ADVERTISEMENT

ADVERTISEMENT

ബഡ്‌സ് പ്രവേശനോത്സവം നാളെ: സംസ്ഥാനതല ഉദ്ഘാടനം എറണാകുളത്ത്

കൊച്ചി: ബൗദ്ധിക വെല്ലുവിളികള്‍ നേരിടുന്ന കുട്ടികള്‍ക്കായി കുടുംബശ്രീയും തദ്ദേശ സ്വയംഭരണ സ്ഥാപനങ്ങളും സംയുക്തമായി നടത്തുന്ന ബഡ്‌സ് സ്ഥാപനങ്ങളില്‍ നാളെ പ്രവേശനോത്സവം നടക്കും.

സംസ്ഥാനതല ഉദ്ഘാടനം രാവിലെ 9.30ന് പുത്തന്‍കുരിശ് വടവുകോട് ബഡ്‌സ് റീഹാബിലിറ്റേഷന്‍ സെന്‍ററില്‍ മന്ത്രി എം.ബി. രാജേഷ് നിര്‍വഹിക്കും. അഡ്വ. പി.വി. ശ്രീനിജിന്‍ എംഎല്‍എ അധ്യക്ഷത വഹിക്കും. ജില്ലാ കളക്ടര്‍ എന്‍.എസ്.കെ. ഉമേഷ് പങ്കെടുക്കും.

ADVERTISEMENT

വൈദ്യുതി പുനസ്ഥാപിച്ചില്ല : കെഎസ്ഇബിക്ക് പരാതി നൽകി വാർഡംഗം

തിരുമാറാടി: കാറ്റിലും മഴയിലും തകരാറിലായ തിരുമാറാടിയിലെ വൈദ്യുതിബന്ധം പുനസ്ഥാപിക്കാത്തതിനെതുടർന്ന് വാർഡംഗം കൂത്താട്ടുകുളം കെഎസ്ഇബി ഓഫീസിൽ എത്തി പരാതി നൽകി. പഞ്ചായത്തിലെ വിവിധ പ്രദേശങ്ങളിൽ കഴിഞ്ഞ നാല് ദിവസങ്ങളായി വൈദ്യുതി പുനസ്ഥാപിക്കാത്ത സാഹചര്യത്തിലാണ് വാർഡംഗം നെവിൻ ജോർജും പ്രദേശവാസികളും കെഎസ്ഇബി ഓഫീസിൽ എത്തി പ്രതിഷേധം രേഖപ്പെടുത്തിയത്. കെഎസ്ഇബിയുടെ പോർട്ടലിലും വൈദ്യുതി സുരക്ഷാ ഗ്രൂപ്പിലും കൂത്താട്ടുകുളം സെക്ഷൻ കെഎസ്ഇബി എഇയ്‌ക്കും വൈദ്യുതിബന്ധം തകരാറിലായ അന്നു മുതൽ ഈ വിഷയം അറിയിക്കുന്നുണ്ടെങ്കിലും നാളിതുവരെ യാതൊരു നടപടിയും സ്വീകരിക്കാത്ത സാഹചര്യത്തിലാണ് ഓഫീസിൽ എത്തിയതെന്ന് വാർഡംഗം നെവിൻ പറഞ്ഞു. ഒലിയപ്പുറം, നിരപ്പത്താഴം-കട്ടമല റോഡ്, ആറൂർ - വെട്ടിക്കാട്ടുപാറ റോഡ്, ഒലിയപുറം-മണ്ണത്തൂർ റോഡ്, മയിലാടുംപാറ എസ്എൻഡിപി ജംഗ്ഷൻ എന്നീ പ്രദേശങ്ങളിലാണ് വൈദ്യുതി തകരാർ കൂടുതലായി സംഭവിച്ചിരിക്കുന്നത്. പ്രദേശവാസികളായ ജീസൺ വിൽസൺ, ഫെബിൻ സണ്ണി, ജോബിൻ ജേക്കബ്, ആൽബിൻ ബേബി, ബേബി പാറയിൽ എന്നിവരും വാർഡംഗത്തിനൊപ്പം ഉണ്ടായിരുന്നു. നെവിന്‍റെ ഇടപെടലിനെതുടർന്ന് തിരുമാറാടി മയിലാടുംകുന്ന് ഭാഗത്ത് ഒടിഞ്ഞ വൈദ്യുത പോസ്റ്റുകൾ പുനസ്ഥാപിച്ചു തുടങ്ങി.

നാടിനു നഷ്ടമായത് നാട്ടറിവുകളുടെ കൂട്ടുകാരനെ

വൈപ്പിൻ : തലമുറകൾ കൈമാറി വന്നിരുന്ന അമൂല്യങ്ങളായ നാട്ടറിവുകൾ അന്യം നിന്നു പോകാതിരിക്കാനായി നാലര പതിറ്റാണ്ടോളംജീവിതം ഉഴിഞ്ഞുവച്ച് രംഗത്തിറങ്ങിയ ഓച്ചന്തുരുത്തുകാരൻ മഹേഷ് മങ്ങാട്ട് ഇനി ഓർമകൾ മാത്രം. നാട്ടറിവുകളുടെ കൂട്ടുകാരൻ എന്നറിയപ്പെട്ടിരുന്ന മഹേഷ് വരും തലമുറയ്ക്ക് നാട്ടറിവുകൾ പകരാനായി നടത്തിയ ശ്രമങ്ങൾ ഒരു പരിധി വരെ വിജയത്തിലേക്കെത്തിച്ചാണ് ജീവിത യാത്ര അവസാനിപ്പിച്ചത്. സോഷ്യൽ മീഡിയ ജന്മം കൊണ്ടിട്ടില്ലാത്ത സമയത്ത് നാടുനീളെ സഞ്ചരിച്ച് തലവേദന നിവാരണ ക്യാമ്പുകളും സൗജന്യ പഠന ക്ലാസുകളും ബോധവത്കരണ ക്ലാസുകളും ചികിത്സാക്യാമ്പുകളുമൊക്കെ നടത്തിവന്നിരുന്ന മഹേഷ് കേരളക്കരയ്ക്ക് ഏറെ സുപരിചിതനാണ്. മഹേഷിന്‍റെ സേവനങ്ങളെ മുൻനിർത്തി 1997 ൽ കേന്ദ്ര സർക്കാർ ദേശീയ യുവജന അവാർഡ് നൽകി ആദരിച്ചു. ആരോഗ്യ സംരക്ഷണവും ഔഷധസസ്യങ്ങളും എന്ന വിഷയത്തെ ആസ്‌പദമാക്കി ഗ്രാമീണമേഖലയിൽ നിരന്തരം ബോധവത്കരണം നടത്തിയതിന് 2002-ൽ കേന്ദ്ര കൃഷി, ഗ്രാമീണ വകുപ്പ് മന്ത്രിയായിരുന്ന സംഗപ്രിയ ഗുപ്‌ത മഹേഷിനെ പൊന്നാടയണിയിച്ച് ആദരിക്കുകയുണ്ടായി. ദേശീയ അവാർഡ് ഉൾപ്പെടെ 12-ഓളം അവാർഡുകൾ നാലര പതിറ്റാണ്ടിനുള്ളിൽ മഹേഷിനെ തേടിയെത്തിയിരുന്നു. കൃഷി, നാട്ടുവൈദ്യം എന്നിവയെക്കുറിച്ച് 10 ലഘുഗ്രന്ഥങ്ങൾ മഹേഷ് രചിച്ചിട്ടുണ്ട്. കര്‍ക്കടകമാസത്തില്‍ പഴയതലമുറ ഉപയോഗിച്ചിരുന്ന മരുന്നു കഞ്ഞി പുനരവതരിപ്പിച്ചു വൻ പ്രചാരത്തിലാക്കിയ മഹേഷ് സാക്ഷരതാ മിഷൻ മുൻ ജില്ലാ കോ ഓർഡിനേറ്റർ കൂടിയായിരുന്നു.

കാന നവീകരണം പൂർത്തിയായി: ആലുവ ഇഎസ്ഐ റോഡ് തുറന്നു

ആലുവ: ആലുവ കോടതികൾ മാറ്റി ആരംഭിച്ച വാടക കെട്ടിടം സ്ഥിതി ചെയ്യുന്ന ഇ എസ് ഐ റോഡ് തുറന്നു കൊടുത്തു. കാനനവീകരണത്തിനായി ആറ് ദിവസം അടച്ചിട്ട ശേഷമാണ് തുറന്നു നൽകിയത്. ടാറിംഗ് ചെയ്യാനുണ്ടെങ്കിലും രണ്ട് ദിവസത്തിനുള്ളിൽ അതും പൂർത്തിയാകും. റോഡിന് കുറുകെ കാന നിർമിക്കാനായി ഗതാഗതം മുന്നറിയിപ്പില്ലാതെയാണ് നിരോധിച്ചത്. ആലുവ കോടതികൾ വാടകക്കെട്ടിടത്തിലേക്ക് മാറിയ തൊട്ടടുത്ത ദിവസം തന്നെയാണ് ഗതാഗതം തടഞ്ഞത്. ഇതിനെ തുടർന്ന് ഒന്നര കിലോമീറ്ററോളം ചുറ്റിയാണ് എല്ലാവർക്കും കോടതിയിലെത്താനായത്. ഈ എസ് ഐ ഡിസ്പെപെൻസറി, വനിതാ പോലീസ് സ്റ്റേഷൻ, ക്രൈംബ്രാഞ്ച് ഓഫീസ് എന്നിവ പ്രവർത്തിക്കുന്ന റോഡിലെ ബിഎസ്എൻഎൽ കെട്ടിടത്തിലേക്കാണ് താത്കാലികമായി ആലുവ കോടതികൾ പ്രവർത്തിക്കുന്നത്. പഴയ കോടതി ക്കെട്ടിടം ഇന്നു മുതൽ പൊളിച്ചു തുടങ്ങും.

പാതയോരങ്ങളില്‍ കണിക്കൊന്ന നട്ടുവളര്‍ത്തുന്ന പദ്ധതിയുമായി ഹാപ്പിനെസ് സര്‍ക്കിള്‍

കൊച്ചി: കണിക്കൊന്ന പാതയോരങ്ങളിലും പൊതു ഇടങ്ങളിലും നട്ടുവളര്‍ത്തുന്ന പദ്ധതിയുമായി കൊച്ചി കേന്ദ്രമായി പ്രവര്‍ത്തിക്കുന്ന സൗഹൃദ കൂട്ടായ്മയായ ഹാപ്പിനെസ് സര്‍ക്കിള്‍. ആനന്ദകര്‍ണികാരം 2025 എന്ന പേരില്‍ ലോക പരിസ്ഥിതിദിനമായ അഞ്ചിന് രാവിലെ ഒന്‍പതിന് കണ്ടെയ്‌നര്‍ റോഡില്‍ തുടക്കമിടുന്ന പദ്ധതി ഹൈബി ഈഡന്‍ എംപി ഉദ്ഘാടനം ചെയ്യും. പൊന്നാരിമംഗലം ടോള്‍ പ്ലാസയ്ക്ക് സമീപം നടക്കുന്ന ചടങ്ങില്‍ മേയര്‍ എം. അനില്‍കുമാര്‍, കൊച്ചി സിറ്റി പോലീസ് കമ്മീഷണര്‍ പുട്ട വിമലാദിത്യ, ലോക പഞ്ചഗുസ്തി ചാമ്പ്യന്‍ ജോബി മാത്യു, മൈന്‍ഡ് പവര്‍ പരിശീലകൻ ഡോ. പി.പി. വിജയന്‍ തുടങ്ങിയവര്‍ പങ്കെടുക്കും. പദ്ധതിയുടെ ഭാഗമായി കണ്ടെയ്‌നര്‍ റോഡിലെ മീഡിയനുകളിലും ഇരുവശങ്ങളിലുമായി 300 കണിക്കൊന്ന ചെടികള്‍ നട്ടു പരിപാലിക്കും. അഞ്ചു വര്‍ഷത്തിനുള്ളില്‍ എല്ലാ ജില്ലകളിലും പദ്ധതി വ്യാപിപ്പിക്കുകയാണ് ലക്ഷ്യമെന്ന് ഹാപ്പിനെസ് സര്‍ക്കിള്‍ ഫൗണ്ടര്‍ പ്രസിഡന്‍റ് അശോക് കുമാര്‍ പറഞ്ഞു.

കരിങ്കൽക്കെട്ട് ഇടിഞ്ഞു; റോഡ് അപകടാവസ്ഥയിൽ

വാഴക്കുളം: കനത്ത മഴയിൽ കരിങ്കൽക്കെട്ട് ഇടിഞ്ഞ് റോഡ് അപകടാവസ്ഥയിൽ. വേങ്ങച്ചുവട് താഴത്തുവീട്ടിൽതാഴം റോഡിന്‍റെ കരിങ്കൽകെട്ടാണ് കഴിഞ്ഞ ദിവസത്തെ മഴയിൽ തകർന്നത്. വെള്ളമൊഴുകുന്ന തോട്ടിലേക്ക് കരിങ്കൽകെട്ട് തകർന്നു വീണതിനാൽ തോട്ടിലൂടെയുള്ള വെള്ളത്തിന്‍റെ ഒഴുക്ക് തടസപ്പെട്ടിരിക്കുകയാണ്. സമീപത്തുള്ള കൃഷിയിടത്തിലും വെള്ളം കയറുന്ന അവസ്ഥയാണ് നിലവിലുള്ളത്.

നെട്ടൂരിൽ ഓപ്പൺ ജിം തുറന്നു

മരട്: നെട്ടൂർ കുടുംബാരോഗ്യ കേന്ദ്രത്തിൽ നിർമിച്ച ഓപ്പൺ ജിം ഹൈബി ഈഡൻ എംപി ഉദ്ഘാടനം ചെയ്തു. മരട് നഗരസഭ ചെയർമാൻ ആന്‍റണി ആശാംപറമ്പിൽ അധ്യക്ഷത വഹിച്ചു. വൈസ് ചെയർപേഴ്സൺ അഡ്വ. രശ്മി സനിൽ, സ്റ്റാൻഡിംഗ് കമ്മിറ്റി ചെയർമാൻമാരായ റിയാസ് കെ. മുഹമ്മദ്, ബേബി പോൾ, ശോഭ ചന്ദ്രൻ, കൗൺസിലർമാരായ ബെൻഷാദ് നടുവിലവീട്, ചന്ദ്രകലാധരൻ തുടങ്ങിയവർ പ്രസംഗിച്ചു. എയർ വാക്കർ, ചെസ്റ്റ് പ്രെസ്, ട്രിപ്പിൾ ട്വിസ്റ്റർ, ലെഗ് പ്രെസ്, റോവർ, ഷോൾഡർ ബിൽഡർ, സിറ്റ് അപ് ബോർഡ്, സ്കൈ വാക്കർ, സർഫ് ബോർഡ്, ക്രോസ് ട്രെയ്നർ, ബാക്ക് എക്സ്റ്റൻഷൻ, പുഷ് അപ് ബാർ, ആം പാഡിൽ ബൈക്ക്, ഹോഴ്സ് റൈഡർ, സിംഗിൾ ബാർ എന്നിങ്ങനെ ഒമ്പതോളം ഉപകരണങ്ങളും ഇരിപ്പിടങ്ങളുമാണ് ജിമ്മിൽ സ്ഥാപിച്ചിട്ടുണ്ട്.

മൂലന്പിള്ളി നിരീക്ഷണ സമിതി തുതിയൂരിലെ പുനരധിവാസ ഭൂമിയിൽ അന്വേഷണമാരംഭിച്ചു

കാക്കനാട്: ഹൈക്കോടതിയുടെ അനുകൂല വിധിയുണ്ടായിട്ടും മൂലന്പിള്ളി പാക്കേജിനുവേണ്ടി കുടിയൊഴിപ്പിക്കപ്പെട്ട കുടുംബങ്ങൾ തുതിയൂരിലെ പുനരധിവാസ ഭൂമിയിലെ വീടുകളിൽ അനുഭവിക്കേണ്ടി വരുന്ന ദുരിതക്കാഴ്ചകൾ സംബന്ധിച്ച് "ദീപിക' പ്രസിദ്ധീകരിച്ച വാർത്തയെ തുടർന്ന് ജില്ലാ കളക്ടർ ചെയർമാനായുള്ള നിരീക്ഷണ സമിതി അംഗങ്ങൾ തുതിയൂരിലെ ദുരിത ബാധിത സ്ഥലം സന്ദർശിച്ചു. വെള്ളക്കെട്ടിന്‍റെ ദുരന്തഫലങ്ങൾ നേരിടുന്ന നിലവിലെ സാഹചര്യങ്ങളെ സംബന്ധിച്ച് നിരീക്ഷണ സമിതിയിലെ അംഗങ്ങൾ സമഗ്ര അന്വേഷണം തുടങ്ങി. വല്ലാർപാടം കണ്ടെയ്നർ ടെർമനലിലേക്കുള്ള റെയിൽവേ പാതയ്ക്കുവേണ്ടി ഇടപ്പള്ളി നോർത്ത, സൗത്ത് വില്ലേജുകളിൽ നിന്നും കുടിയൊഴിപ്പിക്കപ്പെട്ട 56 കുടുംബങ്ങൾക്ക് കാക്കനാട് വില്ലേജിൽ തുതിയൂർ മുട്ടുങ്കൽ തോടിനു സമീപം നാലു സെന്‍റു വീതം പുനരധിവാസത്തിനായി 2009 ൽ അനുവദിച്ചെങ്കിലും. ചതുപ്പ് സ്ഥലമായതിനാൽ വീടു നിർമാണത്തിനുഅനുയോജ്യമല്ലെന്ന് കണ്ടെത്തിയ കുടുംബങ്ങൾ ഹൈക്കോടതിയിൽ സമർപ്പിച്ച ഹർജി തീർപ്പാക്കിയ കോടതി പുനരധിവാസ ഭൂമി വാസയോഗ്യമാക്കണമെന്ന് വിധിച്ചിരുന്നു. അധികാരികൾ വിധി നടപ്പാക്കാത്തതിനെ തുടർന്ന്ചതുപ്പിൽ വീടുകൾ നിർമിച്ച കുടുംബങ്ങളാണ് ഇപ്പോൾ ദുരിതത്തിലായത്. ജില്ലാ കളക്ടർ അധ്യക്ഷനായിട്ടുള്ള മൂലന്പിള്ളി പാക്കേജ് നിരീക്ഷണ സമിതിയിലെ അഡ്വ. സി.ആർ. നീലകണ്ഠൻ, ഫ്രാൻസിസ് കളത്തിങ്കൽ, വി.പി. വിൽസൻ, കെ. റെജികുമാർ, കുരുവിള്ള മാത്യൂസ് , എലൂർ ഗോപിനാഥ് എന്നിവരാണ് ഇന്നലെ ദുരിത ഭൂമി സന്ദർശിച്ചു സ്ഥിതിഗതികൾ പരിശോധിച്ചത്. ഹാഷിം ചേന്നാംപിള്ളി, കെസിവൈഎമ്മിന്‍റെ രാജീവ് പാട്രിക്, ജോസഫ് കോതാട് തുടങ്ങിയവർ അന്വേഷണ സംഘത്തോടൊപ്പം ഉണ്ടായിരുന്നു. ഇടപ്പള്ളി സൗത്ത് വില്ലേജിൽ നിന്ന് വല്ലാർപാടം പദ്ധതിക്ക് വേണ്ടി കിടപ്പാടം വിട്ടുകൊടുത്ത വിദ്യാധരൻ തന്‍റെ പട്ടയഭൂമിയിൽ പണിത വീടാണ് നിലവിൽ വെള്ളത്തിൽ മുങ്ങിയത്. ഭാര്യ സീത വിദ്യാധരൻ, മക്കളായ ചന്തു പ്രസാദ് , ഇന്ദു പ്രസാദ്, വിദ്യാധരന്റെ ഊമയും ബധിരയുമായ പസഹോദരി ഷീലയും അടങ്ങുന്ന കുടുംബത്തിന്‍റെ ദുരിതകഥ "ദീപിക' വാർത്തയാക്കിയിരുന്നു. സമിതി കണ്ടെത്തിയ വസ്തുതകൾ സ്ഥലംഎംഎൽഎ ഉമാ തോമസ് ജില്ലാ കളക്ടർ എൻ.എസ്.കെ. ഉമേഷിന് കൈമാറുമെന്ന് സി.ആർ. നീലകണ്ഠൻ അറിയിച്ചു.

ചോറ്റാനിക്കര ഹോമിയോ ഡിസ്പൻസറിക്ക് അംഗീകാരം

ചോറ്റാനിക്കര: ചോറ്റാനിക്കര സർക്കാർ മാതൃകാ ഹോമിയോ ഡിസ്പൻസറിക്ക് ഉന്നത ഗുണനിലവാര അംഗീകാര പ്രവർത്തനങ്ങളുടെ ഭാഗമായി എൻഎബിഎച്ച് എൻട്രി ലെവൽ ദേശീയ അംഗീകാരം ലഭിച്ചു. മന്ത്രി വീണാ ജോർജിൽ നിന്നും ചോറ്റാനിക്കര ഗ്രാമപഞ്ചായത്ത് വൈസ് പ്രസിഡന്‍റ് പുഷ്പ പ്രദീപ്, ആരോഗ്യ സ്ഥിരംസമിതിയധ്യക്ഷ രജനി മനോഷ്, പി.വി. പൗലോസ്, ഹോമിയോ ഡിസ്പൻസറി ചീഫ് മെഡിക്കൽ ഓഫീസർ ഡോ. വി.എസ്. സജിത എന്നിവർ ചേർന്ന് അംഗീകാരം ഏറ്റുവാങ്ങി. അടിസ്ഥാന സൗകര്യ വികസനം, രോഗീസൗഹൃദം, രോഗീ സുരക്ഷ, ഔഷധ ഗുണമേന്മ, അണുബാധാ നിയന്ത്രണം എന്നിവയുള്‍പ്പെടെയുള്ള സേവന നിലവാരങ്ങളുടെ വിലയിരുത്തലുകളെ തുടര്‍ന്നാണ് എന്‍എബിഎച്ച് അംഗീകാരം ലഭ്യമാകുന്നത്.

എസ്എസ്എൽസി, പ്ലസ് ടു അവാർഡ് വിതരണം

പെരുമ്പാവൂർ: സൗത്ത് അറക്കപ്പടി സൗഹൃദ റെസിഡന്‍റ്സ് അസോസിയേഷന്‍റെ നേതൃത്വത്തിൽ എസ്എസ്എൽസി, പ്ലസ് ടു അവാർഡ് വിതരണവും സുരക്ഷാ കാമറകളുടെ ഉദ്ഘാടനവും നടത്തി. അസോസിയേഷൻ പ്രസിഡന്‍റ് യു.എ. അൻസാർ അധ്യക്ഷത വഹിച്ചു. പെരുമ്പാവൂർ സിഐ ടി.എം. സൂഫി സുരക്ഷാ കാമറകളുടെ ഉദ്ഘാടനം നിർവഹിച്ചു. അവാർഡ് വിതരണം വെങ്ങോല ഗ്രാമ പഞ്ചായത്ത് പ്രസിഡന്‍റ് പി.പി. എൽദോസ് നിർവഹിച്ചു. വാർഡ് മെമ്പർ എം.പി. സുരേഷ്, രക്ഷാധികാരി അലി മൊയ്‌ദീൻ, സെക്രട്ടറി വി.എം. നിസാർ, വി.എ. നാസർ, കുഞ്ഞുമോൻ, ഷംജാദ്, നഹാസ്, ഷിജിന കുഞ്ഞുമുഹമ്മദ്‌, റജീന, ടി.എം. അലിയാർ , സുലൈമാൻ തുടങ്ങിയവർ സംസാരിച്ചു. നബീസ ഉമ്മർ സ്വാഗതവും, കെ.എം. സലിം നന്ദിയും പറഞ്ഞു.

നവകേരള സദസിലെ പദ്ധതികൾ: വൈപ്പിൻ മണ്ഡലത്തിന് ഏഴുകോടി

വൈപ്പിൻ: നവകേരള സദസിൽ ചർച്ച ചെയ്ത നിവേദനങ്ങളുടെ അടിസ്ഥാനത്തിൽ വൈപ്പിൻ മണ്ഡലത്തിൽ ഏഴു കോടി രൂപയുടെ പദ്ധതികൾക്ക് രൂപം നൽകിയതായി കെ.എൻ. ഉണ്ണിക്കൃഷ്ണൻ എംഎൽഎ അറിയിച്ചു. ഞാറക്കൽ പഞ്ചായത്തിലെ തുലാപ്പറമ്പ്, ചെറുപുഷ്പാലയം റോഡുകൾക്ക് 1.05 കോടി രൂപയും ശ്മശാനം റോഡിനു 64.70 ലക്ഷവും ചെലവാക്കും. കുഴുപ്പിള്ളി 13-ാം വാർഡിലെ തുണ്ടിപ്പുറം ചിറ റോഡ് , എടവനക്കാട് വാർഡ് 13 ലെ അമ്മ തമ്പുരാൻ റോഡ് എന്നിവയ്ക്ക് 1.95 കോടി രൂപ നീക്കിവച്ചിട്ടുണ്ട്. കടമക്കുടിയിൽ 10-ാം വാർഡിൽ പിഴല ഭാഗത്തെ കലുങ്കുകൾ നന്നാക്കാനും മുളവുകാട് മൂന്നാം വാർഡിലെ ടവർലൈൻ റോഡിനും 65.60 ലക്ഷം രൂപ ചെലവഴിക്കും. കടമക്കുടി ആറാം വാർഡിലെ പാലിയത്ത് റോഡിനു 68.50 ലക്ഷം രൂപയും ഒന്നാം വാർഡിലെ കടമക്കുടി മെയിൻ റോഡിനു 1.16 കോടി രൂപയും നാലാം വാർഡിലെ പുറമ്പോക്ക് ഐലൻഡ് ആർട്ട്സ് ക്ലബ് റോഡിനു 41.60 ലക്ഷം രൂപയുമാണ് വിനിയോഗിക്കുക. പള്ളിപ്പുറത്ത് ഏഴാം വാർഡ് കയർ ഗോഡൗൺ റോഡ്, അഞ്ചാം വാർഡ് മഞ്ഞുമാതാ പള്ളി റോഡ്, മഞ്ഞുമാതാ ലിങ്ക് റോഡ് എന്നിവയ്ക്കു 55. 20 ലക്ഷം രൂപയുടെ പദ്ധതിയായിട്ടുണ്ട്. 22-ാം വാർഡിലെ മലർവാടി റോഡിനു 11 ലക്ഷം രൂപ വേറെയും ചെലവാക്കും. എളങ്കുന്നപ്പുഴ ജനത റോഡിനും കർത്തേടം കോ - ഓപ്പറേറ്റീവ് ബാങ്കിനു എതിർവശത്തെ റോഡിനുമായി 35.80 ലക്ഷം രൂപയും വിനിയോഗിക്കും.

പാലത്തിൽനിന്നു പുഴയിൽ ചാടിയ യുവതിക്കായി തെരച്ചിൽ

പെരുമ്പാവൂർ : പാലത്തിൽ നിന്നും പുഴയിലേക്ക് ചാടിയ യുവതിക്കായി തിരച്ചിൽ. ഒരു സ്ത്രീ ആലുവ - പെരുമ്പാവൂർ റോഡിൽ മാറമ്പിള്ളി പാലത്തിൽ നിന്നും പെരിയാറിലേക്ക് ചാടിയെന്ന് പ്രദേശവാസികൾ നൽകിയ വിവരത്തിന്‍റെ അടിസ്ഥാനത്തിൽ ഫയർ ഫോഴ്സ് സംഘം തെരച്ചിൽ നടത്തിയെങ്കിലും ഒഴുക്ക് കൂടുതലായതിനാൽ ആളെ കണ്ടെത്താൻ സാധിച്ചിട്ടില്ല. പെരുമ്പാവൂർ മഞ്ഞപ്പെട്ടി സ്വദേശിനിയായ പതിനെട്ടുകാരിയെ കഴിഞ്ഞ ദിവസം മുതൽ കാണാതായതായി പരാതിയുണ്ട്. പാലത്തിൽ നിന്നും യുവതിയുടേത് എന്ന് സംശയിക്കുന്ന ചെരുപ്പ് കണ്ടെത്തിയിട്ടുണ്ട്. എന്നാൽ ഇവർ തന്നെയാണോ ചാടിയത് എന്ന് ഉറപ്പിക്കാൻ സാധിച്ചട്ടില്ലെന്ന് അധികൃതർ പറഞ്ഞു. കഴിഞ്ഞ ദിവസമാണ് യുവതി വീട്ടിൽനിന്നും പോയത് എന്ന് പറയുന്നു. സംഭവത്തിൽ പെരുമ്പാവൂർ പോലീസ് അന്വേഷണം നടത്തി വരികയാണ്.

നിയമസഹായ ക്യാമ്പ് നടത്തി

കൊച്ചി: റോട്ടറി ക്ലബ് ഓഫ് കൊച്ചിന്‍ മിഡ്ടൗണ്‍ കമ്മട്ടിപ്പാടം ഉദയ കോളനി നിവാസികള്‍ക്ക് നിയമ സഹായ ക്യാമ്പ് നടത്തി. കേരള ഫെഡറേഷന്‍ ഓഫ് വിമന്‍ ലോയേഴ്സ്മായി സഹകരിച്ചായിരുന്നു ക്യാമ്പ്. ജസ്റ്റീസ് പി.എം. മനോജ് ഉദ്ഘാടനം ചെയ്തു. റോട്ടറി ക്ലബ് പ്രസിഡന്‍റ് അഡ്വ. മരിയന്‍ പോള്‍ അധ്യക്ഷത വഹിച്ചു. റോട്ടറിയും കേരള ഫെഡറേഷന്‍ ഓഫ് വിമന്‍ ലോയേഴ്സ് ഉള്‍പ്പെടുന്ന അഭിഭാഷകര്‍ യാതൊരു ഫീസോ മറ്റ് ചെലവുകളോ ഈടാക്കുന്നില്ല. കൂടാതെ ഉപദേശങ്ങളും സാധ്യമായ എല്ലാ സഹായങ്ങളും നല്‍കും. തുടര്‍ച്ചയായ മഴയും വീടുകളില്‍ വെള്ളം കയറിയതും കാരണം സിസ്റ്റേഴ്സ് ഓഫ് ദി ഡെസ്റ്റിറ്റ്യൂട്ടിന്‍റെ നേതൃത്വത്തിലുള്ള ഉദയ ഭവനിലാണ് പരിപാടി നടന്നത്. പട്ടികജാതി, പട്ടികവര്‍ഗ, മറ്റ് ബിപിഎല്‍ വിഭാഗങ്ങള്‍ക്ക് അസോസിയേഷന്‍ നല്‍കുന്ന മികച്ച സേവനത്തെക്കുറിച്ച് കേരള ഫെഡറേഷന്‍ ഓഫ് വിമന്‍ ലോയേഴ്സ് പ്രസിഡന്‍റ് അഡ്വ. ശാന്തമ്മ സംസാരിച്ചു. റോട്ടറി മുന്‍ ജില്ലാ ഗവര്‍ണര്‍മാരായ ബി.ആര്‍. അജിത്ത്, ബാബു ജോസഫ്, കേരള ഫെഡറേഷന്‍ ഓഫ് വിമന്‍ ലോയേഴ്സ് സെക്രട്ടറിയും ഗവണ്‍മെന്‍റ് പ്ലീഡറുമായ അഭിഭാഷക രഞ്ജിത ജെയ്സണ്‍ എന്നിവര്‍ പ്രസംഗിച്ചു.

