ല​ണ്ട​ൻ: മൂ​ന്നു പെ​ൺ​കു​ട്ടി​ക​ൾ ദാ​രു​ണ​മാ​യി കു​ത്തേ​റ്റു മ​രി​ച്ച സൗ​ത്ത്പോ​ർ​ട്ട് ആ​ക്ര​മ​ണ​ക്കേ​സി​ലെ പ്ര​തി ആ​ക്സ​ൽ റു​ഡാ​കു​ബാ​ന​യ്ക്ക് (18) ബ്രി​ട്ടീ​ഷ് കോ​ട​തി 52 വ​ർ​ഷം ത​ട​വു​ശി​ക്ഷ വി​ധി​ച്ചു. പ്ര​തി കോ​ട​തി​യി​ൽ കു​റ്റം സ​മ്മ​തി​ച്ചി​രു​ന്നു.

ക​ഴി​ഞ്ഞ വ​ർ​ഷം ജൂ​ലൈ​യി​ൽ ലി​വ​ർ​പൂ​ളി​നു വ​ട​ക്ക് സൗ​ത്ത്പോ​ർ​ട്ട് പ​ട്ട​ണ​ത്തി​ലു​ണ്ടാ​യ സം​ഭ​വം ബ്രി​ട്ട​നെ ഞെ​ട്ടി​ച്ചി​രു​ന്നു. ചെ​റി​യ കു​ട്ടി​ക​ൾ ഡാ​ൻ​സ് പ​രി​ശീ​ലി​ച്ചി​രു​ന്ന കേ​ന്ദ്ര​ത്തി​ൽ അ​ക്ര​മി ന​ട​ത്തി​യ ക​ത്തി​യാ​ക്ര​മ​ണ​ത്തി​ൽ ആ​റ്, ഏ​ഴ്, ഒ​ന്പ​ത് വ​യ​സു​ള്ള പെ​ൺ​കു​ട്ടി​ക​ളാ​ണു കൊ​ല്ല​പ്പെ​ട്ട​ത്.


എ​ട്ടു കു​ട്ടി​ക​ള​ട​ക്കം പ​ത്തു പേ​ർ​ക്കു പ​രി​ക്കേ​ൽ​ക്കു​ക​യും ചെ​യ്തു. റു​വാ​ണ്ട​ൻ വം​ശ​ജ​നാ​യ പ്ര​തി​യു​ടെ ക്രൂ​ര​കൃ​ത്യം ബ്രി​ട്ട​നി​ലു​ട​നീ​ളം കു​ടി​യേ​റ്റ​വി​രു​ദ്ധ പ്ര​ക്ഷോ​ഭ​ത്തി​നു തി​രി കൊ​ളു​ത്തി.

അ​ൽ​ക്വ​യ്ദ ആ​ശ​യ​ങ്ങ​ളും രാ​സാ​യു​ധ​വും കൈ​വ​ശം വ​ച്ച​തി​നു ചു​മ​ത്ത​പ്പെ​ട്ട തീ​വ്ര​വാ​ദ കു​റ്റ​ങ്ങ​ളും പ്ര​തി കോ​ട​തി​യി​ൽ സ​മ്മ​തി​ച്ചി​രു​ന്നു. പ്ര​തി​ക്കു ന​ല്കി​യ ശി​ക്ഷ കു​റ​ഞ്ഞു​പോ​യെ​ന്ന് കൊ​ല്ല​പ്പെ​ട്ട കു​ട്ടി​ക​ളു​ടെ ബ​ന്ധു​ക്ക​ൾ പ്ര​തി​ക​രി​ച്ചു.