ADVERTISEMENT

ADVERTISEMENT

വികസന സദസ്

രാജകുമാരി: രാജകുമാരി ഗ്രാമ പഞ്ചായത്ത് വികസനസദസ് രാജകുമാരി ഗ്രാമ പഞ്ചായത്ത് കമ്യൂണിറ്റി ഹാളിൽ എം.എം. മണി എംഎൽഎ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്‍റ്് സുമ ബിജു അദ്ധ്യക്ഷത വഹിച്ചു.

വൈസ് പ്രസിഡന്‍റ്് അജേഷ് മുകളേൽ, സെക്രട്ടറി ടി.കെ. കാഞ്ചന, ജില്ലാ പഞ്ചായത്ത് വൈസ് പ്രസിഡൻ്റ് ഉഷാകുമാരി മോഹൻകുമാർ, നെടുങ്കണ്ടം ബ്ലോക്ക് പഞ്ചായത്ത് പ്രസിഡൻ്റ് കെ.ടി. കുഞ്ഞ് തുടങ്ങിയവർ പ്രസംഗിച്ചു.

ADVERTISEMENT

വിറങ്ങലിച്ച് നെടുങ്കണ്ടം; ടൗണുകൾ മുങ്ങി, വാഹനങ്ങൾ ഒലിച്ചുപോയി

നെടുങ്കണ്ടം: മിന്നൽ പ്രളയത്തിൽ വിറങ്ങലിച്ച് നെടുങ്കണ്ടം മേഖല. വെള്ളിയാഴ്ച രാത്രിയിൽ അപ്രതീക്ഷിതമായി പെയ്ത കനത്ത മഴയിൽ കല്ലാർ പുഴയിൽ ക്രമാതീതമായി വെള്ളം ഉയർന്നതിനെ തുടർന്ന് 300ഓളം വീടുകളിലും നൂറോളം വ്യാപാരസ്ഥാപനങ്ങളിലും വെള്ളം കയറി. കൂട്ടാറിൽ പാർക്ക് ചെയ്തിരുന്ന അഞ്ച് വാഹനങ്ങൾ ഒഴുകിപ്പോയി. ഒരു ട്രാവലറും ഒരു ബൊലേറയും ഒരു കാറും രണ്ടു ബൈക്കുകളുമാണ് ഒഴുകിപ്പോയത്. വീടുകൾക്ക് മുന്പിൽ പാർക്ക് ചെയ്തിരുന്ന പത്തോളം വാഹനങ്ങളിലും വെള്ളം കയറി. ലക്ഷങ്ങളുടെ നഷ്ടം വെള്ളിയാഴ്ച രാത്രി ഒൻപതോടെ പെയ്തു തുടങ്ങിയ മഴ അർധരാത്രിയോടെ അതിശക്തമാവുകയായിരുന്നു. ഇതിനിടെ, നിരവധി സ്ഥലങ്ങളിൽ ചെറുതും വലുതുമായ മണ്ണിടിച്ചിലും ഉണ്ടായി. പുലർച്ചെ കല്ലാർ പുഴയും ചെറുതും വലുതുമായ തോടുകളും കരകവിഞ്ഞൊഴികി. ഇതോടെ കൂട്ടാർ, തൂക്കുപാലം, മുണ്ടിയെരുമ, ബാലഗ്രാം, താന്നിമൂട് തുടങ്ങിയ പ്രദേശങ്ങളിലെ നൂറു കണക്കിനു വീടുകളിലും വ്യാപാര സ്ഥാപനങ്ങളിലും വെള്ളം കയറുകയായിരുന്നു. ലക്ഷക്കണക്കിന് രൂപയുടെ നാശനഷ്ടമാണ ഉണ്ടായത്. പുഴയും സമീപ റോഡുകളും പൂർണമായും നികന്നായിരുന്നു വെള്ളം ഒഴുകിയത്. ശനിയാഴ്ച പുലർച്ചെ 4.30ഓടെ കല്ലാർ ഡാമിന്‍റെ നാലു ഷട്ടറുകളും 10 സെന്‍റിമീറ്റർ വീതം ഉയർത്തിയെങ്കിലും പുഴയിലെ ജലനിരപ്പ് ഉയരുകയായിരുന്നു. ഭിത്തി പൊളിച്ച് രക്ഷിച്ചു രാവിലെ 10 ന് ശേഷമാണ് ജലനിരപ്പ് കുറഞ്ഞു തുടങ്ങിയത്.ഡാമിൽനിന്നുള്ള വെള്ളം പുറത്തേക്ക് ഒഴുക്കിയതോടെ പച്ചടിയിൽ ഓട്ടോറിക്ഷാ ഒഴുകിപ്പോയി. കല്ലാർ ഡാമിൽനിന്നുള്ള വെള്ളം ഒഴുകിയെത്തി ചിന്നാർ, ബഥേൽ ഭാഗങ്ങളിൽ വിവിധ പ്രദേശങ്ങളിൽ വീടുകളിലും വ്യാപാര സ്ഥാപനങ്ങളിലും വെള്ളം കയറി നാശനഷ്ടമുണ്ടായി. തൂവൽ വെള്ളചാട്ടത്തിന്‍റെ വ്യൂ പോയിന്‍റിലെ നടപ്പാലത്തിലും വെള്ളം കയറി. വെള്ളം ഉയർന്ന മേഖലകളിൽ കഴിഞ്ഞിരുന്നവരെ രാത്രിതന്നെ നാട്ടുകാർ സുരക്ഷിത കേന്ദ്രങ്ങളിലേക്കു മാറ്റുകയായിരുന്നു. മുണ്ടിയെരുമയിൽ വീടിനുള്ളിൽ വെള്ളം കയറി വീട് പൂർണമായി മുങ്ങി. തുടർന്ന് ഭിത്തി പൊളിച്ചു വീട്ടുകാരെ വീടിനു മുകളിൽ എത്തിച്ച് നാട്ടുകാർ സാഹസികമായി രക്ഷപ്പെടുത്തുകയുമായിരുന്നു . പാലങ്ങൾ ഒഴുകിപ്പോയി കൂട്ടാറിൽനിന്ന് ഗ്രാമീണ മേഖലയായ അല്ലിയാറിലേക്കുള്ള ചപ്പാത്ത് പൂർണമായും തകർന്നു. വെള്ളപ്പൊക്കത്തിൽ നിരവധി ചെറു പാലങ്ങളും റോഡുകളും ഒലിച്ചു പോയി. അന്യാർതൊളുവിൽ വളർത്തു മൃഗങ്ങൾ ഒഴുകിയപ്പോയി. പാറക്കടവിൽ ജോബിയുടെ 10 ലിറ്റർ പാലുള്ള പശുവും ഒഴുക്കിൽപ്പെട്ടു. നിരപ്പേൽ കടയിൽ അരയേക്കറോളം കൃഷി ഭൂമി നശിച്ചു. കൂട്ടാറിൽ ഒരു വീട് പൂർണമായും തകർന്നു. കൂട്ടാർ, തൂക്കുപാലം, മുണ്ടിയെരുമ, താന്നിമൂട്, കോന്പയാർ എന്നിവിടങ്ങളിൽ വെള്ളം കയറി മണിക്കൂറുകളോളമാണ് ഗതാഗതം തടസപ്പെട്ടത്. ചുറ്റും വെള്ളം നിറഞ്ഞതോടെ പുറത്തിറങ്ങാൻ പറ്റാത്ത സ്ഥിതിയിലായിരുന്നു നിരവധി കുടുംബങ്ങൾ. പാന്പാടുംപാറയിലും സന്യാസിയോടയിലും മരങ്ങൾ വീണു ഗതാഗതം സ്തംഭിച്ചിരുന്നു. വരും ദിവസങ്ങളിലും മഴ ശക്തമാകുമെന്ന മുന്നറിയിപ്പു കൂടി ലഭിച്ചതോടെ വലിയ ആശങ്കയിലാണ് നെടുംകണ്ടം, പട്ടം കോളനി മേഖലയിലുള്ളവർ. കുമളി, വണ്ടിപ്പെരിയാർ മേഖലകളിൽ വെള്ളപ്പൊക്കവും മണ്ണിടിച്ചിലും കുമളി: കനത്ത മഴയിൽ കുമളി, വണ്ടിപ്പെരിയാർ മേഖലകളിൽ വെള്ളപ്പൊക്കവും മണ്ണിടിച്ചിലും ഉണ്ടായി. ദേശീയപാതയിൽ വണ്ടിപ്പെരിയാറിൽ വെള്ളം കയറി. മുല്ലപ്പെരിയാർ അണക്കെട്ട് സ്പിൽവേ തുറന്ന് പെരിയാറ്റിലേക്ക് ജലം ഒഴുക്കിയതോടെ പെരിയാറിന്‍റെ തീരുത്തുള്ള വീടുകളിൽ വെള്ളം കയറി.

കുമളിയിൽ നിരവധി വീടുകളിലും കടകളിലും വെള്ളം കയറി. തോടുകൾ നിറഞ്ഞൊഴുകി കുമളി ടൗണ്‍, ഹോളിഡേ ഹോം പരിസരം, വലിയകണ്ടം, ഒന്നാംമൈൽ, പെരിയാർ നഗർ എന്നിവിടങ്ങളിൽ പ്രളയവും നാശനഷ്ടങ്ങളുണ്ടായി. ഒന്നാം മൈലിലും കുമളി ടൗണിലും വ്യാപാര സ്ഥാപനങ്ങളിൽ വെള്ളം കയറി. ഹോളിഡേ ഹോമിന് സമീപം വീട്ടിൽ കുടുങ്ങിയ നാലംഗ കുടുംബത്തെ നാട്ടുകാരും പോലീസും ചേർന്ന് രക്ഷപ്പെടുത്തി. വെള്ളിയാഴ്ച രാത്രി 11ഓടെ ഇവിടെ വെള്ളം ഉയരുകയായിരുന്നു. തോടുകൾ കവിഞ്ഞൊഴുകിയതും നീർച്ചാലുകൾ ഇല്ലാതായതുമാണ് പ്രശ്നം സൃഷ്ടിച്ചത്. ഹോളിഡേ ഹോമിൽ 40ഓളം കുടുംബങ്ങളെ മാറ്റിപ്പാർപ്പിച്ചു. മേലേചിന്നാർ മേഖല വെള്ളത്തിൽ മേലേചിന്നാർ: മേഖലയിൽ വെള്ളിയാഴ്ച രാത്രിയിലുണ്ടായ ശക്തമായ മഴയ്ക്കൊപ്പം നെടുങ്കണ്ടം കല്ലാർ ഡാം തുറന്നതതോടെ മേലേചിന്നാർ മേഖല വെള്ളത്തിലായി. കല്ലാർമുക്ക്, ബഥേൽ, മേലേചിന്നാർ മേഖലകളിൽ വ്യാകമായ നാശനഷ്ടങ്ങൾ ഉണ്ടായി. കല്ലാർമുക്ക് പാലം, ബഥേൽ കുരിശടിപാലം എന്നിവയുടെ അപ്രോച്ചു റോഡുകൾ തകർന്നു. നിരവധി വീടുകളിൽ വെള്ളം കയറി ലക്ഷക്കണക്കിനു രൂപയുടെ നാശനഷ്ടങ്ങൾ ഉണ്ടായിട്ടുണ്ട്. വ്യാപകമായി കൃഷി നാശവും സംഭവിച്ചു.

കട്ടായം കട്ടപ്പന! കാൽവരിക്കു ഹാട്രിക്

സ്കൂൾ തലത്തിൽ ഹാട്രിക് നേട്ടവുമായി കാൽവരിമൗണ്ട് കാൽവരി ഹൈസ്കൂൾ ചാന്പ്യൻമാരായി. 19 സ്വർണം, 19 വെള്ളി, അഞ്ച് വെങ്കലം എന്നിവയോടെ 157 പോയിന്‍റാണ് സ്കൂൾ സ്വന്തമാക്കിയത്. 138 പോയിന്‍റ് നേടിയ എൻആർ സിറ്റി എസ്എൻവിഎച്ച്എസ് രണ്ടാം സ്ഥാനം നേടി. 14 സ്വർണം, 17 വെള്ളി, 17 വെങ്കലം എന്നിവയാണ് ഇവർക്ക് ലഭിച്ചത്. 62 പോയിന്‍റ് നേടിയ ഇരട്ടയാർ സെന്‍റ് തോമസ് സ്കൂളാണ് മൂന്നാം സ്ഥാനത്ത്. വിജയികൾക്കു നെടുങ്കണ്ടം ബ്ലോക്ക് പഞ്ചായത്ത് പ്രസിഡന്‍റ് കെ.ടി. കുഞ്ഞ് ട്രോഫികൾ സമ്മാനിച്ചു. വീണ്ടും മൗണ്ട് കയറി കാൽവരി നെടുങ്കണ്ടം: ആവേശം "ഹൈ'റേഞ്ചിലെത്തിയ റവന്യു ജില്ലാ കായിക മേളയ്ക്കു തിരശീല വീണപ്പോൾ കട്ടപ്പന സബ്ജില്ലയ്ക്ക് ഓവറോൾ കീരീടം. 46 സ്വർണം, 37 വെള്ളി, 21 വെങ്കലം എന്നിവയോടെ 401 പോയിന്‍റ് നേടിയാണ് കട്ടപ്പനയുടെ തേരോട്ടം. 23 സ്വർണം, 27 വെള്ളി, 25 വെങ്കലം ഉൾപ്പെടെ 242 പോയിന്‍റുമായി അടിമാലി സബ് ജില്ല റണ്ണേഴ്സ് അപ്പ്. 14 സ്വർണം, അഞ്ച് വെള്ളി, 10 വെങ്കലം എന്നിവയോടെ 106 പോയിന്‍റുമായി പീരുമേടാണ് മൂന്നാം സ്ഥാനത്ത്. തൊടുപുഴ സബ്ജില്ല -88, നെടുങ്കണ്ടം -83, അറക്കുളം -13 എന്നിങ്ങനെയാണ് മറ്റു സ്ഥാനങ്ങൾ നേടിയവർ. ഇവർ മേളയിലെ താരങ്ങൾ സബ്ജൂണിയർ ഗേൾസ്-ദേവപ്രിയ ഷൈബു (കാൽവരി ഹൈസ്കൂൾ കാൽവരിമൗണ്ട്), സീനിയർ ആണ്‍കുട്ടികൾ-സെബിൻ കെ. സെബാസ്റ്റ്യൻ, ഷാരോണ്‍ രാജു (ഇരുവരും സെന്‍റ് ജെറോംസ് എച്ച്എസ്എസ്വെള്ളയാംകുടി), നിയ തെരേസ മാത്യു-(സെന്‍റ് തോമസ് എച്ച്എസ്എസ് ഇരട്ടയാർ).

ഏഷ്യൻ പവർലിഫ്റ്റിംഗ് ചാന്പ്യൻഷിപ്പിൽ മറയൂരിന്‍റെ അഞ്ജലിയും

മറയൂർ: തുർക്കിയിലെ ഇസ്താംബുളിൽ നവംബർ രണ്ടു മുതൽ നടക്കുന്ന ഏഷ്യൻ ഓപ്പണ്‍ എക്യുപ്ഡ് ആൻഡ് ക്ലാസിക് പവർലിഫ്റ്റിംഗ് ചാന്പ്യൻഷിപ്പിൽ മറയൂർ കാന്തല്ലൂർ സ്വദേശിനി പി.ആർ. അഞ്ജലി (21) ഇന്ത്യയെ പ്രതിനിധീകരിക്കും. രാജ്യത്തിന്‍റെ നാലംഗ ടീമിലാണ് അഞ്ജലി ഇടം നേടിയിരിക്കുന്നത്. സേലം എവിഎസ് കേളജിലെ എംബിഎ വിദ്യാർഥിനിയായ അഞ്ജലി പവർലിഫ്റ്റിംഗിലെ ദേശീയ താരമാണ്. അഞ്ച് തവണ ദേശീയ മെഡൽ നേടിയ അവർ ഓൾ ഇന്ത്യ ഇന്‍റർ യൂണിവേഴ്സിറ്റി ചാന്പ്യൻഷിപ്പിൽ തുടർച്ചയായി രണ്ട് തവണ സ്വർണമെഡൽ കരസ്ഥമാക്കിയിട്ടുണ്ട്. നാഷണൽ പവർലിഫ്റ്റർ എം. എച്ച്. ആൽഫിറോസിന്‍റെ ശിക്ഷണത്തിലാണ് അഞ്ജലി ഈ നേട്ടങ്ങൾ സ്വന്തമാക്കിയത്. കാന്തല്ലൂർ ദിണ്ഡുകൊന്പ് പനിച്ചിപറന്പിൽവീട്ടിൽ മുൻ സൈനികൻ പ്രതീഷിന്‍റെയും രേഷ്മയുടെയും മകളാണ് അഞ്ജലി. മറയൂർ ജയ്മാതാ പബ്ലിക് സ്കൂളിലും കോതമംഗലം എംഎ കോളജിലും വിദ്യാർഥിയായിരുന്ന അഞ്ജലി കായികരംഗത്ത് സഹോദരിയുടെ പാത തുടരുകയാണ്. അഞ്ജലിയുടെ സഹോദരി ഐശ്വര്യ ട്രിപ്പിൾ ജന്പിൽ ദേശീയ ചാന്പ്യനും റെക്കോർഡ് ഉടമയുമാണ്.

കത്തോലിക്ക കോൺഗ്രസ് അവകാശ സംരക്ഷണ യാത്ര നാളെ ഇടുക്കിയിൽ

ചെറുതോണി: കത്തോലിക്ക കോൺഗ്രസ് ഗ്ലോബൽ പ്രസിഡന്റ് പ്രഫ. രാജീവ് കൊച്ചുപറമ്പിൽ നയിക്കുന്ന അവകാശ സംരക്ഷണ യാത്ര നാളെ ഇടുക്കി രൂപതയിൽ പര്യടനം നടത്തും. നീതി ഔദാര്യമല്ല. അവകാശമാണ് എന്ന മുദ്രാവാക്യവുമായി കാസർഗോഡ് പാണത്തൂരിൽ നിന്ന് 13ന് ആരംഭിച്ച അവകാശ സംരക്ഷണ യാത്ര 24 ന് തിരുവനന്തപുരത്ത് സെക്രട്ടറിയേറ്റ് മാർച്ചോടുകൂടി സമാപിക്കും. ജെബി കോശി കമ്മീഷൻ റിപ്പോർട്ട് പ്രസിദ്ധീകരിക്കുക, വന്യജീവി ആക്രമണം തടയുന്നതിന് ശാശ്വതമായ പരിഹാരം കാണുക, ജനവിരുദ്ധ ഭൂ നിയമങ്ങൾ പിൻവലിക്കുക, കാർഷികോൽപ്പന്നങ്ങൾക്ക് ന്യായമായ വില ഉറപ്പാക്കുക, വിദ്യാഭ്യാസ ന്യൂനപക്ഷ അവകാശങ്ങൾ സംരക്ഷിക്കുക എന്നീ ആവശ്യങ്ങൾ ഉന്നയിച്ച് നടത്തുന്ന യാത്രയുടെ ഇടുക്കി രൂപതയിലെ പര്യടനം നാളെ അടിമാലിയിൽ നിന്ന് ആരംഭിക്കും. ആദ്യ സ്വീകരണ സ്ഥലമായ ചേലച്ചുവട്ടിൽ ഇടുക്കി രൂപത മുഖ്യ വികാരി ജനറാൾ മോൺ. ജോസ് കരിവേലിക്കൽ സ്വീകരണ സമ്മേളനം ഉദ്ഘാടനം ചെയ്യും.11.30ന് -മുരിക്കാശ്ശേരിയിൽ വികാരി ജനറാൾമാരായ മോൺ. ജോസ് നരിതൂക്കിലും 2.30 ന് തങ്കമണിയിൽ മോൺ. ഏബ്രഹാം പുറയാറ്റും സ്വീകരണയോഗങ്ങൾ ഉദ്ഘാടനം ചെയ്യും. വൈകുന്നേരം നാലിന് കട്ടപ്പനയിൽ എത്തിച്ചേരുന്ന അവകാശ സംരക്ഷണ യാത്രക്ക് ഇടുക്കി കവലയിൽ സ്വീകരണം നൽകും. തുടർന്ന് നൂറുകണക്കിന് ആളുകളുടെ നേതൃത്വത്തിൽ കട്ടപ്പന മിനി സ്റ്റേഡിയത്തിലേക്ക് പ്രകടനം നടക്കും. അവകാശ സംരക്ഷണ യാത്രയുടെ ഇടുക്കി രൂപതയിലെ സമാപന സമ്മേളനം ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ ഉദ്ഘാടനം ചെയ്യും. കത്തോലിക്ക കോൺഗ്രസ് ഇടുക്കി രൂപത പ്രസിഡന്റ് ജോർജ് കോയിക്കൽ അധ്യക്ഷത വഹിക്കും. ഗ്ലോബൽ പ്രസിഡന്‍റ് പ്രഫ. രാജീവ് കൊച്ചുപറമ്പിൽ, ഇടുക്കി രൂപത മുഖ്യ വികാരി ജനറാൾ മോൺ. ജോസ് കരിവേലിക്കൽ, ഗ്ലോബൽ ഡയറക്ടർ ഫാ. ഫിലിപ്പ് കവിയിൽ, ഗ്ലോബൽ ജനറൽ സെക്രട്ടറി ഡോ. ജോസുകുട്ടി ഒഴുകയിൽ, രൂപത ജനറൽ സെക്രട്ടറി സിജോ ഇലന്തൂർ, ജോസഫ് ചാണ്ടി തേവർപറമ്പിൽ, ജോർജുകുട്ടി പുന്നക്കുഴിയിൽ, ബെന്നി ആന്റണി, രാജേഷ് ജോൺ, ട്രീസ ലിസ് സെബാസ്റ്റ്യൻ, മനു ജെ. വാരാപള്ളി,ഫാ.ജോസ് മാറാട്ടിൽ, ഫാ.സെബാസ്റ്റ്യൻ വടക്കേൽ, ഫാ. തോമസ് പുത്തൻപുര, കെസിവൈഎം ഇടുക്കി രൂപത പ്രസിഡന്റ് സാം സണ്ണി, മിഷൻ ലീഗ് ഇടുക്കി രൂപത പ്രസിഡന്റ് സെസ്സിൽ ജോസ്, ടീച്ചേഴ് ഗിൽഡ് രൂപത പ്രസിഡന്റ് നോബിൾ മാത്യു എന്നിവർ പ്രസംഗിക്കും.

മഴക്കെടുതി: മന്ത്രി റോഷി അഗസ്റ്റിൻ സന്ദർശിച്ചു

കട്ടപ്പന: മഴക്കെടുതികൾ ഉണ്ടായ കുന്തളംപാറ, വിടി നഗർ, കുരിശു പള്ളി തുടങ്ങിയ പ്രദേശങ്ങളിൽ മന്ത്രി റോഷി അഗസ്റ്റിൻ സന്ദർശിച്ചു. അഡീഷണൽ ജില്ലാ മജിസ്ട്രേറ്റ് ഷൈജു പി. ജേക്കബ്, മറ്റ് റവന്യു അധികൃതർ, ജനപ്രതിനിധികൾ എന്നിവരും മന്ത്രിക്കൊപ്പമുണ്ടായിരുന്നു.കഴിഞ്ഞദിവസം അപ്രതീക്ഷിതമായി ഉണ്ടായ മഴ വ്യാപക നാശനഷ്ടമാണ് കട്ടപ്പന നഗരസഭയുടെ വിവിധ മേഖലകളിൽ ഉണ്ടാക്കിയത്. സ്ഥിതിഗതികൾ സംബന്ധിച്ച് പരിശോധന നടത്തി റിപ്പോർട്ട് സമർപ്പിക്കാൻ മന്ത്രി നിർദേശിച്ചു. റവന്യു വകുപ്പിന്‍റെ റിപ്പോർട്ടിന്‍റെ അടിസ്ഥാനത്തിൽ തുടർ നടപടി സ്വീകരിക്കും. മണ്ണിടിഞ്ഞ സ്ഥലങ്ങളുടെ വശങ്ങൾ കെട്ടി സംരക്ഷിക്കുന്നതിന് എസ്റ്റിമേറ്റ് സമർപ്പിക്കാനും നാശനഷ്ടങ്ങളുമായി ബന്ധപ്പെട്ട തുടർ നടപടികൾ വേഗത്തിലാക്കാനും മന്ത്രി നിർദേശം നൽകി. കുരിശു പള്ളി പ്രദേശത്തെ അപകടഭീഷണിയിലുള്ള എട്ട് കുടുംബങ്ങളോട് സുരക്ഷിത സ്ഥാനത്തേക്ക് മാറിത്താമസിക്കാൻ മന്ത്രി നിർദേശിച്ചു.