44-ാം വയസിൽ 44 കി.മീ. മാരത്തോൺ ഓടി വിമുക്തഭടന്‍റെ ലഹരിക്കെതിരെയുള്ള പോരാട്ടം

ആലുവ : വർധിച്ചു വരുന്ന ലഹരിയുടെ ഉപയോഗത്തിനെതിരെ യുവതലമുറയിൽ ഒരു ബോധവത്കരണം ലക്ഷ്യമിട്ട് റിട്ട. മിലിട്ടറി വാറണ്ട് ഓഫീസറുടെ മാരത്തോൺ ഓട്ടം. ആലുവ ദേശം മഠത്തിമൂലയിൽ അൻവർ ആണ് 44 -മത് ജന്മദിനത്തിൽ 44 കിലോമീറ്റർ ഓടിയത്. ഇന്നലെ പുലർച്ചെ നാലിന് ആലുവ ദേശം ജംഗ്ഷനിൽ ജനസേവ ശിശുഭവൻ ചെയർമാൻ ജോസ് മാവേലി മാരത്തൻ ഫ്ലാഗ് ഓഫ് ചെയ്തു. ആലുവ ദേശത്തുനിന്നും മൂവാറ്റുപുഴയിലേക്ക് ആയിരുന്നു മാരത്തൺ നടത്തിയത്. 8.30ഓടുകൂടി മൂവാറ്റുപുഴ മേജർ രവി അക്കാദമിയുടെ ട്രെയിനിംഗ് ഗ്രൗണ്ടിൽ എത്തിച്ചേർന്ന അൻവറിനെയും സംഘത്തെയും അക്കാദമി അംഗങ്ങൾ സ്വീകരിച്ചു. അൻവർ മേജർ രവി അക്കാദമിയിലെ ട്രെയിനർ കൂടിയാണ്. പെരിയാർ അഡ്വഞ്ചേഴ്സ് ക്ലബ്ബിലെ അംഗങ്ങളായ ഡോ. ജയ് മോഹന്‍, ബാലകൃഷ്ണൻ നായർ, പ്രദീപ് , സുനിൽ, അനിൽ, ബിനീഷ്, സജീഷ് നായർ, രഞ്ജിത്ത്, കുഞ്ഞുമോൻ എന്നിവർ മാരത്തൺ ഓട്ടത്തിൽ പങ്കെടുത്തു.

വല്ലാര്‍പാടം ബസിലിക്കയില്‍ തിരുനാളിന് നാളെ കൊടിയേറും

കൊച്ചി: ചരിത്രപ്രസിദ്ധ മരിയന്‍ തീര്‍ഥാടന കേന്ദ്രമായ വല്ലാര്‍പാടം ബസിലിക്കയില്‍ ഈ വര്‍ഷത്തെ പെന്തക്കോസ്ത തിരുനാളിന് നാളെ വൈകീട്ട് 5.30 ന് ആർച്ച്ബിഷപ് ഡോ. ഫ്രാന്‍സീസ് കല്ലറയ്ക്കല്‍ കൊടിയേറ്റും. തുടര്‍ന്നുള്ള ദിവ്യബലിയില്‍ അദ്ദേഹം മുഖ്യ കാര്‍മികനായിരിക്കും. ഫാ. ലാസര്‍ സിന്‍റോ തൈപറമ്പില്‍ പ്രസംഗിക്കും. ആറു നാള്‍ നീണ്ടു നില്ക്കുന്ന തിരുനാളാഘോഷങ്ങള്‍ എട്ടിന് സമാപിക്കും. സമാപന ദിനത്തിലെ പൊന്തിഫിക്കല്‍ ദിവ്യബലിക്ക് വരാപ്പുഴ അതിരൂപത സഹായ മെത്രാന്‍ ബിഷപ് ഡോ. ആന്‍റണി വാലുങ്കല്‍ മുഖ്യകാർമികനാകും. ഫാ. വിബിന്‍ ചൂതംപറമ്പില്‍ പ്രസംഗിക്കും. തിരുനാളാഘോഷങ്ങളുമായി ബന്ധപ്പെട്ട ഒരുക്കങ്ങള്‍ പൂര്‍ത്തിയായതായി ബസിലിക്ക റെക്ടര്‍ ഫാ. ജെറോം ചമ്മിണിക്കോടത്ത് പറഞ്ഞു.

ആലുവ പാലസ് റോഡിലെ പൊതുകാനയിൽ നിന്ന് ദുർഗന്ധം

ആലുവ: പാലസ് റോഡിലെ പൊതു കാനയിൽ ഹോട്ടൽ മാലിന്യം തള്ളുന്നതായി പരാതി. നഗരസഭയുടെ കെട്ടിടമായ റസ്റ്റ് ഹൗസ് ബിൽഡിംഗിന് മുന്നിലുള്ള പൊതു കാനയിലാണ് മാലിന്യം കുന്നുകൂടി ദുർഗന്ധം വമിക്കുന്നത്. കഴിഞ്ഞ ദിവസം നഗരസഭാ ഉദ്യോഗസ്ഥരെത്തി ഇത് തുറന്ന് പരിശോധിച്ചപ്പോഴാണ് മാലിന്യം തള്ളിയിരിക്കുന്നതായി കണ്ടെത്തിയത്. എന്നാൽ ഹോട്ടലുകൾക്കെതിരെ ആരോഗ്യ വിഭാഗം നടപടിക്കുന്നില്ലെന്ന് പ്രദേശവാസികൾ ആരോപിച്ചു.

പെരിയാറിൽ പ്ലസ്ടു വിദ്യാർഥി മുങ്ങി മരിച്ചനിലയിൽ

വരാപ്പുഴ: പെരിയാറിൽ കുളിക്കാനിറങ്ങിയ പ്ലസ്ടു വിദ്യാർഥിയെ മുങ്ങി മരിച്ചനിലയിൽ കണ്ടെത്തി. വരാപ്പുഴ ചിറയ്ക്കകം കളത്തിപ്പറന്പിൽ പരേതനായ ഡെന്നീസിന്‍റെയും സിമിയുടെയും മകൻ പോൾ (17) ആണ് മരിച്ചത്. കൂനമ്മാവ് സെന്‍റ് ജോസഫ് സ്കൂളിലെ വിദ്യാർഥിയാണ്. ഇന്നലെ ഉച്ചയ്ക്ക് വരാപ്പുഴ ബസിലിക്ക പള്ളിയുടെ മുന്നിലുള്ള പുഴ കടവിലാണു രണ്ടു കൂട്ടുകാർക്കൊപ്പം പോൾ കുളിക്കാൻ ഇറങ്ങിയത്. നീന്തുന്നതിനിടെ പുഴയിൽ മുങ്ങിത്താഴുകയായിരുന്നുവെന്ന് പോലീസ് പറഞ്ഞു. കൂട്ടുകാർക്കു നീന്തൽ നല്ല വശമുണ്ടായിരുന്നില്ല. കൂട്ടുകാരുടെ നിലവിളി കേട്ടു എത്തിയ നാട്ടുകാർ പുഴയിൽ തെരച്ചിൽ നടത്തിയെങ്കിലും ഫലമുണ്ടായില്ല. ഏലൂർ അഗ്നിരക്ഷാ സേനയിലെ സ്കൂബ ടീം എത്തി നടത്തിയ തെരച്ചിലിൽ വൈകിട്ട് ആറോടെയാണ് കടവിനോടു ചേർന്നുള്ള ഭാഗത്തുനിന്ന് മൃതദേഹം കണ്ടെത്തിയത്. സംസ്കാരം ഇന്ന്. സഹോദരി: മരിയ. വരാപ്പുഴ പോലീസ് മേൽനടപടികൾ സ്വീകരിച്ചു.

മൈസൂരു സ്വദേശിയെ തട്ടിക്കൊണ്ടുപോയ കേസിൽ ഒളിവിലായിരുന്ന ഒന്നാം പ്രതി പിടിയിൽ

കാക്കനാട്: മൈസുരു സ്വദേശിയെ കാറിൽ തട്ടിക്കൊണ്ടുപോയി പണവും മൊബൈൽഫോണും കവർന്നശേഷം കൈ തല്ലിയൊടിക്കുകയും ചെയ്ത കേസിൽ ഒളിവിൽ കഴിഞ്ഞ ഒന്നാംപ്രതി അറസ്റ്റിൽ. തൃശൂർ തളിക്കുളം നടുവിലെ വീട്ടിൽ ഖാദറിന്‍റെ മകൻ ഷാനിമോനെ(44)യാണ് തൃക്കാക്കര പോലീസ് അറസ്റ്റ് ചെയ്തത്. സുഹൃത്ത് മുഖേന ഡ്രൈവർ ജോലിക്കായി കൊച്ചിയിലെത്തിയതായിരുന്നു പരാതിക്കാരൻ. ഇയാളുടെ സുഹൃത്തുക്കളായ നാലു മൈസൂർ സ്വദേശികളും, ഒന്നാം പ്രതി ഷാനിമോനും ചേർന്ന് പരാതിക്കാരനെ ബലമായി കാറിൽ കയറ്റി ഇടപ്പള്ളിയിലുള്ള ഒരു ഫ്ലാറ്റിലേക്ക് കൊണ്ടുപോകുകയും അവിടെ വച്ച് മർദിച്ച് കൈയൊടിച്ചശേഷം മൊബൈൽ ഫോണും മറ്റും കവർന്നു കടക്കുകയായിരുന്നു. പോലീസ് കേസെടുത്തതറിഞ്ഞ് പ്രതികൾ ഒളിവിൽ പോകുകയായിരുന്നു. രണ്ടും മൂന്നും പ്രതികളായ മൈസൂർ സ്വദേശികളായ നന്ദനെയും തേജസിനെയും പാലക്കാട് ആലത്തൂരിൽ നിന്നും നേരത്തെ പിടികൂടിയിരുന്നു. ഒന്നാം പ്രതിയായ ഷാനിമോൻ പലയിടങ്ങളിൽ ഒളിവിൽ കഴിയുകയായിരുന്നു. തൃക്കാക്കര പോലീസ് ഇൻസ്പെക്ടർ എ.കെ. സുധീറിന്‍റെ നേതൃത്വത്തിലുള്ള സംഘമാണ് പ്രതിയെ അതിസാഹസികമായി പിടികൂടിയത്. പ്രതിയെ റിമാൻഡ് ചെയ്തു.

14കാരിയെ പീഡിപ്പിച്ച രണ്ടാനച്ഛൻ അറസ്റ്റിൽ

ആലുവ: പതിനാലുകാരിയെ പീഡിപ്പിച്ച ആംബുലൻസ് ഡ്രൈവറായ രണ്ടാനച്ഛനെ അമ്മയുടെ പരാതിയിൽ ആലുവ പോലീസ് അറസ്റ്റ് ചെയ്തു. റൂറൽ എസ്പിക്ക് അമ്മയും മകളും നേരിട്ടെത്തിയാണ് പരാതി നൽകിയത്. തുടർന്ന് പ്രതിക്കെതിരെ പോക്സോ കേസ് എടുക്കുകയായിരുന്നു. പാലക്കാട് സ്വദേശികളായ ഇവർ ഒരു വർഷത്തിലേറെയായി ആലുവ മുട്ടത്തെ വാടക വീട്ടിലാണ് താമസിക്കുന്നത്. ഇതിനിടെയാണ് രണ്ടാനച്ഛൻ കുട്ടിയെ പീഡനത്തിനിരയാക്കിയതെന്ന് പരാതിയിൽ പറയുന്നു. ആലുവയിലെ സ്വകാര്യ വിദ്യാലയത്തിൽ പഠിക്കുന്ന കുട്ടിയെ ഒരു വർഷത്തിലേറെയായി പീഡനത്തിന് ഇരയാക്കിയത്. അമ്മയെ ശാരീരികമായും മാനസികമായും ഉപദ്രവിക്കാറുണ്ട് എന്നും പരാതിയിൽ പറയുന്നു. കുട്ടിയെ വൈദ്യപരിശോധനയ്ക്ക് ഉൾപ്പെടെ വിധേയമാക്കി. ഫേസ്ബുക്കിൽ കുട്ടി എഴുതിയ കുറിപ്പ് ബന്ധുവിന്‍റെ ശ്രദ്ധയിൽപ്പെട്ടതോടെയാണ് സംഭവം പുറത്തറിഞ്ഞത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

കൊച്ചി കായലില്‍ ചാടിയ നാവിക ഉദ്യോഗസ്ഥനെ കണ്ടെത്താനായില്ല

കൊച്ചി: വെണ്ടുരുത്തി പാലത്തില്‍നിന്ന് കൊച്ചി കായലില്‍ ചാടിയ ടാന്‍സാനിയന്‍ സ്വദേശിയായ നാവിക ഉദ്യോഗസ്ഥനെ കണ്ടെത്താനായില്ല. ഏഴിമല നാവിക അക്കാഡമിയില്‍നിന്ന് പരിശീലനം നേടിയ സംഘത്തിലെ നാവിക ഉദ്യോഗസ്ഥനായ അബ്ദുള്‍ ഇബ്രാഹിം സാലിഹാ(22)ണ് ഇന്നലെ വൈകിട്ട് 6.30ന് കായലില്‍ ചാടിയത്. നാവികസേന, തീരസംരക്ഷണ സേന, അഗ്‌നി രക്ഷാസേന, ഹാര്‍ബര്‍ പോലീസ് എന്നിവര്‍ മണിക്കൂറുകളോളം തെരച്ചില്‍ നടത്തിയെങ്കിലും കണ്ടെത്താനായില്ല. ഔദ്യോഗിക പരിശീലനത്തിന്‍റെ ഭാഗമായി കായലില്‍ ചാടിയതല്ലെന്നാണ് പ്രാഥമിക നിഗമനമെന്ന് ഹാര്‍ബര്‍ പോലീസ് പറഞ്ഞു. രാത്രി വൈകിയും തെരച്ചില്‍ തുടരുകയാണ്.

കോട്ടപ്പടിയില്‍ കാട്ടാന ആക്രമണം; വീടിനും സ്‌കൂട്ടറിനും കേടുപാട്

കോതമംഗലം: കോട്ടപ്പടിയില്‍ കാട്ടാനയുടെ ആക്രമണത്തിൽ വീടിനും വീട്ടുമുറ്റത്ത് പാര്‍ക്ക് ചെയ്തിരുന്ന ഇലക്ട്രിക് സ്‌കൂട്ടറിനും കേടുപാട് സംഭവിച്ചു. ശനിയാഴ്ച അര്‍ധരാത്രി വടക്കുംഭാഗം കൂവകണ്ടം മഞ്ഞളാകുടി കുമാരി ശശിയുടെ വീട്ടുമുറ്റത്താണ് കൊമ്പന്‍ എത്തിയത്. വീട്ടി ലേക്കുള്ള സര്‍വീസ് വയറും മോ ട്ടറിലേക്കുള്ള വയറും ആന പൊട്ടിച്ചെന്നും വീട്ടുകാര്‍ പറഞ്ഞു. വനപാലകര്‍ സ്ഥലത്തെത്തി പരിശോധന നടത്തി. പിണ്ടിമന പഞ്ചായത്തിലെ കുളങ്ങാട്ടുകുഴി പള്ളിക്ക് സമീപം പിച്ചപ്ര നഗറില്‍ ഇടയാലില്‍ ബൈജുവിന്‍റെ പുരയിടത്തിലെത്തിയ ആന വാഴകളും നശിപ്പിച്ചു. വേട്ടാംപാറ കടുക്കാസിറ്റി ഇഞ്ചപ്പിള്ളില്‍ ശശിയുടെ പുരയിടത്തിലും ആന നാശമുണ്ടാക്കി.

ശമ്പളമില്ലാതെ ആയിരക്കണക്കിന് അധ്യാപക പരിശീലകർ

ബോബൻ ബി. കിഴക്കേത്തറ ആലുവ: സമഗ്രശിക്ഷാ കേരളം പദ്ധതിയുടെ (എസ്എസ്കെ) കീഴിലുള്ള 14 ജില്ലാ ഓഫീസുകളിലും 168 ബ്ലോക്ക് റിസോഴ്സ് സെന്‍ററുകളിലും (ബിആർസി) പ്രവർത്തിക്കുന്ന അധ്യാപകർക്കും ജീവനക്കാർക്കും ശമ്പളം മുടങ്ങിയിട്ട് രണ്ടു മാസം. കഴിഞ്ഞ വർഷവും ഏപ്രിൽ, മേയ് മാസങ്ങളിലെ ശമ്പളം മുടങ്ങിയിരുന്നു. സമഗ്രശിക്ഷാ പദ്ധതിയിലെ കേന്ദ്ര വിഹിതം ലഭിക്കാത്തതിനാലാണ് ശമ്പളം വൈകുന്നതെന്നാണു ജീവനക്കാർക്കു നൽകിയിരിക്കുന്ന വിശദീകരണം. കഴിഞ്ഞ വർഷം രണ്ടു ഘട്ടമായി ജൂലൈ മാസമാണ് ശമ്പളം ജീവനക്കാർക്ക് നൽകിയത്. പദ്ധതിയിലേക്കു ഡെപ്യൂട്ടേഷനിൽ വന്നവർക്ക് രണ്ടാം മാസം കഴിഞ്ഞാണ് ശമ്പളം കൈമാറിയത്. കേന്ദ്ര സർക്കാർ പദ്ധതിവിഹിതം കൈമാറുന്നത് രണ്ടുമാസമായി നിർത്തിവച്ചതോടെയാണ് പദ്ധതി പ്രവർത്തനങ്ങൾ പ്രതിസന്ധിയിലായിരിക്കുന്നത്. കഴിഞ്ഞ വർഷം അധ്യാപകർക്കുള്ള ക്ലസ്റ്റർ ട്രെയിനിംഗുകളും നടത്താൻ കഴിഞ്ഞിരുന്നില്ല. വിദ്യാലയങ്ങളിലെ ഒന്നു മുതൽ എട്ടുവരെ ക്ലാസുകളിലെ എപിഎൽ വിഭാഗത്തിലെ ആൺകുട്ടികൾ ഒഴികെ എല്ലാ വിദ്യാർഥികൾക്കും സൗജന്യ യൂണിഫോം എസ്എസ്കെയാണു നൽകുന്നത്. അതും രണ്ടുവർഷമായി മുടങ്ങി. പുതിയ ദേശീയ വിദ്യാഭ്യാസ നയത്തിൽ ഉൾപ്പെടുത്തിയ പ്രധാനമന്ത്രി സ്‌കൂൾ ഫോർ റൈസിംഗ് ഇന്ത്യ (പിഎം ശ്രീ) പദ്ധതിയെ തമിഴ്നാടിനൊപ്പം കേരളവും എതിർക്കുന്നുണ്ട്. ഇതിലെ ധാരണാപത്രത്തിൽ ഒപ്പുവയ്ക്കാത്തതിനാൽ എസ്എസ്കെ ഫണ്ട് തടഞ്ഞതാണെന്നാണ് കേരളത്തിന്‍റെ ആരോപണം. കേന്ദ്രം 60 ശതമാനവും സംസ്ഥാനങ്ങൾ 40 ശതമാനവുമാണ് എസ്എസ്കെ ഫണ്ട് വിനിയോഗിക്കുന്നത്. അധ്യാപക പരിശീലനം ഉൾപ്പെടെ നിരവധി പദ്ധതിക്കും പ്രോഗ്രാമുകൾക്കും ഉപജില്ലാ തലത്തിൽ എസ്എസ്കെയുടെ കീഴിലുള്ള ബ്ലോക്ക് റിസോഴ്സ് സെന്‍ററുകളാ (ബിആർസി)ണ് ചുക്കാൻ പിടിക്കുന്നത്.

ഭൂതത്താന്‍കെട്ട് ഡാമിന്‍റെ ഷട്ടറുകൾ അടച്ചു

കോതമംഗലം: മഴയും നീരൊഴുക്കും കുറഞ്ഞതോടെ ഭൂതത്താന്‍കെട്ട് ഡാമിന്‍റെ ഷട്ടറുകൾ അടച്ചു. വൃഷ്ടിപ്രദേശത്ത് ജലനിരപ്പ് വലിയ അളവില്‍ താഴ്ന്നതോടെ വിവിധ കുടിവെള്ള പദ്ധതികൾ പ്രതിസന്ധിയിലായിരുന്നു. ജലനിരപ്പ് 26.5 മീറ്ററില്‍ എത്തി, പമ്പിംഗ് മുടങ്ങുന്ന അവസ്ഥയിലെത്തിയപ്പോഴാണ് ഡാമിന്‍റെ ഷട്ടറുകൾ അടച്ചത്. ശക്തമായ മഴ മുന്നറിയിപ്പ് ഉണ്ടായിരുന്നതിനാൽ ഒരാഴ്ചയായി 15 ഷട്ടറും വലിയ അളവില്‍ തുറന്നിരിക്കുകയായിരുന്നു. ജില്ലാ കളക്ടറുടെ നിര്‍ദേശാനുസരണം ഡാമിന്‍റെ 13 ഷട്ടറും ഞായറാഴ്ച ഉച്ചയോടെ യാണ് അടച്ചത്. പെരിയാറിലേക്ക് വെള്ളം എത്തുന്നതിനായി രണ്ട് ഷട്ടര്‍ മാത്രം 30 സെന്‍റിമീറ്റര്‍ തുറന്നിട്ടുണ്ട്. ഡാമിന്‍റെ പരമാവധി ജലനിരപ്പ് 34.85 മീറ്ററാണ്. 30 മീറ്റര്‍ ജലനിരപ്പ് ഉണ്ടെങ്കിൽ മാത്രമേ പമ്പിംഗ് സുഗമമായി നടത്താനാകൂ. മഴ ശക്തമായി ജലനിരപ്പ് ഉയര്‍ന്നാല്‍ ഷട്ടര്‍ വീണ്ടും തുറക്കും. വൈകിട്ടോടെ ജലനിരപ്പ് ഉയര്‍ന്ന് തുടങ്ങിയിട്ടുണ്ടെന്ന് പെരിയാര്‍ വാലി അധികൃതര്‍ പറഞ്ഞു.

ജില്ലയില്‍ മഴയ്ക്ക് നേരിയ ശമനം

കൊച്ചി: ജില്ലയില്‍ ഒരാഴ്ചയോളമായി തുടരുന്ന കനത്ത മഴയ്ക്ക് നേരിയ ശമനം. ഇന്നലെ രാവിലെ മുതല്‍ മഴ ഒഴിഞ്ഞു നിന്നതോടെ ജില്ലയുടെ താഴ്ന്ന പ്രദേശങ്ങളിലടക്കം വെള്ളക്കെട്ട് മാറിത്തുടങ്ങി. നദികളിലെ അപകടകരമായ ജലനിരപ്പും താഴ്ന്നു. തീരത്ത് കടല്‍ക്ഷോഭത്തിന്‍റെ തീവ്രതയും കുറഞ്ഞിട്ടുണ്ട്. വീടുകളില്‍ വെള്ളം കയറിയതിനെത്തുടര്‍ന്ന് ദുരിതത്തിലായ കണ്ണമാലി, പുത്തന്‍തോട്, മാനാശേരി, സൗദി, വൈപ്പിന്‍, എടവനക്കാട്, നായരമ്പലം തുടങ്ങിയ പ്രദേശങ്ങളിലെ ദുരിത ബാധിതര്‍ക്കും മഴ മാറി നിന്നത് ആശ്വാസമായി. അതേസമയം ജില്ലയുടെ കിഴക്കന്‍ മേഖലയില്‍ ഇടവിട്ട് ചാറ്റല്‍ മഴ തുടരുകയാണ്. ഇന്നലൈ ആലുവ മേഖലയില്‍ 16 മില്ലി മീറ്റര്‍ മഴയും, കൊച്ചി 12.4 മില്ലിമീറ്റര്‍, കൊച്ചി(സിയാല്‍) 7.8 മില്ലി മീറ്റര്‍, എറണാകുളം സൗത്ത് 26.6 മില്ലീമീറ്റര്‍, പിറവം 10.3 മില്ലി മീറ്റര്‍, പെരുമ്പാവൂര്‍ 3.0 മില്ലി മീറ്റര്‍ എന്നിങ്ങനെയാണ് മഴ ലഭിച്ചത്. മഴയിലും കാറ്റിലുമായി ജില്ലയുടെ വിവിധ ഭാഗങ്ങളിൽ ഇതുവരെ 230 വീടുകള്‍ക്കാണ് നാശനഷ്ടം നേരിട്ടിട്ടുള്ളത്. മൂന്ന് വീടുകള്‍ പൂര്‍ണമായും 227 വീടുകള്‍ക്ക് ഭാഗികമായുമാണ് കേടുപാടുകള്‍ സംഭവിച്ചിട്ടുള്ളത്. തീരദേശത്ത് വീടുകളില്‍ നിന്ന് വെള്ളം നീങ്ങിത്തുടങ്ങിയതോടെ ഇന്നലെ പലയിടങ്ങളിലും ശുചീകരണ പ്രവര്‍ത്തനങ്ങള്‍ നടന്നു.

അവധി കഴിഞ്ഞു; പഠനം "തുടരും'

കൊച്ചി: രണ്ട് മാസം നീണ്ട വേനലവധിക്ക് ശേഷം ജില്ലയിലെ സ്‌കൂളുകള്‍ ഇന്നുതുറക്കും. ആദ്യമായി സ്‌കൂളിലെത്തുന്ന കുരുന്നുകളെ സ്വീകരിക്കാന്‍ വര്‍ണാഭമായ ഒരുക്കങ്ങളാണ് സ്‌കൂള്‍ അധികൃതര്‍ നടത്തിയിട്ടുള്ളത്. പുതിയ അധ്യായന വര്‍ഷത്തിനു മുന്നോടിയായി സ്‌കൂള്‍ കെട്ടിടങ്ങളുടെ ഫിറ്റ്‌നസ് പരിശോധന പൂർത്തിയാകുന്നു. സ്‌കൂള്‍ ബസുകളുടെ പരിശോധന പൂര്‍ത്തിയായി. പോരായ്മകള്‍ കണ്ടെത്തിയവ, പ്രശ്‌നം പരിഹരിച്ച് ഉടനടി ഹാജരാക്കാനും നിര്‍ദേശിച്ചിട്ടുണ്ട്. സ്‌കൂള്‍ തുറക്കും മുമ്പുള്ള മുന്നൊരുക്കങ്ങളെക്കുറിച്ച് പൊതുവിദ്യാഭ്യാസവകുപ്പ് കൃത്യമായ നിര്‍ദേശങ്ങള്‍ നല്‍കിയിരുന്നു. അതനുസരിച്ചുള്ള തയാറെടുപ്പുകള്‍ ജില്ലായിലെ എല്ലാ സ്‌കൂളുകളിലും നടത്താനായിട്ടുണ്ടെന്ന് അധികൃതര്‍ അറിയിച്ചു. ആദ്യമായി സ്‌കൂളിലേക്കെത്തുന്ന കുട്ടികളെ സ്വീകരിക്കാന്‍ കളര്‍ഫുള്‍ ഒരുക്കങ്ങളാണ് സ്‌കൂളുകളും അധ്യാപക രക്ഷകര്‍ത്തൃ സംഘടനകളും ചേര്‍ന്ന് ഒരുക്കിയിട്ടുള്ളത്. രണ്ടു മാസത്തോളമായി ആളനക്കം ഇല്ലാതെ കിടന്ന സ്‌കൂള്‍ പരിസരങ്ങള്‍ സന്നദ്ധസംഘടനകളുടെ അടക്കം സഹകരണത്തോടെ വൃത്തിയാക്കി കഴിഞ്ഞു. അവസാനവട്ട ശുചീകരണ പ്രവര്‍ത്തനങ്ങളും സ്‌കൂള്‍ അലങ്കരിക്കുന്ന ജോലികളും ഇന്നലെ വൈകിട്ടോടെ പൂര്‍ത്തായി. ജില്ലാതല പ്രവേശനോത്സവം കടുങ്ങല്ലൂരില്‍ പുതിയ അധ്യയന വര്‍ഷത്തിലെ ജില്ലാതല സ്‌കൂള്‍ പ്രവേശനോത്സവം ഇന്നു രാവിലെ 9.30ന് ആലുവയില്‍ മന്ത്രി പി. രാജീവ് ഉദ്ഘാടനം ചെയ്യും. ജിഎച്ച്എസ് പടിഞ്ഞാറെ കടുങ്ങല്ലൂരില്‍ നടക്കുന്ന ചടങ്ങില്‍ സാഹിത്യകാരന്‍ സേതു അക്ഷരദീപം തെളിയിക്കും. ജില്ലാ പഞ്ചായത്തംഗം മനോജ് മൂത്തേടന്‍ അധ്യക്ഷത വഹിക്കും. ഹൈബി ഈഡന്‍ എംപി, ജില്ലാ കളക്ടര്‍ എന്‍.എസ്.കെ. ഉമേഷ്, തുടങ്ങിയവര്‍ പങ്കെടുക്കും. ‘അവധി ചോദിക്കാന്‍ നില്‍ക്കണ്ട, സ്‌കൂള്‍ ജീവിതം ആസ്വദിക്കൂ’ കളക്ടര്‍ കൊച്ചി: ജില്ലയില്‍ മഴ തുടരുന്നതിനിടെ സ്‌കൂളുകളുടെ അവധി തിരക്കി ജില്ലാ കളക്ടറുടെ ഫേസ്ബുക്ക് പേജില്‍ എത്തുന്ന കുട്ടികളുടെ എണ്ണവും കൂടി. ഇതോടെ മഴക്കാര്‍ കാണുമ്പോഴേക്കും അവധി ചോദിക്കുന്നത് നിര്‍ത്തി ഇനി സ്‌കൂളില്‍ പോയി പഠിച്ച് മിടുക്കരാവു എന്ന ആശംസയുമായി കളക്ടര്‍ രംഗത്തെത്തി. കൂട്ടുകാരുമായി കളിച്ച് ചിരിച്ചു പഠിച്ച് ജീവിതത്തിലെ ഏറ്റവും മനോഹരമായ ഓര്‍മ്മകള്‍ സൃഷ്ടിക്കൂ. ഔദ്യോഗിക ഫേസ്ബുക്ക് പേജില്‍ പങ്കുവച്ച പോസ്റ്റിലാണ് ജില്ലാ കളക്ടര്‍ വേനലവധി കഴിഞ്ഞെത്തുന്ന കുട്ടികളെ പുതിയ അധ്യയന വര്‍ഷത്തിലേക്ക് സ്വാഗതം ചെയ്തത്. അതേസമയം മഴ മുന്നറിയിപ്പുള്ള സാഹചര്യങ്ങളില്‍ മഴയുടെ തീവ്രതയും, സുരക്ഷ സാഹചര്യങ്ങളും പരിശോധിച്ച് കൃത്യമായി അവധി പ്രഖ്യാപിക്കുന്നതാണെന്നും കളക്ടര്‍ പറഞ്ഞു.

