കാ​സ​ർ​ഗോ​ഡ്: ദേ​ശീ​യ​പാ​താ വി​ക​സ​ന​വു​മാ​യി ബ​ന്ധ​പ്പെ​ട്ട് ക​ട​യൊ​ഴി​യേ​ണ്ടി​വ​ന്ന വ്യാ​പാ​രി​ക​ൾ​ക്കാ​യി സം​സ്ഥാ​ന സ​ർ​ക്കാ​ർ പ്ര​ഖ്യാ​പി​ച്ച പു​ന​ര​ധി​വാ​സ പാ​ക്കേ​ജ് വെ​റും​വാ​ക്കാ​യി.

ദേ​ശീ​യ​പാ​താ അ​ഥോ​റി​റ്റി പ്ര​ഖ്യാ​പി​ച്ച ന​ഷ്ട​പ​രി​ഹാ​ര​ത്തി​ന്‍റെ ഇ​ര​ട്ടി​യോ​ളം തു​ക​യാ​ണ് സ്പെ​ഷ്യ​ൽ പാ​ക്കേ​ജാ​യി സം​സ്ഥാ​ന സ​ർ​ക്കാ​ർ പ്ര​ഖ്യാ​പി​ച്ചി​രു​ന്ന​ത്. എ​ന്നാ​ൽ ഇ​ത് എ​ന്നു ന​ൽ​കു​മെ​ന്നോ എ​ങ്ങ​നെ ന​ൽ​കു​മെ​ന്നോ ഉ​ള്ള ഉ​ത്ത​ര​വും മാ​ർ​ഗ​നി​ർ​ദേ​ശ​ങ്ങ​ളും ഇ​തു​വ​രെ പു​റ​ത്തി​റ​ങ്ങി​യി​ല്ല.
അ​തു​കൊ​ണ്ടു​ത​ന്നെ ഇ​തി​നാ​യി അ​പേ​ക്ഷി​ക്കാ​ൻ പോ​ലും ക​ഴി​യു​ന്നി​ല്ല. ദേ​ശീ​യ​പാ​താ അ​ഥോ​റി​റ്റി നേ​ര​ത്തേ​ത​ന്നെ പ്ര​ഖ്യാ​പി​ച്ചി​രു​ന്ന ന​ഷ്ട​പ​രി​ഹാ​ര​ത്തി​നു​വേ​ണ്ടി മാ​ത്ര​മാ​ണ് അ​പേ​ക്ഷി​ക്കാ​ൻ ക​ഴി​യു​ന്ന​ത്.

ദേ​ശീ​യ​പാ​താ അ​ഥോ​റി​റ്റി ന​ൽ​കി​യ ല​ക്ഷ​ങ്ങ​ളു​ടെ ന​ഷ്ട​പ​രി​ഹാ​രം ല​ഭി​ച്ച​ത് കെ​ട്ടി​ട ഉ​ട​മ​ക​ൾ​ക്കു മാ​ത്ര​മാ​ണ്. വ​ർ​ഷ​ങ്ങ​ളാ​യി ഈ ​കെ​ട്ടി​ട​ങ്ങ​ളി​ൽ ക​ട​ക​ൾ ന​ട​ത്തി​യി​രു​ന്ന വ്യാ​പാ​രി​ക​ൾ​ക്കും അ​വി​ടെ ജോ​ലി​യെ​ടു​ത്തി​രു​ന്ന തൊ​ഴി​ലാ​ളി​ക​ൾ​ക്കും കാ​ര്യ​മാ​യൊ​ന്നും ല​ഭി​ച്ചി​ല്ല. ഈ ​വി​ഭാ​ഗ​ങ്ങ​ളെ കൂ​ടി ഉ​ൾ​പ്പെ​ടു​ത്തി​യാ​ണ് സം​സ്ഥാ​ന സ​ർ​ക്കാ​ർ പു​ന​ര​ധി​വാ​സ പാ​ക്കേ​ജ് പ്ര​ഖ്യാ​പി​ച്ചി​രു​ന്ന​ത്.
ഇ​തി​ൽ വി​ശ്വ​സി​ച്ച് വ്യാ​പാ​രി​ക​ൾ സ​മ​ര​പ​രി​പാ​ടി​ക​ളും നി​യ​മ​ന​ട​പ​ടി​ക​ളും നി​ർ​ത്തി​വെ​ച്ച​തോ​ടെ​യാ​ണ് ദേ​ശീ​യ​പാ​ത​യ്ക്കാ​യു​ള്ള സ്ഥ​ല​മെ​ടു​പ്പ് വേ​ഗ​ത്തി​ലാ​യ​ത്.