മുട്ടുകാട്ടിലെ മുനിയറകള്‍ സംരക്ഷിക്കാൻ ടൂറിസം പദ്ധതി

രാജാക്കാട്: മഹാശിലായുഗ കാലത്തെ അവശേഷിപ്പുകളായ ചിന്നക്കനാല്‍ മുട്ടുകാട്ടിലെ മുനിയറകള്‍ സംരക്ഷിക്കുന്നതിനും മലമുകളിലെ ടൂറിസം സാധ്യതകള്‍ പ്രയോജനപ്പെടുത്തുന്നതിനും ചിന്നക്കനാല്‍ ഗ്രാമ പഞ്ചായത്ത് ടൂറിസം പദ്ധതി തയാറാക്കി. പ്രപ്പോസല്‍ തയാറാക്കി ഗ്രാമ പഞ്ചായത്ത്, ഡിടിപിസിക്ക് കൈമാറി. മുട്ടുകാട് പാടശേഖരത്തിന്‍റെ മനോഹര കാഴ്ചയും ഒപ്പം കോടമഞ്ഞും വീശിയടിക്കുന്ന കാറ്റും ഇവിടുത്തെ പ്രത്യേകതയാണ്. അധികൃതരുടെ ശ്രദ്ധ ഇവിടേയ്ക്കെത്താത്തതിനാല്‍ മേഖല സാമൂഹ്യവിരുടെ താവളവുമായി മാറിയിരുന്നു. ഈ സാഹചര്യത്തില്‍ക്കൂടിയാണ് പഞ്ചായത്തിന്‍റെ ഇടപെടല്‍ ഉണ്ടായിരിക്കുന്നത്. പദ്ധതി നടപ്പിലായാല്‍ ഉള്‍ഗ്രാമ പ്രദേശമായ മുട്ടുകാടിന്‍റെ സമഗ്രമായ വികസനത്തിനും ഇത് വഴിതെളിക്കും.

ശാന്തിഗിരി ഇൻസ്റ്റിറ്റ്യൂട്ട് ദേശീയതല ‌മാനേജ്മെന്‍റ് ഫെസ്റ്റ് സംഘടിപ്പിച്ചു

വഴിത്തല: ശാന്തിഗിരി ഇൻസ്റ്റിറ്റ്യൂട്ട് ഓഫ് മാനേജ്മെന്‍റിൽ ദേശീയതല മാനേജ്മെന്‍റ് ഫെസ്റ്റ് ഇംപൾസോ സംഘടിപ്പിച്ചു. ഫാ. പോൾ പാറക്കാട്ടേൽ സിഎംഐ അധ്യക്ഷത വഹിച്ചു. എക്സിക്യൂട്ടീവ് ഡയറക്ടർ ഫാ. എബിൻ കല്ലറയ്ക്കൽ സിഎംഐ, ഡയറക്ടർ ഇൻ-ചാർജ് ഡോ. ജിൻസ് ജോർജ്, ഫാക്കൽറ്റി ഫെസ്റ്റ് കോ-ഓർഡിനേറ്റർ ഫാ. ജിബു പി. ജോസഫ്, ലിസ ജോസ് എന്നിവർ പ്രസംഗിച്ചു. സ്റ്റുഡന്‍റ് കോ-ഓർഡിനേറ്റർമാരായ സുധി ദീപു, ബെക്സി ജോർജ് എന്നിവർ നേതൃത്വം നൽകി. ഫെസ്റ്റിൽ കുട്ടിക്കാനം മരിയൻ കോളജ് ഓവറോൾ ചാന്പ്യൻമാരായി. ഗായിക അഞ്ജു ജോസഫിന്‍റെ സംഗീതപരിപാടിയും നടന്നു. രാജ്യത്തിന്‍റെ വിവിധ ഭാഗങ്ങളിൽനിന്നുമായി 600-ഓളം വിദ്യാർഥികൾ പങ്കെടുത്തു. മാനേജ്മെന്‍റ് വൈദഗ്ധ്യം, സർഗാത്മകത, സാംസ്കാരിക മികവ് എന്നിവ പ്രകടിപ്പിക്കാൻ വിദ്യാർഥികൾക്ക് ഫെസ്റ്റിലൂടെ കഴിഞ്ഞു.

ശാന്തൻപാറ ഗ്രാമ പഞ്ചായത്ത് വികസനസദസ്

ശാന്തൻപാറ: ശാന്തൻപാറ ഗ്രാമ പഞ്ചായത്ത് വികസനസദസ് ഗ്രാമ പഞ്ചായത്ത് കമ്യൂണിറ്റി ഹാളിൽ എം. എം. മണി എംഎൽഎ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്‍റ് ലിജു വർഗീസ് അധ്യക്ഷത വഹിച്ചു. പഞ്ചായത്ത് സെക്രട്ടറി ഡി. തുളസിധരൻനായർ റിപ്പോർട്ട് അവതരിപ്പിച്ചു. വൈസ് പ്രസിഡന്‍റ്് നിത്യ സെലിൻ, അസി. സെക്രട്ടറി കെ.സി. ഗിരീഷ്കുമാർ, ജില്ലാ പഞ്ചായത്ത് വൈസ് പ്രസിഡന്‍റ്് ഉഷാകുമാരി മോഹൻകുമാർ, ദേവികുളം ബ്ലോക്ക് പഞ്ചായത്ത് പ്രസിഡന്‍റ്് ജിഷ ദിലീപ്, ആസൂത്രണസമിതി ഉപാധ്യക്ഷൻ സേനാപതി ശശി, ജനപ്രതിനിധികളായ എൻ.ആർ. ജയൻ, പി.ടി. മുരുകൻ, കെ.സി. രാജു, മർച്ചന്‍റ്് അസോസിയേഷൻ പ്രസിഡന്‍റ്് ജോയി ജോസഫ് തുടങ്ങിയവർ പ്രസംഗിച്ചു.

തോട്ടഭൂമി പതിച്ചു നൽകണം: പ്ലാന്‍റേഷൻ മിഷൻ

ഇടുക്കി: നൂറ്റാണ്ടുകളായി തോട്ടം ഉടമകളുടെ കൈവശം ഇരിക്കുന്ന റവന്യു ഭൂമി സർക്കാർ ഏറ്റെടുത്ത് ഭൂ രഹിതരായ തോട്ടം തൊഴിലാളികൾക്ക് വീടുവയ്ക്കാനായി പതിച്ചുനൽകണമെന്ന് കേരള പ്ലാന്‍റേഷൻ വെൽഫെയർ മിഷൻ യോഗം ആവശ്യപ്പെട്ടു സ്വന്തമായി ഭൂമി ഇല്ലാത്ത കാരണത്താൽ തൊഴിലാളികൾ കാലപ്പഴക്കം ചെന്ന ലയത്തിലാണ് ഇപ്പോഴും താമസിക്കുന്നത്. സർക്കാർ ഇടപെട്ട് തോട്ടം മേഖലയുടെ വികസനത്തിന് പ്രത്യേക പാക്കേജ് നടപ്പാക്കണമെന്നും യോഗം ആവശ്യപ്പെട്ടു. ചെയർമാൻ ഷിബു കെ. തന്പി അധ്യക്ഷത വഹിച്ചു. ജനറൽ സെക്രട്ടറി പി.ടി. ശ്രീകുമാർ, സന്തോഷ് കൃഷ്ണൻ, ബിജു പി. ഡേവിഡ്, ഡോ തോമസ് വൈദ്യൻ, ഷിനോജ് ജോസഫ്, ശാന്തി രമേശ്, ഗിരിജ ചന്ദ്രശേഖർ. സിസ്റ്റർ ശോഭന, വിനോദ് വർഗീസ്, സി.എൻ. മണി എന്നിവർ പ്രസംഗിച്ചു

വാഹന പ്രചാരണ ജാഥ ഇന്ന്

രാജാക്കാട്: കേന്ദ്ര,സംസ്ഥാന സർക്കാരുകളുടെ ജനദ്രോഹ നയങ്ങളിൽ പ്രതിഷേധിച്ചും രാജാക്കാട് ഗ്രാമ പഞ്ചായത്ത് ഭരണ സമിതിയുടെ കെടുകാര്യസ്ഥതയ്ക്കും വികസനമുരടിപ്പിനുമെതിരേ കോൺഗ്രസ് രാജാക്കാട് മണ്ഡലം കമ്മിറ്റി പ്രസിഡന്‍റ് ജോഷി കന്യാക്കുഴിയുടെ നേതൃത്വത്തിൽ ഇന്ന് രാജാക്കാട് പഞ്ചായത്തിൽ വാഹന പ്രചാരണ ജാഥ സംഘടിപ്പിക്കുമെന്ന് ഭാരവാഹികളായ ബാബു കൊച്ചുപുരക്കൽ, ജോയി തമ്പുഴ, ആഗസ്തി കുന്നുംപുറത്ത് എന്നിവർ പത്രസമ്മേളനത്തിൽ അറിയിച്ചു. ഇന്ന് രാവിലെ 7.30ന് പഴയവിടുതിയിൽ കെപിസിസി മെംബർ ആർ. ബാലൻപിള്ള ജാഥയുടെ ഉദ്ഘാടനം നിർവഹിക്കും. തുടർന്ന് അടിവാരം, വാക്കാസിറ്റി, അസിക്കവല, പന്നിയാർ നിരപ്പ്, കള്ളിമാലി, അമ്പലക്കവല, കലുങ്കുസിറ്റി, പന്നിയാർകൂട്ടി, ശ്രീനാരായണപുരം, കൊച്ചുമുല്ലക്കാനം, കുരങ്ങുപാറ, വലിയകണ്ടം, പുന്നസിറ്റി, എൻആർ സിറ്റി, മുല്ലക്കാനം എന്നീ കേന്ദ്രങ്ങളിൽ പര്യടനം നടത്തി രാജാക്കാട് ടൗണിൽ സമാപിക്കും. വൈകുന്നേരം അഞ്ചിന് ടൗണിൽ നടക്കുന്ന സമാപന സമ്മേളനം കെപിസിസി വൈസ് പ്രസിഡന്‍റ് റോയി കെ. പൗലോസ് ഉദ്ഘാടനം ചെയ്യും. ജില്ലാ വൈസ് പ്രസിഡന്‍റ്് കെ.എസ്. അരുൺ, ഉടുമ്പൻചോല ബ്ലോക്ക് പ്രസിഡന്‍റ്് എം.പി. ജോസ്, യുഡിഎഫ് നിയോജക മണ്ഡലം കൺവീനർ ബെന്നി തുണ്ടത്തിൽ തുടങ്ങിയവർ പ്രസംഗിക്കും.

കുടുംബങ്ങൾ സമൂഹത്തിന്‍റെ കരുത്ത്: മാർ നെല്ലിക്കുന്നേൽ

രാജകുമാരി: കെട്ടുറപ്പുള്ള കുടുംബബന്ധങ്ങളാണ് സമൂഹത്തെ വളർത്തുന്നതെന്ന് ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ. രാജകുമാരി ദൈവമാതാ ജൂബിലി തീർത്ഥാടന കേന്ദ്രത്തിൽ രൂപതയിലെ വിവാഹ, പൗരോഹിത്യ, സന്യാസ ജൂബിലി സംഗമം ഉദ്ഘാടനം ചെയ്യുകയായിരുന്നു അദ്ദേഹം. വിവാഹവും കുടുംബജീവിതവും അനിവാര്യതയല്ല എന്ന് ചിന്തിക്കുന്ന വർത്തമാനകാലത്ത് ഒരുമയോടെ ജീവിച്ചതിന്‍റെ സംതൃപ്തിയിൽ ജൂബിലി ആഘോഷിക്കുന്ന ദമ്പതികൾ പുതുതലമുറയ്ക്ക് മാതൃകയാണ്. പ്രാർഥനയിലും ആത്മീയതയിലും പരസ്പരമുള്ള വിശ്വസ്തതയിലും ബലവത്തായ കുടുംബ ബന്ധങ്ങൾക്ക് മാത്രമേ ആയുസ് ഉണ്ടാവുകയുള്ളൂവെന്നും അദ്ദേഹം പറഞ്ഞു. ലോക രക്ഷകനും ദൈവപുത്രനുമായ ഈശോമിശിഹായുടെ തിരുജനനത്തിന്‍റെ മഹാജൂബിലി ആഘോഷത്തിന്‍റെ ഭാഗമായി ഇടുക്കി രൂപതയിൽ 2025 ൽ പൗരോഹിത്യ, സന്ന്യാസ, വൈവാഹിക ജീവിതാന്തസുകളുടെ ജൂബിലി ആഘോഷിക്കുന്നവരുടെ രൂപതാതല സംഗമമാണ് രാജകുമാരിയിൽ നടന്നത്. രൂപതയുടെ വിവിധ ഇടവകകളിൽ നിന്ന് എത്തിയ 200ൽപ്പരം ദമ്പതികളുടെയും അമ്പതോളം സമർപ്പിതരുടെയും കാഴ്ച സമർപ്പണത്തെ തുടർന്ന് രൂപത മെത്രാൻ മാർ ജോൺ നെല്ലിക്കുന്നേലിന്‍റെ മുഖ്യ കർമികത്വത്തിൽ വിശുദ്ധ കുർബാന നടന്നു. ഇടുക്കി രൂപത വികാരി ജനറാൾ മോൺ. ജോസ് കരിവേലിക്കൽ ജൂബിലി സന്ദേശം നൽകി. തുടർന്ന് നടന്ന പൊതുസമ്മേളനം മാർ ജോൺ നെല്ലിക്കുന്നേൽ ഉദ്ഘാടനം ചെയ്തു. മോൺ. ജോസ് കരിവേലിയ്ക്കൽ അധ്യക്ഷത വഹിച്ചു. മോൺ. ജോസ് നരിതൂക്കിൽ, മോൺ. ഏബ്രഹാം പുറയാറ്റ്, രാജാക്കാട് ഫൊറോനാ വികാരി ഫാ. മാത്യു കരോട്ട്കൊച്ചറക്കൽ എന്നിവർ പ്രസംഗിച്ചു. ജൂബിലേറിയൻമാരെ സർട്ടിഫിക്കറ്റുകളും ഉപഹാരങ്ങളും നൽകി ആദരിച്ചു. രൂപത ഫാമിലി അപ്പോസ്‌റ്റലേ റ്റിന്റെ ആഭിമുഖ്യത്തിൽ നടത്തിയ ജൂബിലേറിയൻസ് മീറ്റിന് ഫാമിലി അപ്പോസ്റ്റൊലേറ്റ് രൂപത ഡയറക്ടർ ഫാ. മാത്യു അഴകനാകുന്നേൽ, രൂപത പിതൃവേദി ഡയറക്ടർ ഫാ. ആന്‍റണി പാലാപുളിക്കൽ, രൂപത മാതൃവേദി ഡയറക്ടർ ഫാ. ജോസഫ് കാരിക്കൂട്ടത്തിൽ, ഫാ. അലക്സ്‌ ചേന്നംകുളം, സിസ്റ്റർ സോഫിയ റോസ് സിഎംസി, സിസ്റ്റർ നിത്യ സിഎംസി, സിസ്റ്റർ ലീമാ റോസ് എസ്എബിഎസ്, സിസ്റ്റർ മെറിൻ എസ്എച്ച്, രൂപത പാസ്റ്ററൽ കൗൺസിൽ അംഗം അനൂപ് കുന്നേൽ എന്നിവർ നേതൃത്വം നൽകി.

വെൽഡിംഗിനിടെ ടാങ്കർ ലോറിക്ക് തീ പിടിച്ചു

കാഞ്ഞാർ: വെൽഡിംഗ് ജോലിക്കിടെ ടാങ്കർ ലോറിയ്ക്ക് തീ പിടിച്ചു. കാഞ്ഞാറിൽ വാഹനങ്ങൾ പൊളിക്കുന്ന ആക്രി വർക്ക്ഷോപ്പിൽ വെൽഡിംഗ് നടത്തുന്നതിനിടെയാണ് വാഹനത്തിന് തീ പിടിച്ചത്. ഇന്നലെ വൈകുന്നേരം മൂന്നോടെയായിരുന്നു സംഭവം. ഉണ്ണേച്ചുപറന്പിൽ ജബ്ബാറിന്‍റെ ആക്രിക്കടയിൽ ടാങ്കറിന്‍റെ തകിടിൽ വെൽഡിംഗ് നടത്തുന്നതിനിടെയാണ് വാഹനത്തിന് തീ പിടിച്ചത്. വാഹനത്തിനുള്ളിൽ ലാറ്റക്സ് ഉണ്ടായിരുന്നതിനാൽ തീ പടർന്നു പിടിക്കുകയായിരുന്നു. വിവരം ശ്രദ്ധയിൽപ്പെട്ട സമീപവാസി അഗ്നി രക്ഷാ സേനയെ വിവരം അറിയിക്കുകയും ഉടൻതന്നെ മൂലമറ്റത്ത് നിന്നും സേന സ്ഥലത്തെത്തി തീ അണയ്ക്കുകയായിരുന്നു. സമീപത്ത് പള്ളിയും, നിരവധി വീടുകളും വ്യാപാര സ്ഥാപനങ്ങളുമുണ്ട്. ഫയർഫോഴ്സ് എത്തി തീ അണച്ചതിനാൽ വൻ ദുരന്തം ഒഴിവായി. ഇവിടെ ഇതിനു മുൻപും തീ പിടുത്തം ഉണ്ടായിട്ടുണ്ട്. സ്റ്റേഷൻ ഓഫീസർ ടി.കെ.അബ്ദുൾ അസീസ്, സീനിയർ ഫയർ ആന്‍റ് റെസ്ക്യു ഓഫീസർമാരായ ജിൻസ് മാത്യു, ബിബിൻ എ. തങ്കപ്പൻ, ഫയർ ആന്‍റ് റെസ്ക്യു ഓഫീസർമാരായ എം.പി.സിജു, ടി.ആർ.ജിനേഷ് , സി.ആർ. ശ്രീകാന്ത്, കെ.സന്ദീപ്, എം.വി.അരുണ്‍ എന്നിവരുടെ നേത്വത്വത്തിലാണ് തീ അണച്ചത്.

അവകാശ സംരക്ഷണ യാത്രയ്ക്ക് മുരിക്കാശേരിയിൽ സ്വീകരണം നൽകും

ചെറുതോണി: ജനകീയ പ്രശ്നങ്ങൾ ഉന്നയിച്ച് കത്തോലിക്കാ കോൺഗ്രസ് ഗ്ലോബൽ പ്രസിഡന്‍റ്് പ്രഫ. രാജീവ് കൊച്ചുപറമ്പിൽ നയിക്കുന്ന അവകാശ സംരക്ഷണയാത്രയ്ക്ക് 20ന് രാവിലെ 11 ന് മുരിക്കാശേരിയിൽ പ്രൗഡോജ്ജ്വലമായ സ്വീകരണം നൽകുമെന്ന് ഭാരവാഹിക അറിയിച്ചു. കഴിഞ്ഞ 13ന് കാസർഗോഡ് പാണത്തൂരിൽനിന്ന് ആരംഭിച്ച് 24ന് തിരുവനന്തപുരത്ത് സെക്രട്ടറിയേറ്റിൽ സമാപിക്കുന്ന അവകാശ സംരക്ഷണയാത്രയാണ് 20ന് മുരിക്കാശേരിയിൽ എത്തിച്ചേരുന്നത്. നീതി ഔദാര്യമല്ല- അവകാശമാണ് എന്ന മുദ്രാവാക്യവുമായാണ് യാത്ര. മുരിക്കാശേരിയിൽ നടക്കുന്ന സ്വീകരണ യോഗം ഇടുക്കി രൂപത വികാരി ജനറാൾ മോൺ. ജോസ് നരിതൂക്കിൽ ഉദ്ഘാടനം ചെയ്യും. കത്തോലിക്ക കോൺഗ്രസ് മുരിക്കാശേരി യൂണിറ്റ് പ്രസിഡന്‍റ്് സണ്ണി കാരിശേരി അധ്യക്ഷത വഹിക്കും. ഗ്ലോബൽ സെക്രട്ടറി ഡോ. ജോസുകുട്ടി ജെ. ഒഴുകയിൽ, രൂപത പ്രസിഡന്‍റ്് ജോർജ്‌ കോയിക്കൽ, രൂപത സെക്രട്ടറി സിജോ ഇലന്തൂർ, മുരിക്കാശേരി ഫൊറോന പള്ളി വികാരി ഫാ. സെബാസ്റ്റ്യൻ വടക്കേൽ, രൂപത ഭാരവാഹികളായ ജോർജുകുട്ടി പുന്നക്കുഴി, ടോമി കണ്ടത്തിൽ, ബെന്നി മൂക്കിലിക്കാട്ട്, ജോസഫ് ചാണ്ടി തേവർപറമ്പിൽ, സണ്ണി കരിവേലിക്കൽ എന്നിവർ പ്രസംഗിക്കും.

സെൻട്രൽ കേരള സഹോദയ കലോത്സവം : നിർമല പബ്ലിക് സ്കൂൾ ബഹുദൂരം മൂന്നിൽ

തൊടുപുഴ: സെൻട്രൽ കേരള സഹോദയ കലോത്സവം സർഗധ്വനി-2025 രണ്ടുനാൾ പിന്നിട്ടപ്പോൾ കിരീട പോരാട്ടത്തിൽ മൂവാറ്റുപുഴ നിർമല പബ്ലിക് സ്കൂൾ ബഹുദൂരം മൂന്നിലെത്തി. കണ്ണിനും കാതിനും കുളിർമയേകി വിവിധ വേദികളിൽ അരങ്ങേറിയ മൽസരങ്ങൾക്ക് ഇന്നു തിരശീല വീഴും. നൃത്തയിനങ്ങളിൽ അഴകിന്‍റെ വിരുന്നായി മാറി കലാപ്രതിഭകളുടെ പോരാട്ടം. 683 പോയിന്‍റ് നേടി മൂവാറ്റുപുഴ നിർമല പബ്ലിക് സ്കൂൾ ഒന്നാംസ്ഥാനത്താണ്. 621 പോയിന്‍റോടെ വാഴക്കുളം കാർമൽ പബ്ലിക് സ്കൂൾ രണ്ടാമതും 513 പോയിന്‍റുമായി ആതിഥേയരായ വിമല പബ്ലിക് സ്കൂൾ മൂന്നാം സ്ഥാനത്തുമാണ്. തൊടുപുഴ ഡിപോൾ പബ്ലിക് സ്കൂൾ- 451, കൂത്താട്ടുകുളം മേരിഗിരി പബ്ലിക് സ്കൂൾ-426, വാളകം ബ്രൈറ്റ് പബ്ലിക് സ്കൂൾ-440 എന്നിങ്ങനെയാണ് മറ്റു സ്കൂളുകളുടെ പോയിന്‍റ് നില. ഇന്ന് ഒപ്പന, ദഫ്മുട്ട്, കുച്ചുപ്പുടി, കോൽക്കളി തുടങ്ങിയ മത്സരങ്ങൾ അരങ്ങേറും. വൈകുന്നേരം നാലിന് നടക്കുന്ന സമാപന സമ്മേളനത്തിൽ കേരള ചലച്ചിത്ര നാടക അക്കാദമി ചെയർമാനും നടനുമായ പ്രേംകുമാർ, തൊടുപുഴ ഡിവൈഎസ്പി പി.കെ. സാബു എന്നിവർ സമ്മാനങ്ങൾ വിതരണം ചെയ്യും. മോഹിനിയാട്ടത്തിൽ ആദിത്യയും കീർത്തനയും തൊടുപുഴ: സഹോദയ കലോത്സവം കാറ്റഗറി-4 വിഭാഗത്തിലെ വീറും വാശിയും നിറഞ്ഞ മോഹിനിയാട്ട മൽസരത്തിൽ രണ്ടുപേർക്ക് ഒന്നാം സ്ഥാനം. തൊടുപുഴ ഡിപോൾ പബ്ലിക് സ്കൂളിലെ ആദിത്യ ബിജുവും മൂവാറ്റുപുഴ സെന്‍റ് തോമസ് പബ്ലിക് സ്കൂളിലെ കീർത്തന സുദീപുമാണ് വിജയം പങ്കിട്ടത്. കുടയത്തൂർ അറയ്ക്കകുന്നേൽ ബിജു-അനു ദന്പതികളുടെ മകളാണ് ആദിത്യ. അഞ്ചാം ക്ലാസിനു ശേഷം കലോത്സവ വേദിയിൽ എത്തിയ ആദിത്യ ഒരിനത്തിൽ മത്സരിച്ച് ഒന്നാം സ്ഥാനം നേടിയപ്പോൾ കീർത്തന കഴിഞ്ഞ നാലു വർഷമായി വിജയത്തേര് തെളിക്കുകയാണ്. ഗുരുവായ ഷൈബി കൃഷ്ണയുടെ കീഴിലാണ് നൃത്ത പരിശീലനം. കുച്ചുപ്പുഡി, ഭരതനാട്യം, നാടോടിനൃത്തം എന്നിവയും പരിശീലിക്കുന്നുണ്ട്. മൂവാറ്റുപുഴ മേക്കടന്പ് ശ്രീശൈലത്തിൽ പരേതനായ സുധീപ് പുരുഷോത്തമൻ-ജെയ്സി ദന്പതികളുടെ മകളാണ് കീർത്തന.