മരിച്ചനിലയിൽ കണ്ടെത്തി

വൈപ്പിൻ: നാട്ടറിവ് പ്രചാരകനായിരുന്ന ഓച്ചന്തുരുത്ത് തപോവനം ഡയറക്ടർ മഹേഷ് മങ്ങാട്ടിനെ (61) വീട്ടുവളപ്പിലെ ഷെഡിൽ മരിച്ചനിലയിൽ കണ്ടെത്തി. മൃതദേഹത്തിന് രണ്ടു ദിവസം പഴക്കമുണ്ട്. അവിവാഹിതനായ മഹേഷ് തനിച്ചായിരുന്നു താമസം. വീടിനുപുറത്തേക്ക് കാണാത്തതിനെ തുടർന്നു അയൽക്കാർ അന്വേഷിച്ചെത്തിയപ്പോഴായിരുന്നു മൃതദേഹം കണ്ടത്. പരേതരായ ദിവാകരൻ - ശീലാവതി ദന്പതികളുടെ മകനാണ്. സംസ്കാരം നടത്തി. ദേശീയ യുവജന അവാർഡ് ജേതാവു കുടിയായ മഹേഷ് 15 വയസുള്ളപ്പോൾ യുറീക്കാ ബാലവേദിയിലൂടെയാണ് പൊതുരംഗത്തെത്തിയത്.

അജ്ഞാതനെ ട്രെയിൻതട്ടി മരിച്ചനിലയിൽ കണ്ടെത്തി

നെടുന്പാശേരി: റെയിൽപ്പാളത്തിൽ അജ്ഞാതനെ ട്രെയിൻ തട്ടി മരിച്ചനിലയിൽ കണ്ടെത്തി. ചൊവ്വര റെയിൽവേ സ്റ്റേഷനും പുറയാറിനും ഇടയിൽ 65 വയസുള്ള പുരുഷന്‍റെ മൃതദേഹമാണ് കണ്ടെത്തിയത്. വിവരങ്ങളറിയാന്നവർ നെടുന്പാശേരി പോലീസ് സ്റ്റേഷനുമായി ബന്ധപ്പെടണം. ഫോണ്‍: 0484 2610611, 9497933048.

നവകേരള സദസിലെ നിർദേശത്തിൽ കോതമംഗലത്തിന് ലഭിച്ചത് ടൗണ്‍ ഹാൾ മാത്രം

കോതമംഗലം: നവകേരള സദസിൽ ലഭിച്ച നിർദേശപ്രകാരം സംസ്ഥാനത്തു സർക്കാർ പ്രഖ്യാപിച്ച പദ്ധതികളിൽ കോതമംഗലത്തിന് കിട്ടയത് ടൗണ്‍ ഹാൾ മാത്രം. ഏഴ് കോടിയാണ് ഇതിനായി അനുവദിച്ചിരിക്കുന്നത്. ഇത് കഴിഞ്ഞ സംസ്ഥാന ബജറ്റിൽ പ്രഖ്യാപിച്ചതുമാണ്. മുൻ ബജറ്റുകളിലും ടൗണ്‍ഹാളിനു തുക വകയിരുത്തിയിരുന്നു. തങ്കളം-കാക്കനാട് നാലുവരിപ്പാത, ചേലാട് രാജ്യാന്തര സ്റ്റേഡിയം തുടങ്ങി ഒട്ടേറെ പദ്ധതികൾ നിർദേശിക്കപ്പെട്ടെങ്കിലും പരിഗണിച്ചില്ല. 3905 അപേക്ഷകളാണു നവകേരള സദസിൽ കോതമംഗലത്ത് ലഭിച്ചത്.

മഴയിലും കാറ്റിലും കെഎസ്ഇബിക്ക് വ്യാപക നാശനഷ്ടം

മൂവാറ്റുപുഴ: നഗരത്തിൽ ദിവസങ്ങളായി തുടരുന്ന ശക്തമായ മഴയിലും കാറ്റിലും കെഎസ്ഇബിക്ക് വ്യാപക നാശനഷ്ടം. പോസ്റ്റുകൾ ഒടിഞ്ഞും മരങ്ങൾ വീണും കെഎസ്ഇബി മൂവാറ്റുപുഴ ഡിവിഷൻ ഓഫീസിന് കീഴിലെ നിരവധി പോസ്റ്റുകൾക്കും ട്രാൻസ്ഫോർമറുകൾക്കുമടക്കം നാശനഷ്ടം സംഭവിച്ചിട്ടുണ്ട്. കെഎസ്ഇബി മൂവാറ്റുപുഴ ഡിവിഷൻ ഓഫീസിന് കീഴിലുള്ള 14 സെക്ഷനുകളിലുമായി കഴിഞ്ഞ 24 മുതൽ 66 ഇലവൻ കെവി പോസ്റ്റുകളും 382 ചെറിയ പോസ്റ്റുകളും 40 ഇലവൻ കെവി കന്പികളും 2711 ചെറിയ കന്പികളും 1085 ട്രാൻസ്ഫോമറുകൾക്കും നാശനഷ്ടം സംഭവിച്ചിട്ടുണ്ട്. മൂവാറ്റുപുഴ ഡിവിഷന് കീഴിലെ 1,47,000 ഉപഭോക്താക്കൾക്ക് നാശനഷ്ടം നേരിടേണ്ടി വന്നതായി മൂവാറ്റുപുഴ ഇലക്ട്രിക്കൽ എൻജിനീയറുടെ ചുമതല വഹിക്കുന്ന വെള്ളൂർക്കുന്നം അസിസ്റ്റന്‍റ് എക്സിക്യൂട്ടീവ് എൻജിനീയർ ബെന്നി പോൾ പറഞ്ഞു. മുൻ വർഷങ്ങളെ അപേക്ഷിച്ച് ഇത്തവണ എല്ലാ സെക്ഷനുകളിലും കാലവർഷം നാശം സൃഷ്ടിച്ചു. കൂത്താട്ടുകുളം, പിറവം തുടങ്ങിയ മേഖലകളിലെ വൈദ്യുത തടസം പൂർണമായും പരിഹരിക്കാൻ ഇതുവരെയും സാധിച്ചിട്ടില്ല. മറ്റ് സെക്ഷനുകളിൽനിന്ന് കൂടി ജീവനക്കാരെ എത്തിച്ചാണ് ഇവിടെ വൈദ്യുതി ബന്ധം പുനസ്ഥാപിക്കാൻ കെഎസ്ഇബി അധികൃതർ ശ്രമിക്കുന്നത്.

‘കാലവർഷക്കെടുതി: നഷ്ടപരിഹാരം ഉടൻ നൽകണം’

പിറവം: കാലവർഷക്കെടുതിയിൽ വീടുകൾക്കും കൃഷി മേഖലയിലുമുണ്ടായ നാശനഷ്ടങ്ങളുടെ കണക്കെടുപ്പ് ഉടൻ പൂർത്തിയാക്കി തുടർ നടപടികൾ സ്വീകരിക്കണമെന്ന് അനൂപ് ജേക്കബ് എംഎൽഎ നിർദേശം നൽകി. നിയോജകമണ്ഡലത്തിലെ മഴക്കാലവുമായി ബന്ധപ്പെട്ട പ്രവര്‍ത്തനങ്ങളുടെ അവലോകന യോഗത്തിൽ സംസാരിക്കുകയായിരുന്നു എംഎല്‍എ. ഇപ്പോൾ സ്ഥിതിഗതികൾ നിയന്ത്രണ വിധേയമാണെന്ന് വിലയിരുത്തുകയും ചെയ്തു. വീടിനും കൃഷിക്കും നാശനഷ്ടമുണ്ടായവര്‍ക്ക് പരമാവധി ധനസഹായം നൽകണമെന്നാവശ്യപ്പെട്ട് റവന്യു, കൃഷി മന്ത്രിമാര്‍ക്കും കളക്ടര്‍ക്കും നിവേദനം നൽകിയിട്ടുണ്ട്. മണ്ഡലത്തിലെ വിവിധയിടങ്ങളില്‍ തകര്‍ന്ന വൈദ്യുതിബന്ധം ഭാഗികമായി പുനസ്ഥാപിച്ചിട്ടുണ്ട്. അടിയന്തരമായി വൈദ്യുതി ബന്ധം പൂര്‍ണമായി പുനസ്ഥാപിക്കാന്‍ നടപടികള്‍ സ്വീകരിക്കും. ജല വിതരണ പമ്പിംഗ് സ്റ്റേഷനുകളിലെ തകരാറുകള്‍ ഉടന്‍ പരിഹരിച്ച് ശുദ്ധ ജല വിതരണം തടസമില്ലാതെ വിതരണം നടത്തണമെന്നും നിര്‍ദേശം നൽകി. മുഴുവന്‍ തദ്ദേശ സ്വയം ഭരണ സ്ഥാപനങ്ങളും മഴക്കാല പൂർവ ശുചീകരണ പ്രവര്‍ത്തനങ്ങള്‍ പൂര്‍ത്തിയാക്കിയതായി യോഗത്തില്‍ പറഞ്ഞു. മഴക്കാലത്തുണ്ടാകുന്ന ഡെങ്കിപ്പനി, എലിപ്പനി തുടങ്ങിയ രോഗങ്ങള്‍ പടര്‍ന്ന് പിടിക്കാതിരിക്കാനുള്ള മുന്‍കരുതലുകള്‍ കൃത്യമായി നടത്തണമെന്ന് എംഎല്‍എ യോഗത്തില്‍ ആവശ്യപ്പെട്ടു. പിഡബ്ല്യുഡി റോഡിന്‍റെ വശങ്ങളിലുള്ള കാനകളുടെ ക്ലീനിംഗ് ജോലികള്‍ അടിയന്തരമായി പൂര്‍ത്തിയാക്കണം. റോഡരികുകളിൽ അപകടകരമായി നില്‍ക്കുന്ന മരങ്ങള്‍ മുറിച്ചുമാറ്റാനുള്ള നടപടികള്‍ സ്വീകരിക്കണമെന്നും വിഷയം കളക്ടറുടെ ശ്രദ്ധയില്‍പ്പെടുത്തിയിട്ടുണ്ടെന്നും എംഎല്‍എ യോഗത്തില്‍ അറിയിച്ചു.

മൂവാറ്റുപുഴ ജനറൽ ആശുപത്രിയിൽ അൾട്രാ സൗണ്ട് സ്കാനിംഗ് മെഷീൻ നാലു വർഷമായി പ്രവർത്തനരഹിതം

മൂവാറ്റുപുഴ: ജനറൽ ആശുപത്രിയിൽ ചികിത്സയ്ക്കെത്തുന്ന രോഗികൾക്കായി സ്ഥാപിച്ച അൾട്രാ സൗണ്ട് സ്കാനിംഗ് മെഷീൻ നാല് വർഷമായി പ്രവർത്തനരഹിതം. സൗജന്യമായി സ്കാൻ ചെയ്യാവുന്ന സൗകര്യമുണ്ടെങ്കിലും ഉപയോഗപ്പെടുത്താത്തതിന് കാരണം ജൂണിയർ കണ്‍സൾട്ടന്‍റ് റേഡിയോ ഡയഗ്നോസിസ് (റേഡിയോളജിസ്റ്റ്) തസ്തികയില്ലാത്തതാണ്. തസ്തിക അനുവദിയ്ക്കാൻ വേണ്ട നടപടി സ്വീകരിക്കാൻ അധികൃതർ തയാറാകുന്നില്ലെന്നാണ് ആരോപണം ഉയർന്നിരിക്കുന്നത്. ഇത് സ്വകാര്യ സ്കാനിംഗ് കേന്ദ്രങ്ങളെ സഹായിക്കാനാണെന്ന് എൽഡിഎഫ് മൂവാറ്റുപുഴ മണ്ഡലം കമ്മിറ്റി ആരോപിച്ചു. ഒരു റേഡിയോളജിസ്റ്റിനെ തൽക്കാലം ആശുപത്രിയിൽ നിയമിക്കാൻ നഗരസഭ തയാറായില്ല. ആശുപത്രിയിൽ ജൂണിയർ കണ്‍സൾട്ടന്‍റ് റേഡിയോളജിസ്റ്റിന്‍റെ തസ്തിക അനുവദിച്ചു നൽകണമെന്ന് ആവശ്യപ്പെട്ട് മന്ത്രി വീണ ജോർജിന് എൽഡിഎഫ് മൂവാറ്റുപുഴ മണ്ഡലം കമ്മിറ്റി നിവേദനം നൽകി.

കാലവർഷത്തിലും തകൃതിയായി സ്കൂൾ വിപണി

മൂവാറ്റുപുഴ: പുതിയ അധ്യായന വർഷമാരംഭിക്കുന്നതിന് ആഴ്ചകൾക്ക് മുന്പേ തകൃതിയായ കാലവർഷം സ്കൂൾ വിപണിയെ സാരമായി ബാധിക്കാത്തത് വ്യാപാരികൾക്ക് ആശ്വാസമായി. കുട്ടികളെ ആകർഷിക്കാൻ കാർട്ടൂണ്‍ കഥാപാത്രങ്ങളുടെയും, സൂപ്പർ ഹീറോകളുടെയും ചിത്രങ്ങൾ പതിപ്പിച്ച ബാഗുകളും, കുടകളുമായി കാത്തിരുന്ന വിപണിയിൽ ദിവസങ്ങളായുള്ള കനത്ത മഴ ചെറിയോതിൽ തിരിച്ചടിയായെങ്കിലും വിപണനത്തെ കാര്യമായി ബാധിച്ചില്ലെന്ന് വ്യാപാരികൾ പറയുന്നു. കുട്ടികൾക്കാവശ്യമായ പെൻസിൽ മുതൽ യൂണിഫോം വരെ വിപണിയിലെത്തിച്ചാണ് വ്യാപാരികൾ സ്കൂൾ വിപണിയെ വരവേറ്റത്. എന്നാൽ മൂവാറ്റുപഴയിലെ നഗരവികസന പ്രവർത്തനത്തിന്‍റെ ഭാഗമായുണ്ടായ ബുദ്ധിമുട്ടുകൾക്കിടയിലും കുട്ടികളുടെ സ്കൂൾ വിപണിയിൽ വ്യാപാരികൾ പ്രതീക്ഷയർപ്പിച്ചിരുന്നു. 300 രൂപയിലാരംഭിക്കുന്ന ബാഗുകൾ, ആനിമേഷൻ ചിത്രങ്ങളുള്ള ത്രീഡി ബാഗുകൾ, ചിത്രങ്ങൾ പതിപ്പിച്ചതും, പതിപ്പിക്കാതെയുമുള്ള കുടകൾ, ചെരുപ്പുകൾ, കുട്ടികൾക്കുള്ള മഴക്കോട്ടുകൾ, നോട്ട് ബുക്കുകൾ, ബോക്സുകൾ, ആകർഷകമായ പേന, പെൻസിലുകൾ, പുസ്തകങ്ങൾ പൊതിയുന്ന ബ്രൗണ്‍ പേപ്പർ റോളുകൾ, ടിഫിൻ ബോക്സുകൾ, വാട്ടർ ബോട്ടിലുകൾ തുടങ്ങിയവ മൂവാറ്റുപുഴയിലെ വിപണിയിലും മുൻ നിരയിലെത്തിയിട്ടുണ്ട്. അതേസമയം സ്കൂൾ തുറക്കാൻ ഒരുനാൾ മാത്രം ശേഷിക്കെ അവസാനവട്ട ഒരുക്കത്തിന് തയാറായിരുന്ന രക്ഷിതാക്കൾ കനത്ത മഴയിൽ വലയുകയാണ്.

സൗജന്യ ഡയാലിസിസ് പദ്ധതിയുമായി യംഗ് മെൻസ് ഇന്‍റർനാഷണൽ

കിഴക്കമ്പലം: യംഗ് മെൻസ് ഇന്‍റർനാഷണൽ ഈ വർഷം നടപ്പാക്കുന്ന സേവന പദ്ധതികളുടെ ഭാഗമായി ജീവൻ ദാര റീനൽകെയർ ഫൗണ്ടേഷനുമായി സഹകരിച്ച് ജില്ലയിലെ അർഹരായ വ്യക്ക രോഗികൾക്ക് സൗജന്യ ഡയാലിസിസുമായി കിഴക്കന്പലം യംഗ് മെൻസ് ക്ലബ്. അഞ്ചു ലക്ഷം രൂപയാണ് ഇതിനായി ചെലവാക്കുക. പദ്ധതിയുടെ ഉദ്ഘാടനം കിഴക്കമ്പലം റോയൽ ക്ലബ്ബിൽ വൈസ് മെൻ ഇന്‍റർനാഷണൽ പ്രസിഡന്‍റും ബാംഗളൂർ ഹിന്ദുസ്ഥാൻ ഗ്രൂപ്പ് ചെയർമാനുമായ ഡോ. കെ.സി. സാമുവൽ നിർവഹിച്ചു. ജീവധാര ഫൗണ്ടേഷൻ ചെയർമാനും - വൈഎംസിഎയുടെ റീനൽകെയർ പ്രോജക്ട് ദേശീയ അധ്യക്ഷനുമായ സാജു ചാക്കോ മുഖ്യപ്രഭാഷണം നടത്തി. ജില്ലയിലെ ആശുപത്രികളായ എറണാകുളം ലിസി, പഴങ്ങനാട് സമരിറ്റൻ, കോലഞ്ചേരി മെഡിക്കൽ മിഷൻ, കോതമംഗലം ധർമ്മഗിരി എന്നിവടങ്ങളിലെ നിർധന ഡയാലിസിസ് രോഗികൾക്കാണ് സൗജന്യ ചികിത്സ ലഭിക്കുന്നത്. ചടങ്ങിൽ മികച്ച സാമൂഹിക സേവനത്തിന് സാജു ചാക്കോ, മധു മാമ്മൻ, എം.വി തോമസ് എന്നിവരെ അനുമോദിച്ചു. തന്‍റെ മകളുടെ വിവാഹത്തിന് നിർധനരായ അഞ്ചു കുടുബങ്ങൾക്ക് 25 ലക്ഷം രൂപം ധനസഹായവും സൗജന്യമായി നിരവധി പേർക്ക് വീടുകൾ വച്ച് നൽകിയ ഷിബു പീറ്ററിനെ പ്രത്യേകം അനുമോദിച്ചു. ഉന്നത വിജയം നേടിയ വിദ്യാർഥികൾക്ക് അവാർഡുകളും വിതരണം ചെയ്യ്തു. ക്ലബ് പ്രസിഡന്‍റ് അലക്സ് വിറ്റി തോമസിന്‍റെ അധ്യക്ഷതയിൽ ചേർന്ന യോഗത്തിൽ സന്തോഷ് ജോർജ്, സി.എ. പ്രതീഷ് പോൾ, ജോസ് അൽഫോൻസ്, മിനു അന്ന മാത്യു, മധുമാമ്മൻ, ചെറിയാൻ പൂത്തിക്കോട് എന്നിവർ സംസാരിച്ചു.

കെഎസ്ആർടിസി ബസ് സ്റ്റാൻഡിൽ കൊടിതോരണങ്ങൾ : ആലുവ നഗരസഭ നോട്ടീസ് നൽകി

ആലുവ: കെഎസ്ആർടിസി ജീവനക്കാരുടെ റഫറണ്ടവുമായി ബന്ധപ്പെട്ട് പ്രചരണ ബോർഡുകളും തോരണങ്ങളും സ്ഥാപിച്ചതിനെതിരെ ആലുവ നഗരസഭ നോട്ടീസ് നൽകി. കോടതി വിധി പ്രകാരം പൊതു സ്ഥലങ്ങളിൽ ഫ്ലക്സുകൾ, തോരണങ്ങൾ പാടില്ലെന്നും എല്ലാം അടിയന്തിരമായി അഴിച്ചു മാറ്റണം എന്നുമാണ് നോട്ടീസിൽ ആവശ്യപ്പെട്ടത്. കെഎസ്ആർടിസി ഡിപ്പോയിലെ ഐഎൻടിയുസി, സിഐടിയു , ബിഎം എസ് എന്നീ ട്രേഡ് യൂണിയനുകൾക്ക് നോട്ടീസിന്‍റെ പകർപ്പ് ട്രാൻസ്പോർട്ട് കോർപറേഷൻ നൽകിയിട്ടുണ്ട്. എന്നാൽ കെഎസ്ആർടിസി കോർപറേഷൻ സ്ഥലത്ത് കൊടിതോരണങ്ങൾ വയ്ക്കുന്നതിനെതിരെ നോട്ടീസ് നൽകാൻ ആലുവ നഗരസഭയ്ക്ക് അവകാശമില്ലെന്ന് ഐഎൻടിയുസി നേതാവും ജീവനക്കാരനുമായ ഷിബു ജോസഫ് "ദീപിക' യോട് പറഞ്ഞു. ട്രേഡ് യൂണിയൻ സംഘടനകളുടെ അംഗീകാരത്തെ ബാധിക്കുന്നതിനാൽ വളരെയധികം കൊടിതോരണങ്ങളും ഫ്ലക്സുകളും വിശാലമായ ബസ് സ്റ്റാൻഡിനകത്ത് ഉയർന്നിരുന്നു. കനത്ത മഴയിൽ ചിലത് നശിച്ചുപ്പോയെങ്കിലും മുഴുവനായി മാറ്റിയിട്ടില്ല. ഇത് മാറ്റാനാണ് ആലുവ നഗരസഭ ആവശ്യപ്പെട്ടത്. കഴിഞ്ഞ ഏപ്രിൽ 30ന് നടക്കേണ്ട റഫറണ്ടം കോടതി ഉത്തരവിനെ തുടർന്ന് നീട്ടിവച്ചിരിക്കുകയാണ്. ബദലി എന്നറിയപ്പെടുന്ന എം പാനലിൽ താത്ക്കാലിക ജീവനക്കാരെ നിയമിച്ച് വോട്ടവകാശം നൽകി ഭൂരിപക്ഷം നേടാനുള്ള സർക്കാർ നീക്കത്തിനെതിരെ പ്രതിപക്ഷ യൂണിയനുകൾ കോടതിയെ സമീപിച്ചതാണ് റഫറണ്ടം മുടങ്ങാനുള്ള കാരണം. ആലുവയിൽ 20 അടക്കം 4800 ജീവനക്കാരെയാണ് സർക്കാർ എല്ലാ ഡിപ്പോകളിലുമായി നിയമിച്ചത്. വോട്ടവകാശം ലഭിക്കണമെങ്കിൽ ജീവനക്കാർ 120 ജോലി ചെയ്തിരിക്കണമെന്ന ചട്ടം നടപ്പിലാക്കാൻ മറ്റ് ജീവനക്കാരുടെ ജോലിയിൽ വെട്ടിക്കുറവ് വരുത്തി താത്കാലിക ജീവനക്കാർക്ക് ഡ്യൂട്ടി നൽകിയെന്നും ആരോപണമുണ്ട്. കോണ്‍ഗ്രസ്, സിപിഐ, ബി ജെ പി തുടങ്ങിയ സംഘടനകളുടെ കെ എസ് ആർ ടി സി സംഘടനകള്‍ റഫറണ്ടത്തില്‍ വിജയിക്കാനാവുമെന്ന പ്രതീക്ഷയിലാണ്. എന്നാൽ സിപിഎം നിയന്ത്രണത്തിലുള്ള സിഐടിയു അൽപ്പം ആശങ്കയിലാണ്.

ജാതിയധിക്ഷേപം: ബിജെപിയുടെ പരാതി പട്ടികജാതി കമ്മീഷൻ തള്ളി

തൃപ്പൂണിത്തുറ: തൃപ്പൂണിത്തുറ നഗരസഭാ വൈസ് ചെയർമാൻ കെ.കെ. പ്രദീപ് കുമാറിനെതിരെ ബിജെപി പാർലമെന്‍ററി പാർട്ടി ലീഡർ പി.കെ. പീതാംബരൻ പട്ടികജാതി കമ്മീഷന് നൽകിയ പരാതി കമ്മീഷൻ തള്ളിക്കളഞ്ഞു. നഗരസഭയിലെ എംസിഎഫ് നിർമാണവുമായി ബന്ധപ്പെട്ട് നടന്ന കൗൺസിൽ യോഗത്തിൽ പി.കെ. പീതാംബരനെ ജാതീയമായി അധിക്ഷേപിച്ചുവെന്നാരോപിച്ച് നൽകിയ പരാതിയിൽ പറഞ്ഞ കാര്യങ്ങളിൽ ജാതിയധിക്ഷേപം ഇല്ലെന്ന് കണ്ടെത്തി പരാതിയിലെ തുടർനടപടി അവസാനിപ്പിച്ചതായി കമ്മീഷൻ അറിയിച്ചു.

കാർട്ടൂണിസ്റ്റ് സീരിയെ ജന്മനാട് ആദരിച്ചു

ചെറായി: കേരള കാർട്ടൂൺ അക്കാദമി വിശിഷ്‌ടാംഗമായ കാർട്ടൂണിസ്‌റ്റ് സീരിയുടെ നവതി ആഘോഷം പ്രതിപക്ഷ നേതാവ് അഡ്വ. വി.ഡി. സതീശൻ ഉദ്ഘാടനം ചെയ്തു. സീരി കാർട്ടൂണുകളുടെ പ്രദർശനം കേരള കാർട്ടൂൺ അക്കാദി സെക്രട്ടറി എ. സതീഷ് ഉദ്ഘാടനം ചെയ്തു. കേരള കാർട്ടൂൺ അക്കാദമി പ്രസിദ്ധീകരിച്ച സീരി എന്ന പുസ്‌തകം പൂയപ്പിള്ളി തങ്കപ്പൻ പ്രകാശനം ചെയ്തു. കെ.എൻ. ഉണ്ണികൃഷ്ണൻ എംഎൽഎ അധ്യക്ഷനായി. കാർട്ടൂൺ അക്കാഡമി ചെയർമാൻ സുധീർനാഥ്, സുനിൽ.പി. ഇ ഇളയിടം,അഡ്വ. എം.എം.മോനായി, സിപ്പി പളളിപ്പുറം, ജോസഫ് പനക്കൽ, അഡ്വ. കെ.വി. ഏബ്രഹാം, ടി.പി. സോമസുന്ദരൻ, കെ.ആർ. ഗോപി എന്നിവർ പ്രസംഗിച്ചു.

ഇലക്ട്രിക് ടോയ് കാർ പ്രവർത്തിച്ചില്ല : വ്യാപാരിക്ക് പിഴ ചുമത്തി ഉപഭോക്തൃ കോടതി

കൊച്ചി: പ്രവര്‍ത്തനരഹിതമായ ഇലക്ട്രിക് ടോയ് കാര്‍ നല്‍കി ഉപഭോക്താവിനെ കബളിപ്പിച്ചെന്ന പരാതിയില്‍ വ്യാപാരിക്കെതിരെ ജില്ലാ ഉപഭോക്തൃ തര്‍ക്കപരിഹാര കമ്മീഷന്‍ പിഴ ശിക്ഷ വിധിച്ചു. ടോയ് കാര്‍ റിപ്പയര്‍ ചെയ്തു നല്‍കുകയോ അതിന്‍റെ വില തിരിച്ചു നല്‍കുകയോ ചെയ്യണം. കൂടാതെ 4000 രൂപ നഷ്ടപരിഹാരവും വ്യാപാരി നല്‍കണമെന്നാണ് കമ്മീഷൻ ഉത്തരവിട്ടത്. എറണാകുളം വടവുകോട് സ്വദേശി അജേഷ് ശിവന്‍ നല്‍കിയ പരാതിയിലാണ് ഉത്തരവ്. ക്രിസ്റ്റല്‍ ഫാഷന്‍സ് എന്ന സ്ഥാപനത്തില്‍ നിന്ന് 2049 രൂപയ്ക്ക് തന്‍റെ കുട്ടിക്കായി വാങ്ങിയ റീചാര്‍ജ് ചെയ്യാവുന്ന ടോയ് കാര്‍ പൂര്‍ണമായും പ്രവര്‍ത്തിക്കാതിരുന്നതിനെ തുടര്‍ന്നാണ് കോടതിയെ സമീപിച്ചത്. 2023 ഡിസംബറിലാണ് പരാതിക്കാരന്‍ ടോയ് കാർ വാങ്ങിയത്. കടയുടമ നല്‍കിയ നിര്‍ദേശപ്രകാരം മൂന്നു മണിക്കൂര്‍ റീചാര്‍ജ് ചെയ്തങ്കിലും കാര്‍ ഉപയോഗിച്ച് അഞ്ച് മിനിറ്റിനകം പ്രവര്‍ത്തനരഹിതമാവുകയായിരുന്നു. ഇത് പലതവണ ആവര്‍ത്തിച്ചതോടെ പരാതിക്കാരന്‍ പ്രശ്‌നം കടയുടമയെ അറിയിച്ചെങ്കിലും പ്രതികരണം മോശമായിരുന്നു. ഇതോടെ കോടതിയെ സമീപിച്ചു. 45 ദിവസത്തിനകം ടോയ് കാര്‍ നന്നാക്കി നല്‍കുക അല്ലെങ്കില്‍ അതിന്‍റെ വില തിരിച്ചു നല്‍കണം. കൂടാതെ സേവനത്തിലെ പോരായ്മയ്ക്കടക്കം പരിഹാരമായി 3,000 രൂപയും കോടതി ചെലവായി 1,000 രൂപയും 45 ദിവസത്തിനകം നല്‍കണമെന്നുമാണ് ഡി.ബി. ബിനു അധ്യക്ഷനും വി. രാമചന്ദ്രന്‍, ടി.എന്‍. ശ്രീവിദ്യ എന്നിവരുൾപ്പെട്ട ബെഞ്ച് ഉത്തരവിട്ടത്.

