എസ്ബി കോളജില് പരിസ്ഥിതി ദിനാചരണം
1565588
Saturday, June 7, 2025 7:30 AM IST
ചങ്ങനാശേരി: എസ്ബി കോളജില് ഭൂമിത്ര സേനയുടെ നേതൃത്വത്തില് കോളജിലെ വിവിധ ഡിപ്പാര്ട്ട്മെന്റുകൾ പരിസ്ഥിതി ദിന പരിപാടികള് നടത്തി. കോളജ് കാമ്പസിലും ചങ്ങനാശേരി ബൈപാസിലും വൃക്ഷത്തൈകള് നട്ടുപിടിപ്പിച്ചു. ഫോട്ടോഗ്രഫി മത്സരം, പോസ്റ്റര് ഡിസൈന്, സാമൂഹിക ബോധവത്കരണം തുടങ്ങിയ പരിപാടികളും നടത്തി.
ബോട്ടണി ഡിപ്പാര്ട്ട്മെന്റിന്റെ നേതൃത്വത്തില് കോളജ് ഓഫീസിലേക്ക് ഇന്ഡോര് പ്ലാന്റുകള് കൈമാറി. ഗ്രീന് വര്ക്ക് സ്പേസ് എന്ന പ്രോഗ്രാം പ്രിന്സിപ്പല് റവ.ഡോ. ടെഡി കാഞ്ഞൂപ്പറമ്പില് ഉദ്ഘാടനം ചെയ്തു.
ഹരിതം ലഹരി എന്ന പരിപാടിയോടു ചേര്ന്ന് പരിസ്ഥിതി ദിനത്തില് വിദ്യാർഥികള് ലഹരിവിരുദ്ധ പ്രതിജ്ഞയെടുത്തു. ഭൂമിത്ര സേന കോ-ഓർഡിനേറ്റര് ജെബിന് ജോസഫ് പ്രസംഗിച്ചു.