അധരത്തിൻ ക്രിസ്തുവും ഹൃദയത്തിൽ ലോകവും ആകേണ്ടവരല്ല ക്രൈസ്തവർ: ബിഷപ് മഠത്തിപ്പറമ്പിൽ

നെടുങ്കണ്ടം: അധരത്തിൻ ക്രിസ്തുവും ഹൃദയത്തിൽ ലോകവും ആകേണ്ടവരല്ല ക്രൈസ്തവരെന്ന് വിജയപുരം ബിഷപ് മാർ ജസ്റ്റിൻ മഠത്തിപ്പറമ്പിൽ. കേരള കത്തോലിക്ക കരിസ്മാറ്റിക് നവീകരണത്തിന്‍റെ സുവര്‍ണജൂബിലി വര്‍ഷാചരണത്തിന്റെ ഭാഗമായി കല്ലാര്‍ സബ് സോണിന്‍റെ നേതൃത്വത്തില്‍ കല്ലാര്‍ മേരിഗിരി ദേവാലയ അങ്കണത്തില്‍ ആരംഭിച്ച ക്രിസ്തുജയന്തി ജൂബിലി ബൈബിള്‍ കണ്‍വെന്‍ഷന്‍ - റൂഹാ 2025 ഉദ്ഘാടനം ചെയ്യുകയായിരുന്നു അദ്ദേഹം. വാക്കുകളും പ്രവൃത്തികളും ക്രിസ്തുവിന് പ്രീതികരമായ ജീവിക്കേണ്ടവരാണ് ക്രൈസ്തവർ- മാർ ജസ്റ്റിൻ മഠത്തിപ്പറമ്പിൽ പറഞ്ഞു തോമസ് കുമളി വചന സന്ദേശം നല്‍കി. തുടർന്നുള്ള ദിവസങ്ങളിൽ ബാബു കോഴിക്കോട്, സെബാസ്റ്റ്യൻ താന്നിക്കല്‍ ,ഷാജി വൈക്കത്തുപറമ്പില്‍, ഫാ. ജയിംസ് മാക്കിയില്‍, ഫാ. സിജോ തയ്യാലയ്ക്കല്‍, ഉണ്ണി മാവടി എന്നിവർ വചനശുശ്രൂഷകള്‍ക്ക് നേതൃത്വം നല്‍കും. സബ് സോണ്‍ അനിമേറ്റര്‍ ഫാ. വിജോഷ് ജോസഫ് മുള്ളൂര്‍, ജന. കണ്‍വീനര്‍ ബേബിച്ചന്‍ കൊച്ചുപറമ്പില്‍, സബ്‌സോണ്‍ കോ-ഓഡിനേറ്റര്‍ എം.സി. സോഫി മുല്ലൂര്‍ തുടങ്ങിയവർ നേതൃത്വം നൽകി വരുന്നു.

കുടുംബബന്ധങ്ങളുടെ കെട്ടുറപ്പ് സമൂഹത്തിന്‍റെ കരുത്ത്: മാർ നെല്ലിക്കുന്നേൽ

രാജകുമാരി: കെട്ടുറപ്പുള്ള കുടുംബബന്ധങ്ങളാണ് സമൂഹത്തെ വളർത്തുന്നതെന്ന് ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ. രാജകുമാരി ദൈവമാതാ ജൂബിലി തീർത്ഥാടന കേന്ദ്രത്തിൽ രൂപതയിലെ വിവാഹ, പൗരോഹിത്യ, സന്യാസ ജൂബിലി സംഗമം ഉദ്ഘാടനം ചെയ്യുകയായിരുന്നു അദ്ദേഹം. വിവാഹവും കുടുംബജീവിതവും അനിവാര്യതയല്ല എന്ന് ചിന്തിക്കുന്ന വർത്തമാനകാലത്ത് ഒരുമയോടെ ജീവിച്ചതിന്‍റെ സംതൃപ്തിയിൽ ജൂബിലി ആഘോഷിക്കുന്ന ദമ്പതികൾ പുതുതലമുറയ്ക്ക് മാതൃകയാണ്. പ്രാർഥനയിലും ആത്മീയതയിലും പരസ്പരമുള്ള വിശ്വസ്തതയിലും ബലവത്തായ കുടുംബ ബന്ധങ്ങൾക്ക് മാത്രമേ ആയുസ് ഉണ്ടാവുകയുള്ളൂവെന്നും അദ്ദേഹം പറഞ്ഞു. ലോക രക്ഷകനും ദൈവപുത്രനുമായ ഈശോമിശിഹായുടെ തിരുജനനത്തിന്‍റെ മഹാജൂബിലി ആഘോഷത്തിന്‍റെ ഭാഗമായി ഇടുക്കി രൂപതയിൽ 2025 ൽ പൗരോഹിത്യ, സന്ന്യാസ, വൈവാഹിക ജീവിതാന്തസുകളുടെ ജൂബിലി ആഘോഷിക്കുന്നവരുടെ രൂപതാതല സംഗമമാണ് രാജകുമാരിയിൽ നടന്നത്. രൂപതയുടെ വിവിധ ഇടവകകളിൽ നിന്ന് എത്തിയ 200ൽപ്പരം ദമ്പതികളുടെയും അമ്പതോളം സമർപ്പിതരുടെയും കാഴ്ച സമർപ്പണത്തെ തുടർന്ന് രൂപത മെത്രാൻ മാർ ജോൺ നെല്ലിക്കുന്നേലിന്‍റെ മുഖ്യ കർമികത്വത്തിൽ വിശുദ്ധ കുർബാന നടന്നു. ഇടുക്കി രൂപത വികാരി ജനറാൾ മോൺ. ജോസ് കരിവേലിക്കൽ ജൂബിലി സന്ദേശം നൽകി. തുടർന്ന് നടന്ന പൊതുസമ്മേളനം മാർ ജോൺ നെല്ലിക്കുന്നേൽ ഉദ്ഘാടനം ചെയ്തു. മോൺ. ജോസ് കരിവേലിയ്ക്കൽ അധ്യക്ഷത വഹിച്ചു. മോൺ. ജോസ് നരിതൂക്കിൽ, മോൺ. ഏബ്രഹാം പുറയാറ്റ്, രാജാക്കാട് ഫൊറോനാ വികാരി ഫാ. മാത്യു കരോട്ട്കൊച്ചറക്കൽ എന്നിവർ പ്രസംഗിച്ചു. ജൂബിലേറിയൻമാരെ സർട്ടിഫിക്കറ്റുകളും ഉപഹാരങ്ങളും നൽകി ആദരിച്ചു. രൂപത ഫാമിലി അപ്പോസ്‌റ്റലേ റ്റിന്റെ ആഭിമുഖ്യത്തിൽ നടത്തിയ ജൂബിലേറിയൻസ് മീറ്റിന് ഫാമിലി അപ്പോസ്റ്റൊലേറ്റ് രൂപത ഡയറക്ടർ ഫാ. മാത്യു അഴകനാകുന്നേൽ, രൂപത പിതൃവേദി ഡയറക്ടർ ഫാ. ആന്‍റണി പാലാപുളിക്കൽ, രൂപത മാതൃവേദി ഡയറക്ടർ ഫാ. ജോസഫ് കാരിക്കൂട്ടത്തിൽ, ഫാ. അലക്സ്‌ ചേന്നംകുളം, സിസ്റ്റർ സോഫിയ റോസ് സിഎംസി, സിസ്റ്റർ നിത്യ സിഎംസി, സിസ്റ്റർ ലീമാ റോസ് എസ്എബിഎസ്, സിസ്റ്റർ മെറിൻ എസ്എച്ച്, രൂപത പാസ്റ്ററൽ കൗൺസിൽ അംഗം അനൂപ് കുന്നേൽ എന്നിവർ നേതൃത്വം നൽകി.

സർക്കാർ ലക്ഷ്യം മുഴുവൻ കുടുംബങ്ങളിലും ശുദ്ധജലമെത്തിക്കുകയെന്നത് മന്ത്രി റോഷി

കട്ടപ്പന: മുഴുവൻ കുടുംബങ്ങളിലുംശുദ്ധജലമെത്തിക്കുക എന്ന ലക്ഷ്യത്തോടെയാണ് സർക്കാർ പ്രവർത്തിച്ചതെന്ന് മന്ത്രി റോഷി അഗസ്റ്റിൻ.17 ലക്ഷത്തിൽനിന്ന് 48 ലക്ഷം കുടുംബങ്ങളിൽ കുടിവെള്ളമെത്തിക്കാൻ സർക്കാരിന് കഴിഞ്ഞ 10 വർഷത്തിനിടെ കഴിഞ്ഞു. ജലത്തെ ആശ്രയിച്ചാണ് നമ്മുടെ നാടിന്‍റെ നിലനിൽപ്പ്. കുട്ടനാട്ടിലെ നെൽവയലുകൾ മുതൽ ഇടുക്കിയിലെ മലനിരകൾ വരെ മണ്ണിനെ പോഷിപ്പിക്കുന്ന നദികൾ മുതൽ കായലുകൾ വരെ നമുക്ക് അനുഗ്രഹവവും വെല്ലുവിളിയുമാണ്. ജലവിഭവത്തിന്‍റെ മാനേജ്മെന്‍റ് കാര്യക്ഷമമായി സർക്കാർ നടത്തിവരുകയാണ്. ജലാശയങ്ങളുടെ ആഴം വർധിപ്പിക്കൽ, ഡാം ഡീസിൽറ്റേഷൻ തുടങ്ങിയ പ്രവർത്തനങ്ങൾക്കൊപ്പം കാർഷിക മേഖലയെ ശാക്തീകരിക്കുന്നതിന് മൈക്രോ ഇറിഗേഷൻ പദ്ധതികളും നടപ്പാക്കുന്നുണ്ട്. ശാസ്ത്രീയ കൃഷിരീതികളിലൂടെ വിളവ് വർധിപ്പിക്കുകയാണ് ലക്ഷ്യം. നമ്മുടെ നാട്ടിൽനിന്നുള്ള ഹില്ലി അക്വ കുപ്പിവെള്ളം വിദേശ രാജ്യങ്ങളിലേക്ക് കയറ്റി അയക്കുന്നു. ഹരിത രീതിയിലുള്ള കുപ്പികൾ പുറത്തിറക്കുന്ന പദ്ധതിക്ക് ഉടൻ തുടക്കം കുറിക്കുമെന്നും വിഷൻ 2031 സെമിനാറിലൂടെ 2031 ൽ കേരളം എങ്ങനെയായിരിക്കണം എന്ന ചർചയ്ക്ക് തുടക്കം കുറിക്കുകയാണ് എന്നും അദ്ദേഹം പറഞ്ഞു. കട്ടപ്പനയിൽ ജലവിഭവ വകുപ്പ് സംഘടിപ്പിച്ച വിഷന്‍ 2031 സെമിനാര്‍ ഉദ്ഘാടനം ചെയ്യുകയായിരുന്നു മന്ത്രി.1500 ലധികം പേരാണ് സെമിനാറിൽ പങ്കെടുത്തത്. രാവിലെ 10 ന് ആരംഭിച്ച ഉദ്ഘാടന സമ്മേളനത്തിൽ ജല വിഭവ വകുപ്പ് അഡീഷണൽ ചീഫ് സെക്രട്ടറി ബിശ്വനാഥ സിൻഹ, ജലനിധി എക്സിക്യൂട്ടീവ് ഡയറക്ടർ ഡോ. ബിനു ഫ്രാൻസിസ് എന്നിവർ ആമുഖ പ്രഭാഷ ണവും ജലവിഭവ വകുപ്പിന്‍റെ വിവിധ പദ്ധതികളുടെ റിപ്പോർട്ട് അവതരണവും നടത്തി. കഴിഞ്ഞ പത്ത് വർഷത്തിനിടെ 27 ലക്ഷം പുതിയ കുടിവെള്ള കണക്ഷനുകൾ നൽകിയതായി റിപ്പോർട്ടിൽ വിശദീകരിച്ചു. റീബിൽഡ് കേരളയിൽ 303 കോടിയുടെ 17 പദ്ധതികളാണ് നടപ്പാക്കുന്നതെന്നും റിപ്പോർട്ട് വ്യക്തമാക്കി.എല്ലാവർക്കും സുസ്ഥിരമായ ജലവിതരണ സംവിധാനങ്ങൾ ഉറപ്പാക്കൽ, മലിനീകരണ നിയന്ത്രണം-ശുദ്ധീകരണ സാങ്കേതികവിദ്യകൾ, ജല പുനരുപയോഗം, ഭൂഗർഭജല സംരക്ഷണം, റീചാർജ്, സുസ്ഥിരമായ ഉപയോഗംതുടങ്ങി വിവിധ വിഷയങ്ങളിലാണ് ചർച്ചകൾ നടക്കുന്നത്. എംഎൽഎമാരായ എം.എം. മണി, എ. രാജ, കേരള വാട്ടർ അതോറിറ്റി എം ഡി പി.ബി. നൂഹ് ജില്ലാ കളക്ടർ ഡോ. ദിനേശൻ ചെറുവാട്ട്, കട്ടപ്പന നഗരസഭ വൈസ് ചെയർമാൻ അഡ്വ.കെ.ജെ. ബെന്നി, വാർഡ് കൗൺസിലർ ജാൻസി ബേബി, ആസൂത്രണ സമിതി ഉപാധ്യക്ഷൻ സി.വി. വർഗീസ്, മർച്ചന്‍റ്് അസോസിയേഷൻ പ്രസിഡന്‍റ്് സാജൻ ജോർജ്, കാർഷിക കടാശ്വാസ കമ്മീഷൻ അംഗം ജോസ് പാലത്തിനാൽ, ജലവിഭവ വകുപ്പ് ചീഫ് എൻജിനിയർമാരായ ബിനോയി ടോമി ജോർജ്, വി.കെ. പ്രദീപ്, ഗ്രൗണ്ട് വാട്ടർ വകുപ്പ് ഡയറക്ടർ ഇൻ-ചാർജ് റിനി റാണി, സംഘാടക സമിതി അംഗങ്ങളായ ഇടുക്കി ഗ്രാമവികസന ബാങ്ക് പ്രസിഡൻ്റ് അഡ്വ. മനോജ് എം. തോമസ്, വി. ആർ. ശശി, ജിൻസൺ വർക്കി, ഷാജി നെല്ലിപ്പറമ്പിൽ, ഷാജി പാമ്പൂരി തുടങ്ങിയവർ പങ്കെടുത്തു.

അമ്മയുടെ ദൂരം മറികടന്ന് മകൾ

നെടുങ്കണ്ടം: കായിക താരമായ അമ്മയുടെ ശിക്ഷണത്തിലെത്തിയ നിയ അമ്മയെക്കാൾ ഒരു പടി മുന്നിലെത്തി സ്വർണം നേടി. റവന്യു ജില്ലാ സ്കൂൾ കായികമേളയുടെ സബ് ജൂണിയർ ഷോട്ട്പുട്ടിൽ ആദ്യ ശ്രമത്തിൽത്തന്നെയാണ് നിയയുടെ സുവർണ നേട്ടം. 2000ൽ സബ് ജൂണിയർ മത്സരത്തിൽ അമ്മ ഹണി എറിഞ്ഞു നേടിയ 7.33 മീറ്റർ 7.79 മീറ്ററായി ഉയർത്തിയാണ് നിയയുടെ മുന്നേറ്റം. റവന്യൂ ജില്ലാ കായികമേളയിൽ തുടർച്ചയായി അഞ്ചു തവണയാണ് നിയയുടെ മാതാവ് ഹണി ഷോട്ട്പുട്ടിൽ സ്വർണം നേടിയത്. ഒരു തവണ സംസ്ഥാന ചാന്പ്യനുമായി. പിന്നീട് ഹണി കളം വിട്ടെങ്കിലും ഷോട്ട്പുട്ടും കായിക മത്സരങ്ങളും എന്നും മനസിൽ സൂക്ഷിച്ചിരുന്നു. മക്കളിലൂടെ തന്‍റെ സ്വപ്നം യാഥാർഥ്യമാക്കുക എന്നതായിരുന്നു ഈ അമ്മയുടെ ലക്ഷ്യം. അങ്ങനെയാണ് മൂത്ത മകളായ നിയയുടെ പരിശീലക റോളിൽ അമ്മയെത്തിയത്. രാവിലെ അമ്മയുടെയും വൈകുന്നേരം കായികാധ്യാപികയായ സൂസൻ ജോസഫിന്‍റെയും ശിക്ഷണത്തിലുമാണ് നിയ ആദ്യ മത്സരത്തിന് ഇറങ്ങിയത്. പട്ടം കോളനി സഹകരണ ബാങ്ക് സെക്രട്ടറി റോബിനാണ് പിതാവ്. കട്ടപ്പന ഒസാനാം ഇംഗ്ലീഷ് മീഡിയം സ്കൂൾ വിദ്യാർഥിനിയാണ് നിയ.

റവന്യു ജില്ലാ കായിക മേളയുടെ രണ്ടാം ദിനത്തിൽ കട്ടപ്പന സബ്ജില്ലയുടെ കുതിപ്പ്

നെടുങ്കണ്ടം: ഹൈ ആൾറ്റിറ്റ്യൂഡ് സിന്തറ്റിക് സ്റ്റേഡിയത്തിൽ നടന്ന റവന്യു ജില്ലാ കായിക മേളയുടെ രണ്ടാം ദിനത്തിൽ കട്ടപ്പന സബ്ജില്ലയുടെ കുതിപ്പ്. 283 പോയിന്‍റുമായാണ് കട്ടപ്പനയുടെ മുന്നേറ്റം. 173 പോയിന്‍റുമായി അടിമാലി സബ്ജില്ലയാണ് തൊട്ടരികിൽ. പീരുമേട് സബ്ജില്ല - 80, തൊടുപുഴ - 71, നെടുങ്കണ്ടം - 65, അറക്കുളം - 11 , മൂന്നാർ -1 എന്നിങ്ങനെയാണ് പോയിന്‍റു നില. സ്കൂൾ തലത്തിൽ കാൽവരി ഹൈസ്കൂൾ രണ്ടാം ദിനത്തിലും 104 പോയിന്‍റുമായി ആധിപത്യം തുടർന്നു. എൻആർ സിറ്റി എസ്എൻവി 91 പോയിന്‍റോടെ രണ്ടാമതും ഇരട്ടയാർ സെന്‍റ് തോമസ് 52 പോയിന്‍റുമായി മൂന്നാം സ്ഥാനത്തുമാണ്. ഇന്നലെ മഴ മാറിനിന്നത് താരങ്ങൾക്കും സംഘാടകർക്കും ആശ്വാസമാ യി. ഇതു മൂലം മത്സരങ്ങൾ കൃത്യസമയത്തു പൂർത്തീകരിക്കാനും സാധിച്ചു. ഇന്ന് 1500 മീറ്റർ ഫൈനൽ, 400 മീറ്റർ ഫൈനൽ, റിലേ മത്സരങ്ങളുടെ ഫൈനൽ, ഹാമർ ത്രോ, ട്രിപ്പിൾ ജംപ്, പോൾ വാൾട്ട് എന്നിവ നടക്കും. സമാപന സമ്മേളനത്തിൽ ജില്ലാ പഞ്ചായത്ത് പ്രസിഡന്‍റ് രാരിച്ചൻ നീറണാക്കുന്നേൽ വിജയികൾക്കു ട്രോഫികൾ വിതരണം ചെയ്യും. നെടുങ്കണ്ടം പഞ്ചായത്ത് പ്രസിഡന്‍റ് പ്രീമി ലാലിച്ചൻ അധ്യക്ഷത വഹിക്കും. വന്യൂ ജില്ലാ കായികമേള: തൊട്ടതെല്ലാം പൊന്നാക്കി സഹോദരങ്ങൾ നെടുങ്കണ്ടം: കായികമേളയിൽ രണ്ട് സ്കൂളുകളെ പ്രതിനിധീകരിച്ചാണ് വന്നതെങ്കിലും തൊട്ടതെല്ലാം പൊന്നാക്കി മൂവർ സംഘം ഒരു വീട്ടിലേക്കു മടങ്ങി. കാൽവരിമൗണ്ട് കോനാട്ട് സെബാസ്റ്റ്യൻ - മഞ്ജു ദന്പതികളുടെ മക്കളായ സെബിനും സെറിനും സോബിനും മിന്നും വിജയമാണ് കരസ്ഥമാക്കിയത്. സെബിൻ വെള്ളയാംകുടി സെന്‍റ് ജെറോംസ് എച്ച്എസ്എസിലെ പ്ലസ് ടു വിദ്യാർഥിയാണ്. മേളയിൽ 800 മീറ്ററിൽ ഒന്നാം സ്ഥാനവും 400 മീറ്റർ ഹർഡിൽസിൽ രണ്ടാം സ്ഥാനവും സെബിൻ നേടി. കാൽവരിമൗണ്ട് സിഎച്ച്എസിലെ വിദ്യാർഥികളാണ് സെറിനും സോബിനും. സെറിൻ 100, 200 മീറ്റർ എന്നിവയിൽ ഒന്നാം സ്ഥാനവും 400 മീറ്റർ റിലേയിൽ ഒന്നാം സ്ഥാനവും നേടിയപ്പോൾ സോബിൻ 600 മീറ്റർ ഓട്ടത്തിൽ രണ്ടാം സ്ഥാനവും 400 മീറ്റർ റിലേയിൽ ഒന്നാം സ്ഥാനവും കരസ്ഥമാക്കി. കഴിഞ്ഞ വർഷവും സെബിനും സെറിനും ജില്ലാ കായികമേളയിൽ എത്തിയിരുന്നു. പിതാവായ സെബാസ്റ്റ്യനും മുന്പ് ജില്ലാതല കായികമേളകളിൽ പങ്കെടുത്തിട്ടുണ്ട്. പരിശീലനം റോഡിൽ, നടന്നു സ്വർണം നേടി നെടുങ്കണ്ടം: പരിശീലനം റോഡിലായിരുന്നെങ്കിലും 800, 200 മീറ്റർ മത്സരങ്ങളിൽ അനയിന പി.അജ്മുദീനെ തോൽപ്പിക്കാൻ ആരുമുണ്ടായില്ല. മുണ്ടക്കയം സെന്‍റ് ആന്‍റണീസ് എച്ച്എസ്എസ് വിദ്യാർഥിനായാണ് അനയിന. നിലവിൽ ഹൈറേഞ്ച് സ്പോർട്സ് അക്കാദമിയുടെ പരിശീലന ഗ്രൗണ്ടിൽ അറ്റകുറ്റപ്പണികൾ നടക്കുന്നതിനാൽ ചുട്ടുപൊള്ളുന്ന റോഡിലൂടെ പരിശീലനം നടത്തേണ്ടി വന്നു ഈ മിടുക്കിക്ക്. കഴിഞ്ഞ വർഷം 600 മീറ്ററിൽ രണ്ടാം സ്ഥാനം നേടിയിരുന്നു. കായികാധ്യാപകൻ സന്തോഷ് ജോർജാണ് പരിശീലകൻ. സ്പോർട്സ് അക്കാദമിയുടെ നാഷണൽ സ്പോർട്സ് മീറ്റിലും സ്റ്റേറ്റ് മീറ്റിലും മികച്ച വിജയം കൈവരിക്കാൻ അനയിനക്ക് സാധിച്ചു. അജ്മുദീൻ - ശെമീന ദന്പതികളുടെ മകളാണ്.

