കോട്ടയം: കേരള കോണ്‍ഗ്രസ് ഡെമോക്രാറ്റിക് ജില്ലാ പ്രസിഡന്‍റായി ഏറ്റുമാനൂര്‍ നഗരസഭാംഗം ഗണേഷ് ഏറ്റുമാനൂരിനെയും ഓഫീസ് ചാര്‍ജ് ജനറല്‍ സെക്രട്ടറിയായി ജയ്സണ്‍ മാത്യു മേലേലിനെയും തെരഞ്ഞെടുത്തു. ജബിനു അയിരമല, സന്തോഷ് മൂക്കിലിക്കാട്ട്, എം.ടി. അശോകന്‍ (വൈസ് പ്രസിഡന്‍റുമാര്‍) മനോജ് മാടപ്പള്ളി, സുനില്‍ മംഗലത്ത്, ഷിനു പാലത്തിങ്കല്‍, ജിത്തു സുരേന്ദ്രന്‍, ഷാജി തെള്ളകം, ടോമി താണോലില്‍, ജി. ജഗദീഷ്, തിരുവാര്‍പ്പ് ജോസഫ്, ബിജു എം. നായര്‍, സന്തോഷ് വള്ളോംകുഴി (ജനറല്‍ സെക്രട്ടറിമാര്‍), പി.സി. സോജോ (ട്രഷറര്‍) എന്നിവരാണു മറ്റു ഭാരവാഹികൾ.
കേരള കോണ്‍ഗ്രസ് ഡെമോക്രാറ്റിക് ചെയര്‍മാന്‍ സജി മഞ്ഞക്കടമ്പില്‍ ഉദ്ഘാടനം ചെയ്തു. പാര്‍ട്ടി വൈസ് ചെയര്‍മാന്‍ പ്രഫ. ബാലു ജി. വെള്ളിക്കര അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി പ്രസാദ് ഉരുളികുന്നം, ട്രഷറര്‍ റോയി ജോസ്, വി.എസ്. സെബാസ്റ്റ്യൻ, മഞ്ജു കെ. നായര്‍ തുടങ്ങിയവര്‍ പ്രസംഗിച്ചു.