കാലടി പാലത്തിലേയും എംസി റോഡിലേയും അറ്റകുറ്റപ്പണിയിൽ വീഴ്ചയെന്ന് എംഎല്‍എ

കാലടി: കാലടി പാലത്തിലേയും എംസി റോഡിലേയും അറ്റകുറ്റപ്പണികള്‍ നടത്താത്തത് പൊതുമരാമത്ത് വകുപ്പിന്‍റെ സമ്പൂര്‍ണ വീഴ്ചയാണെന്ന് റോജി എം. ജോണ്‍ എംഎല്‍എ. ചെങ്ങന്നൂര്‍ മുതല്‍ അങ്കമാലി വരെയുള്ള എം.സി റോഡിന്‍റെ പൂര്‍ണമായ അറ്റകുറ്റപ്പണികള്‍ നടത്തുവാന്‍ നിയോഗിച്ചിരുന്ന കരാറുകാരന്‍ മൂന്ന് മാസം മുമ്പ് തന്നെ പണികള്‍ നിര്‍ത്തിപ്പോയിരുന്നു. ഈ വിഷയം നിരവധി തവണ പൊതുമരാമത്ത് വകുപ്പിന്‍റേയും സര്‍ക്കാരിന്‍റേയും ശ്രദ്ധയില്‍പ്പെടുത്തിയിട്ടും മന്ത്രിതല മീറ്റിംഗില്‍ ഉന്നയിച്ചിട്ടും ഇതിന് തക്ക സമയത്ത് പരിഹാരം കാണാനുവാനായി പൊതുമരാമത്ത് വകുപ്പിന് കഴിയാത്തതിന്‍റെ ദുരിതമാണ് ഇപ്പോള്‍ ജനങ്ങള്‍ അനുഭവിച്ചുകൊണ്ടിരിക്കുന്നത്. മഴക്കാല പൂര്‍വ മുന്നൊരുക്ക പ്രവര്‍ത്തനങ്ങള്‍ സംബന്ധിച്ച് വിലയിരുത്തുന്നതിന് വേണ്ടി വിളിച്ചുചേര്‍ത്ത മന്ത്രിതല യോഗത്തിലുള്‍പ്പെടെ ഈ വിഷയം എംഎല്‍എ ഉന്നയിച്ചിരുന്നു. എന്നാല്‍ ഇതില്‍ തക്ക സമയത്ത് നടപടിയെടുക്കുവാന്‍ സര്‍ക്കര്‍ തയാറായില്ല. മഴ ആരംഭിച്ചപ്പോള്‍ തന്നെ കാലടി പാലത്തിന്‍റെ ഇരുവശങ്ങളിലും കുഴികള്‍ രൂപപ്പെടുകയും എംസി റോഡില്‍ പലയിടങ്ങളിലും കുഴികള്‍ രൂപപ്പെടുകയും ചെയ്തിട്ടുണ്ട്. ഇതിന് തക്ക സമയത്ത് അറ്റകുറ്റപണികള്‍ നടത്താന്‍ നിയോഗിച്ചിരുന്ന കമ്പനിയാണ് പ്രവര്‍ത്തികള്‍ അവസാനിപ്പിച്ച് പോയത്. ഇപ്പോള്‍ കരാറുകാരനെ വീണ്ടും ചുമതലപ്പെടുത്തിയിട്ടുണ്ടെങ്കിലും ശക്തമായ മഴ പെയ്യുന്നത് മൂലം അറ്റകുറ്റപണികള്‍ നടത്താന്‍ സാധിക്കാത്ത സാഹചര്യമാണ്. മഴക്കാലത്തിന് മുമ്പ് ചെയ്യേണ്ടിയിരുന്ന പ്രവര്‍ത്തികള്‍ സമയബന്ധിതമായി ചെയ്യാന്‍ പൊതുമരാമത്ത് വകുപ്പിന് കഴിയാത്തതുകൊണ്ടാണ് ഇപ്പോള്‍ ജനങ്ങള്‍ ഈ ബുദ്ധിമുട്ടനുഭവിക്കേണ്ടി വരുന്നത്. ഇത് എംസി റോഡിലൂടെ യാത്ര ചെയ്യുന്ന മുഴുവന്‍ ആളുകളേയും ബാധിക്കുന്ന പ്രശ്നമാണ്. തിങ്കളാഴ്ച മുതല്‍ സ്കൂളുകള്‍ തുറക്കുന്നതോടുകൂടി ഗതാഗത കുരുക്ക് കൂടുതല്‍ രൂക്ഷമാവുകയും ജനങ്ങളുടെ ബുദ്ധിമുട്ട് വര്‍ദ്ധിക്കുകയും ചെയ്യും. ഈ ഗൗരവമായ പ്രശ്നത്തിന് അടിയന്തിര പരിഹാരം ഉണ്ടായില്ലെങ്കില്‍ ശക്തമായ സമരപരിപാടികള്‍ സംഘടിപ്പിക്കുമെന്ന് റോജി എം. ജോണ്‍ എംഎല്‍എ മുന്നറിയിപ്പ് നല്‍കി.

കാലടി പാലം ബഹിഷ്കരിച്ച് സ്വകാര്യ ബസുകൾ; യാത്ര ദുഷ്കരം

കാലടി: ശ്രീശങ്കര പാലത്തിലൂടെയുള്ള ഗതാഗതം താറുമാറായിട്ടും അധികൃതർക്ക് അനങ്ങാപ്പാറ നയം. ദിവസങ്ങളായി എംസി റോഡും കാലടി പട്ടണവും ഗതാഗതക്കുരുക്കിൽപ്പെട്ട് നട്ടംതിരിഞ്ഞിട്ടും പരിഹാരം കാണാത്തതിൽ പ്രതിഷേധിച്ച് സ്വകാര്യ ബസുകൾ അനിശ്ചിതകാലത്തേക്ക് നടത്തുന്ന പാലം ബഹിഷ്കരണ സമരം ആരംഭിച്ചു. ഇതനുസരിച്ച് ഇന്നലെ മുതൽ 80 ലധികം ബസുകൾ പെരുമ്പാവൂരിൽനിന്നും താന്നിപ്പുഴ വരെയും അങ്കമാലിയിൽ നിന്നും കാലടി ബസ് സ്റ്റാൻഡിന് മുൻവശം വരെയുമാണ് സർവീസ് നടത്തിയത്. പാലത്തിന്‍റെ അരികിലൂടെ ഒന്നര കിലോമീറ്ററിലധികം നടന്ന് ഏറെ കഷ്ടപ്പെട്ടാണ് സ്ത്രീകളടക്കമുള്ള യാത്രക്കാർക്ക് ലക്ഷ്യസ്ഥാനത്ത് എത്തിച്ചേരാനായത്. വെള്ളിയാഴ്ച മുതൽ ഗൂഗിൾ മാപ്പിൽ കാലടി പാലം താത്കാലികമായി അടച്ചതായി രേഖപ്പെടുത്തിയിരുന്നു. അതിനാൽ ദൂരദിക്കിൽ നിന്നും വരുന്ന വാഹനങ്ങൾ മറ്റു വഴികൾ തേടി പോയതിനേത്തുടർന്ന് വാഹനങ്ങളുടെ എണ്ണത്തിൽ നേരിയ കുറവ് അനുഭവപ്പെട്ടെങ്കിലും പതിവുള്ള കുരുക്ക് മാറ്റമില്ലാതെ തുടരുകയാണ്. ടൗണിൽ ഒരു ട്രാഫിക് വാർഡൻ മാത്രമാണ് ഇത്രയും ഗതാഗതക്കുരുക്ക് നിയന്ത്രിക്കുന്നതിന് ഡ്യൂട്ടിയിൽ ഉള്ളത്. ആറ് വാർഡൻമാരെ ദിനംപ്രതി ഡ്യൂട്ടിക്ക് നിയോഗിക്കുമെന്ന് ട്രാഫിക് കമ്മിറ്റി യോഗത്തിൽ എംഎൽഎയും പഞ്ചായത്ത് പ്രസിഡന്‍റും അറിയിച്ചെങ്കിലും അതൊന്നും നടപ്പായില്ല. പാലത്തിന്‍റെ ഇരുവശങ്ങളിലേയും വരമ്പുകളായി രൂപപ്പെട്ട ടാറിംഗ് ചുരുണ്ടി കളഞ്ഞ് ലെവൽ ചെയ്തെങ്കിലും ഭാരവാഹനങ്ങൾ കയറിയിറങ്ങുന്നതും കനത്ത മഴയും മൂലം വീണ്ടും കുഴികൾ രൂപപ്പെട്ടു കഴിഞ്ഞു. താത്കാലിക പരിഹാരമാർഗങ്ങളൊന്നും ഫലവത്താവുന്നില്ല എന്നതാണ് യാഥാർത്ഥ്യം. അങ്കമാലി-കാലടി മേഖല പ്രൈവറ്റ് ബസ് ഓപ്പറേറ്റേഴ്സ് അസോസിയേഷ(പിബിഓഎ)ന്‍റെ നേതൃത്വത്തിൽ ബസ് ഉടമകളും ജീവനക്കാരും പാലത്തിലൂടെ പ്രകടനമായി എത്തി പ്രതിഷേധ കൂട്ടായ്മ സംഘടിപ്പിച്ചു. അടിയന്തിര പ്രാധാന്യത്തോടെ അധികാരികളുടെ ഇടപെടൽ ഉണ്ടായില്ലെങ്കിൽ വരും ദിവസങ്ങളിൽ കാലടി- പെരുമ്പാവൂർ റൂട്ടിൽ നിലവിൽ ഓടുന്ന എല്ലാ ബസുകളും സർവീസ് നിർത്തിവയ്ക്കേണ്ടി വരുമെന്ന് ബസുടമ തൊഴിലാളി സംയുക്ത സമിതി നേതാക്കൾ അറിയിച്ചു. പിബിഓഎ അങ്കമാലി യൂണിറ്റ് പ്രസിഡന്‍റ് എ.പി. ജിബിയുടെ അധ്യക്ഷതയിൽ ചേർന്ന പ്രതിഷേധ കൂട്ടായ്മയിൽ സെക്രട്ടറി ബി.ഓ. ഡേവിസ്, നവീൻ ജോൺ, പി.ബി. ഗോപകുമാർ, ജിജോ ജോണി, ജെർമിയാസ് വിക്ടർ (പിബിഓഎഫ്) മുനാജ്, റസാക്ക്(പിബിടിഎ പെരുമ്പാവൂർ) പോളി കെ.എൽ (സിഐടിയു) പി.ടി. ഡേവിസ്, സനീഷ് (ഐഎൻടിയുസി) എ. വി. സുധീഷ്(ബിഎംഎസ് ) എന്നിവർ സംസാരിച്ചു.

പ്രാഥമികാരോഗ്യ കേന്ദ്രത്തിന്‍റെ നിർമാണോദ്ഘാടനം നടത്തി

നെടുമ്പാശേരി: വളരെ പരിമിതമായ ഭൗതിക സൗകര്യങ്ങളോടുകൂടി പ്രവർത്തിച്ചുകൊണ്ടിരിക്കുന്ന നെടുമ്പാശേരി പഞ്ചായത്തിലെ പ്രാഥമികാരോഗ്യ കേന്ദ്രത്തിനായി നിർമിക്കുന്ന പുതിയ കെട്ടിടത്തിന്‍റെ നിർമാണോദ്ഘാടനം അൻവർ സാദത്ത് എംഎൽഎ നിർവഹിച്ചു. അൻവർ സാദത്ത് എംഎൽഎയുടെ ആസ്തി വികസന ഫണ്ടിൽ നിന്നും രണ്ടു കോടി 35 ലക്ഷം രൂപ അനുവദിച്ചാണ് കാരക്കാട്ടുകുന്നിൽ പുതിയ കെട്ടിട നിർ‌മാണം നടക്കുന്നത്. പഞ്ചായത്ത് പ്രസിഡന്‍റ് എ.വി. സുനിൽ അധ്യക്ഷത വഹിച്ചു. ചടങ്ങിൽ സ്റ്റാൻഡിംഗ് പാറക്കടവ് ബ്ലോക്ക് പഞ്ചായത്ത് പ്രസിഡന്‍റ് ടി.വി. പ്രദീഷ് , ജില്ലാ പഞ്ചായത്ത് മെമ്പർമാരായ എം.ജെ. ജോമി, ഷൈനി ജോർജ്, പഞ്ചായത്ത് വൈസ് പ്രസിഡന്റ് ശോഭ ഭരതൻ തുടങ്ങിയവർ പങ്കെടുത്തു. നിലവിലെ പിഎച്ച്സി സ്ഥിതി ചെയ്യുന്നയിടത്ത് പുതിയ കെട്ടിടം നിർമിക്കുന്നതിനാവശ്യമായ സ്ഥലം ഇല്ലാതിരുന്നതിനാൽ എംഎൽഎ റവന്യൂ മന്ത്രിയുമായി നടത്തിയ നിരന്തര ചർച്ചയുടെ ഫലമായി റവന്യൂ വകുപ്പിൽ നിന്നും പുതിയ കെട്ടിടം നിർമിക്കുന്നതിനാവശ്യമായ ഭൂമി ലഭ്യമാക്കിയിരുന്നു.

നഗരത്തിലെ വ്യാപാരസ്ഥാപനങ്ങളിൽ നിന്നുള്ള മാലിന്യ നീക്കം കാര്യക്ഷമമല്ലെന്ന് പ്രതിപക്ഷം

കൊച്ചി: നഗരത്തിലെ വ്യാപാര സ്ഥാപനങ്ങളില്‍ നിന്നുള്ള മാലിന്യ നീക്കം കാര്യക്ഷമമല്ലെന്ന് പ്രതിപക്ഷം. രജിസ്റ്റര്‍ ചെയ്ത ഒരു ലക്ഷത്തിലേറെ വ്യാപാര സ്ഥാപനങ്ങളില്‍ ലൈസന്‍സ് എടുത്തിട്ടുള്ള 25,000 കടകളില്‍ 500 താഴെ സ്ഥാപനങ്ങള്‍ മാത്രമേ നഗരസഭയുടെ അംഗീകൃത ഏജന്‍സിക്ക് മാലിന്യം കൈമാറുന്നുള്ളൂ എന്ന് പ്രതിപക്ഷ നേതാവ് അഡ്വ. ആന്‍റണി കുരീത്തറയും പാര്‍ലമെന്‍റ് പാര്‍ട്ടി സെക്രട്ടറി എം.ജി. അരിസ്റ്റോറിലും പറഞ്ഞു. ശേഷിക്കുന്ന സ്ഥാപനങ്ങള്‍ മാലിന്യം അലക്ഷ്യമായി തള്ളുന്നതിന്‍റെ തെളിവാണ് വഴിയോരങ്ങളിലും ഒഴിഞ്ഞ പറമ്പുകളിലും മാലിന്യം കുന്നുകൂടി കിടക്കുന്നത്. മാര്‍ച്ചില്‍ മാലിന്യ സംസ്‌കരണത്തിനായി ചെലവഴിച്ചത് 2.16 കോടി രുപയാണ്. എന്നാല്‍ ആ മാസം 64 ലക്ഷം രൂപ മാത്രമാണ് മാലിന്യ ശേഖരണവുമായി ബന്ധപ്പെട്ട് നഗരസഭയ്ക്ക് ലഭിച്ചത്. കോടികള്‍ മാലിന്യം സംസ്‌കരണത്തിനായി ചെലവഴിക്കേണ്ടിവരുമ്പോള്‍ പുനരുപയോഗിക്കാന്‍ കഴിയുന്ന മാലിന്യങ്ങളില്‍ നിന്ന് പോലും വരുമാനം കണ്ടെത്താന്‍ നഗരസഭയ്ക്ക് കഴിയുന്നില്ലെന്നും പ്രതിപക്ഷം കുറ്റപ്പെടുത്തി.

നഗരത്തിലെ വ്യാപാരസ്ഥാപനങ്ങളിൽ നിന്നുള്ള മാലിന്യ നീക്കം കാര്യക്ഷമമല്ലെന്ന് പ്രതിപക്ഷം

കൊച്ചി: നഗരത്തിലെ വ്യാപാര സ്ഥാപനങ്ങളില്‍ നിന്നുള്ള മാലിന്യ നീക്കം കാര്യക്ഷമമല്ലെന്ന് പ്രതിപക്ഷം. രജിസ്റ്റര്‍ ചെയ്ത ഒരു ലക്ഷത്തിലേറെ വ്യാപാര സ്ഥാപനങ്ങളില്‍ ലൈസന്‍സ് എടുത്തിട്ടുള്ള 25,000 കടകളില്‍ 500 താഴെ സ്ഥാപനങ്ങള്‍ മാത്രമേ നഗരസഭയുടെ അംഗീകൃത ഏജന്‍സിക്ക് മാലിന്യം കൈമാറുന്നുള്ളൂ എന്ന് പ്രതിപക്ഷ നേതാവ് അഡ്വ. ആന്‍റണി കുരീത്തറയും പാര്‍ലമെന്‍റ് പാര്‍ട്ടി സെക്രട്ടറി എം.ജി. അരിസ്റ്റോറിലും പറഞ്ഞു. ശേഷിക്കുന്ന സ്ഥാപനങ്ങള്‍ മാലിന്യം അലക്ഷ്യമായി തള്ളുന്നതിന്‍റെ തെളിവാണ് വഴിയോരങ്ങളിലും ഒഴിഞ്ഞ പറമ്പുകളിലും മാലിന്യം കുന്നുകൂടി കിടക്കുന്നത്. മാര്‍ച്ചില്‍ മാലിന്യ സംസ്‌കരണത്തിനായി ചെലവഴിച്ചത് 2.16 കോടി രുപയാണ്. എന്നാല്‍ ആ മാസം 64 ലക്ഷം രൂപ മാത്രമാണ് മാലിന്യ ശേഖരണവുമായി ബന്ധപ്പെട്ട് നഗരസഭയ്ക്ക് ലഭിച്ചത്. കോടികള്‍ മാലിന്യം സംസ്‌കരണത്തിനായി ചെലവഴിക്കേണ്ടിവരുമ്പോള്‍ പുനരുപയോഗിക്കാന്‍ കഴിയുന്ന മാലിന്യങ്ങളില്‍ നിന്ന് പോലും വരുമാനം കണ്ടെത്താന്‍ നഗരസഭയ്ക്ക് കഴിയുന്നില്ലെന്നും പ്രതിപക്ഷം കുറ്റപ്പെടുത്തി.

മാമലക്കണ്ടത്ത് കാട്ടാന വീടും കൃഷിയും നശിപ്പിച്ചു

കോതമംഗലം: മാമലക്കണ്ടം എളംബ്ലാശേരി ഉന്നതിക്കു സമീപം ഞണ്ടുകുളത്ത് കാട്ടാന വീടും കൃഷിയും നശിപ്പിച്ചു. ഉന്നതിയിലെ ഷൈജു ചിന്നാണ്ടിയുടെ ഓലമേഞ്ഞ വീടാണ് പൂര്‍ണമായും നശിപ്പിച്ചത്. ആന പേടി കാരണം ഷൈജുവും കുടുംബവും തറവാട് വീട്ടിലായിരുന്നു താമസിച്ചിരുന്നത്. ഇന്നലെ രാവിലെ വീട്ടില്‍ എത്തിയപ്പോഴാണ് വീടും വീട്ടുസാമഗ്രികളും തകര്‍ന്ന് കിടക്കുന്നത് കണ്ടത്. ഇവരുടെ വസ്ത്രങ്ങളും വീട്ടുസാധനങ്ങളും പാത്രങ്ങളും സോളാര്‍ ലൈറ്റും ബാറ്ററിയും അടക്കം നശിപ്പിച്ചു. ഉദേശം ഒന്നര ലക്ഷം രൂപയുടെ നാശനഷ്ടം കണക്കാക്കുന്നുണ്ട്. പിണവൂര്‍കുടി സിറ്റിക്ക് സമീപം താമസിക്കുന്ന ഉഷ വിജയകുമാറിന്‍റെ നിര്‍മാണത്തിലുള്ള വീടിനു മുകളിലേക്ക് കവുങ്ങ് മറിച്ചിട്ടായിരുന്നു ആന കേടുപാട് വരുത്തിയത്. ലൈഫ് മിഷന്‍ പദ്ധതിയിൽ പണിയുന്ന വീടാണിത്. മഴയൊന്നാ ശമിച്ച് അടുത്ത ദിവസം മെയിന്‍ സ്ലാബ് കോണ്‍ക്രീറ്റ് നടത്താനിരിക്കെയാണ് വീടിന് നേരെ ആനകലിയുണ്ടായത്. പ്ലാസ്റ്റിക്ക് പടുതയില്‍ കെട്ടിപ്പൊക്കിയ ചോര്‍ന്നൊലിക്കുന്ന വീട്ടിലാണ് ഉഷയും കുടുംബവും താമസിക്കുന്നത്. സംഭവ സമയത്ത് ഉഷയും മകളും മാത്രമാണ് വീട്ടില്‍ ഉണ്ടായിരുന്നത്. ഭര്‍ത്താവ് ബന്ധുവിനെയും കൊണ്ട് ആശുപത്രിയില്‍ പോയിരിക്കുകയായിരുന്നു. ഇവിടെ ആനന്ദംകുടി ഭാഗത്ത് കഴിഞ്ഞ ദിവസം ആലയ്ക്കല്‍ വിഷ്ണവിന്‍റെ വീടും ആന അടിച്ച് തകര്‍ത്തിരുന്നു. കുട്ടന്പുഴ ഞായപ്പിള്ളി മുസ്‌ലിം പള്ളിക്ക് സമീപം തെക്കുംതറ ടി.കെ. ചന്ദ്രന്റെ വീടിന് സമീപം ആന എത്തി തെങ്ങും വാഴയും ഉള്‍പ്പെടെ കൃഷികള്‍ നശിപ്പിച്ചു. ഹോളോബ്രിക്‌സ് കൊണ്ട് പണിത മതിലിന്‍റെ ഒരുഭാഗം തകര്‍ത്താണ് ആനകള്‍ പുരയിടത്തിലേക്ക് പ്രവേശിച്ചത്. വയോധിക ദമ്പതികളും ഭിന്നശേഷിയുള്ള മകളും താമസിക്കുന്ന വീടിന് സമീപം ആന എത്തിയത് മുതല്‍ വീട്ടുകാര്‍ ഭീതിയിലാണ്. തട്ടേക്കാട് പക്ഷിസങ്കേതം പരിധിയുടെ വരുന്ന പ്രദേശമാണിവിടം.

മാമലക്കണ്ടത്ത് കാട്ടാന വീടും കൃഷിയും നശിപ്പിച്ചു

കോതമംഗലം: മാമലക്കണ്ടം എളംബ്ലാശേരി ഉന്നതിക്കു സമീപം ഞണ്ടുകുളത്ത് കാട്ടാന വീടും കൃഷിയും നശിപ്പിച്ചു. ഉന്നതിയിലെ ഷൈജു ചിന്നാണ്ടിയുടെ ഓലമേഞ്ഞ വീടാണ് പൂര്‍ണമായും നശിപ്പിച്ചത്. ആന പേടി കാരണം ഷൈജുവും കുടുംബവും തറവാട് വീട്ടിലായിരുന്നു താമസിച്ചിരുന്നത്. ഇന്നലെ രാവിലെ വീട്ടില്‍ എത്തിയപ്പോഴാണ് വീടും വീട്ടുസാമഗ്രികളും തകര്‍ന്ന് കിടക്കുന്നത് കണ്ടത്. ഇവരുടെ വസ്ത്രങ്ങളും വീട്ടുസാധനങ്ങളും പാത്രങ്ങളും സോളാര്‍ ലൈറ്റും ബാറ്ററിയും അടക്കം നശിപ്പിച്ചു. ഉദേശം ഒന്നര ലക്ഷം രൂപയുടെ നാശനഷ്ടം കണക്കാക്കുന്നുണ്ട്. പിണവൂര്‍കുടി സിറ്റിക്ക് സമീപം താമസിക്കുന്ന ഉഷ വിജയകുമാറിന്‍റെ നിര്‍മാണത്തിലുള്ള വീടിനു മുകളിലേക്ക് കവുങ്ങ് മറിച്ചിട്ടായിരുന്നു ആന കേടുപാട് വരുത്തിയത്. ലൈഫ് മിഷന്‍ പദ്ധതിയിൽ പണിയുന്ന വീടാണിത്. മഴയൊന്നാ ശമിച്ച് അടുത്ത ദിവസം മെയിന്‍ സ്ലാബ് കോണ്‍ക്രീറ്റ് നടത്താനിരിക്കെയാണ് വീടിന് നേരെ ആനകലിയുണ്ടായത്. പ്ലാസ്റ്റിക്ക് പടുതയില്‍ കെട്ടിപ്പൊക്കിയ ചോര്‍ന്നൊലിക്കുന്ന വീട്ടിലാണ് ഉഷയും കുടുംബവും താമസിക്കുന്നത്. സംഭവ സമയത്ത് ഉഷയും മകളും മാത്രമാണ് വീട്ടില്‍ ഉണ്ടായിരുന്നത്. ഭര്‍ത്താവ് ബന്ധുവിനെയും കൊണ്ട് ആശുപത്രിയില്‍ പോയിരിക്കുകയായിരുന്നു. ഇവിടെ ആനന്ദംകുടി ഭാഗത്ത് കഴിഞ്ഞ ദിവസം ആലയ്ക്കല്‍ വിഷ്ണവിന്‍റെ വീടും ആന അടിച്ച് തകര്‍ത്തിരുന്നു. കുട്ടന്പുഴ ഞായപ്പിള്ളി മുസ്‌ലിം പള്ളിക്ക് സമീപം തെക്കുംതറ ടി.കെ. ചന്ദ്രന്റെ വീടിന് സമീപം ആന എത്തി തെങ്ങും വാഴയും ഉള്‍പ്പെടെ കൃഷികള്‍ നശിപ്പിച്ചു. ഹോളോബ്രിക്‌സ് കൊണ്ട് പണിത മതിലിന്‍റെ ഒരുഭാഗം തകര്‍ത്താണ് ആനകള്‍ പുരയിടത്തിലേക്ക് പ്രവേശിച്ചത്. വയോധിക ദമ്പതികളും ഭിന്നശേഷിയുള്ള മകളും താമസിക്കുന്ന വീടിന് സമീപം ആന എത്തിയത് മുതല്‍ വീട്ടുകാര്‍ ഭീതിയിലാണ്. തട്ടേക്കാട് പക്ഷിസങ്കേതം പരിധിയുടെ വരുന്ന പ്രദേശമാണിവിടം.

ടൊവിനോയുടെ പേര് വലിച്ചിഴച്ചു; വിപിനെ മര്‍ദിച്ചിട്ടില്ല, ആരോപണങ്ങള്‍ അടിസ്ഥാന രഹിതമെന്ന് ഉണ്ണി മുകുന്ദന്‍

കൊച്ചി: മുന്‍ മാനേജര്‍ വിപിന്‍ കുമാറിനെ മര്‍ദിച്ചിട്ടില്ലെന്നും വിപിന്‍ ഉയര്‍ത്തിയ ആരോപണങ്ങള്‍ അടിസ്ഥാന രഹിതമാണെന്നും നടന്‍ ഉണ്ണി മുകുന്ദന്‍. വിപിന്‍റെ പരാതി വ്യാജമാണ്. തന്നെ തകര്‍ക്കാന്‍ ശ്രമിക്കുന്നവരുടെ ഉപകരണമായി വിപിന്‍ പ്രവര്‍ത്തിക്കുകയാണോയെന്ന് സംശയമുണ്ടെന്നും കൊച്ചിയില്‍ നടത്തിയ പത്രസമ്മേളനത്തില്‍ ഉണ്ണി മുകുന്ദന്‍ പറഞ്ഞു. ഉണ്ണി മര്‍ദിച്ചെന്ന് ചൂണ്ടിക്കാട്ടി വിപിന്‍ കുമാര്‍ നല്‍കിയ പരാതിയില്‍ ഇന്‍ഫോപാര്‍ക്ക് പോലീസ് കേസെടുത്തതിനു പിന്നാലെ നടന്‍ മുന്‍ ജാമ്യാപേക്ഷയുമായി കോടതിയെ സമീപിച്ചിരുന്നു. നിലവില്‍ ജാമ്യം ലഭിക്കാവുന്ന വകുപ്പുകളാണ് ചുമത്തിയിട്ടുള്ളതെന്ന പ്രോസിക്യൂഷന്‍ വാദം പരിഗണിച്ച് ഹര്‍ജി എറണാകുളം അഡീഷണല്‍ സെഷന്‍സ് കോടതി തീര്‍പ്പാക്കിയതിന് പിന്നാലെയായിരുന്നു ഉണ്ണി മുകുന്ദന്‍റെ പ്രതികരണം. അനേകം സുഹൃത്തുക്കളില്‍ ഒരാള്‍ മാത്രമായിരുന്നു വിപിന്‍. മാനേജര്‍ എന്നനിലയില്‍ വിപിനുമായി തനിക്ക് ഔദ്യേഗിക ബന്ധം ഉണ്ടായിരുന്നില്ല. വിപിന്‍ ചെയ്ത ചില കാര്യങ്ങള്‍ പൊറുക്കാന്‍ കഴിയാത്തതാണ്. വിപിനില്‍ നിന്നും ഉണ്ടായ ദുരനുഭവം തന്നോട് രണ്ട് സ്ത്രീകള്‍ ഫോണില്‍ വിളിച്ചറിയിച്ചിട്ടുണ്ട്. ഈ വിവരങ്ങള്‍ ഡിജിപിക്കും, എഡിജിപിക്കും കൈമാറിയിട്ടുണ്ട്. ഇത് താന്‍ സുഹൃത്തായ സംവിധായകനോട് പറഞ്ഞിരുന്നു. ഇദ്ദേഹം വിപിനുമായി സംസാരിപ്പോള്‍ ഈ കാര്യങ്ങളില്‍ വിപിന്‍ ഖേദം പ്രകടിപ്പിച്ചതാണ്. വിപിനെ നേരില്‍ കണ്ട് സംസാരിക്കാന്‍ സംവിധായകന്‍ പറഞ്ഞതോടെയാണ് തന്നെക്കുറിച്ച് മോശം പറഞ്ഞുപരത്തിയ കാര്യങ്ങളടക്കം സംസാരിക്കാന്‍ ഫ്ളാറ്റില്‍ പോയത്. മറ്റൊരു സുഹൃത്തും ഒപ്പം ഉണ്ടായിരുന്നു. വൈകാരികമായാണ് സംസാരിച്ചത്. തര്‍ക്കത്തിനിടെ വിപിന്‍റെ കൂളിംഗ് ഗ്ലാസ് വലിച്ചെറിഞ്ഞെന്നത് സത്യമാണ്. എന്നാല്‍ വിപിനെ മര്‍ദിച്ചിട്ടില്ല. ഇത് കൂടെ ഉണ്ടായിരുന്ന സുഹൃത്ത് പോലീസില്‍ മൊഴി നല്‍കിയിട്ടുണ്ട്. സംസാരത്തിനൊടുവില്‍ വിപിന്‍ കരയുകയും മാപ്പ് പറയുകയും ചെയ്തിരുന്നു. വിഷയത്തില്‍ ടൊവിനോയുടെ പേര് അനാവശ്യമായി വലിച്ചിഴച്ചതാണ്. അദ്ദേഹം അടുത്ത സുഹൃത്താണ്. ടൊവിനോയുടെ സിനിമയെക്കുറിച്ച് താന്‍ പറഞ്ഞു എന്നുപറയുന്ന കാര്യങ്ങള്‍ മുഴുവനും തെറ്റാണ്. താന്‍ ഒരിക്കലും അദ്ദേഹത്തെക്കുറിച്ച് മോശമായി സംസാരിക്കില്ല. വിപിനെതിരെ ഒരു നടി ഫെഫ്കയിലും, മറ്റൊരു നടി അമ്മയിലും പരാതി നല്‍കിയിട്ടുണ്ട്. ശരിയായ പ്രശ്‌നം ഇനിയും ചര്‍ച്ച ചെയ്തിട്ടില്ല. ഫെഫ്കയില്‍ അംഗമല്ലാത്ത ഒരാളുടെ വാക്ക് മാധ്യമങ്ങള്‍ വിശ്വാസത്തിലെടുത്തു. കേസ് നടപടികളുമായി പൂര്‍ണമായും സഹകരിക്കും. ടൊവിനോയുടെ വിഷയത്തിലൂടെ യഥാര്‍ത്ഥ പ്രശ്‌നത്തില്‍ നിന്ന് ശ്രദ്ധ തിരിക്കാനാണ് വിപിന്‍ ശ്രമിച്ചത്. വിഷയത്തിന് പിന്നാലെ തനിക്ക് വധഭീഷണിയുണ്ട്. കഷ്ടപ്പെട്ട് പണിയെടുത്ത് സിനിമ ചെയ്യുന്ന ആളാണ് താന്‍. തനിക്ക് സിനിമയില്‍ ഗോഡ്ഫാദറോ ലോബിയോ ഇല്ല. പ്രേക്ഷകര്‍ കാണുന്നതുകൊണ്ടാണ് തന്‍റെ സിനിമ വിജയിക്കുന്നത്. മറ്റൊരാള്‍ക്കും തന്‍റെ ഈ അവസ്ഥ വരരുതെന്നും ഉണ്ണി മുകുന്ദന്‍ പറഞ്ഞു. മാനേജരെ മര്‍ദിച്ചെന്ന കേസ്: ഉണ്ണി മുകുന്ദന്‍റെ മുന്‍കൂര്‍ ജാമ്യഹര്‍ജി തീര്‍പ്പാക്കി കൊച്ചി: മാനേജരെ മര്‍ദിച്ചെന്ന കേസില്‍ നടന്‍ ഉണ്ണി മുകുന്ദന്‍ നല്‍കിയ മുന്‍കൂര്‍ ജാമ്യഹര്‍ജി എറണാകുളം അഡീഷണൽ സെഷന്‍സ് കോടതി തീര്‍പ്പാക്കി. നിലവില്‍ ജാമ്യം ലഭിക്കാവുന്ന വകുപ്പുകളാണ് ചുമത്തിയിട്ടുള്ളതെന്ന പ്രോസിക്യൂഷന്‍ വാദം പരിഗണിച്ചാണ് കോടതി നടപടി. പരാതിക്കാരന്‍ ഉന്നയിക്കുന്ന ആരോപണങ്ങള്‍ വാസ്തവ വിരുദ്ധമാണെന്ന് ആരോപിച്ചായിരുന്നു ഹര്‍ജി. ആസൂത്രിതമായ ഗൂഡാലോചനയുടെ ഭാഗമാണ് പരാതി. പരാതിക്കാരന്‍ മുമ്പ് തന്‍റെയൊപ്പം ജോലി ചെയ്തിരുന്നു. എന്നാല്‍ തന്‍റെ പേര് ദുരുപയോഗം ചെയ്യുന്നതായി ശ്രദ്ധയില്‍പ്പെട്ടതിനെ തുടര്‍ന്ന് പിരിച്ചുവിട്ടു. അതിന്‍റെ പ്രതികാരമാണ് ഈ പരാതി. തനിക്കെതിരേ തെറ്റായ കാര്യങ്ങള്‍ പ്രചരിപ്പിക്കുകയാണ്. ശാരീരികമായി ഉപദ്രവിച്ചുവെന്നത് വാസ്തവവിരുദ്ധമായ കാര്യമാണെന്നുമായിരുന്നു ഉണ്ണി മുകുന്ദന്‍റെ വാദം.