ആവേശപ്പെരുമയിൽ..

നെടുങ്കണ്ടം: പുതിയ ദൂരവും ഉയരവും തേടി നെടുങ്കണ്ടം ഹൈആൾട്ടിറ്റ്യൂഡ് സിന്തറ്റിക് സ്റ്റേഡിയത്തിൽ 18-ാമതും റവന്യൂ ജില്ലാ സ്കൂൾ കായികമേളയ്ക്ക് ഉജ്വല തുടക്കം. തോരാമഴയ്ക്കും ന്യൂജൻ പോരാട്ടത്തിന്‍റെ ആവേശം ഒട്ടും കുറയ്ക്കാനായില്ല. ആദ്യദിന മത്സരങ്ങൾ പൂർത്തിയായപ്പോൾ കട്ടപ്പന ഉപജില്ല ട്രാക്കിലും ഫീൽഡിലും മുന്നിലാണ്. കട്ടപ്പന വിദ്യാഭ്യാസ ഉപജില്ല 142 പോയിന്‍റോടെ മുന്നിലാണ്. 80 പോയിന്‍റോടെ അടിമാലി തൊട്ടുപിന്നിൽ. കാൽവരി മൗണ്ട് സ്കൂളുകളിൽ കാൽവരിമൗണ്ട് ഹൈസ്കൂൾ 47 പോയന്‍റോടെ മുന്നിൽ നിൽക്കുന്നു. എസ്എൻവിഎൻ ആർസിറ്റി 29 പോയിന്‍റോടെ രണ്ടാമത്. ജില്ലയിലെ ഏഴു സബ് ജില്ലകളിൽനിന്നായി 2500 കായികതാരങ്ങളാ ണ് മേളയിൽ പങ്കെടുക്കുന്നത്. സബ് ജൂണിയർ, ജൂണിയർ, സീനിയർ എന്നീ വിഭാഗങ്ങളിലാണ് മത്സരങ്ങൾ. ജില്ലാ വിദ്യാഭ്യാസ ഓഫിസർ പി.സി. ഗീത പതാകയുയർത്തി. തുടർന്നു നടന്ന സമ്മേളനത്തിൽ എം.എം. മണി എംഎൽഎ മേള ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് പ്രിമി ലാലിച്ചൻ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് കെ.ടി. കുഞ്ഞ് മുഖ്യപ്രഭാഷണം നടത്തി. നെടുങ്കണ്ടം എഇഒ സി. ജെൻസിമോൾ, ബിജു ജോർജ്, വിവിധ സംഘടനാ ഭാരവാഹികൾ തുടങ്ങിയവർ പ്രസംഗിച്ചു. മീറ്റിലെ വേഗമേറിയ താരത്തെ കണ്ടെത്താനുള്ള നൂറു മീറ്റർ മത്സരത്തോടെയായിരുന്നു കായികമേളയ്ക്ക് തുടക്കം. കനത്ത മഴ മൂലം ഒരു മണിക്കൂറോളം വൈകിയാണ് മത്സരങ്ങൾ ആരംഭിച്ചത്. ആഫിയയെ വെല്ലാൻ ആരുമില്ല നെടുങ്കണ്ടം: ജൂണിയർ വിഭാഗം ലോംഗ് ജംപിൽ ആഫിയ ആൻ ജിജി ഒന്നാം സ്ഥാനം നേടുന്നത് തുടർച്ചയായി നാലാം തവണ. മുണ്ടക്കയം സെന്‍റ് ആന്‍റണീസ് സ്കൂളിലെ പത്താം ക്ലാസ് വിദ്യാഥിനിയാണ്.

കഴിഞ്ഞ തവണ ഹൈജംപ്, ട്രിപ്പിൾ ജംപ്, ഹർഡിൽസ് എന്നിവയിൽ എതിരാളികളെ നിഷ്പ്രഭരാക്കി ഒന്നാം സ്ഥാനം നേടിയിരുന്നു. ഇത്തവണയും ഈ ഇനങ്ങളിൽ മൽസരിക്കുന്നുണ്ട്. മുണ്ടക്കയം പുലികുഴി വെട്ടികിഴക്കേതിൽ ജിജിമോൻ-സുലു ദന്പതികളുടെ മകളാണ്. മുണ്ടക്കയം ഹൈറേഞ്ച് സ്പോർട്സ് അക്കാദമിയിലെ സന്തോഷ് ജോർജാണ് അഫിയയുടെ പരിശീലകൻ. വേഗത്തേരിൽ ഷാഹിനും സെറിനും നെടുങ്കണ്ടം: ഹൈആൾട്ടിറ്റ്യൂഡ് സിന്തറ്റിക് സ്റ്റേഡിയത്തിൽ നടന്ന 100 മീറ്റർ മത്സരം "ഹൈ'റേഞ്ചിൽ. മീറ്റിൽ ഷാഹിനും സെറിനും വേഗ താരങ്ങളായി. സീനിയർ 100 മീറ്ററിൽ 11.30 സെക്കന്‍റിലാണ് ഷാഹിൻ ഷൗക്കത്ത് കുതിച്ചെത്തിയത്. കഴിഞ്ഞ വർഷം 400, 100 മീറ്ററിലും രണ്ടാം സ്ഥാനവും 200 മീറ്ററിൽ ഒന്നാം സ്ഥാനവും നേടിയിരുന്നു. അടിമാലി എസ്എൻ ഡിപിവിഎച്ച്സിയിലെ വിദ്യാർഥിയും ഷൗക്കത്ത്-സിൽനിന ദന്പതികളുടെ മകനുമാണ്.

പെണ്‍കുട്ടികളുടെ 100 മീറ്ററിൽ വേഗമേയ താരമായ സെറിൻ കെ.സെബാസ്റ്റ്യൻ. 13.71 മിനിറ്റിലാണ് സുവർണ നേട്ടം സ്വന്തമാക്കിയത്. 2023ലും ഈ മിടുക്കി വേഗമേറിയ താരമായിരുന്നു. കാൽവരിമൗണ്ട് സ്കൂളിലെ ഒന്പതാം ക്ലാസ് വിദ്യാർഥിനിയാണ്. സെറിന്‍റെ രണ്ടു സഹോദരങ്ങളും കായിക താരങ്ങളാണ്. പ്ലസ്ടു വിദ്യാർഥിയായ മൂത്ത സഹോദരൻ സോബിൻ 600 മീറ്റർ റിലേയിൽ രണ്ടാം സ്ഥാനവും ഇളയ സഹോദരൻ ഏഴാം ക്ലാസ് വിദ്യാർഥിയായ സെബിൻ സെബിൻ ജൂണിയർ വിഭാഗം 100 മീറ്ററിൽ ഒന്നാമതുമെത്തിയിരുന്നു. കാൽവരിമൗണ്ട് കോനാട്ട് സെബാസ്റ്റ്യൻ-മഞ്ജു ദന്പതികളുടെ മക്കളാണ് ഇവർ. ട്രാക്കിൽ കായികാധ്യാപകരുടെ പ്രതിഷേധപ്രകടനം നെടുങ്കണ്ടം: ട്രാക്കിൽ കായികാധ്യാപകരുടെ പ്രതിഷേധ പ്രകടനം. കാലങ്ങളായി കായികാധ്യാപകർ ഉന്നയിക്കുന്ന പ്രശ്നങ്ങൾക്ക് പരിഹാരം ഉണ്ടാകാത്ത സാഹചര്യത്തിലാണ് റവന്യൂ ജില്ലാ സ്കൂൾ കായിക മേള നടക്കുന്ന നെടുങ്കണ്ടം സിന്തറ്റിക് സ്റ്റേഡിയത്തിൽ ഇവർ പ്രതിഷേധ പ്രകടനം നടത്തിയത്. ഉദ്ഘാടന സമ്മേളനം അവസാനിച്ച ഉടനെ ബാനറുമായി കായികാധ്യാപകർ ട്രാക്കിൽ ഇറങ്ങി.

സർക്കാർ, എയ്ഡഡ് വിദ്യാലയങ്ങൾക്ക് ഒരുപോലെ ബാധകമാകുന്ന വിധം കായികാധ്യാപകർക്ക് സംരക്ഷണ ഉത്തരവ് പുനഃസ്ഥാപിക്കുക, യുപി, ഹൈസ്കൂൾ തസ്തിക നിർണയ മാനദണ്ഡങ്ങൾ കാലോചിതമായി പരിഷ്കരിക്കുക, ഹയർ സെക്കൻഡറിയിൽ തസ്തികകൾ അനുവദിച്ച് പ്രമോഷനും നിയമനവും നൽകുക തുടങ്ങിയ ആവശ്യങ്ങൾ ഉന്നയിച്ചാണ് സംയുക്ത കായികാധ്യാപക സംഘടന സമരം നടത്തിയത്. ഇവരുടെ പ്രതിഷേധ പ്രകടനം അവസാനിച്ച ശേഷമാണ് മത്സരങ്ങൾ ആരംഭിച്ചത്. ഉന്നതിയുടെ അഭിമാനമായി ലയ നെടുങ്കണ്ടം: ആദിവാസി ഉന്നതിയിൽനിന്നുമെത്തിയ ലയ സുനിൽ ജൂണിയർ പെണ്‍കുട്ടികളുടെ 600 മീറ്റർ ഓട്ടത്തിൽ വെന്നിക്കൊടി പാറിച്ചു. പരാധീനതയുടെ നടുവിൽനിന്നെത്തിയ ലയ ലോംഗ് ജംപിലും 4.17 മീറ്റർ ദൂരം ചാടി ഒന്നാംസ്ഥാനം കരസ്ഥമാക്കിയിരുന്നു. സേനാപതി മാർ ബേസിൽ വൊക്കേഷണൽ ഹയർ സെക്കൻഡറി സ്കൂളിലെ ഒന്പതാം ക്ലാസ് വിദ്യാർഥിനിയാണ്.

ഒട്ടാത്തി സെറ്റിൽമെന്‍റ് കോളനിയിൽ എട്ട് കുടുംബങ്ങളാണുള്ളത്. നന്നേ ചെറുപ്പത്തിൽ ഫുട്ബോളിൽ ഏറെ തത്പരയായിരുന്ന ലയ കൂട്ടുകാർക്കൊപ്പം പ്ലാസ്റ്റിക് പന്തിൽ കളിച്ചാണ് വളർന്നത്. മകളെ വലിയ കായികതാരമാക്കണമെന്നായിരുന്നു മാതാപിതാക്കളുടെ മോഹം. എന്നാൽ, ഫുട്ബോളറാകാനായിരുന്നു ലയയുടെ ആഗ്രഹം. സ്കൂളിലെ കായികാധ്യാപകനായ എബിൻ ഈ താരത്തിന്‍റെ പ്രതിഭ തിരിച്ചറിഞ്ഞ് വഴിതിരിച്ചുവിടുകയായിരുന്നു. മുൻ വർഷങ്ങളിലും സബ്ജില്ലാ മത്സരങ്ങളിൽ പങ്കെടുത്തു സമ്മാനങ്ങൾ നേടിയിട്ടുണ്ടെങ്കിലും റവന്യു ജില്ലാ കായികമേളയിൽ പങ്കെടുക്കുന്നതും ഒന്നാം സ്ഥാനം നേടുന്നതും ആദ്യമാണ്. ഫുട്ബോൾ സംസ്ഥാന മത്സരത്തിൽ കഴിഞ്ഞ മൂന്നു വർഷങ്ങളായി പങ്കെടുക്കുന്ന ലയ ഇത്തവണ തിരുവനന്തപുരത്തു നടക്കുന്ന സംസ്ഥാന ഹാൻഡ് ബോൾ മത്സരത്തിൽ മാറ്റുരയ്ക്കാനുള്ള തയാറെടുപ്പിലാണ്. രാജാക്കാട് മാങ്ങാതൊട്ടി ഒട്ടാത്തി ഉന്നതിയിലെ സുനിലിന്‍റെയും ബീനയുടെയും മകളാണ്. മോശം കാലാവസ്ഥ: വിമർശിച്ച് എം.എം. മണി നെടുങ്കണ്ടം: കാലാവസ്ഥ മനസിലാക്കാതെ കായികമേള സംഘടിപിച്ച ഉദ്യോഗസ്ഥർക്കെതിരേ രൂക്ഷവിമർശനവുമായി എം.എം മണി എംഎൽഎ.മുൻകാലങ്ങളിൽ കാലാവസ്ഥ നോക്കിയാണ് ഇത്തരം മേളകൾ സംഘടിപ്പിച്ചിരുന്നത്. ഇത് തട്ടിപ്പുപരിപാടിയാണ്. ഉദ്യോഗസ്ഥരുടെ ഒരു പണിയായിപ്പോയി. മഴ നനഞ്ഞ് കുട്ടികൾ ഓടിയും ചാടിയും പനി പിടിക്കാനും ടൈഫോയിഡ് പോലുള്ള രോഗങ്ങൾ പിടിപെടാൻ സാധ്യതയുണ്ടെന്നും എം.എം.മണി പറഞ്ഞു.

വർണം വിതറി ന്യൂജെൻ പൂരം

തൊടുപുഴ: കലയുടെ മുന്തിരിത്തോപ്പിൽ വർണ ശലഭങ്ങൾ പറന്നിറങ്ങി. ന്യൂജെൻ പൂരത്തിൽ ശ്രുതി, താള, ലയ മാധുരിയിൽ ആസ്വാദകരുടെ ഹൃദയം നിറഞ്ഞു തുളുന്പി. നൃത്ത-നൃത്തേതര ഇനങ്ങളിൽ വീറും വാശിയും മുറ്റിയ പോരാട്ടമാണ് അരങ്ങേറിയത്. തൊടുപുഴ വിമല പബ്ലിക് സ്കൂളിൽ ആരംഭിച്ച സെൻട്രൽ കേരള സഹോദയ കലോത്സവം സർഗധ്വനി -2025 ന്‍റെ ആദ്യ ദിനം മത്സരങ്ങൾ പൂർത്തിയായപ്പോൾ 500 പോയിന്‍റ് നേടി മൂവാറ്റുപുഴ നിർമല പബ്ലിക് സ്കൂൾ ഒന്നാമതും 421 പോയിന്‍റോടെ വാഴക്കുളം കാർമൽ പബ്ലിക് സ്കൂൾ രണ്ടാമതും 380 പോയിന്‍റോടെ തൊടുപുഴ വിമല പബ്ലിക് സ്കൂൾ മൂന്നാം സ്ഥാനത്തുമാണ്. കൂത്താട്ടുകുളം മേരിഗിരി പബ്ലിക് സ്കൂളും വാളകം ബ്രൈറ്റ് പബ്ലിക് സ്കൂളും 314 എന്നി പോയിന്‍റുകളുമായി തൊട്ടുപിന്നിലുണ്ട്. ഇന്നലെ 41 മത്സരങ്ങളാണ് നടന്നത്. മത്സരഫലങ്ങൾ ഇനിയും പുറത്തുവരാ നുള്ളതിനാൽ പോയിന്‍റുനിലയിൽ മാറ്റും വരും. മാർഗംകളിയിൽ വാഴക്കുളം വൈബ് തൊടുപുഴ: മാർഗംകളിയിൽ വെന്നിക്കൊടി പാറിച്ച് വാഴക്കുളം കാർമൽ സിഎംഐ പബ്ലിക് സ്കൂൾ. കഴിഞ്ഞ വർഷം സഹോദയ കലോത്സവത്തിൽ മൂന്നാം സ്ഥാനത്തായ സ്കൂൾ ഇത്തവണ ചിട്ടയായ പരിശീലനത്തിലൂടെയാണ് ഒന്നാം സ്ഥാനം കൈപ്പിടിയിലൊതുക്കിയത്.

വർഷങ്ങളായി മാർഗംകളി പരിശീലിപ്പിക്കുന്ന ബിജു മൂലമറ്റമാണ് നാലു മാസത്തെ പരിശീലനം നൽകിയത്. ഗൗരി കൃഷ്ണ, റിച്ച എലിസ് ജിജോ, മീനാക്ഷി ഷിബി, ഇസബൽ സൻജോയ്, ആർദ്ര പി. അനിൽ, മഹിത സി. ബിനു, ഗായത്രി എസ്. നായർ എന്നിവരാണ് സംഘത്തിലുണ്ടായിരുന്നത്. 32 വർഷമായി മാർഗംകളി പരിശീലിപ്പിക്കുന്ന ബിജു മൂലമറ്റം ഇഎംഎച്ച്എസ്എസിലെ നൃത്താധ്യാപകൻ കൂടിയാണ്. അരങ്ങുണർത്തി അമൃത വിദ്യാലയം തൊടുപുഴ: സംഘനൃത്തം കാറ്റഗറി -2 വിഭാഗത്തിൽ ആദ്യ മത്സരത്തിൽതന്നെ ഒന്നാം സ്ഥാനം നേടിയെടുത്തതിന്‍റെ ആഹ്ലാദത്തിലാണ് പെരുന്പാവൂർ അമൃത വിദ്യാലയം. പരിശീലകനായ വിനോദ് പാലക്കാട് ഏഴു ദിവസത്തെ പരിശീലനം മാത്രമാണ് ഇവർക്കു നൽകിയത്.

ശാസ്ത്രീയ നൃത്തം അഭ്യസിക്കുന്ന കുട്ടികൾ ബാക്കി സമയങ്ങളിൽ അധ്യാപകരുടെ സഹായത്തോടെ പരിശീലനം പൂർത്തിയാക്കിയാണ് വേദിയിൽ എത്തിയത്. സഹോദയയിലെ ആദ്യ മത്സരത്തിൽതന്നെ മറ്റ് സ്കൂളുകളെ പിന്തള്ളി ഒന്നാം സ്ഥാനം നേടി. സി.എസ്. ദേവനന്ദ, അനന്തലക്ഷ്മി എസ്.പ്രദീപ്, ഋഷിക എം.നായർ, സാന്ദ്ര സന്ദീപ്, ദേവന കാർത്തിക, നിവേദ സജീഷ്, നിഹാരിക സായൂജ് എന്നിവരാണ് ടീമിലുണ്ടായിരുന്നത്. താരശോഭയിൽ അന്ന മരിയ തൊടുപുഴ: സിനിമയിലെ തിളക്കം കലോത്സവ വേദിയിലും ആവർത്തിച്ച അന്ന മരിയ ജോബി. കാറ്റഗറി -4 പെണ്‍കുട്ടികളുടെ മോണോആക്ടിൽ മൂന്നാം തവണയും അന്ന ജൈത്ര യാത്ര തുടർന്നു. തൊടുപുഴ ഡി പോൾ പബ്ലിക് സ്കൂളിലെ പ്ലസ് വണ്‍ വിദ്യാർഥിനി കൂടിയായ അന്ന ഏഴ് ചിത്രങ്ങളിൽ അഭിനയിച്ചിട്ടുണ്ട്.

സ്വർഗം, മധുരരാജ, മാർക്കോണി മത്തായി, ഇര, ബ്രദേഴ്സ് ഡേ, ഞാൻ മേരിക്കുട്ടി, തമിഴ് ചിത്രമായ പേട്ടറാപ്പ് എന്നി സിനിമകളിൽ അഭിനയിച്ചിട്ടുണ്ട്. അവതാരകയായും മിന്നും പ്രകടനമാണ് മഞ്ചാടി ജോബി എന്നറിയപ്പെടുന്ന ഈ മിടുക്കി കാഴ്ച വച്ചിട്ടുള്ളത്. ട്രാൻസ്ജെൻഡേഴ്സിന്‍റെ നൊന്പരങ്ങൾ ഭാവതീവ്രതയോടെ അവതരിപ്പിച്ചാണ് ഒന്നാം സ്ഥാനം നേടിയത്. നൗഷാദ് കലാഭവൻ ആണ് ഗുരു. കൊച്ചുപറന്പിൽ അഡ്വ. ജോബി ജോർജ് - ജോസ്ന ദന്പതികളുടെ മകളാണ്. തബലയിൽ മാധവനാദം തൊടുപുഴ: 25 വർഷമായി ആയിരക്കണക്കിനു പ്രതിഭകളെ രൂപപ്പെടുത്തിയ സുനിൽ കുമാർ തൊടുപുഴയുടെ ശിക്ഷണത്തിലെത്തിയ എം. മാധവിന് കാറ്റഗറി -3 തബലയിൽ ഒന്നാം സ്ഥാനത്തോടെ മിന്നും നേട്ടം. തൊടുപുഴ വിമല പബ്ലിക സ്കൂളിലെ ഒന്പതാം ക്ലാസ് വിദ്യാർഥിയാണ് മാധവ്. മണക്കാട് പുത്തൻപുരയിൽ റിട്ട. വില്ലേജ് ഓഫീസർ പി.എസ്. മുരളി - വിനീത ദന്പതികളുടെ മകനാണ്.

മണക്കാട് വേട്ടർകുന്നേൽ സുനിൽ കുമാർ വീടിനോടു ചേർന്നു കുട്ടികളെ വാദ്യഉപകരണങ്ങൾ പരിശീലിപ്പിച്ചു വരികയാണ്. ഇദ്ദേഹത്തിന്‍റെ ശിക്ഷണത്തിൽ റവന്യു ജില്ല, സിബിഎസ്ഇ കലോത്സവങ്ങളിൽ മാറ്റുരച്ചവർ നിരവധി. ചക്കപ്പഴ മധുരവുമായി കുഞ്ഞുണ്ണിയെത്തി തൊടുപുഴ: മലയാളികളെ ഏറെ ചിരിപ്പിച്ച ഹാസ്യ പരന്പരയായ ചക്കപ്പഴം എന്ന സീരിയലിൽ കുഞ്ഞുണ്ണി എന്ന പേരിൽ മികച്ച പ്രകടനം കാഴ്ച വച്ച സിനിമ സീരിയിൽ താരം അമൽരാജ് ദേവും കലോത്സവത്തിനെത്തി. തൃപ്പൂണിത്തുറ എംജിഎം പബ്ലിക് സ്കൂൾ വിദ്യാർഥിയായ അഗ്രേഷ് ദേവിനൊപ്പമാണ് ഇദ്ദേഹമെത്തിയത്. നാടോടി നൃത്തത്തിൽ രണ്ടാം സ്ഥാനം നേടിയത് ഈ ബാലതാരമാണ്.

ഹാഫ് എന്ന സിനിമയിലും മോഹൽലാലിനൊപ്പം പരസ്യ ചിത്രത്തിലും അഗ്രേഷ് അഭിനയിച്ചിട്ടുണ്ട്. നിലവിൽ സംപ്രേഷണം ചെയ്തുവരുന്ന സീരിയലുകളിലും സിനിമകളിലും അമൽരാജ് അഭിനയിച്ചു വരുന്നു. ഒടുവിൽ പുറത്തിറങ്ങിയത് ഹൃദയപൂർവം എന്ന സിനിമയാണ്. അപ്പീലിൽ കസറി വിമല തൊടുപുഴ: കഴിഞ്ഞ ദിവസം നടന്ന ബാന്‍റ് ഡിസ്പ്ലേ മത്സരത്തിൽ അപ്പീലിലൂടെ വിമല പബ്ലിക് സ്കൂളിന് ഒന്നാം സ്ഥാനം. മത്സര ഫലം പുറത്തു വന്നപ്പോൾ വിമല പബ്ലിക് സ്കൂളിന് രണ്ടാം സ്ഥാനമായിരുന്നു. എന്നാൽ അപ്പീലിലൂടെ മൂവാറ്റുപുഴ നിർമല പബ്ലിക് സ്കൂളിനൊപ്പം വിമല സ്കൂളും ഒന്നാം സ്ഥാനം പങ്കിടുകയായിരുന്നു.

