡ​ന്‍​ബു​ര്‍​ഗ് നി​ശാ​ക്ല​ബി​ലേ​ക്ക് എ​ത്തി​യ യു​വാ​വി​ന് അ​ധി​കൃ​ത​ർ പ്ര​വേ​ശ​നം നി​ഷേ​ധി​ച്ച​തോ​ടെ​യാ​ണ് സം​ഭ​വ​ങ്ങ​ൾ​ക്ക് തു​ട​ക്ക​മാ​യ​ത്. തു​ട​ർ​ന്ന് സു​ര​ക്ഷാ ഉ​ദ്യോ​ഗ​സ്ഥ​രെ ആ​ക്ര​മി​ച്ച് യുവാവ് ഓ​ടി ര​ക്ഷ​പെ​ടാ​ൻ ശ്ര​മി​ച്ചു.

പി​ന്തു​ട​രാ​ൻ ശ്ര​മി​ച്ച​വ​രെ ഇ‌യാൾ ക​ത്തി​കാ​ട്ടി ഭീ​ഷ​ണി​പ്പെ​ടു​ത്തിയതോ‌ടെ പോ​ലീ​സ് ഉ​ദ്യോ​ഗ​സ്ഥ​ന്‍ വെ​ടി​യു​തി​ർ​ക്കുകയായിരുന്നു. ഗു​രു​ത​ര​മാ​യി പ​രു​ക്കേ​റ്റ യു​വാ​വി​നെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സം​ഭ​വി​ക്കു​ക​യാ​യി​രു​ന്നു.


മൂ​ന്ന് വെ​ടി​യേ​റ്റ മു​റി​വു​ക​ളാ​ണ് യു​വാ​വി​ന്‍റെ ശ​രീ​ര​ത്തി​ൽ ക​ണ്ടെ​ത്തി. ബ​ന്ധ​പ്പെ​ട്ട ഉ​ദ്യോ​ഗ​സ്ഥ​നെ അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി ഡ്യൂ​ട്ടി​യി​ല്‍ നി​ന്നും സ​സ്പെ​ന്‍​ഡ് ചെ​യ്തു.

കൊ​ല​പാ​ത​ക​ത്തെ തു​ട​ർ​ന്ന് വെ​ള്ളി​യാ​ഴ്ച ന​ട​ന്ന പ്ര​തി​ഷേ​ധ​ത്തി​ല്‍ 10,000 പേ​ർ പ​ങ്കെ​ടു​ത്തു. യു​വാ​വി​ന്‍റെ മ​ര​ണ​ത്തി​ൽ അ​ന്വേ​ഷ​ണം ആ​വ​ശ്യ​പ്പെ​ട്ട് ത​ല​സ്ഥാ​ന​മാ​യ ബെ​ര്‍​ലി​ന്‍ ഉ​ള്‍​പ്പെ​ടെ​യു​ള്ള മ​റ്റ് ന​ഗ​ര​ങ്ങ​ളി​ലും പ്ര​തി​ഷേ​ധ​ങ്ങ​ള്‍ ന​ട​ക്കു​ന്നു​ണ്ട്.