എ​ന്നാ​ൽ കാ​ര്യം ക​ഴി​ഞ്ഞ​പ്പോ​ൾ പു​ന​ര​ധി​വാ​സ പാ​ക്കേ​ജ് പ്ര​ഖ്യാ​പ​ന​ത്തി​ലൊ​തു​ങ്ങു​ക​യാ​ണെ​ന്ന് വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി ജി​ല്ലാ പ്ര​സി​ഡ​ന്‍റ് കെ. ​അ​ഹ​മ്മ​ദ് ഷെ​രീ​ഫ് പ​റ​ഞ്ഞു. അ​തേ​സ​മ​യം കേ​ന്ദ്ര​സ​ർ​ക്കാ​ർ പ്ര​ഖ്യാ​പി​ച്ച 75 ല​ക്ഷം രൂ​പ​യു​ടെ പാ​ക്കേ​ജ് മാ​വു​ങ്കാ​ൽ മേ​ഖ​ല​യി​ലെ 33 വ്യാ​പാ​രി​ക​ൾ​ക്ക് ല​ഭി​ച്ചി​ട്ടു​ണ്ട്. മ​ഞ്ചേ​ശ്വ​രം മു​ത​ൽ കാ​ലി​ക്ക​ട​വ് വ​രെ ര​ണ്ടാ​യി​ര​ത്തോ​ളം വ്യാ​പാ​രി​ക​ളാ​ണ് ദേ​ശീ​യ​പാ​ത​യ്ക്കാ​യി കെ​ട്ടി​ട​ങ്ങ​ൾ പൊ​ളി​ച്ചു​മാ​റ്റേ​ണ്ടി​വ​ന്ന​തു​മൂ​ലം വ​ഴി​യാ​ധാ​ര​മാ​യ​ത്. ഇ​വ​രെ​ല്ലാം വ​ർ​ഷ​ങ്ങ​ളാ​യി ക​ച്ച​വ​ടം ന​ട​ത്തു​ന്ന​വ​രും മ​റ്റു വ​രു​മാ​ന​മാ​ർ​ഗ​ങ്ങ​ളി​ല്ലാ​ത്ത​വ​രു​മാ​യി​രു​ന്നു.

അ​നു​യോ​ജ്യ​മാ​യ സ്ഥ​ല​ത്ത് പു​തി​യ കെ​ട്ടി​ടം കി​ട്ടാ​ത്ത​തും ഉ​ള്ള​വ​യു​ടെ ഭീ​മ​മാ​യ വാ​ട​ക​യും മൂ​ലം ഇ​വ​രി​ലേ​റെ​യും ക​ച്ച​വ​ടം നി​ർ​ത്തി വീ​ട്ടി​ലി​രി​ക്കേ​ണ്ട അ​വ​സ്ഥ​യി​ലാ​ണ്. ഇ​വ​രു​ടെ ക​ട​ക​ളി​ൽ വ​ർ​ഷ​ങ്ങ​ളാ​യി ജോ​ലി​യെ​ടു​ത്തി​രു​ന്ന തൊ​ഴി​ലാ​ളി​ക​ളു​ടെ അ​വ​സ്ഥ ഇ​തി​ലും പ​രി​താ​പ​ക​ര​മാ​ണ്.