അടിസ്ഥാന സൗകര്യങ്ങളില്ല: ഇടുക്കി മെഡി. കോളജിൽ നഴ്സിംഗ് വിദ്യാർഥികളുടെ സമരം

ചെറുതോണി: ഇടുക്കി മെഡിക്കൽ കോളജിനോടനുബന്ധിച്ച് ആരംഭിച്ച ഗവ. നഴ്സിംഗ് വിദ്യാർഥികൾക്ക് അടിസ്ഥാന സൗകര്യങ്ങളൊരുക്കണമെന്നാവശ്യപ്പെട്ട് വിദ്യാഥികളും രക്ഷിതാക്കളും മെഡിക്കൽ കോളജ് പ്രിൻസിപ്പൽ ഓഫീസിന് മുന്നിൽ അനിശ്ചിതകാല സമരം ആരംഭിച്ചു. രണ്ട് ബാച്ചിലായി 120 വിദ്യാർഥികൾ പഠിക്കുന്ന നഴ്സിംഗ് സ്കൂളിൽ താമസസൗകര്യമൊരുക്കാൻ സർക്കാർ തയാറാകാത്തതിൽ പ്രതിഷേധിച്ചാണ് സമരമാരംഭിച്ചത്. മെഡിക്കൽ കോളജിന് സമീപമുണ്ടായിരുന്ന പഴയ സ്കൂൾ കെട്ടിടത്തിലാണ് നിലവിൽ പെൺകുട്ടികൾ താമസിക്കുന്നത്. ഒരു ചെറിയ മുറിയിൽ 15ലധികം വിദ്യാർഥികളാണ് താമസിക്കുന്നത്. യാതൊരു സൗകര്യവുമില്ലാതെ വിദ്യാർഥികൾ നരകയാതന അനുഭവിക്കുകയാണെന്നാണ് ഇവർ ആരോപിക്കുന്നത്. ആൺകുട്ടികൾ സമീപ പ്രദേശത്തുള്ള വീടുകളിൽ പേയിംഗ് ഗസ്റ്റായും താമസിക്കുന്നു. നവംബറിൽ മൂന്നാമത്തെ ബാച്ചിലെ 60 വിദ്യാർഥികൾകൂടി ഇവിടെ പഠനത്തിനായി എത്തും. അടിസ്ഥാനസൗകര്യങ്ങൾ ഒരുക്കണമെന്നാവശ്യപ്പെട്ട് 2024 ഡിസംബർ 20ന് സൂചനാ സമരം നടത്തിയിരുന്നു. അന്നു മുതൽ പലതവണ മെഡിക്കൽ കോളജിലെത്തിയ ആരോഗ്യമന്ത്രി വീണാ ജോർജും ജില്ലയുടെ ചുമതല വഹിക്കുന്ന മന്ത്രി റോഷി അഗസ്റ്റിനും ഹോസ്റ്റലുൾപ്പെടെയുള്ള എല്ലാ സൗകര്യങ്ങളും എത്രയും വേഗം ഒരുക്കുമെന്ന് വാഗ്ദാനം ചെയ്തതല്ലാതെ മറ്റൊന്നും സംഭവിച്ചില്ലെന്നാണ് വിദ്യാർഥികളും രക്ഷിതാക്കളും ആരോപിക്കുന്നത്. ആവശ്യത്തിന് അധ്യാപകരോ ലാബ് സൗകര്യങ്ങളോ വാഹന സൗകര്യമോ ഒന്നും ഇവിയെയില്ല. 21ന് പ്രാക്ടിക്കൽ പരീക്ഷ നടക്കാനിരിക്കെയാണ് വിദ്യാർഥികൾ അനിശ്ചിതകാല സമരം ആരംഭിച്ചിരിക്കുന്നത്. രാവിലെ നഴ്സിംഗ് സ്കൂളിന് മുന്നിൽനിന്നു വിദ്യാർഥികളും രക്ഷിതാക്കളും പ്രകടനമായി മെഡിക്കൽ കോളജ് ആശുപത്രിയിലെത്തി. മണിക്കൂറുകൾ അത്യാഹിത വിഭാഗത്തിന് മുന്നിൽ കുത്തിയിരുന്ന് സമരം നടത്തിയശേഷം പ്രകടനമായി പ്രിൻസിപ്പൽ ഓഫീസിന് മുന്നിൽ തയാറാക്കിയ പന്തലിലെത്തി സമരം തുടരുകയായിരുന്നു. ആവശ്യങ്ങൾ പരിഹരിക്കാതെ സമരത്തിൽനിന്ന് പിൻമറില്ലെന്നാണ് വിദ്യാർഥികളും രക്ഷിതാക്കളും മുന്നറിയിപ്പ് നൽകിയിരിക്കുന്നത്. എൻഎസ്എ ചെയർമാൻ ഷെറിൻ രാജു, കെബിൻഎസ്എ പ്രസിഡന്‍റ്് അലീന ജോൺ, യൂണിയൻ ചെയർപേഴ്സൺ ദേവിക ബിനോയി, പിടിഎ പ്രതിനിധികൾ തുടങ്ങിയവർ സമരത്തിന് നേതൃത്വം നൽകി.

ഫാ. ജോസ് പ്ലാച്ചിക്കൽ പൗരോഹിത്യ സുവർണ ജൂബിലി നിറവിൽ

ചെറുതോണി: പ്രതിബദ്ധതകൊണ്ടു കർമമേഖലകളിൽ ശ്രദ്ധേയനായ ഇടുക്കി മുൻ മുഖ്യ വികാരി ജനറാൾ ഫാ. ജോസ് പ്ലാച്ചിക്കലിന്‍റെ പൗരോഹിത്യ സുവർണ ജൂബിലി ആഘോഷം നാളെ നടക്കും. ഉച്ചകഴിഞ്ഞ് രണ്ടിന് തങ്കമണി സെന്‍റ് തോമസ് ഫൊറോന പള്ളിയിൽ ഫാ. പ്ലച്ചിക്കലിന്‍റെ മുഖ്യ കാർമികത്വത്തിൽ കൃതജ്ഞതാ ബലി അർപ്പിക്കും. തുടർന്ന് ഇടുക്കി മെത്രാൻ മാർ ജോണ്‍ നെല്ലിക്കുന്നേൽ അധ്യക്ഷത വഹിക്കുന്ന പൊതുസമ്മേളനം കർദിനാൾ മാർ ജോർജ് ആലഞ്ചേരി ഉദ്ഘാടനം ചെയ്യും. മാർ ജോർജ് പുന്നക്കോട്ടിൽ അനുഗ്രഹ സന്ദേശം നൽകും. മന്ത്രി റോഷി അഗസ്റ്റിൻ, അഡ്വ. ഡീൻ കുര്യാക്കോസ് എംപി, മുൻ എംപി അഡ്വ. ജോയ്സ് ജോർജ്, സി.വി. വർഗീസ്, സിസ്റ്റർ പ്രദീപ സിഎംസി എന്നിവർ പ്രസംഗിക്കും. 1948ൽ ജനിച്ച അദ്ദേഹം 1965ൽ വൈദിക പരിശീലനം ആരംഭിച്ചു. പൂന പേപ്പൽ സെമിനാരിയിൽ വൈദിക പരിശീലനം പൂർത്തിയാക്കി 1975ൽ പട്ടം സ്വീകരിച്ചു. ഇംഗ്ലണ്ടിലെ എഡിൻബറോ യൂണിവേഴ്സിറ്റി, പൂന ഫിലിം ഇൻസ്റ്റിറ്റ്യൂട്ട്, റോമിലെ ഗ്രിഗോറിയൻ യൂണിവേഴ്സിറ്റി എന്നിവിടങ്ങളിൽ നിന്നായി കമ്യൂണിക്കേഷനിൽ ബിരുദ പഠനം പൂർത്തിയാക്കി. തൊടുപുഴ, മുതലക്കോടം പള്ളികളിൽ സഹവികാരിയായി ശുശ്രൂഷ ആരംഭിച്ച അദ്ദേഹം കോതമംഗലം രൂപത ചെറുപുഷ്പ മിഷൻ ലീഗ് ഡയറക്ടറായി. പാലാരിവട്ടം പിഒസിയിൽ ’താലന്ത് ’ മാസികയുടെ എഡിറ്ററായും കെസിബിസി മാധ്യമ കമ്മീഷൻ സെക്രട്ടറിയായും ശുശ്രൂഷ ചെയ്തു. കെസിബിസി അഖിലകേരള നാടക മത്സരം ജോസച്ചൻ കലാകേരളത്തിന് നൽകിയ സംഭാവനയാണ്. തുടർന്ന് ഡൽഹിയിൽ സിബിസിഐയുടെ മാധ്യമ കമ്മീഷൻ അംഗമായി സേവനം ചെയ്യുന്പോൾ അദ്ദേഹം ആരംഭിച്ച മാധ്യമ പരിശീലന കേന്ദ്രമാണ് നിസ്കോർട്ട്. ചെമ്മണ്ണാർ, വെള്ളയാംകുടി പള്ളികളുടെ വികാരിയായും സേവനം ചെയ്തു. ഇടുക്കി രൂപതയുടെ വികാരി ജനറാളായി നിയോഗിക്കപ്പെട്ടത് 2017 ലാണ്. രണ്ടു ബിഷപ്പുമാർക്കൊപ്പം എട്ടു വർഷം ചടുലവും അനുകരണനീയവുമായ പ്രവർത്തനങ്ങൾക്ക് അദ്ദേഹം നേതൃത്വം നൽകി. ഇടുക്കിയിലെ സാമൂഹിക വിഷയങ്ങളിലും കർഷകർക്ക് വേണ്ടിയുള്ള അവകാശ പോരാട്ടങ്ങളിലും മുൻപന്തിയിൽ നിന്നു. ഇപ്പോൾ പഴയരികണ്ടം പള്ളിയുടെ വികാരിയാണ്.

നഗരസഭകളിലെ സംവരണവാർഡുകൾ

തൊടുപുഴ: ജില്ലയിലെ നഗരസഭകളിലെ സംവരണ വാർഡുകൾ ഇന്നലെ നറുക്കെടുപ്പിലൂടെ തെരഞ്ഞെടുത്തു. പഞ്ചായത്തുകളിലെ നറുക്കെടുപ്പ് കഴിഞ്ഞദിവസം പൂർത്തിയായിരുന്നു. എട്ട് ബ്ലോക്ക് പഞ്ചായത്തുകളിലെ നറുക്കെടുപ്പ് നാളെ 10 മുതൽ കളക്ടറേറ്റ് കോണ്‍ഫറൻസ് ഹാളിൽ നടക്കും. 21ന് ആണ് ജില്ലാ പഞ്ചായത്തിലെ സംവരണ വാർഡുകൾ നിശ്ചയിക്കുന്നതിനുള്ള നറുക്കെടുപ്പ് നടക്കുക. തൊടുപുഴ നഗരസഭ -38 വനിതാ സംവരണം: 3 -വേങ്ങത്താനം, 7-ബിഎച്ച്എസ്, 9-പെട്ടെനാട്, 11-ഹോളിഫാമിലി, 12-കാരൂപ്പാറ, 13-കുന്നം, 18-കുമ്മംകല്ല്, 19-മലേപ്പറന്പ്, 20-വലിയജാരം, 24-ഉറുന്പിൽപാലം, 25-മാരംകുന്ന്, 26-കാഞ്ഞിരമറ്റം, 28-പെരുക്കോണി, 29-കോതായിക്കുന്ന്, 31-നടുക്കണ്ടം, 33-അമരംകാവ്, 36-ചുങ്കം, 37-റിവർവ്യൂ പട്ടികജാതി വനിത: 4-മടത്തിക്കണ്ടം പട്ടികജാതി: 21-കീരികോട് കട്ടപ്പന നഗരസഭ -35 വനിതാ സംവരണം: 2-നിർമലാസിറ്റി, 5 - വെള്ളയാംകുടി, 7-നത്തുകല്ല്, 9-പേഴുംകവല, 10-വലിയപാറ, 12-കൊച്ചുതോവാള, 13-ആനകുത്തി, 16-അന്പലപ്പാറ, 18-കുന്തളംപാറ നോർത്ത്, 19-കുന്തളംപാറ സൗത്ത്, 20-കട്ടപ്പന വെസ്റ്റ്, 24-മേട്ടുക്കുഴി, 25-കടമാക്കുഴി, 26-വള്ളക്കടവ്, 29-ഐടിഐ, 31-ഗവ.കോളജ്, 35-കൗന്തി) പട്ടികജാതി വനിത: 14-പാറക്കടവ് പട്ടികജാതി: 28-തൊവരയാർ.

ലെൻസ് മോഷ്ടിച്ച കേസ്: പ്രതിപിടിയിൽ

തൊടുപുഴ: രണ്ട് ലക്ഷം രൂപ വില വരുന്ന രണ്ട് കാമറ ലെൻസുകൾ കവർന്ന കേസിലെ മുഖ്യപ്രതി പോലീസ് പിടിയിലായി. മൂവാറ്റുപുഴ പേഴക്കാപ്പിള്ളി പാലത്തിങ്കൽ ഷാഹുൽ ഹമീദിനെയാണ് തൊടുപുഴ ഡിവൈഎസ്പിയുടെ സ്പെഷൽ സ്ക്വാഡ് പാലക്കാടുനിന്നു പിടികൂടിയത്. കഴിഞ്ഞ മാസമാണ് കേസിനാസ്പദമായ സംഭവം. കോലാനി ഭാഗത്ത് വെഡിംഗ് സെന്‍റർ നടത്തുന്ന ശ്രീജിത്തിന്‍റെ കാമറയുടെ രണ്ട് ലക്ഷം രൂപ വില വരുന്ന രണ്ട് ലെൻസുകൾ സ്റ്റുഡിയോയിൽനിന്നും മോഷ്ടിക്കുകയായിരുന്നു. എസ്ഐ എൻ.എസ്. റോയി, എസ്‌സിപിഒ രാംകുമാർ, സിപിഒമാരായ മഹേഷ് , കെ.വി. രാജേഷ് എന്നിവരടങ്ങുന്ന സംഘമാണ് പ്രതിയെ പിടി കൂടിയത്.

ഷോപ്പ് സൈറ്റുകൾക്ക് പട്ടയം: മന്ത്രിസഭാ തീരുമാനം ആശയക്കുഴപ്പം പരിഹരിക്കാൻ- മന്ത്രി റോഷി

ഇടുക്കി: ഷോപ്പ് സൈറ്റുകൾക്ക് വിസ്തീർണപരിധിയില്ലാതെ പട്ടയം നൽകാനുള്ള മന്ത്രിസഭ തീരുമാനം സുപ്രീം കോടതിയിൽ നിലനിൽക്കുന്ന കേസുമായി ബന്ധിപ്പിക്കേണ്ടതില്ലെന്ന് മന്ത്രി റോഷി അഗസ്റ്റിൻ. 1993-ലെ ചട്ടത്തിന്‍റെ പരിധിയിൽ വരുന്ന സ്ഥലങ്ങൾക്ക് പട്ടയം നൽകുന്നതിനു ഉണ്ടായിരുന്ന അവ്യക്തത പരിഹരിക്കുകയായിരുന്നു മന്ത്രിസഭാ യോഗത്തിന്‍റെ ലക്ഷ്യം. 2009-ൽ പുറപ്പെടുവിച്ച സർക്കാർ ഉത്തരവ് പ്രകാരം 1993-ലെ ചട്ടത്തിൽ വ്യവസ്ഥ ചെയ്തിരുന്ന ഷോപ്സ് എന്നത് 2009 ലെ സർക്കാർ ഉത്തരവ് പ്രകാരം ചെറിയ കടകൾ എന്ന് വ്യാഖ്യാനിക്കപ്പെടുകയും ഇതു 1500 ചതുരശ്ര അടിയിൽ താഴെയുള്ളവയാണെന്ന് അനുമാനിക്കുകയും ചെയ്തിരുന്നു. 1993-ലെ ചട്ടപ്രകാരം പട്ടയം നൽകുന്നതിനുള്ള വനം, റവന്യൂ വകുപ്പുകളുടെ സംയുക്ത പരിശോധനയിൽപ്പെട്ട വസ്തുക്കളിൽ കടകൾ ഉണ്ടായിരുന്നതിനാൽ കടയുടെ വിസ്തീർണം നോക്കി മാത്രമേ പട്ടയം നൽകാൻ സാധിക്കൂ എന്നതായിരുന്നു സ്ഥിതി. ഇതോടെ പട്ടയം നൽകാൻ സാധിക്കാത്ത അവസ്ഥയുണ്ടായി. ഈ പ്രതിസന്ധി മറികടക്കാനായി പട്ടയം ഇല്ലാത്ത വസ്തുവിൽ ചട്ടപ്രകാരം പട്ടയം നൽകാൻ കഴിയുന്ന തരം വസ്തുവാണെങ്കിൽ കടയുടെ വലിപ്പം നോക്കാതെ പട്ടയം നൽകാം എന്നാണ് മന്ത്രിസഭ തീരുമാനം. മറിച്ച് സുപ്രീം കോടതിയിൽ നിലനിൽക്കുന്ന സിഎച്ച്ആർ കേസുമായി ബന്ധപ്പെട്ടതോ സിഎച്ച്ആർ ഭൂമിയിലോ പട്ടയം നൽകുന്നതിനല്ല ഈ തീരുമാനം. 1993-ചട്ടത്തിലെ രണ്ടാം വകുപ്പ് (എഫ്) ഉപവകുപ്പിൽ പറഞ്ഞിരിക്കുന്ന തരത്തിലുള്ള വസ്തുവിൽ മാത്രമാണ് ഇത്തരം പട്ടയം നൽകാൻ കഴിയുന്നത്. 1993-ലെ ചട്ടത്തിന്‍റെ സാധുത 1999-ലെ വിധി വഴി ഹൈക്കോടതിയും 2009-ലെ വിധി വഴി സുപ്രീം കോടതിയും ശരിവച്ചതിനാൽ ഇക്കാര്യത്തിൽ അവ്യക്തതയില്ല. മന്ത്രിസഭ തീരുമാനത്തെ സുപ്രീം കോടതിയിൽ നിലനിൽക്കുന്ന കേസുമായി കൂട്ടിക്കുഴച്ച് ആശങ്ക പരത്തുന്നത് ശരിയല്ലെന്നും മന്ത്രി പറഞ്ഞു.

കർഷകകൂട്ടായ്മ പ്രതിഷേധിച്ചു

അറക്കുളം: കാർഷികവായ്പയും സ്വർണപ്പണയവായ്പയും പലിശയോടൊപ്പം മുഴുവൻ വായ്പാതുകയും അടച്ച് പുതുക്കണമെന്ന നിർദേശം പിൻവലിക്കണമെന്നും വായ്പാ പലിശ അടച്ച് പുതുക്കുന്നവർക്ക് പലിശ സബ്സിഡിയായി അനുവദിക്കണമെന്നും ആവശ്യപ്പെട്ട് യൂണിയൻ ബാങ്കിനുമുന്നിൽ പ്രതിഷേധ ധർണ നടത്തി. മൂന്നുലക്ഷത്തിൽനിന്ന് അഞ്ചു ലക്ഷമായി ഉയർത്തിയ കാർഷികവായ്പകൾ സ്വർണപ്പണയത്തിനും ലഭ്യമാക്കി പ്രാബല്യത്തിൽ വരുത്തണം. ആർബിഐ നിർദേശങ്ങൾ മറികടന്ന് കൂടുതൽ പ്രമാണങ്ങൾ ആവശ്യപ്പെടുന്നത് അവസാനിപ്പിക്കണം. സ്വർണപ്പണയ കാർഷികവായ്പകൾ നടപടിക്രമങ്ങൾ ലഘൂകരിച്ച് പലിശ മാത്രം അടച്ച് പുതുക്കാനുള്ള നടപടികൾ സ്വീകരിക്കണമെന്ന് അറക്കുളം കർഷക കൂട്ടായ്മയുടെ നേതൃത്വത്തിൽ നടന്ന കർഷക സംഗമം ആവശ്യപ്പെട്ടു. കർഷകസംഗമത്തിൽ മൈക്കിൾപുരയിടം, ജയ്സണ്‍ കുന്നുംപുറത്ത്, ജോസഫ് പരവൻപറന്പിൽ, തങ്കച്ചൻ പെരുമാംപള്ളി, ഫിലിപ്പ് നെല്ലൻകുഴിയിൽ, ജോസഫ് പനച്ചിക്കൽ, ജോഷി തുരുത്തിക്കര, ബിജു അരീക്കാട്ട്, ജോയി കുളത്തിനാൽ, ജോമോൻ മൈലാടൂർ, ജോബി പുരയിടം, ദേവസ്യ കാണിയക്കാട്ടിൽ, ജോസഫ് തളികപറന്പിൽ തുടങ്ങിയവർ പ്രസംഗിച്ചു.

ജൈവ കർഷകർക്ക് അവാർഡ്

തൊടുപുഴ: ബംഗളൂരു ആസ്ഥാനമായി പ്രവർത്തിക്കുന്ന സരോജിനി ദാമോദരൻ ഫൗണ്ടേഷന്‍റെ ആഭിമുഖ്യത്തിൽ ജൈവകർഷകർക്കുള്ള അക്ഷയശ്രീ അവാർഡിന് അപേക്ഷ ക്ഷണിച്ചു. സംസ്ഥാനത്തെ ഏറ്റവും മികച്ച ജൈവകർഷകന് രണ്ടു ലക്ഷവും ജില്ലാ തലത്തിൽ 50,000 രൂപയും വീതമുള്ള 14 അവാർഡുകളും മട്ടുപ്പാവ്, സ്കൂൾ, കോളജ്, വെറ്ററൻസ്, ഒൗഷധസസ്യങ്ങൾ എന്നീ മേഖലകൾക്കായി 10,000 രൂപ വീതമുള്ള 33 അവാർഡുകളും നൽകും. നവംബർ 30നു മുന്പ് അപേക്ഷ നൽകണം. മൂന്നു വർഷത്തിനു മുകളിൽ ജൈവകൃഷി ചെയ്യുന്നവരെയാണ് പരിഗണിക്കുന്നത്. വെള്ളക്കടലാസിൽ കൃഷിയുടെ ലഘുവിവരണം, പൂർണ മേൽവിലാസം, വീട്ടിലെത്താനുള്ള വഴി, രണ്ടു ഫോണ്‍നന്പർ, ജില്ല എന്നിവ സൂചിപ്പിച്ചിരിക്കണം. ഫോട്ടോകളോ മറ്റു സർട്ടിഫിക്കറ്റുകളോ ആവശ്യമില്ല. കെ.വി. ദയാൽ അവാർഡ് കമ്മിറ്റി കണ്‍വീനർ, ശ്രീകോവിൽ, മുഹമ്മ പി.ഒ, ആലപ്പുഴ-688515 എന്ന വിലാസത്തിലാണ് അപേക്ഷ അയയ്ക്കേണ്ടത്.

പാലിയേറ്റീവ് കെയർ ദിനമാചരിച്ചു

വഴിത്തല: ലോക പാലിയേറ്റീവ് കെയർ ദിനത്തോടനുബന്ധിച്ച് വഴിത്തല സെന്‍റ് സെബാസ്റ്റ്യൻസ് ഹയർ സെക്കൻഡറി സ്കൂൾ സ്കൗട്ട് ആൻഡ് ഗൈഡ്സ് വിദ്യാർഥികൾ വാഴക്കുളം സെന്‍റ് ജോർജ്സ് ആശുപത്രിയിലെ പാലിയേറ്റീവ് കെയർ യൂണിറ്റും ഡയാലിസിസ് സെന്‍ററും സന്ദർശിച്ചു. ഗൈഡ് ക്യാപ്റ്റൻ ലീൻ ജോണിന്‍റെ നേതൃത്വത്തിൽ കുട്ടികൾ സമാഹരിച്ച തുക കൈമാറി. ഡയാലിസിസ് സെന്‍ററിന്‍റെ ചുമതല വഹിക്കുന്ന ജീവ ജോർജ്, മെൽവിൻ ജോളി പ്രവർത്തനങ്ങൾ വിശദീകരിച്ച് നൽകി.