ഓട്ടോയില്‍ മറന്നുവച്ച 62,000 രൂപ അടങ്ങിയ പഴ്‌സ് തിരികെ നൽകി ഡ്രൈവർ

കൊച്ചി: ഓട്ടോറിക്ഷയില്‍ മറന്നുവച്ച പണം അടങ്ങിയ പഴ്‌സ് ഉടമസ്ഥനു തിരികെ നല്‍കി. വൈപ്പിന്‍ സ്വദേശി ലാന്‍സന്‍റെ ഓട്ടോയില്‍ ഇന്നലെ എറണാകുളം മാര്‍ക്കറ്റ് റോഡില്‍ നിന്നും പത്മ ജംഗ്ഷന്‍ വരെ യാത്ര ചെയ്ത ആലുവ സ്വദേശിനി ഷംലയും കുടുംബവുമാണ് മടങ്ങുന്നതിനിടെ 62,000 രൂപ അടങ്ങുന്ന പഴ്‌സ് ഓട്ടോയില്‍ മറന്നത്. യാത്രക്കാര്‍ ഇറങ്ങിപ്പോയ ശേഷം സീറ്റിൽ പര്‍സ് ഇരിക്കുന്നത് ശ്രദ്ധയിൽപ്പെട്ട ലാന്‍സൻ പണം അടങ്ങിയ പഴ്‌സ് എറണാകുളം സെന്‍ട്രല്‍ പോലീസില്‍ ഏല്‍പ്പിക്കുകയായിരുന്നു. തുടര്‍ന്ന് പോലീസ് നടത്തിയ അന്വേഷണത്തിലാണ് പണം നഷ്ടപ്പെട്ട സ്ത്രീയെ കണ്ടെത്തിയത്. സ്റ്റേഷനില്‍ നേരിട്ടെത്തിയ ഷംലയ്ക്ക് പോലീസ് പഴ്‌സ് കൈമാറി.

ടൊവിനോയുടെ പേര് വലിച്ചിഴച്ചു; വിപിനെ മര്‍ദിച്ചിട്ടില്ല, ആരോപണങ്ങള്‍ അടിസ്ഥാന രഹിതമെന്ന് ഉണ്ണി മുകുന്ദന്‍

കൊച്ചി: മുന്‍ മാനേജര്‍ വിപിന്‍ കുമാറിനെ മര്‍ദിച്ചിട്ടില്ലെന്നും വിപിന്‍ ഉയര്‍ത്തിയ ആരോപണങ്ങള്‍ അടിസ്ഥാന രഹിതമാണെന്നും നടന്‍ ഉണ്ണി മുകുന്ദന്‍. വിപിന്‍റെ പരാതി വ്യാജമാണ്. തന്നെ തകര്‍ക്കാന്‍ ശ്രമിക്കുന്നവരുടെ ഉപകരണമായി വിപിന്‍ പ്രവര്‍ത്തിക്കുകയാണോയെന്ന് സംശയമുണ്ടെന്നും കൊച്ചിയില്‍ നടത്തിയ പത്രസമ്മേളനത്തില്‍ ഉണ്ണി മുകുന്ദന്‍ പറഞ്ഞു. ഉണ്ണി മര്‍ദിച്ചെന്ന് ചൂണ്ടിക്കാട്ടി വിപിന്‍ കുമാര്‍ നല്‍കിയ പരാതിയില്‍ ഇന്‍ഫോപാര്‍ക്ക് പോലീസ് കേസെടുത്തതിനു പിന്നാലെ നടന്‍ മുന്‍ ജാമ്യാപേക്ഷയുമായി കോടതിയെ സമീപിച്ചിരുന്നു. നിലവില്‍ ജാമ്യം ലഭിക്കാവുന്ന വകുപ്പുകളാണ് ചുമത്തിയിട്ടുള്ളതെന്ന പ്രോസിക്യൂഷന്‍ വാദം പരിഗണിച്ച് ഹര്‍ജി എറണാകുളം അഡീഷണല്‍ സെഷന്‍സ് കോടതി തീര്‍പ്പാക്കിയതിന് പിന്നാലെയായിരുന്നു ഉണ്ണി മുകുന്ദന്‍റെ പ്രതികരണം. അനേകം സുഹൃത്തുക്കളില്‍ ഒരാള്‍ മാത്രമായിരുന്നു വിപിന്‍. മാനേജര്‍ എന്നനിലയില്‍ വിപിനുമായി തനിക്ക് ഔദ്യേഗിക ബന്ധം ഉണ്ടായിരുന്നില്ല. വിപിന്‍ ചെയ്ത ചില കാര്യങ്ങള്‍ പൊറുക്കാന്‍ കഴിയാത്തതാണ്. വിപിനില്‍ നിന്നും ഉണ്ടായ ദുരനുഭവം തന്നോട് രണ്ട് സ്ത്രീകള്‍ ഫോണില്‍ വിളിച്ചറിയിച്ചിട്ടുണ്ട്. ഈ വിവരങ്ങള്‍ ഡിജിപിക്കും, എഡിജിപിക്കും കൈമാറിയിട്ടുണ്ട്. ഇത് താന്‍ സുഹൃത്തായ സംവിധായകനോട് പറഞ്ഞിരുന്നു. ഇദ്ദേഹം വിപിനുമായി സംസാരിപ്പോള്‍ ഈ കാര്യങ്ങളില്‍ വിപിന്‍ ഖേദം പ്രകടിപ്പിച്ചതാണ്. വിപിനെ നേരില്‍ കണ്ട് സംസാരിക്കാന്‍ സംവിധായകന്‍ പറഞ്ഞതോടെയാണ് തന്നെക്കുറിച്ച് മോശം പറഞ്ഞുപരത്തിയ കാര്യങ്ങളടക്കം സംസാരിക്കാന്‍ ഫ്ളാറ്റില്‍ പോയത്. മറ്റൊരു സുഹൃത്തും ഒപ്പം ഉണ്ടായിരുന്നു. വൈകാരികമായാണ് സംസാരിച്ചത്. തര്‍ക്കത്തിനിടെ വിപിന്‍റെ കൂളിംഗ് ഗ്ലാസ് വലിച്ചെറിഞ്ഞെന്നത് സത്യമാണ്. എന്നാല്‍ വിപിനെ മര്‍ദിച്ചിട്ടില്ല. ഇത് കൂടെ ഉണ്ടായിരുന്ന സുഹൃത്ത് പോലീസില്‍ മൊഴി നല്‍കിയിട്ടുണ്ട്. സംസാരത്തിനൊടുവില്‍ വിപിന്‍ കരയുകയും മാപ്പ് പറയുകയും ചെയ്തിരുന്നു. വിഷയത്തില്‍ ടൊവിനോയുടെ പേര് അനാവശ്യമായി വലിച്ചിഴച്ചതാണ്. അദ്ദേഹം അടുത്ത സുഹൃത്താണ്. ടൊവിനോയുടെ സിനിമയെക്കുറിച്ച് താന്‍ പറഞ്ഞു എന്നുപറയുന്ന കാര്യങ്ങള്‍ മുഴുവനും തെറ്റാണ്. താന്‍ ഒരിക്കലും അദ്ദേഹത്തെക്കുറിച്ച് മോശമായി സംസാരിക്കില്ല. വിപിനെതിരെ ഒരു നടി ഫെഫ്കയിലും, മറ്റൊരു നടി അമ്മയിലും പരാതി നല്‍കിയിട്ടുണ്ട്. ശരിയായ പ്രശ്‌നം ഇനിയും ചര്‍ച്ച ചെയ്തിട്ടില്ല. ഫെഫ്കയില്‍ അംഗമല്ലാത്ത ഒരാളുടെ വാക്ക് മാധ്യമങ്ങള്‍ വിശ്വാസത്തിലെടുത്തു. കേസ് നടപടികളുമായി പൂര്‍ണമായും സഹകരിക്കും. ടൊവിനോയുടെ വിഷയത്തിലൂടെ യഥാര്‍ത്ഥ പ്രശ്‌നത്തില്‍ നിന്ന് ശ്രദ്ധ തിരിക്കാനാണ് വിപിന്‍ ശ്രമിച്ചത്. വിഷയത്തിന് പിന്നാലെ തനിക്ക് വധഭീഷണിയുണ്ട്. കഷ്ടപ്പെട്ട് പണിയെടുത്ത് സിനിമ ചെയ്യുന്ന ആളാണ് താന്‍. തനിക്ക് സിനിമയില്‍ ഗോഡ്ഫാദറോ ലോബിയോ ഇല്ല. പ്രേക്ഷകര്‍ കാണുന്നതുകൊണ്ടാണ് തന്‍റെ സിനിമ വിജയിക്കുന്നത്. മറ്റൊരാള്‍ക്കും തന്‍റെ ഈ അവസ്ഥ വരരുതെന്നും ഉണ്ണി മുകുന്ദന്‍ പറഞ്ഞു. മാനേജരെ മര്‍ദിച്ചെന്ന കേസ്: ഉണ്ണി മുകുന്ദന്‍റെ മുന്‍കൂര്‍ ജാമ്യഹര്‍ജി തീര്‍പ്പാക്കി കൊച്ചി: മാനേജരെ മര്‍ദിച്ചെന്ന കേസില്‍ നടന്‍ ഉണ്ണി മുകുന്ദന്‍ നല്‍കിയ മുന്‍കൂര്‍ ജാമ്യഹര്‍ജി എറണാകുളം അഡീഷണൽ സെഷന്‍സ് കോടതി തീര്‍പ്പാക്കി. നിലവില്‍ ജാമ്യം ലഭിക്കാവുന്ന വകുപ്പുകളാണ് ചുമത്തിയിട്ടുള്ളതെന്ന പ്രോസിക്യൂഷന്‍ വാദം പരിഗണിച്ചാണ് കോടതി നടപടി. പരാതിക്കാരന്‍ ഉന്നയിക്കുന്ന ആരോപണങ്ങള്‍ വാസ്തവ വിരുദ്ധമാണെന്ന് ആരോപിച്ചായിരുന്നു ഹര്‍ജി. ആസൂത്രിതമായ ഗൂഡാലോചനയുടെ ഭാഗമാണ് പരാതി. പരാതിക്കാരന്‍ മുമ്പ് തന്‍റെയൊപ്പം ജോലി ചെയ്തിരുന്നു. എന്നാല്‍ തന്‍റെ പേര് ദുരുപയോഗം ചെയ്യുന്നതായി ശ്രദ്ധയില്‍പ്പെട്ടതിനെ തുടര്‍ന്ന് പിരിച്ചുവിട്ടു. അതിന്‍റെ പ്രതികാരമാണ് ഈ പരാതി. തനിക്കെതിരേ തെറ്റായ കാര്യങ്ങള്‍ പ്രചരിപ്പിക്കുകയാണ്. ശാരീരികമായി ഉപദ്രവിച്ചുവെന്നത് വാസ്തവവിരുദ്ധമായ കാര്യമാണെന്നുമായിരുന്നു ഉണ്ണി മുകുന്ദന്‍റെ വാദം.

ഓട്ടോയില്‍ മറന്നുവച്ച 62,000 രൂപ അടങ്ങിയ പഴ്‌സ് തിരികെ നൽകി ഡ്രൈവർ

കൊച്ചി: ഓട്ടോറിക്ഷയില്‍ മറന്നുവച്ച പണം അടങ്ങിയ പഴ്‌സ് ഉടമസ്ഥനു തിരികെ നല്‍കി. വൈപ്പിന്‍ സ്വദേശി ലാന്‍സന്‍റെ ഓട്ടോയില്‍ ഇന്നലെ എറണാകുളം മാര്‍ക്കറ്റ് റോഡില്‍ നിന്നും പത്മ ജംഗ്ഷന്‍ വരെ യാത്ര ചെയ്ത ആലുവ സ്വദേശിനി ഷംലയും കുടുംബവുമാണ് മടങ്ങുന്നതിനിടെ 62,000 രൂപ അടങ്ങുന്ന പഴ്‌സ് ഓട്ടോയില്‍ മറന്നത്. യാത്രക്കാര്‍ ഇറങ്ങിപ്പോയ ശേഷം സീറ്റിൽ പര്‍സ് ഇരിക്കുന്നത് ശ്രദ്ധയിൽപ്പെട്ട ലാന്‍സൻ പണം അടങ്ങിയ പഴ്‌സ് എറണാകുളം സെന്‍ട്രല്‍ പോലീസില്‍ ഏല്‍പ്പിക്കുകയായിരുന്നു. തുടര്‍ന്ന് പോലീസ് നടത്തിയ അന്വേഷണത്തിലാണ് പണം നഷ്ടപ്പെട്ട സ്ത്രീയെ കണ്ടെത്തിയത്. സ്റ്റേഷനില്‍ നേരിട്ടെത്തിയ ഷംലയ്ക്ക് പോലീസ് പഴ്‌സ് കൈമാറി.

വാട്ടര്‍മെട്രോ ബോട്ട് : റോ-റോയില്‍ ഇടിച്ചുകയറി; വന്‍ ദുരന്തം ഒഴിവായി

കൊച്ചി: വൈപ്പിന്‍ ജെട്ടിയില്‍ നിര്‍ത്തിയിട്ടിരുന്ന റോ-റോ വെസലില്‍ വാട്ടര്‍മെട്രോയുടെ ബോട്ട് ഇടിച്ചുകയറി അപകടം. ബോട്ടിന്‍റെ പിന്‍വശത്തേക്ക് ഇടിച്ചുകയറിയതിനാല്‍ വന്‍ ദുരന്തം ഒഴിവായി. ഇന്നലെ രാവിലെ 10.30 തോടെയായിരുന്നു സംഭവം. എറണാകുളം ടെര്‍മിനലില്‍ നിന്ന് വൈപ്പിനിലേക്ക് സര്‍വീസ് നടത്തുന്ന ബോട്ടാണ് അപകടത്തിൽപ്പെട്ടത്. വൈപ്പിന്‍ ജെട്ടിയില്‍ ബോട്ട് അടുപ്പിച്ച മെട്രോ ബോട്ട് ശക്തമായ ഒഴുക്കില്‍പ്പെട്ട് പിന്നോട്ട് പോയപ്പോഴാണ് റോ-റോ വെസലിന്‍റെ സ്‌റ്റേണ്‍ റാമ്പ്, ബോട്ടിന്‍റെ പിന്‍ഭാഗത്ത് ഇടിച്ചത്. യാത്രക്കാര്‍ക്ക് പ്രവേശനമില്ലാത്ത ഇവിടെ സാധാരണ ക്രൂ അംഗങ്ങള്‍ നില്‍ക്കാറുണ്ടെങ്കിലും അപകട സമയം ആരും ഇല്ലാതിരുന്നതിനാൽ അപകടം ഒഴിവായി. ഇരു ബോട്ടുകള്‍ക്കും കേടുപാടുകള്‍ സംഭവിച്ചിട്ടുണ്ട്. മറ്റൊരു ബോട്ടിന്‍റെ സഹായത്തോടെ ബോട്ട് ജെട്ടിയോട് ചേര്‍ത്താണ് ഇതിലെ യാത്രക്കാരെ ഇറക്കിയത്. പിന്നീട് ഒഴുക്കിന്‍റെ ശക്തി കുറഞ്ഞ ശേഷമാണ് സര്‍വീസ് പുനരാരംഭിച്ചത്. സംഭവത്തില്‍ ആഭ്യന്തര അന്വേഷണം ആരംഭിച്ചതായി കെഎംആര്‍എല്‍ വ്യക്തമാക്കി. വാട്ടര്‍ മെട്രോ ക്രൂവിന്‍റെ ഭാഗത്തും റോ-റോയുടെ ക്രൂവിന്‍റെ ഭാഗത്തും അശ്രദ്ധയുണ്ടായെന്നാണ് പ്രാഥമിക വിവരം. അശ്രദ്ധയോടെ ബോട്ട് ഓടിച്ചതാണ് അപകട കാരണമെന്ന് കോര്‍പറേഷന്‍ പ്രതിപക്ഷ നേതാവ് ആന്‍റണി കുരീത്തറ പറഞ്ഞു. മഴക്കാലത്ത് അപകട സാധ്യത പൊതുവേ കുടുതലാണ്. ഇത്തരം അശ്രദ്ധകള്‍ വന്‍ ദുരന്തം വിളിച്ചുവരുത്തുമെന്നും അദ്ദേഹം കൂട്ടിച്ചേർത്തു.

വാട്ടര്‍മെട്രോ ബോട്ട് : റോ-റോയില്‍ ഇടിച്ചുകയറി; വന്‍ ദുരന്തം ഒഴിവായി

കൊച്ചി: വൈപ്പിന്‍ ജെട്ടിയില്‍ നിര്‍ത്തിയിട്ടിരുന്ന റോ-റോ വെസലില്‍ വാട്ടര്‍മെട്രോയുടെ ബോട്ട് ഇടിച്ചുകയറി അപകടം. ബോട്ടിന്‍റെ പിന്‍വശത്തേക്ക് ഇടിച്ചുകയറിയതിനാല്‍ വന്‍ ദുരന്തം ഒഴിവായി. ഇന്നലെ രാവിലെ 10.30 തോടെയായിരുന്നു സംഭവം. എറണാകുളം ടെര്‍മിനലില്‍ നിന്ന് വൈപ്പിനിലേക്ക് സര്‍വീസ് നടത്തുന്ന ബോട്ടാണ് അപകടത്തിൽപ്പെട്ടത്. വൈപ്പിന്‍ ജെട്ടിയില്‍ ബോട്ട് അടുപ്പിച്ച മെട്രോ ബോട്ട് ശക്തമായ ഒഴുക്കില്‍പ്പെട്ട് പിന്നോട്ട് പോയപ്പോഴാണ് റോ-റോ വെസലിന്‍റെ സ്‌റ്റേണ്‍ റാമ്പ്, ബോട്ടിന്‍റെ പിന്‍ഭാഗത്ത് ഇടിച്ചത്. യാത്രക്കാര്‍ക്ക് പ്രവേശനമില്ലാത്ത ഇവിടെ സാധാരണ ക്രൂ അംഗങ്ങള്‍ നില്‍ക്കാറുണ്ടെങ്കിലും അപകട സമയം ആരും ഇല്ലാതിരുന്നതിനാൽ അപകടം ഒഴിവായി. ഇരു ബോട്ടുകള്‍ക്കും കേടുപാടുകള്‍ സംഭവിച്ചിട്ടുണ്ട്. മറ്റൊരു ബോട്ടിന്‍റെ സഹായത്തോടെ ബോട്ട് ജെട്ടിയോട് ചേര്‍ത്താണ് ഇതിലെ യാത്രക്കാരെ ഇറക്കിയത്. പിന്നീട് ഒഴുക്കിന്‍റെ ശക്തി കുറഞ്ഞ ശേഷമാണ് സര്‍വീസ് പുനരാരംഭിച്ചത്. സംഭവത്തില്‍ ആഭ്യന്തര അന്വേഷണം ആരംഭിച്ചതായി കെഎംആര്‍എല്‍ വ്യക്തമാക്കി. വാട്ടര്‍ മെട്രോ ക്രൂവിന്‍റെ ഭാഗത്തും റോ-റോയുടെ ക്രൂവിന്‍റെ ഭാഗത്തും അശ്രദ്ധയുണ്ടായെന്നാണ് പ്രാഥമിക വിവരം. അശ്രദ്ധയോടെ ബോട്ട് ഓടിച്ചതാണ് അപകട കാരണമെന്ന് കോര്‍പറേഷന്‍ പ്രതിപക്ഷ നേതാവ് ആന്‍റണി കുരീത്തറ പറഞ്ഞു. മഴക്കാലത്ത് അപകട സാധ്യത പൊതുവേ കുടുതലാണ്. ഇത്തരം അശ്രദ്ധകള്‍ വന്‍ ദുരന്തം വിളിച്ചുവരുത്തുമെന്നും അദ്ദേഹം കൂട്ടിച്ചേർത്തു.

മഴക്കെടുതി : രണ്ടു മരണം; വീടുകള്‍ക്ക് നാശനഷ്ടം

കൊച്ചി: ജില്ലയില്‍ കാറ്റിന് ശമനം ഉണ്ടെങ്കിലും ശക്തമായ മഴ തുടരുന്നു. ജില്ലയില്‍ ഇന്ന് യെല്ലോ അലര്‍ട്ടാണ്. മഴയില്‍ കായലില്‍ വഞ്ചി മറിഞ്ഞ് കാണാതായ രണ്ടു പേരുടെ മൃതദേഹങ്ങള്‍ ഇന്നലെ ലഭിച്ചു. ചെറായി തൃക്കടാപ്പിള്ളി സ്വദേശി സ്രാമ്പിക്കല്‍ വീട്ടില്‍ നിഖില്‍ മുരളി(32), പറവൂര്‍ കെടാമംഗലം മുളവുണ്ണിരാമ്പറമ്പില്‍ രാധാകൃഷ്ണന്‍ (62) എന്നിവരാണ് മരിച്ചത്. വ്യാഴാഴ്ച വൈകുന്നേരം അഞ്ചോടെയാണ് കനത്ത മഴയില്‍ നിഖില്‍ യാത്ര ചെയ്തിരുന്ന വഞ്ചി അപകടത്തില്‍പ്പെട്ടത്. വഞ്ചി മറിഞ്ഞ സ്ഥലത്തുനിന്നും ഒരു കിലോമീറ്റര്‍ അകലെ കോവിലകത്തുംകടവ് പരിസരത്തുനിന്ന് ഇന്നലെ രാവിലെയാണ് മൃതദേഹം ലഭിച്ചത്. മുനമ്പം പോലീസ് ഇന്‍ക്വസ്റ്റ് നടപടികള്‍ പൂര്‍ത്തിയാക്കി പോസ്റ്റ് മോര്‍ട്ടം നടത്തി. ഇന്ന് ഉച്ചക്ക് 12ന് ചെറായി പൊതു ശ്മശാനത്തില്‍ സംസ്‌കരിക്കും. മത്സ്യത്തൊഴിലാളിയായ രാധാകൃഷ്ണന്‍ മീന്‍ പിടിക്കാന്‍ കുമ്പളം കായലില്‍ എത്തിയതായിരുന്നു. വൈകിട്ട് ആറോടെ മഴക്കൊപ്പമുണ്ടായ ശക്തമായ കാറ്റില്‍ വള്ളം മറിഞ്ഞു. ഊന്നിക്കുറ്റിയില്‍ പിടിച്ചു കിടന്നെങ്കിലും രാധാകൃഷ്ണന്‍റെ പിടിവിട്ടു പോയി കാണാതാവുകയായിരുന്നു. ഇന്നലെ വൈകുന്നേരം വൈപ്പിന്‍ ജെട്ടിയില്‍ മൃതദേഹം അടിഞ്ഞു. 230 വീടുകള്‍ക്ക് നാശനഷ്ടം കഴിഞ്ഞ എട്ട് ദിവസമായി തുടരുന്ന ശക്തമായ മഴയില്‍ ജില്ലയില്‍ ഇതുവരെ 230 വീടുകള്‍ക്ക് നാശനഷ്ടം. മൂന്ന് വീടുകള്‍ പൂര്‍ണമായും 227 വീടുകള്‍ ഭാഗികമായും തകര്‍ന്നു. കണയന്നൂര്‍, കൊച്ചി, കോതമംഗലം താലൂക്കുകളില്‍ ഓരോ വീടുകളാണ് പൂര്‍ണമായും തകര്‍ന്നത്. ആലുവയില്‍ 47, കണയന്നൂരില്‍ 19, കൊച്ചിയില്‍ 35 , കോതമംഗലത്ത് 21, കുന്നത്തുനാട്ടില്‍ 35, മൂവാറ്റുപുഴയില്‍ 31, പറവൂരില്‍ 39 എന്നിങ്ങനെ ഭാഗീകമായും വീടുകള്‍ തകര്‍ന്നത്. ദുരിതാശ്വാസ ക്യാമ്പുകള്‍ തുറന്നു കനത്ത മഴയെത്തുടർന്ന് ജില്ലയിലെ രണ്ടു താലൂക്കൂകളിൽ ദുരിതാശ്വാസ ക്യാമ്പുകൾ തുറന്നു. കൊച്ചി, കണയന്നൂർ, മൂവാറ്റുപുഴ താലൂക്കുകളിലായി 12 കുടുംബങ്ങളെയാണ് മാറ്റിപ്പാർപ്പിച്ചത്. കൊച്ചി താലൂക്കിൽ ഞാറക്കൽ വില്ലേജ് ഫിഷറീസ് എൽപി സ്കൂളിലും, കണയന്നൂർ താലൂക്കിൽ കാക്കനാട് തുതിയൂർ സെന്‍റ് മേരീസ് സ്കൂളിലും, മൂവാറ്റുപുഴ താലൂക്കിൽ മണ്ണത്തൂര്‍ ഗവ എല്‍പി സ്‌കൂളിലുമാണ് ദുരിതാശ്വാസ ക്യാമ്പുകൾ ആരംഭിച്ചത്. ഞാറക്കൽ ഫിഷറീസ് എൽപി സ്കൂളിലെ ക്യാമ്പിൽ ഇന്ത്യൻ കൗൺസിൽ ഓഫ് അഗ്രികൾച്ചറൽ റിസർച്ചിനു സമീപം മണൽത്തിട്ട തകർന്ന് കടൽവെള്ളം കയറിയ പ്രദേശത്തെ എട്ട് കുടുംബങ്ങളെയാണ് മാറ്റി താമസിപ്പിച്ചിട്ടുള്ളത്. 14 പുരുഷൻമാരും 10 സ്ത്രീകളുമടക്കം 24 പേരാണ് ഈ ക്യാന്പിലുള്ളത്. വാഴക്കാല വില്ലേജിൽ തുതിയൂർ ഭാഗത്ത് വെള്ളം കയറിയ മൂന്നു വീടുകളിൽ നിന്നുള്ള ഏഴ് അംഗങ്ങളെയാണ് തുതിയൂർ സെന്‍റ് മേരിസ് സ്കൂളിലെ ക്യാമ്പിൽ മാറ്റി താമസിപ്പിച്ചിട്ടുള്ളത്. ഇവരിൽ മൂന്നുപേർ സ്ത്രീകളും നാലുപേർ പുരുഷൻമാരുമാണ്. മൂവാറ്റുപുഴ താലൂക്കില്‍ തിരുമാറാടി വില്ലേജില്‍ ഒരു കുടുംബത്തെ മണ്ണത്തൂര്‍ ഗവ എല്‍പി സ്‌കൂളില്‍ ആരംഭിച്ച ദുരിതാശ്വാസ ക്യാമ്പിലേക്ക് മാറ്റിപ്പാര്‍പ്പിച്ചു. ശക്തമായ കാറ്റില്‍ വീടിന് സമീപം നിന്നിരുന്ന മരം മറിഞ്ഞ് വീഴുകയും, വീടിന് സുരക്ഷാ ഭീഷണി ഉയര്‍ത്തിയതുമായ സാഹചര്യത്തിലാണ് കുടുംബത്തെ ക്യാമ്പിലേക്ക് മാറ്റിയത്.

