പെ​രു​നാ​ട്: ക​ക്കു​ടി​മ​ൺ - അ​ത്തി​ക്ക​യം - ശ​ബ​രി​മ​ല പാ​ത​യി​ലെ അ​പ​ക​ട​ക്കെ​ണി നി​ല്‍​ക്കു​ന്ന വൈ​ദ്യു​തിത്തുണു​ക​ൾ മാ​റ്റി സ്ഥാ​പി​ക്കാ​ത്ത​തി​ൽ പ്ര​തി​ഷേ​ധി​ച്ച് യൂ​ത്ത് കോ​ൺ​ഗ്ര​സ് റാ​ന്നി നി​യോ​ജ​ക മ​ണ്ഡ​ലം പ്ര​സി​ഡ​ന്‍റി​ന്‍റെ നേ​തൃ​ത്വ​ത്തി​ൽ പ്ര​വ​ർ​ത്ത​ക​ർ കെ​എ​സ്ഇ​ബി റാ​ന്നി പെ​രു​നാ​ട് അ​സി​സ്റ്റ​ന്‍റ് എ​ൻ​ജി​നി​യ​റു​ടെ ഓ​ഫീ​സ് ഉ​പ​രോ​ധി​ച്ചു.

അ​സി​സ്റ്റ​ന്‍റ് എ​ൻ​ജി​നി​യ​റെ സ​മ​ര​ക്കാ​ർ ത​ട​ഞ്ഞു​വ​ച്ചു. റോ​ഡ് വീ​തി​കൂ​ട്ടി പൂ​ട്ടു​ക​ട്ട പാ​കു​ന്ന പ​ണി​ക​ൾ ന​ട​ക്കു​ക​യാ​ണ്. എ​ന്നാ​ൽ വൈ​ദ്യു​തിത്തുണു​ക​ൾ റോ​ഡി​ന്‍റെ മ​ധ്യ​ത്തി​ൽ നി​ന്നു മാ​റ്റി​യി​ട്ടി​ല്ല. ഇ​തു​മാ​യി ബ​ന്ധ​പ്പെ​ട്ട് പൊ​തു​മ​രാ​മ​ത്ത് വൈ​ദ്യ​തി വ​കു​പ്പു​ക​ളു​ടെ ഏ​കോ​പ​നം ഇ​ല്ലെ​ന്നു​ള്ള ആ​ക്ഷേ​പ​വും മു​ന്പ് ഉ​യ​ർ​ന്നി​രു​ന്നു. ഇ​തു​മൂ​ലം ചെ​റു​തും വ​ലു​തു​മാ​യ നി​ര​വ​ധി അ​പ​ക​ട​ങ്ങ​ൾ ഉ​ണ്ടാ​യി​ട്ടു​ണ്ട്.

ക​ഴി​ഞ്ഞ ഡി​സം​ബ​റി​ൽ ഇ​വി​ടെ വൈ​ദ്യു​തി പോ​സ്റ്റി​ൽ ബൈ​ക്ക് ഇ​ടി​ച്ചു​ണ്ടാ​യ അ​പ​ക​ട​ത്തി​ൽ ഒ​രു ചു​മ​ട്ടു തൊ​ഴി​ലാ​ളി മ​രി​ച്ചു. വൈ​ദ്യു​തി പോ​സ്റ്റു​ക​ൾ മാ​റ്റി സ്ഥാ​പി​ച്ച​തി​ന് ശേ​ഷം റോ​ഡ് പ​ണി​ക​ൾ ന​ട​ത്തി​യാ​ൽ മ​തി​യെ​ന്ന് ആ​വ​ശ്യ​പ്പെ​ട്ടാ​ണ് യൂ​ത്ത് കോ​ൺ​ഗ്ര​സി​ന്‍റെ പ്ര​തി​ഷേ​ധം.

യൂ​ത്ത് കോ​ൺ​ഗ്ര​സ്‌ നി​യോ​ജ​ക മ​ണ്ഡ​ലം പ്ര​സി​ഡ​ന്‍റ് റി​ജോ റോ​യി തോ​പ്പി​ൽ, പ്രൊ​ഫ​ഷ​ണ​ൽ കോ​ൺ​ഗ്ര​സ്‌ സം​സ്ഥാ​ന വൈ​സ് പ്ര​സി​ഡ​ന്‍റ് ആ​രോ​ൺ ബി​ജി​ലി പ​ന​വേ​ലി​ൽ, കോ​ൺ​ഗ്ര​സ്‌ മ​ണ്ഡ​ലം പ്ര​സി​ഡ​ന്‍റ് ജ​യിം​സ് ക​ക്കാ​ട്ടു​കു​ഴി, യൂ​ത്ത് കോ​ൺ​ഗ്ര​സ്‌ ഭാ​ര​വാ​ഹി​ക​ളാ​യ സു​നി​ൽ യ​മു​ന, ജെ​റി​ൻ പ്ലാ​ച്ചേ​രി​ൽ, വാ​ർ​ഡ് മെ​ബ​ർ റെ​ജി വാ​ലു​പു​ര​യി​ടം എ​ന്നി​വ​ർ ഉ​പ​രോ​ധ​ത്തി​ന് നേ​തൃ​ത്വം ന​ൽ​കി.