മണിയാറൻകുടി റോഡ് നിർമാണം ഉടൻ പൂർത്തിയാക്കും: മന്ത്രി

ഇടുക്കി: ജില്ലയുടെ മലയോരമേഖലയിൽ കുടിയേറിയ കർഷകർ ഉപയോഗിച്ച ആദ്യകാല റോഡായ ഉടുന്പന്നൂർ - കൈതപ്പാറ - മണിയാറൻകുടി റോഡിന്‍റെ നിർമാണം സമയബന്ധിതമായി പൂർത്തിയാക്കുമെന്ന് മന്ത്രി എ.കെ. ശശീന്ദ്രൻ. നിർമാണപ്രവർത്തനം ആരംഭിച്ച മണിയാറൻകുടി - ഉടുന്പന്നൂർ റോഡ് സന്ദർശിച്ച് സംസാരിക്കുകയായിരുന്നു മന്ത്രി. വിവിധ രാഷ്ട്രീയകക്ഷി നേതാക്കളും പൊതുജനങ്ങളും മന്ത്രിയുമായി ചർച്ച നടത്തി. വിനോദസഞ്ചാര കേന്ദ്രമായിരുന്ന പാൽക്കുളംമേട് തുറന്നുകൊടുക്കുന്നതുമായി ബന്ധപ്പെട്ട കാര്യങ്ങൾ പരിശോധിച്ച ശേഷം ഉചിതമായ തീരുമാനം എടുക്കുമെന്ന് മന്ത്രി അറിയിച്ചു. കോതമംഗലം ഡിഎഫ്ഒ സൂരജ് ബെൻ, സാമൂഹ്യ രാഷ്ട്രീയ നേതാക്കളായ അനിൽ കൂവപ്ലാക്കൽ, സിജി ചാക്കോ, പി.എൻ. വിജയൻ, പി.ഡി. ജോസഫ്, സി.പി. സലിം, സിനോജ് വള്ളാടി, ജെയിൻ അഗസ്റ്റിൻ, തുടങ്ങിയവർ പങ്കെടുത്തു.

ശുചിമുറികള്‍ തുറക്കുന്നില്ല; ഐഎന്‍ടിയുസി സമരത്തിന്

നെടുങ്കണ്ടം: അടഞ്ഞുകിടക്കുന്ന നെടുങ്കണ്ടത്തെ പൊതു ശുചിമുറികള്‍ അടിയന്തരമായി പൊതുജനങ്ങള്‍ക്ക് തുറന്നുകൊടുക്കണമെന്ന് ഐഎന്‍ടിയുസി മണ്ഡലം കമ്മിറ്റി ആവശ്യപ്പെട്ടു. താലൂക്ക് ആസ്ഥാനവും തേക്കടി - മൂന്നാര്‍ വിനോദസഞ്ചാരകേന്ദ്രങ്ങളുടെ ഇടത്താവളവുമായ നെടുങ്കണ്ടത്ത് ഉപയോഗയോഗ്യമായ ശൗചാലയം ഒന്നുപോലും ഇല്ലാത്തത് മനുഷ്യാവകാശ ലംഘനമാണ്. വിവിധ ഓഫീസ് ആവശ്യങ്ങള്‍ക്കും കോടതി, താലൂക്ക് ആശുപത്രി, സ്‌കൂളുകള്‍, കോളജുകള്‍ എന്നിവിടങ്ങളിലേക്കും ദൂരസ്ഥലങ്ങളില്‍നിന്ന് എത്തുന്നവര്‍ ശുചിമുറി ഇല്ലാത്തതിനാല്‍ ബുദ്ധിമുട്ടുകയാണ്. നെടുങ്കണ്ടം ബസ് സ്റ്റാൻഡ്, പടിഞ്ഞാറേക്കവല ബസ് സ്റ്റോപ്പ്, കിഴക്കേക്കവല എന്നിവിടങ്ങളില്‍ ഉള്‍പ്പെടെ പൊതു ശുചിമുറികള്‍ ഉണ്ടെങ്കിലും ഇവ മാസങ്ങളായി അടഞ്ഞുകിടക്കുകയാണ്. ഇതിനെതിരേ നിരവധി പരാതികള്‍ നല്‍കിയിട്ടും നെടുങ്കണ്ടം ഗ്രാമപഞ്ചായത്ത് അനങ്ങാപ്പാറ നയമാണ് സ്വീകരിക്കുന്നത്. നിലവിലുള്ള ശുചിമുറികള്‍ എത്രയും വേഗം ഉപയോഗയോഗ്യമാക്കി തുറന്നുനല്‍കിയില്ലെങ്കില്‍ പഞ്ചായത്ത് ഓഫീസ് ഉപരോധം അടക്കമുള്ള സമര പരിപാടികള്‍ നടത്തുമെന്ന് ഐഎന്‍ടിയുസി നിയോജക മണ്ഡലം പ്രസിഡന്‍റ്് അനില്‍ കാട്ടൂപ്പാറ, കെ.ആര്‍. രാമചന്ദ്രന്‍, ജോസഫ് വെച്ചൂര്‍ എന്നിവര്‍ അറിയിച്ചു.

രാജാക്കാട് പഞ്ചായത്ത് വികസന സദസ്

രാജാക്കാട്: രാജാക്കാട് ഗ്രാമ പഞ്ചായത്തിന്‍റെ നേതൃത്വത്തിൽ രാജാക്കാട് ദിവ്യജ്യോതി ഓഡിറ്റോറിയത്തിൽ വികസന സദസ് നടത്തി. പഞ്ചായത്ത് വൈസ് പ്രസിഡന്‍റ് ദീപ പ്രകാശ് അധ്യക്ഷത വഹിച്ചു, പ്രസിഡന്‍റ് നിഷ രതീഷ് ഉദ്ഘാടനം നിർവഹിച്ചു. നെടുങ്കണ്ടം ബ്ലോക്ക് പഞ്ചായത്ത് പ്രസിഡന്‍റ് കെ.ടി. കുഞ്ഞ് വികസന സദസ് പ്രോഗ്രസ് റിപ്പോർട്ട് പ്രകാശനം നടത്തി. ഗ്രാമ പഞ്ചായത്ത് സെക്രട്ടറി ഇൻ - ചാർജ് ഇസഡ്. ജോൺസൺ, ജില്ലാ പഞ്ചായത്ത് വൈസ് പ്രസിഡന്‍റ് ഉഷാകുമാരി മോഹൻകുമാർ, ഗ്രാമ പഞ്ചായത്ത് മുൻ പ്രസിഡന്‍റ് എം.എസ്. സതി, അബീഷ് ഐസക്, പഞ്ചായത്തംഗങ്ങളായ ബിജി സന്തോഷ്, സുബീഷ്, രാജു, വീണ അനൂപ്, കെ.കെ. തങ്കച്ചൻ, ഷാജി വയലിൽ, കെ.കെ. തങ്കപ്പൻ, രതീഷ് അത്തിക്കുഴി, കെ.പി. വത്സ എന്നിവർ പ്രസംഗിച്ചു.

സ്നേഹവീടിന്‍റെ നിർമാണം തുടങ്ങി

ഉപ്പുതറ: ലയണ്‍സ് ക്ലബ്ബിന്‍റെ നേതൃത്വത്തിൽ ഈ വർഷം നിർമിച്ചുനൽകുന്ന ആറു വീടുകളിൽ രണ്ടാമത്തെ സ്നേഹവീടിന്‍റെ നിർമാണം ആരംഭിച്ചു. ഉപ്പുതറ പഞ്ചായത്തിലെ മാട്ടുതാവളത്താണ് വീടിന്‍റെ നിർമാണം പുരോഗമിക്കുന്നത്. നിർമാണോദ്ഘാടനം ലയണ്‍സ് ക്ലബ് ഡിസ്ട്രിക്ട് ഗവർണർ കെ.ബി. ഷൈൻകുമാർ നിർവഹിച്ചു. ഉപ്പുതറ ലയണ്‍സ് ക്ലബ് പ്രസിഡന്‍റ് സജിൻ സ്കറിയ അധ്യക്ഷത വഹിച്ചു. ഡിസ്ട്രിക്‌ട‌് വൈസ് ഗവർണർ കെ.പി. പീറ്റർ, കാബിനറ്റ് സെക്രട്ടറി സജി ചമേലി, ട്രഷറർ വർഗീസ് ജോസഫ് എന്നിവർ പ്രസംഗിച്ചു.

തകർന്നു വെള്ളക്കെട്ടായി പോലീസ് സ്റ്റേഷൻ റോഡ്

രാജാക്കാട്: മഴ പെയ്താൽ രാജാക്കാട് പോലീസ് സ്റ്റേഷനിൽ എത്തണമെങ്കിൽ നീന്താൻ പഠിക്കണം. പോലീസ് സ്റ്റേഷനിലേക്കുള്ള ഏക റോഡ് പഞ്ചായത്തോഫീസിന്‍റെ മുന്നിൽക്കൂടിയാണ്.100 മീറ്ററിൽ താഴെ മാത്രം ദൈർഘ്യമുള്ള ഈ റോഡിന്‍റെ തുടക്കഭാഗം പൊട്ടിപ്പൊളിഞ്ഞിട്ട് നന്നാക്കാൻ നടപടിയില്ല. കനത്ത മഴ പെയ്താൽ ഈ തകർന്ന ഭാഗം തോടായി മാറും. അല്ലെങ്കിൽ വലിയ ഗട്ടറായിക്കിടക്കും. അധികൃതർ ഇനിയെങ്കിലും ഇതിന് അടിയന്തര പരിഹാരം കാണണമെന്നാണ് നാട്ടുകാരുടെ ആവശ്യം.

പട്ടയപ്രശ്നങ്ങൾക്ക് പരിഹാരം: കേരള കോണ്‍ഗ്രസ്-എം

ചെറുതോണി: ഷോപ്പ് സൈറ്റുകൾക്ക് പട്ടയം നൽകുന്നതിനും 1993 ചട്ട പ്രകാരമുള്ള ഭൂമിയിൽ വിസ്തൃതി പരിഗണിക്കാതെ കെട്ടിട നിർമാണം നടത്തുന്നതിനും അനുമതി നൽകിക്കൊണ്ടുള്ള മന്ത്രിസഭാ തീരുമാനം സർക്കാർ മലയോര മേഖലയിലെ കർഷകരോടും വ്യാപാരികളോടുമൊപ്പമാണെന്നു വ്യക്തമാക്കുന്നതാണെന്ന് കേരള കോണ്‍ഗ്രസ്-എം ജില്ലാ പ്രസിഡന്‍റ് ജോസ് പാലത്തിനാൽ അറിയിച്ചു. കട്ടപ്പനയിൽ ഉൾപ്പെടെ വിവിധ ഇടങ്ങളിൽ ഉള്ള ഷോപ് സൈറ്റുകൾക്ക് പട്ടയം നൽകാനാകും. നാളിതുവരെ കൃഷിക്കും വീടുകൾക്കും മാത്രമാണ് പട്ടയം നൽകിയിരുന്നത്. വർഷങ്ങളായി നിലനിന്നിരുന്ന പല കെട്ടിടങ്ങൾക്കും പട്ടയം നല്കാൻ കഴിഞ്ഞിരുന്നില്ല. പുതിയ മന്ത്രിസഭാ യോഗ തീരുമാനത്തിലൂടെ പ്രശ്നങ്ങൾക്ക് പരിഹാരമായി. ഇത് മലയോര മേഖലയുടെ വികസനത്തിന് മറ്റൊരു മുഖം നൽകുമെന്നും ജോസ് പാലത്തിനാൽ അവകാശപ്പെട്ടു.

ജിഎസ്ടി: നീക്കം പിൻവലിക്കണമെന്ന്

തൊടുപുഴ: ഇൻഷ്വറൻസ് ഏജന്‍റുമാരുടെ കമ്മീഷനിൽനിന്ന് ജിഎസ്ടി ഈടാക്കാനുള്ള തീരുമാനം പിൻവലിക്കണമെന്ന് ഓൾ കേരള പ്രൈവറ്റ് ജനറൽ ഇൻഷ്വറൻസ് ഏജന്‍റ്സ് അസോസിയേഷൻ ആവശ്യപ്പെട്ടു. കമ്മീഷനിൽനിന്ന് 18 ശതമാനം ജിഎസ്ടി ഈടാക്കാനാണ് നീക്കം. പോളിസി ചേർക്കുകയെന്നത് ശ്രമകരമായ ജോലിയാണ്. തുച്ഛമായ വരുമാനത്തിൽനിന്നു ജിഎസ്ടിയുംകൂടി ഈടാക്കിയാൽ ലക്ഷക്കണക്കിന് ഏജന്‍റുമാരുടെ ജീവിതം ദുരിതപൂർണമാകുകയും ഈ മേഖലയിൽനിന്നു കൊഴിഞ്ഞുപോക്ക് ഉണ്ടാകാൻ ഇടയാകുകയും ചെയ്യും. ഈ തീരുമാനം കന്പനികൾ ഉടൻ പിൻവലിക്കണമെന്ന് അസോസിയേഷൻ ആവശ്യപ്പെട്ടു. അനുകൂല നടപടിയുണ്ടായില്ലെങ്കിൽ ശക്തമായ പ്രക്ഷോഭം ആരംഭിക്കുമെന്ന് സംസ്ഥാന പ്രസിഡന്‍റ് റോയി ജോണ്‍, ജനറൽ സെക്രട്ടറി വിൻസന്‍റ് ഇഗ്നേഷ്യസ് എന്നിവർ അറിയിച്ചു.

ഇടുക്കി രൂപതയിൽ നാളെ മിഷൻ മണിക്കൂർ ആചരിക്കും

കരിമ്പൻ: കത്തോലിക്കാ സഭ ഒ‌‌ക‌്ടോബർ മാസം ആഗോള മിഷൻ മാസമായി ആചരിക്കുന്നതിന്‍റെ ഭാഗമായി ഇടുക്കി രൂപതയിൽ നാളെ മിഷൻ മണിക്കൂർ ആചരിക്കും. രാത്രി ഏഴു മുതൽ എട്ടു വരെ രൂപതയിലെ എല്ലാ കുടുംബങ്ങളും മിഷൻ മണിക്കൂറിൽ പങ്കെടുക്കും. വാഴത്തോപ്പ് കത്തീഡ്രലിൽ നടക്കുന്ന മിഷൻ മണിക്കൂറിന് ബിഷപ് മാർ ജോൺ നെല്ലിക്കുന്നേൽ നേതൃത്വം നൽകും. ശുശ്രൂഷയിൽ വികാരി ഫാ. ലൂക്ക് ആനിക്കുഴിക്കാട്ടിൽ ആമുഖ സന്ദേശം നൽകും. തുടർന്ന് മിഷൻ ജപമാലയും മിഷൻ അനുഭവം പങ്കുവയ്ക്കലും നടക്കും. മാർ ജോൺ നെല്ലിക്കുന്നേലിന്‍റെ മിഷൻ സന്ദേശത്തോടും സമാപന ആശീർവാദത്തോടും കൂടി മിഷൻ മണിക്കൂർ സമാപിക്കും. മിഷൻ വാരാചരണത്തോടനുബന്ധിച്ച് വാഴത്തോപ്പിൽ ക്രമീകരിച്ചിട്ടുള്ള പ്രത്യേക മിഷൻ എക്സിബിഷൻ കാണുന്നതിനുള്ള സൗകര്യവും ഉണ്ടായിരിക്കും. കത്തീഡ്രലിൽ നടക്കുന്ന ശുശ്രൂഷകൾ സമൂഹമാധ്യമങ്ങളിലൂടെ തത്സമയം സംപ്രേഷണം ചെയ്യും. മിഷനറിമാർക്ക് വേണ്ടി പ്രാർഥിക്കുന്നതിനും വിശ്വാസീസമൂഹത്തിൽ ആകമാനം പ്രേഷിത ചൈതന്യം വളർത്തുന്നതിനും ഈ മിഷൻ മണിക്കൂർ ആചരണം സഹായകമാകുമെന്ന് മാർ ജോൺ നെല്ലിക്കുന്നേൽ പറഞ്ഞു. ഞായറാഴ്ച രൂപതയിലെ എല്ലാ പള്ളികളിലും മിഷൻ ഞായർ വിപുലമായ പരിപാടികളോടെ ആചരിക്കും. ഇടുക്കി രൂപതയുടെ പ്രത്യേക മിഷൻ പ്രദേശമായ അരുണാചൽ പ്രദേശിലെ സാന്‍റാ മരിയ മിഷനിലെ പ്രവർത്തനങ്ങളും ഒപ്പം ലെയോ പതിനാലാമൻ മാർപാപ്പയുടെ മിഷൻ സന്ദേശവും ആളുകളിൽ എത്തിക്കുന്നതിനും പരിചയപ്പെടുത്തുന്നതിനും സാധ്യമാകുന്ന പരിപാടികളാണ് മിഷൻ ഞായറിനോടനുബന്ധിച്ച് ഇടവകകൾതോറും ക്രമീകരിച്ചിട്ടുള്ളത്. രൂപത മുഖ്യ വികാരി ജനറാൾ മോൺ. ജോസ് കരിവേലിക്കൽ, ഫാ. ലൂക്ക് ആനിക്കുഴികാട്ടിൽ, ഫാ. ഫിലിപ്പ് ഐക്കര, ഫാ. ആന്‍റണി പാലാപ്പുളിക്കൽ, ഫാ. ജിൻസ് കാരക്കാട്ട് എന്നിവർ പരിപാടികൾക്ക് നേതൃത്വം നൽകും.

വിശ്വാസസംരക്ഷണ യാത്രയ്ക്ക് തൊടുപുഴയിൽ ഉജ്വല സ്വീകരണം

തൊടുപുഴ: ശബരിമലയിലെ സ്വർണക്കൊള്ളയ്ക്കും വിശ്വാസവഞ്ചനയ്ക്കുമെതിരേ കെപിസിസിയുടെ നേതൃത്വത്തിൽ കോണ്‍ഗ്രസ് രാഷ‌്ട്രീയകാര്യ സമിതിയംഗം ബെന്നി ബഹനാൻ എംപി നയിക്കുന്ന വിശ്വാസസംരക്ഷണ യാത്രയ്ക്ക് ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തിൽ നഗരത്തിൽ ഉജ്വലസ്വീകരണം നൽകി. ജില്ലാ അതിർത്തിയായ അച്ചൻകവലയിൽനിന്നു നൂറുകണക്കിനു പ്രവർത്തകരുടെ നേതൃത്വത്തിൽ ജാഥയെ നഗരത്തിലേക്ക് സ്വീകരിച്ചാനയിച്ചു. തുടർന്നു ഗാന്ധിസ്ക്വയറിൽ ചേർന്ന യോഗം പി.ജെ. ജോസഫ് എംഎൽഎ ഉദ്ഘാടനം ചെയ്തു. കുറ്റവാളികളെ കണ്ടെത്തുന്നതുവരെ യുഡിഎഫ് സമരരംഗത്തുണ്ടാകുമെന്നും ചെങ്ങന്നൂരിൽനിന്നു പന്തളം വരെ താനും വിശ്വാസ സംരക്ഷണയാത്രയിൽ പങ്കുചേരുമെന്നും അദ്ദേഹം പറഞ്ഞു. ഡിസിസി പ്രസിഡന്‍റ് സി.പി. മാത്യു അധ്യക്ഷത വഹിച്ചു. ശബരിമലയിലെ സ്വർണപ്പാളികൾ ചെന്പാക്കിമാറ്റി സ്വർണം പൂശാൻ ഉണ്ണിക്കൃഷ്ണൻ പോറ്റിയുടെ കൈവശം കൊടുത്തുവിട്ട ദേവസ്വം ബോർഡും സർക്കാരും കടുത്ത തട്ടിപ്പ് നടത്തിയെന്നു ജാഥാ ക്യാപ്റ്റൻ ബെന്നി ബഹനാൻ എം പി പറഞ്ഞു. 2025ലും തട്ടിപ്പിനു കൂട്ടുനിന്ന അന്പലംവിഴുങ്ങി മന്ത്രി രാജി വച്ചൊഴിയണം. ശബരിമലയുടെ പവിത്രത കളങ്കപ്പെടുത്താനുള്ള ഗൂഢശ്രമം തകർത്തേ മതിയാവൂ. പിണറായിയുടെ ദൗർബല്യമാണ് സ്വർണം. ഡിപ്ലോമാറ്റിക് ചാനലിലൂടെ സ്വർണം കടത്തുന്നതിനേക്കാൾ സൗകര്യം ക്ഷേത്രങ്ങളിൽനിന്നു ചെന്പാക്കി കടത്തുന്നതാണെന്നുമനസിലാക്കി ചെയ്ത കൊള്ള വെളിച്ചത്തുകൊണ്ടുവരണം. കുറ്റവാളികളായ ഉന്നതരെ തുറുങ്കിലടയ്ക്കണം. ലക്ഷക്കണക്കിനു വിശ്വാസികളുടെ ആചാരവും വിശ്വാസവും സംരക്ഷിക്കണമെന്നും അദ്ദേഹം ആവശ്യപ്പെട്ടു. ജാഥാവൈസ് ക്യാപ്റ്റൻ വി.ടി. ബൽറാം, വി.പി. സജീന്ദ്രൻ, ജയ്സണ്‍ ജോസഫ്, ഐ.കെ. രാജു, പി.എ. സലിം, ബി.എ. അബ്ദുൾ മുത്തലിബ്, അഡ്വ.എസ്. അശോകൻ, ഇ.എം. ആഗസ്തി, ജോയി തോമസ്, റോയി കെ. പൗലോസ്, ഇബ്രാഹിംകുട്ടി കല്ലാർ, എ.കെ. മണി, ജോയി വെട്ടിക്കുഴി, എം.ജെ. ജേക്കബ്, തോമസ് രാജൻ, എം.എൻ. ഗോപി, എ.പി. ഉസ്മാൻ, നിഷ സോമൻ, ഷിബിലി സാഹിബ്, രാജു ഓടയ്ക്കൽ, സേനാപതി വേണു, പി.വി. സ്കറിയ, എം.ഡി. അർജുനൻ തുടങ്ങിയവർ പ്രസംഗിച്ചു.

