താമരശേരി: സർക്കാർ ജീവനക്കാരോടുള്ള അവഗണന അവസാനിപ്പിക്കണമെന്ന് കെപിസിസി ജനറൽ സെക്രട്ടറി അഡ്വ. പി.എം. നിയാസ് ആവശ്യപ്പെട്ടു. എൻജിഒ അസോസിയേഷൻ താമരശേരി താലൂക്ക് ഓഫീസിന് മുന്നിