ചങ്ങനാശേരി: ചെത്തിപ്പുഴ സെന്റ് തോമസ് ആശുപത്രിയുടെ നേതൃത്വത്തില് ലോകഹൃദയ ദിനവും വയോജന ദിനവും ഇന്ന് സംഘടിപ്പിക്കും. രാവിലെ ഒന്പതിന് ആരോഗ്യകരമായ ജീവിതത്തിന് ഒരു ചുവട് എന്ന സന്ദേശവുമായി പാറേല്പള്ളി അങ്കണത്തില്നിന്നും ജനകീയ റാലി ആരംഭിക്കും. ചങ്ങനാശേരി ഡിവൈഎസ്പി സനല്കുമാര് സി.ജി. ഫ്ളാഗ് ഓഫ് ചെയ്യും. സര്ഗക്ഷേത്രയുടെ സഹകരണത്തോടെ സംഘടിപ്പിക്കുന്ന പരിപാടിയില് വിവിധ സാമൂഹിക, സാംസ്കാരിക, വിദ്യാഭ്യാസ മേഖലയില് പ്രവര്ത്തിക്കുന്നവരും പങ്കാളികളാവും. റാലി ചെത്തിപ്പുഴ സെന്റ് തോമസ് ഹോസ്പിറ്റല് ഒപി വിഭാഗത്തില് സമാപിക്കും.
തുടര്ന്ന് നടക്കുന്ന പൊതുസമ്മേളനം പ്രശസ്ത സിനിമാതാരം സ്മിനു സിജോ ഉദ്ഘാടനം ചെയ്യും. ഹോസ്പിറ്റല് എക്സിക്യൂട്ടീവ് ഡയറക്ടര് ഫാ. ജയിംസ് പി. കുന്നത്ത് അധ്യക്ഷത വഹിക്കും. സര്ഗക്ഷേത്ര ഡയറക്ടര് ഫാ. അലക്സ് പ്രായിക്കളം, ഫാ. ജോഷി മുപ്പതില്ചിറ, ഫാ. ജേക്കബ് അത്തിക്കളം, ഫാ. തോമസ് പുതിയിടം, ജോസ് ജോസഫ് നടുവിലേഴം, സിസ്റ്റര് മെറീന എസ്ഡി, സിസ്റ്റര് ലിന്സി റോസ് എസ്ഡി, പ്രഫ. ഷൈല ഐപ്പ്, ഡോ. സജി ടി.എം., പോള് മാത്യു എന്നിവര് പ്രസംഗിക്കും. ഡോ. അബ്ദുള് ഖാദര്, ഡോ. ജോജി ബോബന് എന്നിവര് ക്ലാസ് നയിക്കും.
തുടര്ന്ന് പൊതുജനങ്ങള്ക്കായി നഴ്സിംഗ് കോളജ് വിദ്യാര്ഥിനികളുടെ നേതൃത്വത്തില് എക്സിബിഷന് സംഘടിപ്പിക്കും. ലോകഹൃദയ, വയോജന വാരാചരണത്തിന്റെ ഭാഗമായി ആലപ്പുഴ, പത്തനംതിട്ട, കോട്ടയം ജില്ലകളിലെ വിവിധ കേന്ദ്രങ്ങളില് സൗജന്യ രക്തസമര്ദ, ആരോഗ്യ പരിശോധന സംവിധാനവും ആശുപത്രി ഒരുക്കിയിട്ടുണ്ട്. ഇന്ന് ആരംഭിക്കുന്ന സൗജന്യ പരിശോധന ഒക്ടോബര് എട്ടുവരെ ഉണ്ടാവും. കൂടുതല് വിവരങ്ങള്ക്ക് 9207846999 എന്ന നമ്പറില് ബന്ധപ്പെടണം.
വരാചരണത്തിന്റെ ഭാഗമായി അസംപ്ഷന് കോളജിലെ വിദ്യാര്ഥിനികള്ക്കായി നാളെ ക്വിസ് മത്സരം സംഘടിപ്പിക്കും.