പഞ്ചായത്തുകളിലെ നറുക്കെടുപ്പ് പൂർത്തിയായി

തൊടുപുഴ: തദ്ദേശ സ്വയംഭരണ തെരഞ്ഞെടുപ്പിന് മുന്നോടിയായി ജില്ലയിലെ 52 പഞ്ചായത്തുകളിലെ സംവരണവാർഡുകളിലേക്കുള്ള നറുക്കെടുപ്പ് ഇന്നലെ പൂർത്തിയായി. ഇന്നലെ നറുക്കെടുപ്പ് നടന്ന വാർഡുകൾ: സംവരണ വാർഡുകൾ ഏലപ്പാറ പട്ടികജാതി സ്ത്രീ :10,12 പട്ടികജാതി: 4,8 സ്ത്രീ സംവരണം: 1, 2,3,5,7,15,17 കൊക്കയാർ പട്ടികജാതിസ്ത്രീ-14പട്ടികജാതി സംവരണം:1 പട്ടിക വർഗ സംവരണം: 4, 5,7,9,11,12,13 പീരുമേട് പട്ടികജാതി സ്ത്രീ: 6,7,15 പട്ടിക ജാതി : 3,5,10. വനിതാ സംവരണം: 4,9,12,13,16 കുടയത്തൂർ പട്ടികജാതി സംവരണം : 1 പട്ടികവർഗ സംവരണം: 8 വനിതാ സംവരണം : 4,5,7,9,10,11,13 വെള്ളിയാമറ്റം പട്ടിക വർഗ സ്ത്രീ : 7,12 പട്ടികജാതി : 10പട്ടിക വർഗം : 2,4 വനിതാ സംവരണം : 3,5,6,9,11,15 ആലക്കോട് പട്ടികജാതി സംവരണം :3വനിതാ സംവരണം : 2,4,5,8,9,11,14 കുമളി പട്ടികജാതി സ്ത്രീ : 11,18പട്ടികജാതി : 2,3പട്ടിക വർഗ സംവരണം :13 വനിത സംവരണം: 7,9,10,12,14,19,20,21,22 വണ്ണപ്പുറം പട്ടികജാതി : 11 പട്ടികവർഗം: 4 വനിത സംവരണം: 1,3,8,9,10,12,15,16,17,18 ഉടുന്പന്നൂർ പട്ടികവർഗ സ്ത്രീ : 8 പട്ടികജാതി : 10 പട്ടികവർഗം: 9 വനിതാ സംവരണം: 2,3,4,7,12,13,14,17 കോടിക്കുളം പട്ടികജാതി : 3 വനിതാ സംവരണം: 1,2,8,9,10,11,14 ഉപ്പുതറ പട്ടികജാതി സ്ത്രീ : 3പട്ടികവർഗ സ്ത്രീ : 4 പട്ടികജാതി : 12 പട്ടികവർഗം: 11 വനിത സംവരണം: 1,2,6,7,8,10,13 കരിമണ്ണൂർ പട്ടികജാതി : 7 വനിത സംവരണം: 2,3,6,8,9,10,12,14 വണ്ടൻമേട് പട്ടികജാതി സ്ത്രീ : 15, 18 പട്ടികജാതി : 1വനിത സംവരണം: 2, 5, 6, 7, 13, 16, 17, 20 കാഞ്ചിയാർ പട്ടികജാതി : 4പട്ടികവർഗം: 6 വനിത സംവരണം: 2,3,5,7,13,14,15,16,17 ഇരട്ടയാർ പട്ടികജാതി : 14 വനിത സംവരണം: 3,4,6,7,9,10, 12, 13 അയ്യപ്പൻകോവിൽ പട്ടികജാതി : 7പട്ടികവർഗം: 12 വനിത സംവരണം: 1, 2, 5, 6, 10, 11, 13 ചക്കുപള്ളം പട്ടികജാതി സ്ത്രീ : 12 പട്ടികജാതി : 1 വനിതാ സംവരണം: 2, 3, 4, 5, 7, 8, 16 പെരുവന്താനം പട്ടികജാതി: 11 പട്ടികവർഗ : 13 വനിതാ സംവരണം: 1, 3, 6, 7, 8, 10, 12 വണ്ടിപ്പെരിയാർ പട്ടികജാതി സ്ത്രീ : 1,11, 13, 17, 21 പട്ടികജാതി : 5, 6, 16, 18 വനിത സംവരണം: 2, 7, 10, 19, 20, 23, 24

ശാസ്ത്രോത്സവം: കരിമണ്ണൂരിന് ഓവറോൾ

കാളിയാർ: സെന്‍റ മേരീസ് എച്ച്എസ്എസിൽ നടന്ന തൊടുപുഴ സബ്ജില്ല ശാസ്ത്രോത്സവത്തിൽ കരിമണ്ണൂർ സെന്‍റ് ജോസഫ് എച്ച്എസ്എസ് ഓവറോൾ നേടി. വഴിത്തല സെന്‍റ് സെബാസ്റ്റ്യൻസ് എച്ച്എസ്എസ് രണ്ടാംസ്ഥാനവും കാളിയാർ സെന്‍റ് മേരീസ് എച്ച്എസ്എസ് മൂന്നാംസ്ഥാനവും നേടി. സമാപനയോഗത്തിൽ സ്കൂൾ മാനേജർ ഫാ. ജോസഫ് മുണ്ടുനടയിൽ അധ്യക്ഷത വഹിച്ചു. തൊടുപുഴ എഇഒ എസ്. ലീന സമ്മാനദാനം നിർവഹിച്ചു.പ്രിൻസിപ്പൽ ലൂസി ജോർജ്, ഹെഡ്മാസ്റ്റർ ജോ മാത്യു, എൽപിഎസ് ഹെഡ്മിസ്ട്രസ് സാൽജി ഇമ്മാനുവൽ, പിടിഎ പ്രസിഡന്‍റ് ജോബി ജോർജ്, പഞ്ചായത്ത് വൈസ് പ്രസിഡന്‍റ് ദിവ്യ അനീഷ്, എച്ച്എം ഫോറം സെക്രട്ടറി രാജേഷ് രാജൻ എന്നിവർ പ്രസംഗിച്ചു.

എംഡിഎംഎയുമായി പിടിയിൽ

തൊടുപുഴ: എംഡിഎംഎയും നിരോധിത ഗുളികകളും വില്പനയ്ക്കെത്തിച്ച രണ്ട് യുവാക്കൾ പോലീസിന്‍റെ പിടിയിലായി. എറണാകുളം കുപ്പടം ജന്നാപറന്പിൽ ഫൈസൽ നാസർ (പടയപ്പ ഫൈസൽ - 33) തോപ്പുംപടി ചുള്ളിക്കൽ എം.കെ. ആഷിക് (34) എന്നിവരെയാണ് ചൊവ്വാഴ്ച രാത്രിയിൽ മുനിസിപ്പൽ ബസ് സ്റ്റാൻഡിൽനിന്നു തൊടുപുഴ പോലീസ് പിടികൂടിയത്. ഇവരിൽനിന്നു 4.18 ഗ്രാം ലഹരി ഉത്പന്നങ്ങളും പിടിച്ചെടുത്തു. നൈട്രോസെപ്പാം എന്ന നിരോധിത ഗുളികയും കൈവശമുണ്ടായിരുന്നു. ജില്ലാ പോലീസ് മേധാവിക്ക് ലഭിച്ച രഹസ്യവിവരത്തിന്‍റെ അടിസ്ഥാനത്തിൽ എസ്ഐ എസ്. കണ്ണന്‍റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.

ന്യൂമാൻ കോളജിൽ ഇന്‍റർസ്കൂൾ ക്വിസ് മത്സരം

തൊടുപുഴ: ന്യൂമാൻ കോളജ് കൊമേഴ്സ് സെൽഫ് ഫിനാൻസിംഗ് ഫോറത്തിന്‍റെ ആഭിമുഖ്യത്തിൽ ഹയർ സെക്കൻഡറി വിദ്യാർഥികൾക്കായി മൈൻഡ് മാസ്റ്റേഴ്സ് ഇന്‍റർ സ്കൂൾ കൊമേഴ്സ് ക്വിസ് മത്സരം സംഘടിപ്പിച്ചു. പ്രിൻസിപ്പൽ ഡോ. ജെന്നി കെ. അലക്സ് കാഷ് അവാർഡുകൾ വിതരണം ചെയ്തു. ബർസാർ ഫാ. ബെൻസൻ എൻ. ആന്‍റണി, വിവിധ വകുപ്പ് മേധാവികളായ ക്യാപ്റ്റൻ പ്രജീഷ് സി. മാത്യു, ഫാ. അലൻ അലക്സ്, ശോഭ തോമസ്, റോമി തോമസ് എന്നിവർ പ്രസംഗിച്ചു. തൊടുപുഴ വിമല പബ്ലിക് സ്കൂൾ വിദ്യാർഥികളായ ജുഗൽ എസ്. പോൾ, ആൽവിൻ എബി എന്നിവർ ഒന്നാം സ്ഥാനവും മൂവാറ്റുപുഴ സെന്‍റ് അഗസ്റ്റിൻസ് ഗേൾസ് എച്ച്എസ്എസിലെ ഫാത്തിമ നസ്രിൻ, റിതിക സോണി എന്നിവർ രണ്ടാം സ്ഥാനവും വഴിത്തല സെന്‍റ് സെബാസ്റ്റ്യൻസ് എച്ച്എസ്എസിലെ റിൻസ ഡോണ്‍ട്ടിസ്, എം.എ. അമൃത എന്നിവർ മൂന്നാം സ്ഥാനവും നേടി. ഫിലിം റിവ്യൂ മത്സരത്തിൽ തൊടുപുഴ ഡി പോൾ പബ്ലിക് സ്കൂളിലെ വിദ്യാർഥികളായ അക്സ ഐപ്പ് ഒന്നാം സ്ഥാനവും റൂബൻ ജോർജ് ടോണിയോ രണ്ടാം സ്ഥാനവും കരസ്ഥമാക്കി.

ഹാട്രിക് മോഹവുമായി കാൽവരിയിലെ ചുണക്കുട്ടികൾ

ടി.പി. സന്തോഷ്കുമാർ ഇടുക്കി: ഹാട്രിക് കിരീടം ലക്ഷ്യമിട്ട് കാൽവരി മൗണ്ട് കാൽവരി ഹൈസ്കൂളിലെ ചുണക്കുട്ടികൾ ഇന്ന് നെടുങ്കണ്ടം സിന്തറ്റിക് സ്റ്റേഡിയത്തിലിറങ്ങും. കഴിഞ്ഞ രണ്ടു വർഷവും കാൽവരി ഹൈസ്കൂളായിരുന്നു റവന്യു ജില്ലാ തലത്തിൽ ചാന്പ്യന്മാരായത്. സംസ്ഥാന തലത്തിൽ പത്താം സ്ഥാനത്ത് ജില്ലയെത്തിയപ്പോൾ പോയിന്‍റു തലത്തിൽ കൂടുതൽ സംഭാവനയും കാൽവരി ഹൈസ്കൂളിന്‍റേതായിരുന്നു. കായികാധ്യാപകനായ ടിബിൻ ജോസഫിന്‍റെ നേതൃത്വത്തിൽ 30 താരങ്ങളാണ് ഇന്നുമുതൽ കാൽവരി ഹൈസ്കൂളിന്‍റെ യശസുയർത്താനായി ട്രാക്കിലും ഫീൽഡിലുമായി മാറ്റുരയ്ക്കുന്നത്. ഒരു കാലത്ത് കാൽവരി ഹൈസ്കൂളിലെ കുട്ടികൾ സംസ്ഥാന, ദേശീയ തലങ്ങളിൽ വരെ തിളങ്ങിയിരുന്നു. പിന്നീട് കായികവകുപ്പിന്‍റെ അവഗണനയും അടിസ്ഥാന സൗകര്യങ്ങളുടെ കുറവും മൂലം സ്കൂളിനുണ്ടായിരുന്ന മേൽക്കോയ്മ നഷ്ടപ്പെട്ടു. സ്പോർട്സ് ഹോസ്റ്റൽ നിർത്തലാക്കിയതോടെ പത്തു വർഷത്തോളം സ്കൂളിലെ കായികമേഖലയ്ക്ക് കാര്യമായ നേട്ടമുണ്ടാക്കാനായില്ല. 2021ൽ ആണ് ടിബിൻ ജോസഫ് സ്കൂളിൽ കായികാധ്യാപകന്‍റെ ചുമതലയേറ്റെടുത്തത്. അദ്ദേഹത്തിന്‍റെ നേതൃത്വത്തിൽ പ്രതിഭാധനരായ കുട്ടികളെ കണ്ടെത്തി മികച്ച പരിശീലനം നൽകി കായികമേളകളിൽ പങ്കെടുപ്പിച്ചു. ഇതോടെ കാൽവരിയുടെ കുട്ടികൾ കായിക മേളകളിൽ വീണ്ടും മികച്ച മുന്നേറ്റം നടത്തി. കുട്ടികൾക്ക് കായിക പരിശീലന ഉപകരണങ്ങൾ സുമനസുകളുടെയും ഫ്രണ്ട്സ് ഓഫ് കാൽവരി സ്പോർട്സിന്‍റെയും സഹായത്തോടെ ലഭ്യമാക്കി. ഹയർസെക്കൻഡറി വിഭാഗം ഇല്ലാതെയാണ് കഴിഞ്ഞ രണ്ടു വർഷവും കാൽവരിയുടെ തേരോട്ടം. നീണ്ട 21 വർഷത്തിനു ശേഷം ഇത്തവണ ഉപജില്ലാ ചാന്പ്യന്മാരുമായി. സ്കൂളിലെ കുട്ടികൾ കഴിഞ്ഞ വർഷം ദേശീയ, സംസ്ഥാന ചാന്പ്യൻഷിപ്പുകളിൽ സ്വർണം ഉൾപ്പെടെ മെഡൽ നേടിയിരുന്നു. സംസ്ഥാന മേളയിൽ കഴിഞ്ഞ വർഷം 100 മീറ്ററിൽ സ്വർണവും ദേശീയ മീറ്റിൽ വെങ്കലവും നേടിയ ദേവപ്രിയ ഷൈബു, ഹൈജംപിൽ സ്വർണം നേടിയ ദേവനന്ദ ഷൈബു, 600 മീറ്റർ സ്വർണ മെഡൽ ജേതാവ് അൻസിൽ ബിജു, മൂന്നു കിലോമീറ്റർ നടത്ത മത്സരത്തിൽ സ്വർണം നേടിയ ഡെവിന റോബിൻ, ഹൈജംപിൽ സ്വർണം നേടിയ ജോണ്‍ ബിനോയി എന്നിവർ ഇത്തവണയും സ്കൂളിനായി ഗ്രൗണ്ടിലിറങ്ങും. സർക്കാർ കൂടുതൽ സൗകര്യങ്ങൾ ഒരുക്കിയാൽ ഇടുക്കിയുടെ താരങ്ങൾ സംസ്ഥാന, ദേശീയ തലങ്ങളിൽ കൂടുതൽ നേട്ടങ്ങൾ കൈ വരിക്കുമെന്ന് പരിശീലകനായ ടിബിൻ പറഞ്ഞു.

ഇന്നത്തെ മത്സരങ്ങൾ

9.30 സബ് ജൂണിയർ വിഭാഗം ആണ്‍, പെണ്‍, 100 മീറ്റർ ഹീറ്റ്സ്. സെമിഫൈനൽ മത്സരങ്ങൾ. തുടർന്ന് ജൂണിയർ ആണ്‍,പെണ്‍. സീനിയർ ആണ്‍,പെണ്‍.100 മീറ്റർ ഹീറ്റ്സ് -സെമിഫൈനൽ. 10.15ന് സബ് ജൂണിയർ ആണ്‍,പെണ്‍. 600 മീറ്റർ ഹീറ്റ്സ്- സെമിഫൈനൽ. 10.45ന് സബ് ജൂണിയർ ആണ്‍. 80 മീറ്റർ ഹർഡിൽസ്, 11.10ന് സബ് ജൂണിയർ പെണ്‍. 80മീറ്റർ ഹർഡിൽസ് ടൈം ട്രയൽസ്. 11.30ന് ജൂണിയർ ആണ്‍ 110മീറ്റർ, 11.45ന് സീനിയർ ആണ്‍ 110മീറ്റർ ഹർഡിൽസ് ടൈം ട്രയൽസ്. 11.55ന് ജൂണിയർ പെണ്‍ 100മീറ്റർ ഹർഡിൽസ് ടൈം ട്രയൽസ്, 12.10ന് സീനിയർ പെണ്‍ 100 മീറ്റർ ഹർഡിൽസ് ടൈം ട്രയൽസ്. 12.30ന് സബ് ജൂണിയർ ആണ്‍-പെണ്‍, ജൂണിയർ ആണ്‍-പെണ്‍, 12.40ന് ജൂണിയർ ആണ്‍- പെണ്‍ 100 മീറ്റർ ഫൈനൽ മത്സരങ്ങൾ. 1.35ന് സബ് ജൂണിയർ, ജൂണിയർ ആണ്‍-പെണ്‍, 600 മീറ്റർ ഫൈനൽ. 2.10ന് ജൂണിയർ ആണ്‍-പെണ്‍, സീനിയർ ആണ്‍-പെണ്‍, സബ് ജൂണിയർ ആണ്‍,പെണ്‍, 4ഃ100 മീറ്റർ റിലേ ഫൈനൽ മത്സരങ്ങൾ. 3.20ന് ജൂണിയർ ആണ്‍,പെണ്‍ 3000 മീറ്റർ, 3.45ന് സീനിയർ ആണ്‍-പെണ്‍ 3000 മീറ്റർ ഫൈനൽ. 9.30ന് സബ് ജൂണിയർ പെണ്‍, ലോംഗ് ജംപ്, സബ് ജൂണിയർ ആണ്‍. ഷോട്ട്പുട്ട് സബ് ജൂണിയർ ആണ്‍. ഹൈ ജംപ്, ജൂണിയർ ആണ്‍ ഡിസ്കസ് ത്രോ, 10.30ന് ജൂണിയർ പെണ്‍. ഡിസ്കസ് ത്രോ. 11ന് ജൂണിയർ പെണ്‍. ലോംഗ് ജംപ്, ജൂണിയർ ആണ്‍. ഹൈ ജംപ്, ജൂണിയർ ആണ്‍ ഷോട്ട്പുട്ട്, 12ന് സീനിയർ ആണ്‍. ഡിസ്കസ് ത്രോ. രണ്ടിന് സീനിയർ പെണ്‍ ലോംഗ് ജംപ്, സീനിയർ ആണ്‍ ഹൈ ജംപ്, സീനിയർ ആണ്‍ ഷോട്ട്പുട്ട്, സീനിയർ പെണ്‍. ഡിസ്കസ് ത്രോ.

റവന്യു ജില്ലാ സ്കൂൾ കായികമേള : ഇന്ന് തീ പാറും

നെടുങ്കണ്ടം: പതിനെട്ടാമത് റവന്യു ജില്ലാ സ്കൂൾ കായികമേളയ്ക്ക് ഇന്ന് കൊടിയേറും. മൂന്ന് ദിവസങ്ങളിലായി നെടുങ്കണ്ടം പഞ്ചായത്ത് സ്റ്റേഡിയത്തിൽ നടക്കുന്ന കായിക മാമാങ്കത്തിൽ 2500ഓളം കായികതാരങ്ങൾ മാറ്റുരയ്ക്കും. ജില്ലയിലെ ഏഴ് സബ് ജില്ലകളിൽനിന്നാണ് മത്സരാർഥികൾ എത്തുന്നത്. സബ്ജൂണിയർ, ജൂണിയർ, സീനിയർ എന്നീ വിഭാഗങ്ങളിലാണ് മത്സരങ്ങൾ നടക്കുന്നത്. ഇന്നു രാവിലെ ഒന്പതിന് രജിസ്ട്രേഷൻ. ജില്ലാ വിദ്യാഭ്യാസ ഓഫീസർ പതാകയുയർത്തും. തുടർന്നു നടക്കുന്ന സമ്മേളനത്തിൽ എം.എം. മണി എംഎൽഎ കായികമേള ഉദ്ഘാടനം ചെയ്യും. മേളയുടെ പ്രചാരണാർഥം ഇന്നലെ നെടുങ്കണ്ടം ടൗണിൽ ദീപശിഖാ പ്രയാണം നടത്തി. പബ്ലിസിറ്റി കണ്‍വീനർ ടി. ശിവകുമാർ ദീപശിഖ തെളിച്ചു. ആർഡിഎസ്ജിഎ സെക്രട്ടറി എ. സുനീഷ് പ്രയാണം ഫ്ളാഗ് ഓഫ് ചെയ്തു. ദേശീയ ജൂഡോ മെഡൽ ജേതാവ് ഗോഡ്‌വ‌ിൻ പി. ബിനോയി നേതൃത്വം നൽകി. സ്റ്റേഡിയത്തിൽ കിഷോർ പി. ഗോപിനാഥ് ദീപശിഖ ഏറ്റുവാങ്ങി സ്റ്റേഡിയത്തിൽ സ്ഥാപിച്ചു. മേളയിലെ ആകർഷക ഇനമായ നൂറു മീറ്റർ ഓട്ടത്തോടെ ട്രാക്കിലെ മത്സരങ്ങൾ ആരംഭിക്കും.

ഉരുള്‍പൊട്ടലിനും മഹാപ്രളയത്തിനും ഇന്നു നാലു വര്‍ഷം

മുണ്ടക്കയം: 2021 ഒക്‌ടോബര്‍ 16. ഓര്‍മയില്‍ കണ്ണീരും കറുപ്പും പതിയുന്ന ദിവസം. കോട്ടയം, ഇടുക്കി ജില്ലകളിലായി 21 പേരുടെ ജീവന്‍ കവര്‍ന്ന ഉരുള്‍പൊട്ടലിലും മഹാപ്രളയത്തിനും ഇന്നു നാലുവര്‍ഷം തികയുന്നു. ആ ശനിയാഴ്ച രാവിലെ എട്ടു മുതല്‍ കലിതുള്ളി പെയ്ത മഴയില്‍ കൊടുങ്ങ, ഇളംകാട്-വാഗമണ്‍ റോഡ്, പ്ലാപ്പള്ളി, മുക്കുളം പ്രദേശങ്ങളില്‍ ഒന്നിനു പുറകെ ഒന്നായി പതിനൊന്നിടത്ത് ഉരുള്‍പൊട്ടി. ഇരുള്‍ പരന്ന പകലില്‍ അയല്‍വാസികള്‍ക്ക് എന്തു സംഭവിച്ചു എന്നന്വേഷിക്കാന്‍ പോലുമാകാത്ത പെയ്ത്തായിരുന്നു. പുല്ലകയാറിന്‍റെയും മണിമലയാറിന്‍റെയും ചരിത്രത്തിലെ ഏറ്റവും വലിയ പ്രളയത്തിനാണ് രാവിലെ പതിനൊന്നു മുതല്‍ പ്ലാപ്പള്ളി, കൊക്കയാര്‍, കൂട്ടിക്കല്‍ പ്രദേശങ്ങളിലെ ഉരുള്‍പൊട്ടൽ വഴിയൊരുക്കിയത്. റോഡുകള്‍ ഒലിച്ചപോയും മല പോലെ മണ്ണും ചെളിയും മരങ്ങളും അടിഞ്ഞുകൂടിയും രക്ഷാപ്രവര്‍ത്തനം ദുഃസഹമായി. ഒപ്പം വൈദ്യുതിബന്ധവും നഷ്ടപ്പെട്ടു. വീടുകൾ മുങ്ങി മണിമലയാറിന്‍റെ തീരങ്ങളില്‍ 90 കിലോമീറ്റര്‍ ദൂരത്തില്‍ ആയിരക്കണക്കിനു വീടുകള്‍ വെള്ളത്തിലായി വീട്ടുപകരണങ്ങള്‍ നശിച്ചു. വീടുകളില്‍ ചെളിനിറഞ്ഞു. ദുരിതം പെയ്‌തൊഴിയാത്ത മലയോരഗ്രാമങ്ങളില്‍നിന്നു ദുരന്തത്തിനു പിന്നാലെ ഇരുന്നൂറിലധികം കുടുംബങ്ങള്‍ പലായനം ചെയ്തു. പലരും കൂട്ടിക്കല്‍ പ്രദേശങ്ങളില്‍ സുരക്ഷിതമായ മേഖലയില്‍ സ്ഥലം വാങ്ങി വീടുവച്ചു. പ്ലാപ്പള്ളി കാവാലിയില്‍ ഒരു കുടുംബത്തിലെ മൂന്നു കുട്ടികള്‍ ഉള്‍പ്പെടെ ആറു പേര്‍ക്കാണ് ജീവന്‍ നഷ്ടമായത്. ഇളംകാട്ടിലും കൊക്കയാറിലുമായി നിരവധി ജീവനുകളെ പ്രളയം കവര്‍ന്നു. മലയിടിച്ചിലിലും പ്രളയത്തിലും 135 വീടുകള്‍ പൂര്‍ണമായും 106 വീടുകള്‍ ഭാഗികമായും നശിച്ചു. ഇതില്‍ 74 പേര്‍ക്ക് വീടും സ്ഥലവും 41 പേര്‍ക്ക് വീടും പൂര്‍ണമായി നഷ്ടപ്പെട്ടു. വീടും സ്ഥലവും നഷ്ടപ്പെട്ട 60 പേര്‍ക്ക് ആറു ലക്ഷം രൂപ വീതവും വീട് മാത്രം നഷ്ടപ്പെട്ടവര്‍ക്ക് ഒരു ലക്ഷം രൂപ വീതവും നല്‍കി. തകർന്ന പാലങ്ങൾ ഏന്തയാര്‍ പാലം, പൂവഞ്ചി തൂക്കുപാലം, കൊക്കയാര്‍ പാലം, വെംബ്ലി കമ്യൂണിറ്റി ഹാള്‍ പാലം, നൂറേക്കര്‍ പാലം, തെരുവുപാറ പാലം, ഏന്തയാര്‍-മലയിഞ്ചി പാലം, കുപ്പയക്കുഴി പാലം, വെട്ടിക്കാനം നടപ്പാലം എന്നിവയെല്ലാം തകര്‍ന്നു. മുക്കുളം, വടക്കേമല, നാരകംപുഴ, കൊക്കയാര്‍, കുറ്റിപ്ലാങ്ങാട്, മേലോരം, എന്തയാര്‍, പൂവഞ്ചി എന്നിവിടങ്ങളില്‍ റോഡുകള്‍ ഒലിച്ചുപോയി. സർക്കാരും സന്നദ്ധസംഘടനകളും ഇരുന്നൂറോളം വീടുകള്‍ പണിതു നല്‍കി. പാലങ്ങളും റോഡുകളും ഏറെയും പുനര്‍നിര്‍മിച്ചു. വീടുകള്‍ തകര്‍ന്ന ഒട്ടേറെ കുടുംബങ്ങള്‍ രണ്ടു മാസത്തോളം ദുരിതാശ്വസ ക്യാന്പിലായിരുന്നു. മാക്കൊച്ചി, വടക്കേമല, മുക്കുളം, അഴങ്ങാട് എന്നിവിടങ്ങളിലെ 180 കുടുംബങ്ങള്‍ ഇപ്പോഴും ഉരുള്‍പൊട്ടല്‍ ഭീഷണിലാണ്. മുക്കുളം, പൂവഞ്ചി, വെംബ്ലി അഴങ്ങാട്, മേലോരം, കൊക്കയാര്‍, കുറ്റിപ്ലാങ്ങാട്, വെബ്ലി, നാരകംപുഴ, കനകപുരം ഗ്രാമങ്ങള്‍ ആഘാതത്തില്‍നിന്നു കരകയറിയിട്ടില്ല. 400 ഹെക്ടര്‍ സ്ഥലത്തെ കൃഷി ദുരന്തത്തില്‍ നശിച്ചു.