പട്ടികജാതി, വര്‍ഗ ഗോത്ര കമ്മീഷന്‍ അദാലത്ത്: 77 പരാതികള്‍ക്ക് പരിഹാരം

കൊച്ചി: ജില്ലയില്‍ രണ്ടു ദിവസങ്ങളിലായി നടന്ന പട്ടികജാതി പട്ടികവര്‍ഗ ഗോത്ര കമ്മീഷന്‍ അദാലത്തില്‍ 77 പരാതികള്‍ക്ക് പരിഹാരം. കമ്മീഷന്‍ അംഗങ്ങളായ ടി.കെ. വാസു, സേതുനാരായണന്‍ എന്നിവരുടെ നേതൃത്വത്തില്‍ എറണാകുളം ഗവ. ഗസ്റ്റ് ഹൗസില്‍ നടന്ന അദാലത്തില്‍ 102 പരാതികളാണ് ലഭിച്ചത്. 77 പരാതികളും പൂര്‍ണമായി പരിഹരിക്കാന്‍ അദാലത്തിലൂടെ കഴിഞ്ഞു. അദാലത്തില്‍ പരിഹരിക്കാന്‍ സാധിക്കാത്ത 25 പരാതികളില്‍ തുടര്‍നടപടികള്‍ക്കായി മാറ്റിവെച്ചു. ഇവയില്‍ ഹിയറിംഗ് ആവശ്യമുള്ളവ അടുത്തമാസം ജില്ലയില്‍ നടത്തുന്ന അദാലത്തില്‍ പരിഗണിക്കും. പുതിയ പരാതികള്‍ സ്വീകരിക്കുന്നതിനും പ്രത്യേക ബഞ്ച് അദാലത്തില്‍ ഒരുക്കിയിരിന്നു. രണ്ടുദിവസങ്ങളിലായി ഏഴ് പുതിയ പരാതികളാണ് ലഭിച്ചത്.

മഴക്കെടുതി : രണ്ടു മരണം; വീടുകള്‍ക്ക് നാശനഷ്ടം

കൊച്ചി: ജില്ലയില്‍ കാറ്റിന് ശമനം ഉണ്ടെങ്കിലും ശക്തമായ മഴ തുടരുന്നു. ജില്ലയില്‍ ഇന്ന് യെല്ലോ അലര്‍ട്ടാണ്. മഴയില്‍ കായലില്‍ വഞ്ചി മറിഞ്ഞ് കാണാതായ രണ്ടു പേരുടെ മൃതദേഹങ്ങള്‍ ഇന്നലെ ലഭിച്ചു. ചെറായി തൃക്കടാപ്പിള്ളി സ്വദേശി സ്രാമ്പിക്കല്‍ വീട്ടില്‍ നിഖില്‍ മുരളി(32), പറവൂര്‍ കെടാമംഗലം മുളവുണ്ണിരാമ്പറമ്പില്‍ രാധാകൃഷ്ണന്‍ (62) എന്നിവരാണ് മരിച്ചത്. വ്യാഴാഴ്ച വൈകുന്നേരം അഞ്ചോടെയാണ് കനത്ത മഴയില്‍ നിഖില്‍ യാത്ര ചെയ്തിരുന്ന വഞ്ചി അപകടത്തില്‍പ്പെട്ടത്. വഞ്ചി മറിഞ്ഞ സ്ഥലത്തുനിന്നും ഒരു കിലോമീറ്റര്‍ അകലെ കോവിലകത്തുംകടവ് പരിസരത്തുനിന്ന് ഇന്നലെ രാവിലെയാണ് മൃതദേഹം ലഭിച്ചത്. മുനമ്പം പോലീസ് ഇന്‍ക്വസ്റ്റ് നടപടികള്‍ പൂര്‍ത്തിയാക്കി പോസ്റ്റ് മോര്‍ട്ടം നടത്തി. ഇന്ന് ഉച്ചക്ക് 12ന് ചെറായി പൊതു ശ്മശാനത്തില്‍ സംസ്‌കരിക്കും. മത്സ്യത്തൊഴിലാളിയായ രാധാകൃഷ്ണന്‍ മീന്‍ പിടിക്കാന്‍ കുമ്പളം കായലില്‍ എത്തിയതായിരുന്നു. വൈകിട്ട് ആറോടെ മഴക്കൊപ്പമുണ്ടായ ശക്തമായ കാറ്റില്‍ വള്ളം മറിഞ്ഞു. ഊന്നിക്കുറ്റിയില്‍ പിടിച്ചു കിടന്നെങ്കിലും രാധാകൃഷ്ണന്‍റെ പിടിവിട്ടു പോയി കാണാതാവുകയായിരുന്നു. ഇന്നലെ വൈകുന്നേരം വൈപ്പിന്‍ ജെട്ടിയില്‍ മൃതദേഹം അടിഞ്ഞു. 230 വീടുകള്‍ക്ക് നാശനഷ്ടം കഴിഞ്ഞ എട്ട് ദിവസമായി തുടരുന്ന ശക്തമായ മഴയില്‍ ജില്ലയില്‍ ഇതുവരെ 230 വീടുകള്‍ക്ക് നാശനഷ്ടം. മൂന്ന് വീടുകള്‍ പൂര്‍ണമായും 227 വീടുകള്‍ ഭാഗികമായും തകര്‍ന്നു. കണയന്നൂര്‍, കൊച്ചി, കോതമംഗലം താലൂക്കുകളില്‍ ഓരോ വീടുകളാണ് പൂര്‍ണമായും തകര്‍ന്നത്. ആലുവയില്‍ 47, കണയന്നൂരില്‍ 19, കൊച്ചിയില്‍ 35 , കോതമംഗലത്ത് 21, കുന്നത്തുനാട്ടില്‍ 35, മൂവാറ്റുപുഴയില്‍ 31, പറവൂരില്‍ 39 എന്നിങ്ങനെ ഭാഗീകമായും വീടുകള്‍ തകര്‍ന്നത്. ദുരിതാശ്വാസ ക്യാമ്പുകള്‍ തുറന്നു കനത്ത മഴയെത്തുടർന്ന് ജില്ലയിലെ രണ്ടു താലൂക്കൂകളിൽ ദുരിതാശ്വാസ ക്യാമ്പുകൾ തുറന്നു. കൊച്ചി, കണയന്നൂർ, മൂവാറ്റുപുഴ താലൂക്കുകളിലായി 12 കുടുംബങ്ങളെയാണ് മാറ്റിപ്പാർപ്പിച്ചത്. കൊച്ചി താലൂക്കിൽ ഞാറക്കൽ വില്ലേജ് ഫിഷറീസ് എൽപി സ്കൂളിലും, കണയന്നൂർ താലൂക്കിൽ കാക്കനാട് തുതിയൂർ സെന്‍റ് മേരീസ് സ്കൂളിലും, മൂവാറ്റുപുഴ താലൂക്കിൽ മണ്ണത്തൂര്‍ ഗവ എല്‍പി സ്‌കൂളിലുമാണ് ദുരിതാശ്വാസ ക്യാമ്പുകൾ ആരംഭിച്ചത്. ഞാറക്കൽ ഫിഷറീസ് എൽപി സ്കൂളിലെ ക്യാമ്പിൽ ഇന്ത്യൻ കൗൺസിൽ ഓഫ് അഗ്രികൾച്ചറൽ റിസർച്ചിനു സമീപം മണൽത്തിട്ട തകർന്ന് കടൽവെള്ളം കയറിയ പ്രദേശത്തെ എട്ട് കുടുംബങ്ങളെയാണ് മാറ്റി താമസിപ്പിച്ചിട്ടുള്ളത്. 14 പുരുഷൻമാരും 10 സ്ത്രീകളുമടക്കം 24 പേരാണ് ഈ ക്യാന്പിലുള്ളത്. വാഴക്കാല വില്ലേജിൽ തുതിയൂർ ഭാഗത്ത് വെള്ളം കയറിയ മൂന്നു വീടുകളിൽ നിന്നുള്ള ഏഴ് അംഗങ്ങളെയാണ് തുതിയൂർ സെന്‍റ് മേരിസ് സ്കൂളിലെ ക്യാമ്പിൽ മാറ്റി താമസിപ്പിച്ചിട്ടുള്ളത്. ഇവരിൽ മൂന്നുപേർ സ്ത്രീകളും നാലുപേർ പുരുഷൻമാരുമാണ്. മൂവാറ്റുപുഴ താലൂക്കില്‍ തിരുമാറാടി വില്ലേജില്‍ ഒരു കുടുംബത്തെ മണ്ണത്തൂര്‍ ഗവ എല്‍പി സ്‌കൂളില്‍ ആരംഭിച്ച ദുരിതാശ്വാസ ക്യാമ്പിലേക്ക് മാറ്റിപ്പാര്‍പ്പിച്ചു. ശക്തമായ കാറ്റില്‍ വീടിന് സമീപം നിന്നിരുന്ന മരം മറിഞ്ഞ് വീഴുകയും, വീടിന് സുരക്ഷാ ഭീഷണി ഉയര്‍ത്തിയതുമായ സാഹചര്യത്തിലാണ് കുടുംബത്തെ ക്യാമ്പിലേക്ക് മാറ്റിയത്.

പട്ടികജാതി, വര്‍ഗ ഗോത്ര കമ്മീഷന്‍ അദാലത്ത്: 77 പരാതികള്‍ക്ക് പരിഹാരം

കൊച്ചി: ജില്ലയില്‍ രണ്ടു ദിവസങ്ങളിലായി നടന്ന പട്ടികജാതി പട്ടികവര്‍ഗ ഗോത്ര കമ്മീഷന്‍ അദാലത്തില്‍ 77 പരാതികള്‍ക്ക് പരിഹാരം. കമ്മീഷന്‍ അംഗങ്ങളായ ടി.കെ. വാസു, സേതുനാരായണന്‍ എന്നിവരുടെ നേതൃത്വത്തില്‍ എറണാകുളം ഗവ. ഗസ്റ്റ് ഹൗസില്‍ നടന്ന അദാലത്തില്‍ 102 പരാതികളാണ് ലഭിച്ചത്. 77 പരാതികളും പൂര്‍ണമായി പരിഹരിക്കാന്‍ അദാലത്തിലൂടെ കഴിഞ്ഞു. അദാലത്തില്‍ പരിഹരിക്കാന്‍ സാധിക്കാത്ത 25 പരാതികളില്‍ തുടര്‍നടപടികള്‍ക്കായി മാറ്റിവെച്ചു. ഇവയില്‍ ഹിയറിംഗ് ആവശ്യമുള്ളവ അടുത്തമാസം ജില്ലയില്‍ നടത്തുന്ന അദാലത്തില്‍ പരിഗണിക്കും. പുതിയ പരാതികള്‍ സ്വീകരിക്കുന്നതിനും പ്രത്യേക ബഞ്ച് അദാലത്തില്‍ ഒരുക്കിയിരിന്നു. രണ്ടുദിവസങ്ങളിലായി ഏഴ് പുതിയ പരാതികളാണ് ലഭിച്ചത്.

ലോറിയുടെ പിന്നിലിടിച്ച് ആഢംബര കാര്‍ കത്തിനശിച്ചു

ആലുവ: ദേശീയപാതയിൽ ബൈപാസ് സിഗ്നലില്‍ നിർത്തിയിട്ട ലോറിയുടെ പിന്നിലിടിച്ച് ബിഎംഡബ്ല്യു കാര്‍ പൂര്‍ണമായി കത്തിനശിച്ചു. ഇന്നലെ പുലര്‍ച്ചെ 12.40 ഓടെയായിരുന്നു അപകടം. എറണാകുളത്തുനിന്ന് ആലുവ ഭാഗത്തേക്ക് പോകുകയായിരുന്നു കാര്‍. കാറില്‍ ഡ്രൈവര്‍ മാത്രമേ ഉണ്ടായിരുന്നുള്ളൂ. അപകടം നടന്ന ഉടൻ കാർ ഡ്രൈവർ പുറത്തിറങ്ങിയപ്പോഴാണ് തീ ഉയർന്നത്. വേഗത്തിൽ തീ ആളിപ്പടർന്നതിനാൽ ആലുവ അഗ്നിരക്ഷാ സേനയെത്തി തീയണച്ചിട്ടും കാർ മുഴുവനായി കത്തിയമർന്നു. കാര്‍ ആലുവ പോലീസ് സ്റ്റേഷനിൽ എത്തിച്ചു.

ലോറിയുടെ പിന്നിലിടിച്ച് ആഢംബര കാര്‍ കത്തിനശിച്ചു

ആലുവ: ദേശീയപാതയിൽ ബൈപാസ് സിഗ്നലില്‍ നിർത്തിയിട്ട ലോറിയുടെ പിന്നിലിടിച്ച് ബിഎംഡബ്ല്യു കാര്‍ പൂര്‍ണമായി കത്തിനശിച്ചു. ഇന്നലെ പുലര്‍ച്ചെ 12.40 ഓടെയായിരുന്നു അപകടം. എറണാകുളത്തുനിന്ന് ആലുവ ഭാഗത്തേക്ക് പോകുകയായിരുന്നു കാര്‍. കാറില്‍ ഡ്രൈവര്‍ മാത്രമേ ഉണ്ടായിരുന്നുള്ളൂ. അപകടം നടന്ന ഉടൻ കാർ ഡ്രൈവർ പുറത്തിറങ്ങിയപ്പോഴാണ് തീ ഉയർന്നത്. വേഗത്തിൽ തീ ആളിപ്പടർന്നതിനാൽ ആലുവ അഗ്നിരക്ഷാ സേനയെത്തി തീയണച്ചിട്ടും കാർ മുഴുവനായി കത്തിയമർന്നു. കാര്‍ ആലുവ പോലീസ് സ്റ്റേഷനിൽ എത്തിച്ചു.

ബഡ്‌സ് പ്രവേശനോത്സവം നാളെ: സംസ്ഥാനതല ഉദ്ഘാടനം എറണാകുളത്ത്

കൊച്ചി: ബൗദ്ധിക വെല്ലുവിളികള്‍ നേരിടുന്ന കുട്ടികള്‍ക്കായി കുടുംബശ്രീയും തദ്ദേശ സ്വയംഭരണ സ്ഥാപനങ്ങളും സംയുക്തമായി നടത്തുന്ന ബഡ്‌സ് സ്ഥാപനങ്ങളില്‍ നാളെ പ്രവേശനോത്സവം നടക്കും. സംസ്ഥാനതല ഉദ്ഘാടനം രാവിലെ 9.30ന് പുത്തന്‍കുരിശ് വടവുകോട് ബഡ്‌സ് റീഹാബിലിറ്റേഷന്‍ സെന്‍ററില്‍ മന്ത്രി എം.ബി. രാജേഷ് നിര്‍വഹിക്കും. അഡ്വ. പി.വി. ശ്രീനിജിന്‍ എംഎല്‍എ അധ്യക്ഷത വഹിക്കും. ജില്ലാ കളക്ടര്‍ എന്‍.എസ്.കെ. ഉമേഷ് പങ്കെടുക്കും.

ജില്ലയിൽ ഡെങ്കിയും മഞ്ഞപ്പിത്തവും : മഴയ്ക്കു പിന്നാലെ പനി പടരുന്നു

കൊച്ചി: ജില്ലയില്‍ മഴ ശക്തമായതിനു പിന്നാലെ പകര്‍ച്ചവ്യാധികളും പടരുന്നു. കഴിഞ്ഞ ഒരാഴ്ചയ്ക്കിടെ വിവിധ ആശുപത്രികളിലായി 2,955 പേരാണ് പനിക്ക് ചികിത്സ തേടിയത്. ഇതില്‍ 27 പേര്‍ക്ക് ഡെങ്കിപ്പനി സ്ഥിരീകരിച്ചു. പിറവത്ത് 40 വയസുകാരി ഡെങ്കിപ്പനിയെത്തുടര്‍ന്ന് മരിക്കാനിടയായ സാഹചര്യവുമുണ്ടായി. പനിക്ക് വിവിധ ആശുപത്രികളില്‍ ചികിത്സ തേടിയവരില്‍ 258 പേര്‍ക്ക് ഡെങ്കിപ്പനി രോഗ ലക്ഷണങ്ങളുണ്ട്. രണ്ടു പേര്‍ക്ക് എലിപ്പനിയും 35 പേര്‍ക്ക് മഞ്ഞപ്പിത്തവും, ഒമ്പത് പേര്‍ക്ക് മലേറിയ രോഗവും സ്ഥിരീകരിച്ചു. മഴ തുടരുന്ന സാഹചര്യത്തില്‍ പകര്‍ച്ച വ്യാധികള്‍ക്കെതിരായ ജാഗ്രത തുടരണമെന്ന് ആരോഗ്യവകുപ്പ് മുന്നറിയിപ്പ് നല്‍കി. മഴ കനത്തതിന് പിന്നാലെയാണ് ജില്ലയില്‍ പനി ബാധിതരുടെ എണ്ണവും കൂടിയത്. നഗരഗ്രാമ വ്യത്യാസമില്ലാതെയാണ് രോഗങ്ങള്‍ റിപ്പോര്‍ട്ട് ചെയ്തിട്ടുള്ളത്. ആശുപത്രിയില്‍ എത്താതെ സുഖപ്പെട്ടവര്‍ ആരോഗ്യവകുപ്പിന്‍റെ കണക്കിനു പുറമേയാണ്. ജില്ലയുടെ കിഴക്കന്‍ മേഖലയിലും ആലുവ, പട്ടിമറ്റം, നെട്ടൂര്‍, ചമ്പക്കര, ചേരാനെല്ലൂര്‍, കീഴ്മാട്, പൊന്നുരുന്നി, മലയിടംതുരുത്ത്, തൃക്കാക്കര, കലൂര്‍, ഇടപ്പള്ളി, തൃപ്പൂണിത്തുറ, ചൊവ്വര, രായമംഗലം തുടങ്ങിയ പ്രദേശങ്ങളിലുമാണ് ഡെങ്കിപ്പനി കൂടുതലും റിപ്പോര്‍ട്ട് ചെയ്തിട്ടുള്ളത്. ഡെങ്കിപ്പനി പിടിപെട്ടവര്‍ വീണ്ടും വരാതെ സൂക്ഷിക്കണമെന്നും ആരോഗ്യവകുപ്പ് വ്യക്തമാക്കുന്നു. ജില്ലയില്‍ മലേറിയ കേസുകള്‍ കല്ലൂര്‍ക്കാട്, വാഴക്കുളം, തൃപ്പൂണിത്തുറ, വേങ്ങൂര്‍, ഏഴിക്കര, മഴുവന്നൂര്‍ എന്നിവിടങ്ങളിൽനിന്നും, എലിപ്പനി കേസുകള്‍ അശമന്നൂര്‍, വാരപ്പെട്ടി, എടത്ത, കോതമംഗലം എന്നിവിടങ്ങളിൽനിന്നുമാണ് റിപ്പോര്‍ട്ട് ചെയ്തിട്ടുള്ളത്.

ജില്ലയിൽ ഡെങ്കിയും മഞ്ഞപ്പിത്തവും : മഴയ്ക്കു പിന്നാലെ പനി പടരുന്നു

കൊച്ചി: ജില്ലയില്‍ മഴ ശക്തമായതിനു പിന്നാലെ പകര്‍ച്ചവ്യാധികളും പടരുന്നു. കഴിഞ്ഞ ഒരാഴ്ചയ്ക്കിടെ വിവിധ ആശുപത്രികളിലായി 2,955 പേരാണ് പനിക്ക് ചികിത്സ തേടിയത്. ഇതില്‍ 27 പേര്‍ക്ക് ഡെങ്കിപ്പനി സ്ഥിരീകരിച്ചു. പിറവത്ത് 40 വയസുകാരി ഡെങ്കിപ്പനിയെത്തുടര്‍ന്ന് മരിക്കാനിടയായ സാഹചര്യവുമുണ്ടായി. പനിക്ക് വിവിധ ആശുപത്രികളില്‍ ചികിത്സ തേടിയവരില്‍ 258 പേര്‍ക്ക് ഡെങ്കിപ്പനി രോഗ ലക്ഷണങ്ങളുണ്ട്. രണ്ടു പേര്‍ക്ക് എലിപ്പനിയും 35 പേര്‍ക്ക് മഞ്ഞപ്പിത്തവും, ഒമ്പത് പേര്‍ക്ക് മലേറിയ രോഗവും സ്ഥിരീകരിച്ചു. മഴ തുടരുന്ന സാഹചര്യത്തില്‍ പകര്‍ച്ച വ്യാധികള്‍ക്കെതിരായ ജാഗ്രത തുടരണമെന്ന് ആരോഗ്യവകുപ്പ് മുന്നറിയിപ്പ് നല്‍കി. മഴ കനത്തതിന് പിന്നാലെയാണ് ജില്ലയില്‍ പനി ബാധിതരുടെ എണ്ണവും കൂടിയത്. നഗരഗ്രാമ വ്യത്യാസമില്ലാതെയാണ് രോഗങ്ങള്‍ റിപ്പോര്‍ട്ട് ചെയ്തിട്ടുള്ളത്. ആശുപത്രിയില്‍ എത്താതെ സുഖപ്പെട്ടവര്‍ ആരോഗ്യവകുപ്പിന്‍റെ കണക്കിനു പുറമേയാണ്. ജില്ലയുടെ കിഴക്കന്‍ മേഖലയിലും ആലുവ, പട്ടിമറ്റം, നെട്ടൂര്‍, ചമ്പക്കര, ചേരാനെല്ലൂര്‍, കീഴ്മാട്, പൊന്നുരുന്നി, മലയിടംതുരുത്ത്, തൃക്കാക്കര, കലൂര്‍, ഇടപ്പള്ളി, തൃപ്പൂണിത്തുറ, ചൊവ്വര, രായമംഗലം തുടങ്ങിയ പ്രദേശങ്ങളിലുമാണ് ഡെങ്കിപ്പനി കൂടുതലും റിപ്പോര്‍ട്ട് ചെയ്തിട്ടുള്ളത്. ഡെങ്കിപ്പനി പിടിപെട്ടവര്‍ വീണ്ടും വരാതെ സൂക്ഷിക്കണമെന്നും ആരോഗ്യവകുപ്പ് വ്യക്തമാക്കുന്നു. ജില്ലയില്‍ മലേറിയ കേസുകള്‍ കല്ലൂര്‍ക്കാട്, വാഴക്കുളം, തൃപ്പൂണിത്തുറ, വേങ്ങൂര്‍, ഏഴിക്കര, മഴുവന്നൂര്‍ എന്നിവിടങ്ങളിൽനിന്നും, എലിപ്പനി കേസുകള്‍ അശമന്നൂര്‍, വാരപ്പെട്ടി, എടത്ത, കോതമംഗലം എന്നിവിടങ്ങളിൽനിന്നുമാണ് റിപ്പോര്‍ട്ട് ചെയ്തിട്ടുള്ളത്.

കൊച്ചി-ധനുഷ്കോടി ദേശീയപാതയിൽ ബസും ബൈക്കും കൂട്ടിയിടിച്ച് ഐടി ജീവനക്കാരൻ മരിച്ചു

കോലഞ്ചേരി: കൊച്ചി-ധനുഷ്കോടി ദേശീയപാതയിൽ ബസും ബൈക്കും കൂട്ടിയിടിച്ച് ബൈക്ക് യാത്രികനായ ഐടി ജീവനക്കാരൻ മരിച്ചു. കോഴിക്കോട് വളയനാട് ശ്രീവിനായക കുറ്റിയിൽത്താഴം കെ.വി. വാസുദേവന്‍റെ മകൻ വിഷ്ണു പ്രസാദ് (27) ആണ് മരിച്ചത്. ഇന്നലെ പുലർച്ചെ ആറോടെ കടമറ്റം നാഞ്ചിറ വളവിലായിരുന്നു അപകടം. വിഷ്ണു ഓടിച്ച ബൈക്കും തൊഴിലാളികളുമായി വരികയായിരുന്നു ബസും കൂട്ടിയിടിക്കുകയായിരുന്നു. ഉടൻ വിഷ്ണുവിനെ കോലഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ വൈകുന്നേരം ഏഴരയോടെ മരിച്ചു. കൊച്ചി ഇൻഫോപാർക്കിലെ ഐബിഎം കന്പനിയിലെ ജീവനക്കാരനായിരുന്നു. വിഷ്ണു താമസിച്ചിരുന്ന എറണാകുളത്തെ ഹോസ്റ്റലിൽനിന്ന് തൊടുപുഴ വണ്ണപ്പുറത്ത് സുഹൃത്തിന്‍റെ വീട്ടിലേക്ക് പോകവെയായിരുന്നു അപകടം. അപകടത്തെ തുടർന്ന് നിയന്ത്രണംവിട്ട ബസ് വൈദ്യുത പോസ്റ്റിലും സമീപത്തെ വീടിന്‍റെ മതിലും തകർത്താണ് നിന്നത്. മൂവാറ്റുപുഴ താലൂക്ക് ആശുപത്രിയിൽ സൂക്ഷിച്ചിരിക്കുന്ന മൃതദേഹം പോസ്റ്റ്മോർട്ടത്തിന് ശേഷം ഇന്ന് നാട്ടിലേക്ക് കൊണ്ടുപോകും. അമ്മ: അനിത.

ഓട്ടോയിടിച്ച് പരിക്കേറ്റ കാൽനട യാത്രികൻ മരിച്ചു

മൂവാറ്റുപുഴ: ഓട്ടോറിക്ഷ ഇടിച്ച് പരിക്കേറ്റ് ചികിത്സയിലായിരുന്ന കാൽനട യാത്രികൻ മരിച്ചു. കടാതി കുര്യൻമല പൊറ്റേലികുടി പി.യു. രാജപ്പൻ (74) ആണ് മരിച്ചത്. കടാതി വായനശാലപ്പടിയിൽ കഴിഞ്ഞ വ്യാഴാഴ്ച രാത്രി 7.30നായിരുന്നു അപകടം. റോഡരികിൽ നിൽക്കുകയായിരുന്ന രാജപ്പനെ മൂവാറ്റുപുഴ ഭാഗത്ത് നിന്നു വരികയായിരുന്ന ഓട്ടോറിക്ഷ ഇടിക്കുകയായിരുന്നു. ഗുരുതരമായി പരിക്കേറ്റ രാജപ്പനെ ഉടൻ മൂവാറ്റുപുഴയിലെ സ്വകാര്യ ആശുപത്രിയിലും തുടർന്ന് വിദഗ്ധ ചികിത്സയ്ക്കായി കോലഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ചികിത്സയിലിരിക്കെ വെള്ളിയാഴ്ച വൈകുന്നേരം മരിച്ചു. സംസ്കാരം നടത്തി. ഭാര്യ: അല്ലി. മക്കൾ: രാജേഷ്, രമേശ്, രാജശ്രീ.

പുഴയിൽ കാണാതായ യുവാവിന്‍റെ മൃതദേഹം കണ്ടെത്തി

ചെറായി: പുഴയിൽ ചെറുവഞ്ചി മുങ്ങി കാണാതായ ചെറായി തൃക്കടാപ്പിള്ളി സ്രാന്പിക്കൽ നിഖിലി(34)ന്‍റെ മൃതദേഹം ഇന്നലെ രാവിലെ കോവിലകത്തുംകടവ് ഭാഗത്ത് പുഴയിൽ കണ്ടെത്തി. വ്യാഴാഴ്ച വൈകുന്നേരമാണ് നിഖിലിനെ കാണാതായത്. ചീന വല തട്ടിൽനിന്ന് നാലു സുഹൃത്തുകൾക്കൊപ്പം തീരത്തേക്ക് മടങ്ങവെ കാറ്റിലും മഴയിലും പെട്ട് വഞ്ചി മുങ്ങുകയായിരുന്നു. മറ്റുള്ളവർ നീന്തി രക്ഷപ്പെട്ടെങ്കിലും നിഖിലിനെ കാണാതാകുകയായിരുന്നു. മൃതദേഹം പോസ്റ്റുമോർട്ടത്തിനായി ആശുപത്രിയിലേക്ക് മാറ്റി. സംസ്കാരം ഇന്നു 12ന് ചെറായി പൊതു ശ്മശാനത്തിൽ. അച്ഛൻ: മുരളി. അമ്മ: യമുന. സഹോദരി: ശ്രുതി.

വിദേശത്ത് ജോലി വാഗ്ദാനം നല്‍കി ലക്ഷങ്ങള്‍ തട്ടിയയാള്‍ അറസ്റ്റില്‍

കൊച്ചി: വിദേശത്ത് മാനുഫാക്ചറിങ് കമ്പനിയില്‍ ജോലി വാഗ്ദാനം നല്‍കി ലക്ഷങ്ങള്‍ തട്ടിയ കേസിലെ പ്രതി പിടിയില്‍. പത്തനം തിട്ട അടൂര്‍ ചായലോട് മങ്കാട് മുണ്ടിയാമ്പളളിയില്‍ വീട്ടില്‍ അഭിജിത്തിനെയാണ് എറണാകുളം സെന്‍ട്രല്‍ പോലീസ് അറസ്റ്റ് ചെയ്തത്. ഹൈക്കോടതി ജംഗ്ഷനില്‍ പ്രവര്‍ത്തിക്കുന്ന ഡ്രീം ഡെക്ക് എന്ന സ്ഥാപനം യൂറോപ്പില്‍ കമ്പനി ജോലി വാങ്ങി നല്‍കാമെന്ന് പറഞ്ഞ് വിശ്വസിപ്പിച്ച് ഇടുക്കി സ്വദേശിയായ യുവാവില്‍ നിന്നും രണ്ടേമുക്കാല്‍ ലക്ഷം രൂപ വാങ്ങിയെടുത്ത് കബളിപ്പിച്ചെന്ന പരാതിയിൽ സെന്‍ട്രല്‍ പോലീസ് രജിസ്റ്റര്‍ ചെയ്ത് അന്വേഷണം നടത്തിയ കേസിലാണ് പ്രതി പിടിയിലായത്. കഴിഞ്ഞ ഫെബ്രുവരിയില്‍ കേസ് രജിസ്റ്റര്‍ ചെയ്തതറിഞ്ഞ പ്രതി ഒളിവില്‍ പോകുകയായിരുന്നു. തുടര്‍ന്ന് പോലീസ് പ്രതിയുടെ സോഷ്യല്‍ മീഡിയ അക്കൗണ്ട് വിവരങ്ങളും മറ്റും കേന്ദ്രീകരിച്ച് നടത്തിയ അന്വേഷണത്തില്‍ പ്രതി കഴിഞ്ഞദിവസം എറണാകുളം നോര്‍ത്ത് ഭാഗത്ത് എത്തിയതായി വിവരം ലഭിച്ചു. തുടര്‍ന്ന് നടത്തിയ അന്വേഷണത്തില്‍ കച്ചേരിപ്പടിയില്‍ നിന്നാണ് ഇയാളെ കസ്റ്റഡിയിലെടുത്തത്. ചോദ്യം ചെയ്തതില്‍ പ്രതി കുറ്റം സമ്മതിച്ചു. പ്രതിക്ക് റിക്രൂട്ടിംഗ് നടത്തുന്നതിനുള്ള ലൈസന്‍സില്ലെന്നും അന്വേഷണത്തില്‍ തെളിഞ്ഞതായി പോലീസ് പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

സ്ഥാപനത്തിനു മുന്നിൽ പാർക്കിംഗ് : യാത്രികർ കാറിലിരിക്കെ ജീവനക്കാർ കാറ്റഴിച്ചുവിട്ടു

മൂവാറ്റുപുഴ: വ്യാപാര സ്ഥാപനത്തിനു മുന്നിൽ പാർക്ക് ചെയ്തു എന്നാരോപിച്ച് അധ്യാപികയും കുട്ടികളും സഞ്ചരിച്ച കാറിന്‍റെ കാറ്റ് വ്യാപാര സ്ഥാപനത്തിലെ ജീവനക്കാർ അഴിച്ചുവിട്ടത് സംഘർഷത്തിൽ കലാശിച്ചു. സംഭവത്തെ തുടർന്ന് സിപിഎം പ്രവർത്തകർ സംഘടിച്ചെത്തി വ്യാപാര സ്ഥാപനം അടപ്പിച്ചു. കച്ചേരിത്താഴത്തുള്ള അറ്റ്ലസ് ഫാക്ടറി ഔട്ട്‌ലെറ്റ് എന്ന സ്ഥാപനമാണ് പൂട്ടിയത്. ഇന്നലെ ഉച്ചയോടെയാണു വ്യാപാര സ്ഥാപനത്തിന്‍റെ പാർക്കിംഗ് ഏരിയയിലേക്കുള്ള വഴി അടച്ച് കാർ പാർക്ക് ചെയ്തു എന്നാരോപിച്ച് ജീവനക്കാരൻ വാഹനത്തിന്‍റെ ചക്രങ്ങളിലെ കാറ്റ് അഴിച്ചുവിട്ടത്. അടിയന്തര ആവശ്യത്തിനായി മൂവാറ്റുപുഴയിൽ എത്തിയ തൊടുപുഴ സ്വദേശികൾ സഞ്ചരിച്ച കാറിന്‍റെ കാറ്റാണ് അഴിച്ചുവിട്ടത്. അധ്യാപിക ഉൾപ്പെടെ കാറിൽ ഇരിക്കുന്പോഴാണ് കാറ്റ് അഴിച്ചുവിട്ടത്. ഡ്രൈവറായ ബന്ധു തിരികെ എത്തിയപ്പോൾ കാർ ഓടിക്കാൻ കഴിയാത്ത നിലയിലായിരുന്നു. തുടർന്ന് സംഭവത്തെക്കുറിച്ച് ചോദിക്കാൻ വ്യാപാര സ്ഥാപനത്തിൽ എത്തിയ സിപിഎമ്മിന്‍റെ മൂവാറ്റുപുഴയിലുള്ള മുതിർന്ന നേതാവിനോടു ജീവനക്കാരൻ മോശമായി പെരുമാറുകയും അസഭ്യം പറയുകയും കടയിൽ നിന്നിറക്കി വിടുകയും ചെയ്തുവെന്നാണ് സിപിഎം പ്രവർത്തകരുടെ ആരോപണം. തുടർന്നാണ് രാത്രി സിപിഎം പ്രവർത്തകർ സംഘടിച്ച് വ്യാപാര സ്ഥാപനത്തിലെത്തി കട അടപ്പിച്ചത്. പോലീസും സ്ഥലത്തെത്തിയിരുന്നു. ഇന്ന് ചർച്ച നടത്തി പ്രശ്നം പരിഹരിച്ച ശേഷമേ കട തുറക്കാൻ അനുവദിക്കുകയുള്ളൂവെന്നാണ് സിപിഎം പ്രവർത്തകരുടെ നിലപാട്.

