ജ​ന​വാ​സകേ​ന്ദ്ര​ത്തി​ല്‍ ക​ള്ളുഷാ​പ്പ്; പ്ര​തി​ഷേ​ധ​വു​മാ​യി നാ​ട്ടു​കാ​ര്‍
Thursday, July 4, 2024 9:53 PM IST
ഭ​ര​ണ​ങ്ങാ​നം: ഭ​ര​ണ​ങ്ങാ​നം പ​ഞ്ചാ​യ​ത്തി​ലെ ഇ​ട​പ്പാ​ടി അ​യ്യ​മ്പാ​റ​യി​ല്‍ ക​ള്ളുഷാ​പ്പ് പ്ര​വ​ര്‍​ത്ത​നം തു​ട​ങ്ങി​യ​തി​നെ​തി​രേ സ്​ത്രീ​ക​ള​ട​ക്ക​മു​ള്ള നാ​ട്ടു​കാ​രു​ടെ വ്യാ​പ​ക പ്ര​തി​ഷേ​ധം. ജ​ന​കീ​യ പ്ര​തി​ഷേ​ധ​ത്തെത്തുട​ര്‍​ന്ന് പ്ര​വ​ര്‍​ത്ത​നം ആ​രം​ഭി​ക്കാ​നാ​കാ​തെപോ​യ ക​ള്ളുഷാ​പ്പാ​ണ് ര​ണ്ടു വ​ര്‍​ഷ​ത്തി​നു​ശേ​ഷം തി​രി​കെ​യെ​ത്തി​യ​ത്.

ജ​ന​ങ്ങ​ള്‍ സം​ഘ​ടി​ച്ച​തോ​ടെ വ​ന്‍ പോ​ലീ​സ് സം​ഘ​വും സ്ഥ​ല​ത്തെ​ത്തി. ഭ​ര​ണ​ങ്ങാ​നം പ​ഞ്ചാ​യ​ത്ത് ഒ​മ്പ​താം വാ​ര്‍​ഡി​ല്‍ അ​യ്യ​മ്പാ​റ​യി​ലാ​ണ് ജ​ന​വാ​സ കേ​ന്ദ്ര​ത്തി​ല്‍ റോ​ഡി​നോ​ടു ചേ​ര്‍​ന്ന് ക​ള്ള് ഷാ​പ്പ് ആ​രം​ഭി​ക്കു​ന്ന​ത്.

2022-ല്‍ ​പ​ച്ച​ക്ക​റിക്ക​ട തു​ട​ങ്ങാ​ന്‍ എ​ന്ന വ്യാ​ജേ​ന ലൈ​സ​ന്‍​സ് എ​ടു​ത്ത ശേ​ഷം ക​ള്ളുഷാ​പ്പ് ലൈ​സ​ന്‍​സി​നു​ള്ള നീ​ക്കം ന​ട​ത്തി​യ​തോ​ടെ​യാ​ണ് ജ​ന​ങ്ങ​ള്‍ സം​ഘ​ടി​ച്ച​ത്. ചു​റ്റും വീ​ടു​ക​ളും സ്‌​കൂ​ള്‍ വി​ദ്യാ​ര്‍​ഥി​ക​ള്‍ അ​ട​ക്കം ബ​സ് കാ​ത്തു​നി​ല്‍​ക്കു​ന്ന സ്ഥ​ല​വു​മാ​യ ഇ​വി​ടെ ക​ള്ളുഷാ​പ്പ് ഒ​രു കാ​ര​ണ​വ​ശാ​ലും അ​നു​വ​ദി​ക്കി​ല്ലെ​ന്ന് നാ​ട്ടു​കാ​ര്‍ പ​റ​ഞ്ഞു. സ്ഥ​ല​ത്തെ ആംഗ​ന്‍​വാ​ടി​യി​ലേ​ക്ക് ഇ​വി​ടെനി​ന്നും അ​മ്പ​തു മീ​റ്റ​ര്‍ പോ​ലും അ​ക​ല​മി​ല്ല.

പ്ര​തി​ഷേ​ധ​വും പ​രാ​തി​ക​ളും ശ​ക്ത​മാ​യ​തോ​ടെ ര​ണ്ടു വ​ര്‍​ഷം മു​മ്പ് ഷാ​പ്പ് ഇ​വി​ടെ ആ​രം​ഭി​ക്കാ​നാ​കാ​തെ പോ​വു​ക​യാ​യി​രു​ന്നു. ഒ​രു റ​ബര്‍ത്തോ​ട്ട​ത്തി​ലേ​ക്കു മാ​റ്റി ക​ച്ച​വ​ടം ആ​രം​ഭി​ച്ചു​വെ​ങ്കി​ലും ഇ​വി​ടെ ക​ച്ച​വ​ടം കു​റ​വാ​ണെ​ന്ന പേ​രി​ലാ​ണ് ഇ​പ്പോ​ള്‍ പ​ഴ​യ സ്ഥ​ല​ത്തേ​ക്കു ത​ന്നെ തി​രി​കെ എ​ത്തി​യി​രി​ക്കു​ന്ന​ത്.

ആ​വ​ശ്യ​മാ​യ ലൈ​സ​ന്‍​സ് നേ​ടി​യാ​ണ് ഷാ​പ്പ് തു​ട​ങ്ങു​ന്ന​ത് എ​ന്നാ​ണ് ഉ​ട​മ​യു​ടെ വാ​ദം. ഇ​ന്ന​ലെ ഇ​വി​ടെ ക​ള്ള് എ​ത്തി​ച്ചു​വെ​ന്ന വാ​ര്‍​ത്ത പ​ര​ന്ന​തോ​ടെ പ്ര​ദേ​ശ​ത്തെ ജ​ന​ങ്ങ​ള്‍ ഒ​ന്നാ​കെ സം​ഘ​ടി​ക്കു​ക​യാ​യി​രു​ന്നു. സം​ഘ​ര്‍​ഷാ​വ​സ്ഥ​യെ തു​ട​ര്‍​ന്ന് വ​ന്‍ പോ​ലീ​സ് സം​ഘം സ്ഥ​ല​ത്തെ​ത്തി. ഷാ​പ്പ് ന​ട​ത്താ​ന്‍ ആ​വ​ശ്യ​മാ​യ രേ​ഖ​ക​ള്‍ ഉ​ണ്ടെ​ന്നും ജ​ന​ങ്ങ​ള്‍ നി​യ​മ​പ​ര​മാ​യി നീ​ങ്ങ​ണ​മെ​ന്നു​മാ​ണ് പോ​ലീ​സി​ന്‍റെ നി​ല​പാ​ട്. ക​ള്ള് വി​ല്പ​ന ആ​രം​ഭി​ക്കാ​നാ​ണ് നീ​ക്ക​മെ​ങ്കി​ല്‍ ത​ട​യാ​ന്‍ത​ന്നെ​യാ​ണ് നാ​ട്ടു​കാ​രു​ടെ തീ​രു​മാ​നം.

ചു​റ്റും വീ​ടു​ക​ളും സ​മീ​പ​ത്ത് അം​ഗ​ന്‍​വാ​ടി​യും ഉ​ള്ള​ത് പ​രി​ഗ​ണി​ക്കാ​തെ ലൈ​സ​ന്‍​സ് ന​ല്‍​കി​യ ഉ​ദ്യോ​ഗ​സ്ഥ​ര്‍​ക്കെ​തി​രേ​യും പ്ര​തി​ഷേ​ധം ഉ​യ​രു​ന്നു​ണ്ട്.

Copyright @ 2022 , Rashtra Deepika Ltd.