കലയുടെ വസന്തമൊരുക്കി സെൻട്രൽ കേരള സിബിഎസ്ഇ സഹോദയ കലോത്സവം

തൊടുപുഴ: കലയുടെ വസന്തമൊരുക്കി സെൻട്രൽ കേരള സിബിഎസ്ഇ സഹോദയ കലോത്സവം സർഗധ്വനി - 2025ന് തൊടുപുഴ വിമല പബ്ലിക് സ്കൂളിൽ തിരിതെളിഞ്ഞു. നിറഞ്ഞ സദസിനു മുന്നിൽ സിനിമാതാരം കലാഭവൻ ഷാജോൺ കലോത്സവം ഉദ്ഘാടനം ചെയ്തു. സഹോദയ പ്രസിഡന്‍റ് ഫാ. മാത്യു കരീത്തറ സിഎംഐ അധ്യക്ഷത വഹിച്ചു. ന്യൂമാൻ കോളജ് ബർസാർ ഫാ. ബെൻസണ്‍ എൻ.ആന്‍റണി കലോത്സവത്തിന്‍റെ ഭാഗ്യ ചിഹ്നമായ ലൂണിയുടെ സ്വിച്ച് ഓണ്‍ കർമം നിർവഹിച്ചു. പാവനാത്മ പ്രൊവിൻഷ്യൽ സുപ്പീരിയർ സിസ്റ്റർ മെറീന സിഎംസി അനുഗ്രഹ പ്രഭാഷണം നടത്തി. പിടിഎ പ്രസിഡന്‍റ് അഡ്വ.സിജോ ജെ. തൈച്ചേരി, ലോക്കൽ മാനേജർ സിസ്റ്റർ സീന മരിയ, സികഐസ് സെക്രട്ടറി ജയ്ന പോൾ, വൈസ് പ്രസിഡന്‍റ് ഫാ. ജോണ്‍സണ്‍ പാലപ്പിള്ളി, സിസ്റ്റർ റോസ് മരിയ എസ്എബിഎസ്, ഷീനു സൈമണ്‍, ജോജു ജോസഫ്, അനിത ജോർജ് എന്നിവർ പ്രസംഗിച്ചു. പ്രിൻസിപ്പൽ സിസ്റ്റർ എലൈസ് സിഎംസി സ്വാഗതവും പ്രോഗ്രാം കോ-ഓർഡിനേറ്റർ ഗിരീഷ് ബാലൻ നന്ദിയും പറഞ്ഞു. ഉദ്ഘാടനത്തോടനുബന്ധിച്ചു കുട്ടികൾ അവതരിപ്പിച്ച കലാപരിപാടികളും അരങ്ങേറി. കുട്ടികൾക്കൊപ്പം ഷാജോണ്‍ തൊടുപുഴ: സഹോദയ കലോത്സവം ഉദ്ഘാടകനായ കലാഭവൻ ഷാജോണിന്‍റെ സാന്നിധ്യം സദസിന് ആവേശം പകർന്നു. പാട്ടു പാടിയും കലാ ജീവിതാനുഭവങ്ങൾ പങ്കുവച്ചും അദ്ദേഹം കാണികളുടെ മനം കവർന്നു. തൊടുപുഴ വിമല പബ്ലിക് സ്കൂൾ മ്യൂസിക് ബാൻഡ് ഗ്രൂപ്പ് അവതരിപ്പിച്ച മനോഹരമായ ചെയിൻ സോംഗിനെ പ്രശംസിച്ച അദ്ദേഹം ഗാനം അവതരിപ്പിച്ച വിദ്യാർഥികളെയും അധ്യാപകനെയും അഭിനന്ദിച്ചു. ഉദ്ഘാടന ചടങ്ങിനു ശേഷം കുട്ടികളമായി സെൽഫിയെടുത്തും സൗഹൃദം പങ്കിട്ടുമാണ് ഷാജോണ്‍ മടങ്ങിയത്. ഇന്ന് അരങ്ങുണരും ഇന്നു മുതൽ 18 വരെ രംഗകലകൾ അരങ്ങേറും. മഴവിൽ, സർഗം, നാട്യം, ഭാവം, സ്വരം, രാഗം, ലാസ്യം, ശ്രുതി, നാദം, താളം, മേളം, ലയം, കാവ്യം, ഗീതം, വിസ്മയ എന്നിങ്ങനെ 15 വേദികളിലാണ് മത്സരങ്ങൾ നടക്കുന്നത്. ഇൻഡോർ സ്റ്റേഡിയം, കെജി സെക്ഷൻ, എൽപി ബ്ലോക്ക്, എച്ച്എസ് ബ്ലോക്ക്, എച്ച്എസ്എസ് കംപ്യൂട്ടർ ലാബ് എന്നിവിടങ്ങളാണ് വേദികൾ. ഇടുക്കി, തൃശൂർ, എറണാകുളം ജില്ലകളിലെ നൂറിൽപരം സ്കൂളുകളിൽനിന്നുള്ള കലാപ്രതിഭകൾ മാറ്റുരയ്ക്കും.

ശശിയും പ്രിയനും സിപിഐ അസി. സെക്രട്ടറിമാർ

തൊടുപുഴ: സിപിഐ ജില്ലാ കൗണ്‍സിൽ അസി. സെക്രട്ടറിമാരെയും 13 ജില്ലാ എക്സിക്യൂട്ടീവ് അംഗങ്ങളെയും തെരഞ്ഞെടുത്തു. എം.വൈ. ഒൗസേപ്പ് അധ്യക്ഷത വഹിച്ചു. സംസ്ഥാന സെക്രട്ടേറിയറ്റംഗം കെ.കെ. അഷറഫ്, ടി.ജെ. ആഞ്ചലോസ് എന്നിവർ പ്രസംഗിച്ചു. ജില്ലാ അസി. സെക്രട്ടറിമാരായി വി.ആർ. ശശി -കട്ടപ്പന, എം.കെ. പ്രിയൻ -ഇടുക്കി എന്നിവരെ തെരഞ്ഞെടുത്തു. എക്സിക്യൂട്ടീവ് അംഗങ്ങളായി കെ. സലീംകുമാർ, വി.ആർ. ശശി, എം.കെ. പ്രിയൻ, എം.വൈ. ഒൗസേപ്പ്, ജോസ് ഫിലിപ്പ്, ജയ മധു, സി.യു. ജോയി, കെ.കെ. ശിവരാമൻ, പി. മുത്തുപാണ്ടി, ഇ.എസ്. ബിജിമോൾ, വി.കെ. ധനപാൽ, പി. ഗണേശൻ, ജി.എൻ. ഗുരുനാഥൻ എന്നിവരെ തെരഞ്ഞെടുത്തു.

തദ്ദേശ തെരഞ്ഞെടുപ്പ്: സംവരണ വാർഡുകൾ

കഞ്ഞിക്കുഴി പഞ്ചായത്ത് വനിതസംവരണം: 1-തട്ടേക്കണ്ണി, 3-അഞ്ചുകുടി, 4-ചേലച്ചുവട്, 8-ആൽപ്പാറ, 9-മഴുവടി, 10-തള്ളക്കാനം, 12-കഞ്ഞിക്കുഴി, 13-പഴയരിക്കണ്ടം. പട്ടികവർഗവനിത: 2-കീരിത്തോട്. പട്ടികജാതി: 7-ചുരുളി.പട്ടികവർഗം: 17-വരിക്കമുത്തൻ. വാത്തിക്കുടി പട്ടികജാതി: 1-തേക്കിൻതണ്ട്.വനിത സംവരണം: 2-മുരിക്കാശേരി,5-ചെന്പകപ്പാറ, 7-ദൈവംമേട്, 9-കട്ടക്കയം, 12-പെരുന്തൊട്ടി, 13-മന്നാത്തറ, 15-പടമുഖം, 16-പതിനാറാംകണ്ടം, 17-രാജമുടി, 19-പൂമാംകണ്ടം. കാമാക്ഷി വനിതസംവരണം: 1 -കരിക്കിൻമേട്, 2-പ്രകാശ്,4-പുഷ്പഗിരി, 5-അന്പലമേട്, 6-കാമാക്ഷി, 8-എട്ടാംമൈൽ, 13-തങ്കമണി വെസ്റ്റ്, 15-ഇരുകൂട്ടി.പട്ടികജാതി: 12-നീലിവയൽ. മരിയാപുരം വനിതസംവരണം: 1-കൊച്ചുകരിന്പൻ, 6-നാരകക്കാനം, 8-ഡബിൾകട്ടിംഗ്, 9-കല്യാണതണ്ട്, 10-മിനിഡാം, 12-കുതിരക്കല്ല, 13-മഠത്തുംകടവ്. പട്ടികജാതി:14 വിമലഗിരി. വാഴത്തോപ്പ് വനിതസംവരണം: 2-മുളകുവള്ളി, 3-കരിന്പൻ, 4-മഞ്ഞപ്പാറ, 6-കേശമുനി, 8-താന്നിക്കണ്ടം, 9-വഞ്ചിക്കവല, 12-പാറേമാവ്, 13-പൈനാവ്. പട്ടികജാതി: 11-ഗാന്ധിനഗർ. പട്ടികവർഗം: 7-വാഴത്തോപ്പ്. വെള്ളത്തൂവൽ വനിതസംവരണം: 1-കൂന്പൻപാറ, 5-ആനച്ചാൽ, 7-ഈട്ടിസിറ്റി, 8-കുഞ്ചിത്തണ്ണി, 13-ശല്യാംപാറ, 14-വെസ്റ്റ് വെള്ളത്തൂവൽ, 15 -കല്ലാർകുട്ടി, 16-സൗത്ത് കത്തിപ്പാറ,18-മാങ്കടവ്. പട്ടികജാതി: 9-പോത്തുപാറ. പള്ളിവാസൽ പട്ടികജാതി സ്ത്രീ: 2-കുരിശുപാറ, 8-പവർഹൗസ്.പട്ടികജാതി: 7-കുഞ്ചിത്തണ്ണി, 11-തോക്കുപാറ.വനിതസംവരണം: 1-പീച്ചാട്, 3-രണ്ടാംമൈൽ, 5-പോതമേട്, 6-ആറ്റുകാട്, 9-ചിത്തിരപുരം. കൊന്നത്തടി വനിതസംവരണം: 1-പൊൻമുടി, 2-മരക്കാനം, 4-മുനിയറ നോർത്ത്, 5-മുനിയറ സൗത്ത്, 6-മുള്ളരിക്കുടി, 7-പെരിഞ്ചാംകുട്ടി, 8-മങ്കുവ, 14-പനംകുട്ടി, 15-മുക്കുടം, 17-കൊന്നത്തടി സൗത്ത്.പട്ടികജാതി: 18-കൊന്നത്തടി നോർത്ത്. പട്ടികവർഗം:3-കൊന്പടിഞ്ഞാൽ. ബൈസണ്‍വാലി പട്ടികജാതി: 1-ദേശീയം.പട്ടികവർഗം: 8-ഹൈസ്കൂൾ വാർഡ്.വനിതസംവരണം: 2-ഇരുപതേക്കർ, 3-പൊട്ടൻകാട്, 6-ചൊക്രമുടി, 7-മുട്ടുകാട്, 9-നാൽപ്പതേക്കർ, 12-ജോസ്ഗിരി, 13-തേക്കിൻകാനം. അടിമാലി വനിതസംവരണം:7-ചാറ്റുപാറ, 8-അടിമാലി നോർത്ത്, 10-കരിങ്കുളം, 12-കൂന്പൻപാറ, 16-അടിമാലി, 17-ചാറ്റുപാറ സൗത്ത്, 19-ചിന്നപ്പാറ, 21-മെഴുകുംചാൽ, 24-വാളറ.പട്ടികജാതി: 5-പത്തിനാലാംമൈൽ. പട്ടികജാതി വനിത: 6-മച്ചിപ്ലാവ്. പട്ടികവർഗം: 14-ഇരുനൂറേക്കർ,23-കാഞ്ഞിരവേലി. പട്ടികവർഗവനിത: 9-തലമാലി, 18-മണൽപ്പടി. പാന്പാടുംപാറ വനിതാ സംവരണം: 1-കല്ലാർ, 3-മുണ്ടിയെരുമ, 4-തൂക്കുപാലം, 6-തേർഡ്ക്യാന്പ്, 8-അന്യാർതൊളു, 11-ആദിയാർപുരം. പട്ടികജാതി: 2-താന്നിമൂട്. പട്ടികജാതി സ്ത്രീ: 16-വട്ടപ്പാറ. ഉടുന്പൻചോല വനിതാ സംവരണം: 1-ശ്ലീവാമല, 5-മണത്തോട്, 6-കല്ലുപാലം, 11-പൊത്തക്കള്ളി, 12-മയിലാടുംപാറ, 14-തിങ്കൾക്കാട്. പട്ടികവർഗ സംവരണം: 9-വാൽപ്പാറ. പട്ടികജാതി സംവരണം: 4-ഉടുന്പൻചോല. പട്ടികജാതി സ്ത്രീ: 13-വല്ലറയ്ക്കൻപാറ. കരുണാപുരം വനിതാ സംവരണം: 4-ചക്കക്കാനം, 5-രാമക്കൽമേട്, 6-കുരുവിക്കാനം, 8-കരുണാപുരം, 10-കന്പംമെട്ട്, 14-പോത്തിൻകണ്ടം, 15-കുഴിത്തൊളു, 16-കുഴിക്കണ്ടം, 18-പാറമേക്കാവ്. പട്ടികജാതി സംവരണം: 11-സുൽത്താൻമേട്. നെടുങ്കണ്ടം വനിതാ സംവരണം: 2-ചാറൽമേട്, 4-ചെന്പകക്കുഴി, 5-കൽക്കൂന്തൽ, 6-കൈലാസപ്പാറ, 9-കോന്പയാർ, 10-പാലാർ, 12-ചെന്നാപ്പാറ, 14-തൂക്കുപാലം, 18-നെടുങ്കണ്ടം ഈസ്റ്റ്, 19-നെടുങ്കണ്ടം വെസ്റ്റ്, 23-പത്തുവളവ്. പട്ടികജാതി: 17-കല്ലാർ. പട്ടികജാതി വനിത: 24-മഞ്ഞപ്പാറ. കാന്തല്ലൂർ പട്ടികജാതി സ്ത്രീ: 3-കീഴാന്തൂർ, 8-കർശനാട്.പട്ടികവർഗസ്ത്രീ:4-ചെങ്കലാർ, 5-കാന്തല്ലൂർ.പട്ടികജാതി: 1-പാളപ്പെട്ടി,12-പയസ് നഗർ. പട്ടികവർഗം: 2-പെരടിപള്ളം. വനിത സംവരണം: 7-പെരുമാല, 10ദിണ്ഡുകൊന്പ്, 14-പൊങ്ങംപള്ളി. രാജകുമാരി പട്ടികജാതി: 13-നടുമറ്റം.വനിത: 1-പുതകിൽ, 4-അരമനപ്പാറ, 6-മഞ്ഞക്കുഴി, 8-മുരിക്കുംതൊട്ടി, 10-പന്നിയാർ, 12-രാജകുമാരി സൗത്ത്, 14-രാജകുമാരിവെസ്റ്റ് മിനിപ്പടി. രാജാക്കാട് പട്ടികജാതി: 12-കള്ളിമാലി.വനിത: 2-മുല്ലക്കാനം, 4-രാജാക്കാട്, 5-കനകക്കുന്ന്,6-എൻ.ആർ.സിറ്റി, 7-വാക്കാസിറ്റി, 10-കുരിശുംപടി, 13-ആനപ്പാറ. സേനാപതി പട്ടികജാതി: 4-സേനാപതി.വനിത: 1-കനകപ്പുഴ,5-സ്വർഗംമേട്,7-കാറ്റൂതി, 8-തലയൻകാവ്, 11-മുക്കുടിൽ, 12-കുത്തുങ്കൽ, 14-പൂപ്പസിറ്റി. ഇടമലക്കുടി പട്ടികവർഗം: 1-മീൻകുത്തിക്കുടി, 6-ആറടിക്കുടി, 7-പരപ്പയാർകുടി,10-തെക്കേഇഡ്ഡലിപാറക്കുടി, 12-സൊസൈറ്റിക്കുടി, 13-അന്പലപ്പടിക്കുടി, 14-കവയ്ക്കാട്ടുകുടി, 2-നെൻമണൽക്കുടി, 3-മുളകുതറകുടി, 4-കിഴുപ്പത്താംകുടി, 5-ഷെഡ്ഡ്കുടി, 8-തേൻപാറക്കുടി, 9-വടക്കേഇഡ്ഡലിപ്പാറക്കുടി, 11-ആണ്ടവൻകുടി. ദേവികുളം പട്ടികജാതി സ്ത്രീ: 1-ബെൻമൂർ, 4-ചെണ്ടുവര, 15-മാട്ടുപ്പെട്ടി, 16-തെൻമല, 17-ഗുണ്ടുമല. പട്ടികജാതി: 6-എല്ലപ്പെട്ടി, 7-അരുവിക്കാട്, 10-ലോക്ക്ഹാർട്ട്, 11-ചൊക്കനാട്, 13-നെറ്റിക്കുടി.വനിത: 2-കുണ്ടള, 3-തീർഥമല, 8-സൈലന്‍റ് വാലി, 9-ഗൂഡാർവിള. മാങ്കുളം പട്ടികവർഗസ്ത്രീ: 4-ആറാംമൈൽ, 9താളുംകണ്ടം.പട്ടികവർഗം:7-വിരിപാറ. പട്ടികജാതി: 13 പെരുന്പൻകുത്ത്. വനിത: 3-അന്പതാംമൈൽ, 6-മുനിപാറ, 8-പാന്പുകയം, 10-താളുംകണ്ടംവെസ്റ്റ്, 14-ആനക്കുളം സൗത്ത്. ചിന്നക്കനാൽ പട്ടികജാതി സ്ത്രീ: 7-തിടീർനഗർ,11-സൂര്യനെല്ലി, 14-മുട്ടുകാട്.പട്ടികജാതി: 2-ചിന്നക്കനാൽ, 13-വേണാട്.പട്ടികവർഗം: 1-പവർഹൗസ്. വനിത: 3-ഗുണ്ടുമല, 8-ബിഎൽറാം, 9-ചെന്പകത്തൊഴുകുടി, 10-സിങ്കുകണ്ടം. ശാന്തൻപാറ പട്ടികജാതി സ്ത്രീ: 1-ആനയിറങ്കൽ, 4-പൂപ്പാറ ഈസ്റ്റ്.പട്ടികജാതി: 2-പന്നിയാർ.വനിത: 7-കൂന്തപ്പനതേരി, 9-പുത്തടി, 10പള്ളിക്കുന്ന്, 11-തൊട്ടിക്കാനം, 13-എസ്റ്റേറ്റ് പൂപ്പാറ. വട്ടവട പട്ടികജാതി സ്ത്രീ: 10-വട്ടവട നോർത്ത്.പട്ടികവർഗസ്ത്രീ: 8-കോവിലൂർസൗത്ത്, 12-ഇടമണൽ. പട്ടികവർഗം: 1-കൂടലാർകുടി, 9-വട്ടവടസൗത്ത്.പട്ടികജാതി:3-കടവരി. വനിത: 2-കൊട്ടക്കാന്പൂർഈസ്റ്റ്,4-കൊട്ടക്കാന്പൂർ വെസ്റ്റ്, 5-കോവിലൂർ നോർത്ത്, 7-കോവിലൂർ ഈസ്റ്റ്. മൂന്നാർ പട്ടികജാതി സ്ത്രീ: 1-രാജമല,2-ലക്കം,3-വാഗുവരൈ, 8-ലക്ഷംനഗർ, 11-ചൊക്കനാട്, 15-കല്ലാർ.പട്ടികജാതി: 4-തലയാർ, 10-മൂലക്കട, 13-സെവൻമല, 14-ലക്ഷ്മി, 17-നടയാർ.പട്ടികവർഗം: 9-ഇക്കാനഗർ. വനിത: 6-പെരിയവരൈ, 7-മൂന്നാർനഗർ, 16-നല്ലതണ്ണി, 19-ചോലമല. മറയൂർ പട്ടികജാതി സ്ത്രീ:4-ഇന്ദിരനഗർ, 6-കോട്ടക്കുളം, 10-മാശിവയൽ.പട്ടികവർഗസ്ത്രീ: 2-ഇരുട്ടള, 8-ജവഹർനഗർ.പട്ടികജാതി: 9-മറയൂർ, 13-മൈക്കിൾഗിരി. പട്ടികവർഗം: 5-ബാബുനഗർ, 14-പള്ളനാട്. വനിത: 1-കൂടക്കാട്, 12-നാച്ചിവയൽ.

പാലിയേറ്റീവ് കെയർ ദിനാചരണം

വഴിത്തല: ലോക പാലിയേറ്റീവ് കെയർ ദിനത്തോടനുബന്ധിച്ച് വഴിത്തല സെന്‍റ് സെബാസ്റ്റ്യൻസ് ഹയർ സെക്കൻഡറി സ്കൂൾ സ്കൗട്സ് ആൻഡ് ഗൈഡ്സ് വിദ്യാർഥികൾ വാഴക്കുളം സെന്‍റ് ജോർജ് ആശുപത്രിയിലെ പാലിയേറ്റീവ് കെയർ യൂണിറ്റും പുതുതായി ആരംഭിച്ച ഡയാലിസിസ് സെന്‍ററും സന്ദർശിച്ചു. ഗൈഡ്സ് ക്യാപ്റ്റൻ ലീൻ ജോണിന്‍റെ നേതൃത്വത്തിൽ കുട്ടികൾ സമാഹരിച്ച തുക കൈമാറി. വാഴക്കുളത്തെ വിവിധ ക്ലബ്ബുകളുടെയും സന്നദ്ധ പ്രവർത്തകരുടെയും സഹകരണത്തോടെ പ്രവർത്തനം ആരംഭിച്ച യൂണിറ്റ് വാഴക്കുളം ചാരിറ്റബിൾ ട്രസ്റ്റ് എന്ന പേരിൽ സൗജന്യ സേവനമാണ് നടത്തുന്നത്. ഡയാലിസിസ് സെന്‍ററിന്‍റെ ചുമതല വഹിക്കുന്ന ജീവ ജോർജ്, മെൽവിൻ ജോളി എന്നിവർ യൂണിറ്റിന്‍റെ പ്രവർത്തനങ്ങളെക്കുറിച്ച് വിശദീകരിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]