നിര്‍മാണത്തിലിരുന്ന വില്ലയില്‍ മോഷണം: തമിഴ്‌നാട് സ്വദേശിനികള്‍ കുടുങ്ങി

കൊച്ചി: തമ്മാനം ഭാഗത്ത് നിര്‍മാണത്തിലിരിക്കുന്ന വില്ലയില്‍ നിന്നും ബാത്ത്‌റൂം ഫിറ്റിംഗ്‌സുകളും ഇലക്ട്രിക്കല്‍ വയറിംഗ് മെറ്റീരിയലുകളും ഉള്‍പ്പെടെ മൂന്നു ലക്ഷത്തിലധികം വിലവരുന്ന നിര്‍മാണ സാമഗ്രികള്‍ മോഷ്ടിച്ച തമിഴ്നാട് സ്വദേശിനികള്‍ പിടിയില്‍. തമിഴ്‌നാട് കരൂര്‍ സ്വദേശികളായ കണ്‍മണി (30), സീത (30), പാണ്ടി സെല്‍വി (26) എന്നിവരെയാണ് പാലാരിവട്ടം പോലീസ് പിടികൂടിയത്. ഈമാസം 18ന് രാവിലെ 11.45 ഓടെയാണ് പ്രതികള്‍ ആക്രി പെറുക്കാനെന്ന വ്യാജേന തമ്മനം ശിവാലയം റോഡിലുള്ള വില്ലയില്‍ അതിക്രമിച്ച് കയറി മുറിയില്‍ സൂക്ഷിച്ചിരുന്ന നിര്‍മാണ സാമഗ്രികള്‍ മോഷ്ടിച്ചത്. ഇടക്കൊച്ചി സ്വദേശിയായ കരാറുകാരന്‍റെ പരാതിയില്‍ അന്വേഷണം ആരംഭിച്ച പോലീസ് സിസിടിവി ദൃശ്യങ്ങള്‍ ഉള്‍പ്പെടെയുള്ള ശാസ്ത്രീയ തെളിവുകള്‍ ശേഖരിച്ചാണ് പ്രതികളിലേക്ക് എത്തിയത്. പ്രതികളായ നാടോടി സ്ത്രീകളെ ആലുവ മാര്‍ക്കറ്റിന് സമീപം ഫ്ലൈഓവറിന് താഴെ നിന്നാണ് കണ്ടെത്തിയത്. മോഷണ മുതലുകള്‍ കണ്ടെത്താന്‍ സാധിച്ചിട്ടില്ല. ഇവ വില്പന നടത്തിയ സ്ഥാപനത്തെക്കുറിച്ചുള്ള വിവരങ്ങള്‍ ലഭിച്ചു. പാലാരിവട്ടം പോലീസ് ഇന്‍സ്‌പെക്ടര്‍ കെ.ആര്‍. രൂപേഷിന്‍റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. പ്രതികളെ റിമാന്‍ഡ് ചെയ്തു. തൊണ്ടി മുതലുകള്‍ കണ്ടെത്തുന്നതിനായി പ്രതികളെ കസ്റ്റഡിയില്‍ വാങ്ങി അന്വേഷണം നടത്തുമെന്ന് പോലീസ് അറിയിച്ചു.

നടിയെ ആക്രമിച്ച കേസ്: മൂന്നിന് പരിഗണിക്കും

കൊച്ചി : നടിയെ ആക്രമിച്ച കേസ് എറണാകുളം പ്രിന്‍സിപ്പല്‍ സെഷന്‍സ് കോടതി ജൂണ്‍ മൂന്നിന് വീണ്ടും പരിഗണിക്കും. 2018ല്‍ ആരംഭിച്ച കേസിന്‍റെ അന്തിമവാദം പൂര്‍ത്തിയായശേഷം വ്യക്തത തേടിയുള്ള നടപടികളാണ് ഇപ്പോള്‍ നടക്കുന്നത്. 2017 ഫെബ്രുവരി 17നാണ് കൊച്ചിയില്‍ ഓടുന്ന വാഹനത്തില്‍ നടി ആക്രമണത്തിന് ഇരയായത്. കേസില്‍ ആകെ 12 പ്രതികളായിരുന്നു ഉണ്ടായിരുന്നത്. ഇതില്‍ ഒരാള്‍ മാപ്പുസാക്ഷിയാകുകയും രണ്ടുപേരെ കേസില്‍നിന്ന് ഒഴിവാക്കുകയും ചെയ്തതോടെ ഒമ്പത് പ്രതികളാണുള്ളത്. നടന്‍ ദിലീപ് എട്ടാം പ്രതിയാണ്.

മുന്‍ മാനേജരെ മര്‍ദിച്ചെന്ന കേസ് : ഗൂഢാലോചന ആരോപിച്ച് ഉണ്ണി മുകുന്ദന്‍ ഡിജിപിക്ക് പരാതി നല്‍കി

കൊച്ചി: മുന്‍ മാനേജരെ മര്‍ദിച്ചെന്ന കേസില്‍ ഗൂഢാലോചന ആരോപിച്ച് നടന്‍ ഉണ്ണി മുകുന്ദന്‍ സംസ്ഥാന പോലീസ് മേധാവിക്ക് പരാതി നല്‍കി. ഡിജിപിക്കും ക്രമസമാധാന ചുമതലയുള്ള എഡിജിപിക്കുമാണ് നടന്‍ പരാതി നല്‍കിയത്. ഉണ്ണി മുകുന്ദന്‍റെ മുന്‍കൂര്‍ ജാമ്യാപേക്ഷ എറണാകുളം ജില്ല കോടതി ഇന്ന് പരിഗണിക്കാനിരിക്കെയാണ് പരാതി. ഇക്കാര്യം ഫേസ്ബുക്ക് പോസ്റ്റിലൂടെയാണ് നടന്‍ അറിയിച്ചിരിക്കുന്നത്. അതേസമയം, നിയമ നടപടിയുമായി മുന്നോട്ടുപോകുമെന്ന് മുന്‍ മാനേജര്‍ വിപിന്‍ കുമാര്‍ പ്രതികരിച്ചു. ഗൂഢാലോചന എന്ന ഉണ്ണിയുടെ വാദം അടിസ്ഥാനരഹിതമാണ്. ഉണ്ണിയുടെ ട്രാക്ക് റിക്കോര്‍ഡ് എല്ലാവര്‍ക്കും അറിയാം. തന്നെ കൈയേറ്റം ചെയ്തതാണ് വിഷമിപ്പിച്ചത്. നിലവിലെ പോലീസ് അന്വേഷണത്തില്‍ തൃപ്തനാണെന്നും വിപിന്‍ കുമാര്‍ കൂട്ടിച്ചേര്‍ത്തു. ടൊവിനോ ചിത്രം നരിവേട്ടയെ പ്രശംസിച്ച് പോസ്റ്റിട്ടതില്‍ പ്രകോപിതനായി ഉണ്ണി മുകുന്ദന്‍ മര്‍ദിച്ചെന്നാണ് വിപിന്‍ കുമാറിന്‍റെ പരാതി. മാര്‍കോയ്ക്ക് ശേഷം പുതിയ പടങ്ങള്‍ കിട്ടാത്തതിന്‍റെ നിരാശയാണ് ഉണ്ണി മുകുന്ദനെന്നും അത് പലരോടും തീര്‍ക്കുകയാണെന്നും വിപിന്‍ ആരോപണം ഉയര്‍ത്തിയിരുന്നു. മര്‍ദിച്ചതിനും അസഭ്യം പറഞ്ഞതിനും ജാമ്യം കിട്ടാവുന്ന വകുപ്പുകളിലാണ് നിലവില്‍ ഉണ്ണി മുകുന്ദനെതിരെ ഇന്‍ഫോപാര്‍ക്ക് പോലീസ് കേസെടുത്തിരിക്കുന്നത്. എന്നാല്‍ കൂടുതല്‍ ഗുരുതര വകുപ്പുകള്‍ ചുമത്താനുള്ള സാധ്യത മുന്നില്‍ കണ്ടാണ് നടന്‍ മുന്‍കൂര്‍ ജാമ്യാപേക്ഷ നല്‍കിയത്. മര്‍ദിച്ചെന്ന് വിപിന്‍ പറയുന്നത് അടിസ്ഥാനരഹിതമെന്നും തനിക്കെതിരെ നടക്കുന്ന സംഘടിത ഗൂഢാലോചനയുടെ ഭാഗമാണ് ഇയാളുടെ പരാതിയെന്നുമാണ് ഉണ്ണി മുകുന്ദന്‍റെ പ്രതികരണം. നടനെ നോട്ടീസ് അയച്ച് വിളിപ്പിക്കുന്നതില്‍ പോലീസ് ഇതുവരെ തീരുമാനമെടുത്തിട്ടില്ല.

സിനിമയില്‍ കാല്‍ നൂറ്റാണ്ട് : ഗിന്നസ് പക്രുവിന് ആദരം

കൊച്ചി: അഭിനേതാവിന് അഭിനയവും കലയുമായിരിക്കണം യഥാര്‍ഥ ലഹരിയെന്ന് ഗിന്നസ് പക്രു. ചലച്ചിത്രരംഗത്ത് 25 വര്‍ഷം പൂര്‍ത്തിയാക്കിയ ഗിന്നസ് പക്രുവിന് (അജയകുമാര്‍) എറണാകുളം പ്രസ് ക്ലബിന്‍റെ നേതൃത്വത്തില്‍ നല്‍കിയ ആദരവിനുശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. സിനിമാ മേഖലയില്‍ ലഹരി ഉപയോഗം തടയുന്നതിനായി സിനിമാ സംഘടനകളെല്ലാം കര്‍ക്കശമായ നിലപാടെടുത്തിട്ടുണ്ട്. ലഹരി ഉപയോഗത്തെ പ്രോല്‍സാഹിപ്പിക്കുന്ന ആരും തന്നെ കലാരംഗത്തില്ല. അത്തരം പ്രവണതകളില്‍ നിന്ന് കലാകാരന്മാര്‍ മാറിനില്‍ക്കാനും തിരിച്ചുവരാനും ശ്രദ്ധിക്കണം. വിദ്യാലയങ്ങളിലേക്ക് വരെ ലഹരി കടന്നെത്തുന്ന കാലത്ത് അതിനെതിരെയുള്ള ശക്തമായ ബോധവല്‍ക്കരണവുമായി സിനിമാരംഗത്തുള്ളവര്‍ മുന്നിലുണ്ടാകുമെന്നും അദ്ദേഹം പറഞ്ഞു. ഗിന്നസ് പക്രുവിനെ(അജയകുമാര്‍) പ്രസ് ക്ലബ് സെക്രട്ടറി എം. ഷജില്‍കുമാര്‍ പൊന്നാടയണിയിച്ച് ആദരിച്ചു. ചടങ്ങില്‍ ഗിന്നസ് പക്രുവിന്‍റെ പുതിയ സിനിമയായ 916 കുഞ്ഞൂട്ടനിലെ മറ്റ് അഭിനേതാക്കളായ ടിനി ടോം, രാകേഷ് സുബ്രഹ്മണ്യന്‍, നിയാ വര്‍ഗീസ് തുടങ്ങിയവരും പങ്കെടുത്തു.

ഡൽഹിയിൽ നിന്നെത്തി മോഷ്ടിച്ച ബൈക്കിൽ കറങ്ങിനടന്ന് മാല പൊട്ടിക്കൽ; രണ്ടു പേർ പിടിയിൽ

ആലുവ: ഡൽഹിയിൽ നിന്ന് ആലുവ റെയിൽവേ സ്റ്റേഷനിൽ വന്നിറങ്ങി, മോഷ്ടിച്ച ബൈക്കിൽ കറങ്ങിനടന്ന് അഞ്ചിടത്തു നിന്ന് മാല പൊട്ടിച്ച രണ്ടംഗ സംഘത്തെ ആലുവ പോലീസ് സാഹസികമായി പിടികൂടി. ഉത്തർപ്രദേശ് ഫത്താപ്പൂർ സ്വദേശി ആരിഫ് (34), ഡൽഹി ശാസ്ത്രി വിഹാർ സ്വദേശി ഫൈസൽ (28) എന്നിവരാണ് അറസ്റ്റിലായത്. ദേശീയപാതയ്ക്ക് സമീപം തോട്ടക്കാട്ടുകരയിൽ വച്ച് റോഡ് വളഞ്ഞാണ് പ്രതികളെ പോലീസ് മണിക്കൂറുകൾക്കകം പിടികൂടിയത്. ഇന്നലെ പുലർച്ചെയാണ് ഡൽഹിയിൽ നിന്ന് ഇരുവരും ആലുവ റെയിൽവേ സ്റ്റേഷനിൽ വന്നിറങ്ങിയത്. ‌തുടർന്ന് പാർക്കിംഗ് ഗ്രൗണ്ടിൽ നിന്ന് ബൈക്ക് മോഷ്ടിച്ച് അതിൽ കറങ്ങിനടന്ന് അഞ്ചിടത്ത് നിന്ന് മാല പൊട്ടിക്കുകയായിരുന്നു. ദേശീയപാതയിലൂടെ പ്രതികൾ ആദ്യം കമ്പനിപ്പടിയിലാണ് എത്തിയത്. അവിടെനിന്ന് കാൽനട യാത്രികയുടെ മാല പൊട്ടിച്ച് ചെങ്ങമനാട് ഭാഗത്തേക്ക് കടന്നു. തുടർന്ന് പാലപ്രശേരി, മേക്കാട് എന്നിവിടങ്ങളിൽനിന്ന് മാല പൊട്ടിച്ച ശേഷം നെടുമ്പാശേരിയിലെത്തി. അവിടെനിന്നും ഒരു മാല പൊട്ടിക്കുകയും മറ്റൊരിടത്ത് ശ്രമം നടത്തുകയും ചെയ്തു. ഉടൻ ജില്ലാ പോലീസ് മേധാവി എം. ഹേമലതയുടെ നേതൃത്വത്തിൽ പ്രത്യേക പോലീസ് സംഘത്തെ നിയോഗിച്ചു. അന്വേഷണത്തിനു മുന്നോടിയായി നിരവധി സിസിടിവി കാമറാ ദൃശ്യങ്ങൾ കേന്ദ്രീകരിച്ചും റോഡതിർത്തികളടച്ചും ഊടുവഴികളിലും പരിശോധന നടത്തി. ഒടുവിൽ ആലുവ ഭാഗത്തേക്ക് വരികയായിരുന്ന മോഷ്ടാക്കളെ പിന്തുടർന്ന് തോട്ടക്കാട്ടുകരയിൽ വച്ച് പിടികൂടുകയായിരുന്നു. രണ്ടിടങ്ങളിൽ നിന്ന് ഇവർ പൊട്ടിച്ചെടുത്ത ആഭരണം മുക്കുപണ്ടമായിരുന്നു. മോഷ്ടാക്കളുടെ ബാഗിൽ നിന്ന് കുരുമുളക് സ്പ്രേ, സ്വർണം തൂക്കുന്ന ത്രാസ്, വാഹനങ്ങൾ മോഷ്ടിക്കാൻ ഉപയോഗിക്കുന്ന ഉപകരണങ്ങൾ എന്നിവയും കണ്ടെടുത്തു. പൊട്ടിച്ചെടുത്ത സ്വർണവും കസ്റ്റഡിയിലെടുത്തു. ഡൽഹിയിൽ പ്രതികൾക്കെതിരെ നിരവധി കേസുകളുണ്ട്. ജയിലിൽ വച്ചാണ് പ്രതികൾ പരിചയപ്പെട്ടത്. രാവിലെ ആലുവയിൽ വന്നിറങ്ങി മാലകൾ പൊട്ടിച്ചെടുത്ത ശേഷം രാത്രി തിരിച്ചു പോകാനായിരുന്നു ഇവരുടെ പദ്ധതി. ജില്ലാ പോലീസ് മേധാവി എം. ഹേമലതയുടെ നേതൃത്വത്തിൽ ഡിവൈഎസ്പി ടി.ആർ. രാജേഷ്, ഇൻസ്പെക്ടർ എം.എം. മഞ്ജുദാസ്, എസ്ഐമാരായ കെ. നന്ദകുമാർ, എസ്.എസ്. ശ്രീലാൽ, ബി.എം. ചിത്തുജി, സുജോ ജോർജ് ആന്‍റണി, ടി. അനൂപ്, ആർ. ബിൻസി, സീനിയർ സിപിഒമാരായ മുഹമ്മദ്‌ അമീർ, മാഹിൻഷാ അബൂബക്കർ, ഷിബിൻ തോമസ്, കെ.ഐ. ഷിഹാബ്, അജിത തിലകൻ എന്നിവരാണ് അന്വേഷണ സംഘത്തിൽ ഉണ്ടായിരുന്നത്.

കപ്പല്‍ അപകടം : എണ്ണപ്പാട പടരുന്നത് തടയാന്‍ ‘സമുദ്ര പ്രഹരി' എത്തി

കൊച്ചി: കൊച്ചി പുറംകടലില്‍ ലൈബീരിയന്‍ ചരക്കുകപ്പല്‍ എംഎസ്‌സി എല്‍സ3 മുങ്ങിയതിനെത്തുടര്‍ന്നുണ്ടായ എണ്ണപ്പാട തീരത്തെത്തുന്നത് തടയാന്‍ ഇന്ത്യന്‍ കോസ്റ്റ് ഗാര്‍ഡിന്‍റെ സമുദ്ര പ്രഹരി കപ്പല്‍ കൊച്ചിയിലെത്തി. പെട്രോളിയം ഉത്പന്നങ്ങള്‍ കടലില്‍ ചോരുമ്പോള്‍ സേവനം ചെയ്യുന്നതിനായി എത്തിക്കുന്ന കപ്പലാണിത്. എണ്ണ നീക്കം ചെയ്ത് കടല്‍ ശുദ്ധീകരിക്കുകയാണ് പ്രധാന ദൗത്യം. അപകടമുണ്ടായ സ്ഥലത്തെത്തി കപ്പല്‍ ദൗത്യസംഘത്തിനൊപ്പം ചേര്‍ന്നു. കപ്പലിനോ എണ്ണപ്പാടയ്ക്കോ തീപിടിച്ചാല്‍ അണയ്ക്കാനുള്ള സൗകര്യങ്ങള്‍ ഇതിലുണ്ട്. കടല്‍ പരപ്പില്‍ നിന്ന് എണ്ണപ്പാളി അരിച്ചുമാറ്റുകയും രാസവസ്തു തളിച്ച് നിര്‍വീര്യമാക്കുകയുമാണ് ചെയ്യുക. ഒരു ചേതക് ഹെലികോപ്ടര്‍, അഞ്ച് ഹൈ സ്പീഡ് ബോട്ടുകള്‍, നാല് വാട്ടര്‍ സ്‌കൂട്ടറുകള്‍ എന്നിവ വഹിക്കാന്‍ സമുദ്ര പ്രഹരിക്കാകും. എണ്ണച്ചോര്‍ച്ച തടയാനുള്ള ഓയില്‍ സ്പില്‍ റെസ്‌പോണ്‍സ് സിസ്റ്റം, എണ്ണ നീക്കം ചെയ്യാന്‍ സ്‌കിമ്മേഴ്‌സ്, ശേഖരിച്ച എണ്ണ സൂക്ഷിക്കാനുള്ള ഓയില്‍ റിക്കവറി ടാങ്കുകള്‍ എന്നിവയും തീപിടിത്തമുണ്ടായാല്‍ നിയന്ത്രിക്കുന്നതിനുള്ള അഗ്നിരക്ഷ സംവിധാനം അത്യാധുനിക റഡാര്‍, സാറ്റ്‌ലൈറ്റ് കമ്യൂണിക്കേഷനും കപ്പലിലുണ്ട്. ഐസിജിഎസ് വിക്രം, സക്ഷം എന്നീ കപ്പലുകളുടെ നേതൃത്വത്തില്‍ കടലില്‍ എണ്ണപ്പാട പടരുന്നതിനുള്ള പ്രതിരോധ പ്രവര്‍ത്തനങ്ങള്‍ തുടരുകയാണ്. ചിതറിപ്പോയ എണ്ണപ്പാട ഡോര്‍ണിയര്‍ വിമാനം ഉപയോഗിച്ച് പൊടി തളിച്ചും വെള്ളം ചീറ്റിച്ചുമാണ് തടഞ്ഞുനിറുത്തുന്നത്. സമുദ്ര പ്രഹരികൂടി എത്തിയതോടെ ഈ നീക്കത്തിന് കൂടുതല്‍ കരുത്താകും. ഇതുവരെ എണ്ണ തീരത്തടിഞ്ഞിട്ടില്ല.

കലി അടങ്ങാതെ കടല്‍; ആശങ്ക ഒഴിയാതെ തീരം

കൊച്ചി: കാലവര്‍ഷം കനത്തതോടെ കണ്ണമാലി മേഖലയിലെ കടല്‍കയറ്റം രൂക്ഷം. പുത്തന്‍തോട് കടപ്പുറം മുതല്‍ കണ്ണമാലി, ചെറിയകടവ്, കാട്ടിപ്പറമ്പ് എന്നിവിടങ്ങളിലെ മൂന്നൂറിൽ അധികം വീടുകളിലാണ് ഇതുവരെ വെള്ളം കയറിയിട്ടുള്ളത്. പ്രദേശത്ത് നിരവധി വീടുകള്‍ക്ക് ശക്തമായ കാറ്റില്‍ ഭാഗിക നാശനഷ്ടങ്ങള്‍ നേരിട്ടിട്ടുണ്ട്. പുത്തന്‍തോട് മുതലുള്ള ഭാഗത്ത് മഴക്കാല പൂര്‍വശുചീകരണ നടത്താത്തതില്‍ പ്രദേശവാസികള്‍ കടലില്‍ ഇറങ്ങി പ്രതിഷേധിച്ചിരുന്നു. കടല്‍ക്ഷേഭം തടയാന്‍ തീരത്ത് താല്‍ക്കാലികമായി നിര്‍മിച്ച മണല്‍വാടകള്‍ തകര്‍ന്ന നിലയിലാണ്. പഴക്കം ചെന്ന ജിയോ ബാഗുകള്‍ ദ്രവിച്ച് തുടങ്ങിയതോടെ ആര്‍ത്തലച്ചെത്തുന്ന തിരയെ തടഞ്ഞു നിർത്താന്‍ ഇവയ്ക്ക് കയിയുന്നില്ല. വെള്ളപ്പൊക്കത്തെത്തുടര്‍ന്ന് പ്രദേശത്തെ 3000 ത്തോളം വീടുകള്‍ ദുരിതത്തിലാണ്. വരും ദിവസങ്ങളില്‍ മഴ ശക്തമായാല്‍ പ്രതിസന്ധി രൂക്ഷമാകുമെന്നും നാട്ടുകാര്‍ പറയുന്നു. മുന്‍ വര്‍ഷങ്ങളില്‍ കാലവര്‍ഷത്തെത്തുടര്‍ന്നു മണ്ണുമാന്തിയന്ത്രം എത്തിച്ചു കടലോരത്ത് മണല്‍വാടയും ജിയോ ബാഗുകള്‍ ഉപയോഗിച്ച് താല്‍ക്കാലിക ഭിത്തിയും ഒരുക്കിയിരുന്നു. എന്നാല്‍, ഇക്കുറി അതുപോലും നടന്നിട്ടില്ല. വീടുകളില്‍ വെള്ളം കയറിയതിനെത്തുടര്‍ന്ന് പ്രദേശത്ത് 300 ല്‍ അധികം കുടുംബങ്ങളുടെ ജീവിതം താളംതെറ്റിയ നിലയിലാണ്. ഭക്ഷണം പാകം ചെയ്യുന്നതിനടക്കം ബുദ്ധിമുട്ടുകള്‍ നേരിടുകയാണിവര്‍. ഇതിനൊപ്പം ചിലയിടങ്ങളില്‍ വൈദ്യുതി ഇല്ലാത്തതും ദുരിതം ഇരട്ടിയാക്കുന്നു. അധ്യായന വര്‍ഷം ആരംഭിക്കാനിരിക്കെ വെള്ളപ്പെക്കം രൂക്ഷമായ മേഖലയില്‍ സ്‌കൂള്‍ തുറക്കുന്നത് സംബന്ധിച്ചും ആശങ്ക നിലനില്‍ക്കുന്നുണ്ട്. കണ്ണമാലിക്ക് പുറമേ ജില്ലയിലെ തീരപ്രദേശങ്ങളിലെല്ലാം കടല്‍ക്ഷോഭം രൂക്ഷമാണ്. വൈപ്പിന്‍, നായരമ്പലം, എടവനക്കാട്, ചെറായി, ചെല്ലാനത്തിന്‍റെ വടക്കന്‍ മേഖലകളില്ലെല്ലാം കടല്‍കയറ്റം രൂക്ഷമാണ്. ജില്ലയില്‍ 59 ശതമാനം അധിക മഴ കൊച്ചി: ശമനമില്ലാതെ മഴ തുടരുന്ന ജില്ലയില്‍ ഇതുവരെ ലഭിച്ചത് 59 ശതമാനം അധിക മഴ. വേനല്‍ മഴയിലും ഗണ്യമായ വര്‍ധനവ് ഉണ്ടായതോടെയാണിത്. കാലവര്‍ഷം തകര്‍ത്തു പെയ്യുന്ന ജില്ലയില്‍ ജാഗ്രതാ നിര്‍ദേശം തുടരുകയാണ്. മാര്‍ച്ച് ഒന്നുമുതല്‍ ഇന്നലെ വരെ 638.9 മില്ലിമീറ്റര്‍ മഴയാണ് ജില്ലയില്‍ ലഭിച്ചത്. 401.6 മില്ലിമീറ്റര്‍ മഴയാണ് സാധാരണ നിലയില്‍ ഈ സമയത്ത് ലഭിക്കേണ്ടിയിരുന്നത്. സംസ്ഥാനത്താകെ ഈ കാലയളവില്‍ 731.4 മില്ലിമീറ്റര്‍ മഴ ലഭിച്ചു. 111 ശതമാനം അധികമഴയാണ് കേരളത്തില്‍ ലഭിച്ചത്. ആലുവയില്‍ ഇന്നലെ 79 മില്ലിമീറ്റര്‍ മഴയും, എറണാകുളം സൗത്തില്‍ 112.6 മില്ലിമീറ്റര്‍, കൊച്ചി(സിയാല്‍) 64.6 മില്ലിമീറ്റര്‍, പിറവം 96 മില്ലിമീറ്റര്‍, പെരുമ്പാവൂര്‍ 77 മില്ലിമീറ്റര്‍ മഴയുമാണ് ലഭിച്ചത്. 216 വീടുകൾക്ക് നാശനഷ്ടം കാക്കനാട്: ശക്തമായ കാറ്റിലും മഴയിലും ജില്ലയിൽ ഇതുവരെ 216 വീടുകൾക്ക് നാശനഷ്ടമുണ്ടായി. മൂന്ന് വീടുകൾ പൂർണമായും 213 വീടുകൾ ഭാഗികമായും തകർന്നു. കൂടുതൽ വീടുകൾ തകർന്നത്. ആലുവ, പറവൂർ, കുന്നത്തുനാട്, കൊച്ചി താലൂക്കുകളിലാണ്. ആലുവ താലൂക്കിൽ 47, കണയന്നൂരിൽ 19, കൊച്ചിയിൽ 30, കോതമംഗലത്ത് 18, കുന്നത്തുനാട്ടിൽ 35, മൂവാറ്റുപുഴയിൽ 25, പറവൂരിൽ 39 എന്നിങ്ങനെയാണ് ഭാഗികമായി തകർന്ന വീടുകളുടെ എണ്ണം. കണയന്നൂർ, കൊച്ചി, കോതമംഗലം താലൂക്കുകളിൽ ഓരോ വീടുകൾ പൂർണമായും തകർന്നു. ഉയര്‍ന്ന തിരമാലയ്ക്കും കടലാക്രമണത്തിനും സാധ്യത കൊച്ചി: ജില്ലയില്‍ ഇന്ന് ഉയര്‍ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം മുന്നറിയിപ്പ് നല്‍കുന്നു. മൂന്നു മുതല്‍ 3.9 മീറ്റര്‍ വരെ തിരമാല ഉയരാന്‍ സാധ്യതയുണ്ട്. ജില്ലയില്‍ മുനമ്പം മുതല്‍ മുറവക്കാട് റെഡ് അലേര്‍ട്ട് പ്രഖ്യാപിച്ചിട്ടുണ്ട്. മുന്നറിയിപ്പ് നിലനില്‍ക്കുന്ന സാഹചര്യത്തില്‍ മത്സ്യത്തൊഴിലാളികളും തീരദേശവാസികളും അതീവ ജാഗ്രത പാലിക്കേണ്ടതാണ്. കടല്‍ക്ഷോഭം രൂക്ഷമാകാന്‍ സാധ്യതയുള്ളതിനാല്‍ അപകട മേഖലകളില്‍ നിന്ന് അധികൃതരുടെ നിര്‍ദേശാനുസരണം മാറി താമസിക്കണം. ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഈ സമയത്ത് ഒഴിവാക്കേണ്ടതാണ്. മുന്നറിയിപ്പ് പിന്‍വലിക്കുന്നത് വരെ ബീച്ചുകള്‍ കേന്ദ്രീകരിച്ചുള്ള വിനോദസഞ്ചാരമുള്‍പ്പെടെയുള്ള എല്ലാ പ്രവര്‍ത്തനങ്ങളും പൂര്‍ണമായി ഒഴിവാക്കേണ്ടതാണ്. മത്സ്യബന്ധന യാനങ്ങള്‍ (ബോട്ട്, വള്ളം, മുതലായവ) ഹാര്‍ബറില്‍ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള്‍ തമ്മില്‍ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മത്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. തീരശോഷണത്തിനു സാധ്യതയുള്ളതിനാല്‍ പ്രത്യേകം ജാഗ്രത പുലര്‍ത്തേണ്ടതാണ്.

പൈനാപ്പിൾ ‘സ്നേഹവീടി’നു തറക്കല്ലിട്ടു

വാഴക്കുളം: പൈനാപ്പിൾ ‘സ്നേഹവീടി’ന്‍റെ തറക്കല്ലിടൽ നടത്തി. ഓൾ കേരള പൈനാപ്പിൾ മർച്ചന്‍റ്സ് അസോസിയേഷന്‍റെ നേതൃത്വത്തിലുള്ള വാഴക്കുളം പൈനാപ്പിൾ മർച്ചന്‍റ്സ് ചാരിറ്റി ഓർഗനൈസേഷന്‍റെ ഏഴാമത് വീടിന്‍റെ തറക്കല്ലാണിട്ടത്. മെതിപ്പാറ പാറയിൽ അസോസിയേഷൻ പ്രസിഡന്‍റ് ജോസ് പെരുന്പിള്ളിക്കുന്നേൽ തറക്കല്ലിടൽ നിർവഹിച്ചു. എട്ടു ലക്ഷം ചെലവിൽ 600 ചതുരശ്ര അടിയിലുള്ള വീടാണ് അസോസിയേഷൻ പണിതു നൽകുന്നത്. മഞ്ഞള്ളൂർ പഞ്ചായത്ത് പ്രസിഡന്‍റ് ആൻസി ജോസ്, അസോസിയേഷൻ സെക്രട്ടറി ജോസ് വർഗീസ്, വൈസ് പ്രസിഡന്‍റ് ജിമ്മി തോമസ്, ട്രഷറർ ജോസ് മോനിപ്പിള്ളിൽ, ജോയിന്‍റ് സെക്രട്ടറി ഷൈജി ജോസഫ്, കമ്മിറ്റിയംഗങ്ങളായ ജെയ്സണ്‍ ജോസ്, മാത്യു ജോസഫ്, ജിമ്മി ജോർജ്, സാലസ് അലക്സ് തുടങ്ങിയവർ പങ്കെടുത്തു.

നിർമലയിൽ ബി വോക്കിന് എട്ട് റാങ്കുകൾ

മൂവാറ്റുപുഴ: നിർമല കോളജ് ബി വോക് ലോജിസ്റ്റിക്സ് മാനേജ്മെന്‍റ് വിഭാഗത്തിലെ വിദ്യാർഥികൾക്ക് എട്ട് യൂണിവേഴ്സിറ്റി റാങ്കുകൾ. 2022-25 വർഷ ബാച്ചിലെ വിദ്യാർഥികൾക്കാണ് യൂണിവേഴ്സിറ്റി റാങ്കുകൾ ലഭിച്ചത്. ഒന്നും, എട്ടും ഒഴികെ പത്തിൽ എട്ട് റാങ്കും നേടിയാണ് നിർമല കോളജിലെ ബിവോക് വിഭാഗത്തിലെ വിദ്യാർഥികൾ മികച്ച വിജയം നേടിയത്. വി.ബി. സഹലാമോൾ രണ്ടാം റാങ്കും, നയന ഷാജി മൂന്നാം റാങ്കും നേടി. ഗൗരിപ്രിയ ബാബു, അഭിമന്യു ജെ. നാഥ്, ആൽഫ്രഡ് സണ്ണി, എസ്. അനന്തകൃഷ്ണൻ എന്നിവർ യഥാക്രമം നാല് മുതൽ ഏഴു വരെ റാങ്കുകളും കരസ്ഥമാക്കി. ആൽഫിൻ ജോസ് ഒന്പതാം റാങ്കും, ബാദുഷ മൈദീൻ പത്താം റാങ്കും നേടി. ബി വോക് വിഭാഗമാണ് കോളജിൽ ഏറ്റവും കൂടുതൽ റാങ്കുകൾ നേടിയത്. നിലവിൽ പ്രസിദ്ധീകരിച്ച ഫലംപ്രകാരം കോളജിന് 36 റാങ്കുകളാണ് ലഭിച്ചിരുന്നത്. എന്നാൽ ബിവോക് ഫല പ്രഖ്യാപനത്തോടെ നിർമല കോളേജിന് 44 റാങ്കുകൾ അധ്യയന വർഷത്തിൽ നേടാനായി.

‘സ്നേഹ കൈനീട്ടം’ഉദ്ഘാടനം ചെയ്തു

കോതമംഗലം: എന്‍റെ നാട് ജനകീയ കൂട്ടായ്മ നൽകുന്ന അമ്മമാർക്കുള്ള പ്രതിമാസ പെൻഷൻ പദ്ധതി സ്നേഹ കൈനീട്ടം ഡീൻ കുര്യാക്കോസ് എംപി ഉദ്ഘാടനം ചെയ്തു. സാമൂഹ്യ ക്ഷേമ പ്രവർത്തന രംഗത്ത് മാതൃകയായ എന്‍റെ നാട് കൂട്ടായ്മയുടെ പദ്ധതികളിൽ ഏറ്റവും ശ്രേഷ്ഠമായ പദ്ധതിയാണ് സ്നേഹകൈനീട്ടമെന്ന് ഡീൻ പറഞ്ഞു. ലയണ്‍സ് ക്ലബ് ഹാളിൽ നടന്ന ചടങ്ങിൽ എന്‍റെ നാട് ചെയർമാൻ ഷിബു തെക്കുംപുറം അധ്യക്ഷത വഹിച്ചു. മുഖ്യാതിഥി ചലച്ചിത്രതാരം മിയ ജോർജ് പെൻഷൻ വിതരണം നടത്തി. നിരാലംബരായ ഒറ്റപ്പെട്ട് കഴിയുന്ന 101 അമ്മമാർക്കാണ് 1000 രൂപ വീതം എല്ലാ മാസവും നൽകുന്നത്. ഡയാലിസിസ് രോഗികൾക്കുള്ള കൂപ്പണുകൾ, കിടപ്പു രോഗികൾക്കും കാൻസർ രോഗികൾക്കുമുള്ള പെൻഷൻ തുടങ്ങിയ കരുതൽ പദ്ധതികളുടെ തുടർച്ചയാണ് ’സ്നേഹ കൈ നീട്ട’വും നടപ്പാക്കുന്നത്. ജെസി സാജു, പ്രഫ. കെ.എം. കുര്യാക്കോസ്, പ്രിൻസ് വർക്കി, ബിജി ഷിബു, സി.കെ. സത്യൻ, ജോഷി പൊട്ടയ്ക്കൽ, സി.ജെ എൽദോസ്, ഡാമി പോൾ, ജെയിംസ് കോറന്പേൽ, എം.കെ വേണു, ഷിബു കുര്യാക്കോസ്, ജോർജ് മാത്യു അന്പാട്ട്, അമീർ അലി, സത്താർ വട്ടക്കുടി, എം.എം അബ്ദുറഹിമാൻ, നോബ് മാത്യു, സിന്ധു ജിജോ, ലിസി പോൾ, ബബിത മത്തായി, വത്സ ജോർജ്, പി.എ.പാദുഷ എന്നിവർ പങ്കെടുത്തു.

ഗ്രില്ലിനിടയിൽ തല കുടുങ്ങിയ നായയെ രക്ഷിച്ചു

മൂവാറ്റുപുഴ: ഗ്രില്ലിനിടയിൽ തല കുടുങ്ങിയ നായയെ അഗ്നിരക്ഷാസേന രക്ഷപ്പെടുത്തി. ഇന്നലെ രാവിലെ വാളകം ബദനിപ്പടി പാറയ്ക്കൽ സ്മിതാ സാബുവിന്‍റെ വീട്ടിലെ വളർത്ത് നായയുടെ തല ഇരുന്പ് ഗ്രില്ലിനിടയിൽ അകപ്പെടുകയായിരുന്നു. വിവരമറിയിച്ചതിനെ തുടർന്ന് സ്ഥലത്തെത്തിയ മൂവാറ്റുപുഴ അഗ്നിരക്ഷാസേന ഓഫീസർമാരുടെനേതൃത്വത്തിൽ ഗ്രിൽ കട്ട് ചെയ്ത് നായയെ രക്ഷപ്പെടുത്തി.

വിശ്വാസികളുടെ സംയമനം ബലഹീനതയായി കാണരുത്: കത്തോലിക്കാ കോണ്‍ഗ്രസ്

കോതമംഗലം : കർഷകർ പ്രത്യേകിച്ച് കുടിയേറ്റ കർഷകർ നേരിടുന്ന സകല പ്രശ്നങ്ങളുടെയും അടിസ്ഥാന കാരണം ജനങ്ങളോട് പ്രതിബദ്ധതയും ആത്മാർത്ഥതയും ഇല്ലാത്ത സർക്കാർ സംവിധാനങ്ങളും രാഷ്ട്രീയ പാർട്ടികളുടെ നിലപാടുകളുമാണെന്ന് കത്തോലിക്കാ കോണ്‍ഗ്രസ് കോതമംഗലം രൂപത കമ്മിറ്റി കുറ്റപ്പെടുത്തി. 1977 മുൻപ് കൈവശമുള്ള കുടിയേറ്റ ഭൂമിക്ക് പട്ടയം നൽകണമെന്ന് നിയമം നിലവിലുണ്ടായിരിക്കെ ഇങ്ങനെയുള്ള മുഴുവൻ ഭൂമിക്കും യഥാസമയം പട്ടയം നൽകുന്ന കാര്യത്തിൽ വിവിധ സർക്കാരുകളും രാഷ്ട്രീയ പാർട്ടികളും കാട്ടിയ അലംഭാവം കുറ്റകരമാണ്. യഥാസമയം വനംവകുപ്പിന്‍റെയും റവന്യൂ വകുപ്പിന്‍റെയും ഉദ്യോഗസ്ഥരെക്കൊണ്ട് ജോയിന്‍റ് വേരിഫിക്കേഷൻ നടത്തി പട്ടയ നടപടികൾ ത്വരിതപ്പെടുത്തേണ്ടിയിരുന്ന ഭരണാധികാരികളും രാഷ്ട്രീയ നേതാക്കളും എന്തെടുക്കുകയായിരുന്നു എന്നറിയാൻ ജനങ്ങൾക്ക് അവകാശമുണ്ട്. കൈവശ ഭൂമിക്ക് യഥാസമയം പട്ടയം നൽകിയിരുന്നെങ്കിൽ നാരങ്ങാനം ഉൾപ്പെടെയുള്ള സ്ഥലങ്ങളിലെ വിവാദങ്ങൾ ഉണ്ടാകുമായിരുന്നില്ല. പൊതുജനത്തെ വിഡ്ഢികളാക്കുന്ന നിലപാടുകളും നടപടികളുമാണ് പലരുടെയും ഭാഗത്തുനിന്ന് ഉണ്ടാകുന്നത്. നാരങ്ങാനത്തെ കുരിശു പൊളിച്ച വനം വകുപ്പുകാർ, ദുഃഖവെള്ളിയാഴ്ച അവിടെ പൊതുനിരത്തിലൂടെ കുരിശിന്‍റെ വഴി നടത്തിയ വൈദികർക്കും ജനപ്രതിനിധികൾക്കും നാട്ടുകാർക്കും എതിരെ കേസെടുക്കുമെന്ന് ഭീഷണിപ്പെടുത്തുന്നതും നോട്ടീസ് അയയ്ക്കുന്നതും അടിയന്തരമായി നിർത്തിവയ്ക്കണം. സമാധാനകാംക്ഷികൾ ആയ ജനത്തിനുമേൽ ഇനിയും കുതിര കയറിയാൽ അതിന് കനത്ത തിരിച്ചടി നൽകുമെന്നും വിശ്വാസികളുടെ സംയമനം ബലഹീനതയായി കാണരുത് എന്നും കത്തോലിക്കാ കോണ്‍ഗ്രസ് മുന്നറിയിപ്പ് നൽകി. സാധാരണക്കാരെ കബളിപ്പിക്കാനുള്ള തന്ത്രമാണ് പലരുടെയും സമരങ്ങളും പ്രതികരണങ്ങളും എന്ന് വ്യക്തമാണ്. ബന്ധപ്പെട്ട ജനപ്രതിനിധികളും മുഖ്യമന്ത്രിപോലും ശക്തമായ ഭാഷയിൽ പ്രതികരിച്ചിട്ടും തുടരെത്തുടരെ കർഷക ദ്രോഹനടപടികൾ നിർബാധം ഉണ്ടാകുന്നതും കേസെടുക്കുമെന്ന് ഭീഷണി മുഴക്കുന്നതും എന്തിനുവേണ്ടിയാണ് എന്ന് തിരിച്ചറിയാനുള്ള സാമാന്യബോധം സാധാരണ ജനങ്ങൾക്കുണ്ട്. ഈ നെറികേട് തുടരുന്നത് എന്തുകൊണ്ടാണെന്ന് സർക്കാർ വ്യക്തമാക്കണം. ഒരു വശത്ത് കർഷക പ്രേമം നടിക്കുകയും മറുവശത്ത് കർഷകരെ വേട്ടയാടുകയും ചെയ്യുന്ന മനോഭാവം അംഗീകരിക്കാനാവില്ല. രൂപത പ്രസിഡന്‍റ് സണ്ണി കടൂത്താഴെ അധ്യക്ഷത വഹിച്ചു. ഡയറക്ടർ റവ.ഡോ. മാനുവൽ പിച്ചളക്കാട്ട്, ജനറൽ സെക്രട്ടറി മത്തച്ചൻ കളപ്പുരക്കൽ, രൂപത ട്രഷറർ തന്പി പിട്ടാപ്പിള്ളിൽ, സി.എ തോമസ്, യു.വി ചാക്കോ, ബിന്ദു ജോസ്, മേരി ആന്‍റണി, ഷൈജു ഇഞ്ചക്കൽ, ജിജി പുളിക്കൽ, ആന്‍റണി പുല്ലൻ, ജോർജ് മങ്ങാട്ട്, അബി കാഞ്ഞിരപ്പാറ, ജോണ്‍ മുണ്ടൻകാവിൽ, ജോയ്സ് മേരി ആന്‍റണി, ബേബിച്ചൻ നിധീരിക്കൽ, ബെന്നി തോമസ്, ജോർജ് കുര്യാക്കോസ്, ജിനു ആന്‍റണി, ജോണി ജേക്കബ്, കെ.എം ജോസഫ്, ഇ.ആർ പൈലി, വി.ജെ റോജോ, സനിൽ പി. ജോസ്, അമിതാ ജോണി, ജോസ് കുര്യൻ, റോയ് മാത്യു, അഞ്ജു ജോസ് എന്നിവർ പ്രസംഗിച്ചു.

വധശ്രമക്കേസിൽ പ്രതി അറസ്റ്റിൽ

കോതമംഗലം: വധശ്രമക്കേസിൽ പ്രതി അറസ്റ്റിൽ. ചേലാട് നാടോടിപ്പാലം പനങ്ങാട്ട് സുബ്രഹ്മണ്യൻ (ചാമി, 44) ആണ് അറസ്റ്റിലായത്. പ്രതിയെ കുട്ടന്പുഴ പോലീസ് സംഭവസ്ഥലത്ത് എത്തിച്ച് തെളിവെടുപ്പു നടത്തി. ഭൂതത്താൻകെട്ട് അന്പലത്തിലെ ഉത്സവം നടക്കുന്നതിനിടെ മാത്യൂസ് എന്നയാളെയാണ് പ്രതി കൊലപ്പെടുത്താൻ ശ്രമിച്ചത്. പത്തോളം കേസുകളിൽ പ്രതിയാണ് ഇയാളെന്ന് പോലീസ് പറഞ്ഞു. ഇൻസ്പെക്ടർ പി.എ. ഫൈസലിന്‍റെ നേതൃത്വത്തിലാണ് കസ്റ്റഡിയിലെടുത്ത് തെളിവെടുപ്പ് നടത്തിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

മഴവെള്ള പാച്ചിൽ

കോതമംഗലം: കാറ്റിലും മഴയിലും താലൂക്കില്‍ മൂന്ന് വീടുകള്‍ക്കു കൂടി ഭാഗിക നാശം. പൂയംകുട്ടിയാര്‍ കരകവിഞ്ഞതിനെ തുടര്‍ന്ന് മുങ്ങിയ മണികണ്ഠന്‍ചാല്‍ ചപ്പാത്തിൽനിന്നും ഇന്നലെ വൈകിട്ടോടെയാണ് വെള്ളം ഇറങ്ങി ഗതാഗതം പുനരാരംഭിക്കാനായത്. മൂന്ന് ദിവസമായി ചപ്പാത്തില്‍ വെള്ളം കയറിയിരുന്നു. ബ്ലാവന ജങ്കാര്‍ കടത്ത് ഒരാഴ്ചയോളമായി നിര്‍ത്തിവച്ചിരിക്കുകയാണ്. പുഴയില്‍ ജലനിരപ്പ് ക്രമാതീതവും ഒഴുക്കും ശക്തമായത് കാരണം ഇന്നലെ വഞ്ചിയില്‍ കൊണ്ടുപോകുന്നതും നിര്‍ത്തിവച്ചു. പീണ്ടിമേട് ഭാഗത്ത്‌നിന്ന് ഒഴുകിയെത്തിയ കാട്ടുപോത്തിന്‍റെ ജഡം പൂയംകുട്ടി പുഴയിലൂടെ ഒഴുകി പെരിയാറിലെത്തി. ഭൂതത്താന്‍കെട്ട് ഡാമിലൂടെ താഴേക്ക് ഒഴുകി പോയതായി വനം അധികൃതര്‍ പറഞ്ഞു. തൃക്കാരിയൂര്‍, ഇരമല്ലൂര്‍, മാരമംഗലം എന്നിവിടങ്ങളിലാണ് വീടുകള്‍ക്ക് നാശം സംഭവിച്ചത്. തൃക്കാരിയൂര്‍ ബേബി വിലാസം സി. സിന്ധുവിന്‍റെ രണ്ടാംനിലയിലെ ഷീറ്റ് മേഞ്ഞ മേല്‍ക്കൂരയിലേക്ക് സമീപ പുരയിടത്തിലെ തേക്കുമരം ഒടിഞ്ഞ് വീണാണ് കേടുപാട് ഉണ്ടായത്. കവളങ്ങാട് പഞ്ചായത്തിലെ കുത്തുകുഴി മാരംമംഗലം മഠത്തികുടിയില്‍ എം.എസ്. സുനിലിന്‍റെ വീടിനോട് ചേര്‍ന്നുള്ള ശൗചാലയം ഇടിഞ്ഞുവീണാണ് നാശം ഉണ്ടായത്. നെല്ലിക്കുഴി പഞ്ചായത്തിലെ ഇരമല്ലൂര്‍ ചെട്ടുകുടി ഷെമീറിന്‍റെ വീടിന്റെ സംരക്ഷണഭിത്തിയും മുറ്റവും തകര്‍ന്നുവീണു. താലൂക്കില്‍ ഒരാഴ്ചക്കിടെ 21 വീടുകള്‍ക്കാണ് നാശം സംഭവിച്ചിട്ടുള്ളത്. കുത്താട്ടുകുളം: കിഴക്കൻ മേഖലയിൽ തുടരുന്ന കനത്ത മഴയും വെള്ളക്കെട്ടും ജനജീവിതം ദുസഹമാക്കി. ഇന്നലെ രാവിലെ മുതൽ കനത്ത മഴ പെയ്തെങ്കിലും കാറ്റുണ്ടായില്ല. കൂത്താട്ടുകുളം നടക്കാവ് റോഡിൽ വെള്ളക്കെട്ട് രൂക്ഷമാണ്. വടകര ലിറ്റിൽ ഫ്ളവർ സ്കൂളിന് സമീപത്തായി വീടിന് തീ പിടിച്ചു. ഒരു മുറി കത്തി നശിച്ചിട്ടുണ്ട്. പാന്പാക്കുട ബ്ലോക്ക് പഞ്ചായത്ത് കാലവർഷക്കെടുതി വിലയിരുത്തി. കാലവർഷവുമായി ബന്ധപ്പെട്ട് നിലവിലെ സ്ഥിതിഗതികൾ വിലയിരുത്തുന്നതിനും ആവശ്യമായ മുൻകരുതൽ നടപടി സ്വീകരിക്കുന്നതിനുമായി പാന്പാക്കുട ബ്ലോക്ക് പഞ്ചായത്ത് യോഗം ചേർന്ന് ബ്ലോക്ക്, പഞ്ചായത്ത് ജനപ്രതിനിധികളും, അഗ്നിശമന രക്ഷാസേന, പോലീസ്, ആരോഗ്യം, കൃഷി, റവന്യൂ തുടങ്ങിയ വകുപ്പുകളിലെ ജീവനക്കാരും യോഗത്തിൽ പങ്കെടുത്തു.

ജോബ് സ്റ്റേഷൻ ഉദ്ഘാടനം

അങ്കമാലി: സംസ്ഥാന സർക്കാരിന്‍റെ വിജ്ഞാനകേരളം പദ്ധതിയുമായി ബന്ധപ്പെട്ട ബ്ലോക്ക് തല ജോബ് സ്റ്റേഷൻ ഉദ്ഘാടനം റോജി എം. ജോൺ എംഎൽഎ നിർവഹിച്ചു. അങ്കമാലി ബ്ലോക്ക് പഞ്ചായത്ത് പ്രസിഡന്‍റ് കൊച്ചുത്രേസ്യ തങ്കച്ചൻ അധ്യക്ഷത വഹിച്ചു. ഒരു ദിവസം മുഴുവൻ നീണ്ടുനിൽക്കുന്ന ഓൺലൈൻ രജിസ്ട്രേഷൻ നടപടികൾക്ക് തുടക്കം കുറിച്ചു. അങ്കമാലി ബ്ലോക്ക് പഞ്ചായത്ത് ഓഫീസിലെ പ്രത്യേക സജ്ജീകരിച്ച മുറിയിൽ തൊഴിൽ അന്വേഷകർക്ക് രജിസ്റ്റർ ചെയ്യുവാനുള്ള സ്ഥിരം സംവിധാനം ഉണ്ടായിരിക്കും. 19 മുതൽ 59 വരെ പ്രായമുള്ള തൊഴിൽ അന്വേഷകർ അവരുടെ യോഗ്യതയ്ക്ക് അനുസരിച്ച് ഡിഡബ്ല്യുഎംഎസ് പോർട്ടലിൽ രജിസ്റ്റർ ചെയ്യാവുന്നതാണ്.

കുടിയിറക്കപ്പെട്ട മൂലമ്പിള്ളിക്കാർക്ക് വെള്ളക്കെട്ടിൽ ദുരിതജീവിതം

കാക്കനാട്: നാടാകെ പേമാരിയുടെയും ചുഴലിക്കാറ്റിന്‍റെയും ദുരിതവാർത്തകൾ നിറയുമ്പോൾ, തുതിയൂർ ചതുപ്പിലെ വെള്ളക്കെട്ടിൽ പണിത ചെറിയ കൂരയിൽ ഭയപ്പാടോടെ കഴിയുകയാണ് കുഴുപ്പറമ്പിൽ വിദ്യാധരനും കുടുംബവും. 2008 ൽ ഇടപ്പള്ളി നോർത്ത്, സൗത്ത് വില്ലേജുകളിൽനിന്നായി വല്ലാർപാടം കണ്ടെയ്നർ റെയിൽവേയ്ക്കായി കുടിയിറക്കപ്പെട്ട 54 കുടുംബങ്ങളിൽപ്പെട്ടതാണ് ഈ കുടുംബവും. തുതിയൂരിലെ ആദർശ്നഗറിൽ മൂലമ്പള്ളി പുനരധിവാസപദ്ധതിയിൽ ഉൾപ്പെടുത്തി നാല് സെന്‍റ് ഭൂമി ലഭിക്കുമ്പോൾ ശിഷ്ടകാലജീവിതമെങ്കിലും സന്തോഷകരമാവുമെന്ന പ്രതീക്ഷയായിരുന്നു തങ്ങൾക്കെന്ന് വിദ്യാധരന്‍റെ ഭാര്യ സീത പറഞ്ഞു. 2014ൽ തുതിയൂരിലെ പുനരധിവാസഭൂമിയിൽ വീടു നിർമിക്കാനായി ആകെ ഉണ്ടായിരുന്നത്, മൂന്ന് സെന്‍റ് ഭൂമി സർക്കാരിന് വിട്ടുകൊടുത്തതിനു നഷ്ടപരിഹാരമായി ലഭിച്ച ആറു ലക്ഷം രൂപയും ലോണും ചിട്ടിയുമെക്കെയായി സ്വരൂപിച്ച മറ്റൊരു മൂന്നു ലക്ഷം രൂപയും ആയിരുന്നു. മൂലമ്പള്ളിയിൽ നിന്നു കുടിയിറക്കപ്പെട്ട ശേഷം സ്വന്തമായി വീടുണ്ടാകുന്നതുവരെ വാടകവീട്ടിൽ കഴിയാനും വാടക സർക്കാർ നൽകുമെന്നും പ്രഖ്യാപനമുണ്ടായെങ്കിലും ഒരു കൊല്ലം കഴിഞ്ഞതോടെ വാടകയും കിട്ടാതായി. ഇതോടെ വീട്ടുടമകൾ പുറത്താക്കിയെന്ന് വിദ്യാധരൻ പറയുന്നു. തുതിയൂരിൽ വീടു നിർമിക്കുന്നതിന് പയലിംഗ് അടക്കം അടിത്തറ തീർക്കാൻ നല്ലൊരു തുക വേണ്ടി വന്നു. സമീപത്തെ തോട്ടിലെ ചെളി കോരി മാറ്റാൻ ജെസിബി എത്തിയതോടെ വീടിന്‍റെ കൽക്കെട്ടിന് ക്ഷതമുണ്ടായി ഒരു വശത്തേക്ക് ചരിഞ്ഞു. ഏതു സമയത്തും തകർന്നു വീഴാവുന്ന നിലയിലാണ് വീട്. ആറു ജീവനുകളാണ് ഇതിനുള്ളിൽ മരണഭീതിയോടെ കഴിയുന്നത്. കോടതി വിധിപ്രകാരം സംരക്ഷണ ഭിത്തി കെട്ടിയെങ്കിലും തങ്ങളുടെ വീടിന്‍റെ ഭാഗം ഒഴിച്ചിട്ടതായി വിദ്യാധരൻ പറഞ്ഞു. മഴക്കാലത്ത് കനത്ത വെള്ളക്കെട്ടാണിവിടെ. മൂലമ്പള്ളി പുനരധിവാസക്കാരാണെന്ന് മുദ്രചാർത്തി തൃക്കാക്കര നഗരസഭയും വാർഡു കൗൺസിലറും ഈ ഭാഗത്തേക്ക് തിരിഞ്ഞുനോക്കാറില്ലെന്നും ഈ കുടുംബം പറയുന്നു. ചതുപ്പിനു ചുറ്റുമുള്ള പൊന്തക്കാടുകളിൽ നിന്നും പകൽ സമയങ്ങളിൽ പോലും വിഷപ്പാമ്പുകൾ വീടിനുള്ളിലേക്ക് ഇഴഞ്ഞെത്തുന്നു. മഴ കനത്തതോടെ വീടിനു പുറത്തിറങ്ങാൻ പറ്റുന്നില്ല. 54 കുടുംബങ്ങൾക്ക് പുനരധിവാസ ഭൂമി അനുവദിച്ചെങ്കിലും മൂന്ന് കുടുംബങ്ങളാണ് ഇവിടെ വീടുകൾ വച്ചത്. തങ്ങളൊഴികെ മറ്റുള്ളവർ ഇവിടം വിട്ടു വാടക വീടുകളിലേക്കു മാറി. മറ്റൊരു വഴിയും ഇല്ലാത്തതുകൊണ്ട് വെള്ളക്കെട്ടിൽ നരകയാതന അനുഭവിക്കുകയാണ് നാടിന്‍റെ വികസനത്തിനായി തങ്ങളുടെ കിടപ്പാടം ഒഴിഞ്ഞുകൊടുത്ത വിദ്യാധരനും കുടുംബവും.

മത്സരയോട്ടം; യാത്രക്കാരെ വഴിയിലിറക്കി വിട്ടു

തൃപ്പൂണിത്തുറ: നഗരമധ്യത്തിൽ സ്വകാര്യബസുകളുടെ മത്സരയോട്ടം വാഹനങ്ങൾ തമ്മിലുള്ള ഉരസലിൽ കലാശിച്ചതിനെ തുടർന്ന് ട്രിപ്പ് അവസാനിപ്പിച്ച് യാത്രക്കാരെ ബസിൽ നിന്നും ഇറക്കിവിട്ട് ജീവനക്കാർ. ഇന്നലെ വൈകിട്ട് 5.45ന് വടക്കേക്കോട്ട മെട്രോ സ്‌റ്റേഷനിലാണ് സ്വകാര്യ ബസുകളുടെ പരാക്രമം മൂലം യാത്രക്കാർ പെരുവഴിയിലായത്. എറണാകുളത്തേക്ക് മത്സരയോട്ടം നടത്തി പോവുകയായിരുന്ന ഹോളി കിംഗ്സ്, ലക്ഷ്മി ബസുകളാണ് വടക്കേക്കോട്ടയിൽ വച്ച് മത്സരയോട്ടത്തിനിടയിൽ തമ്മിൽ ഉരസിയത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]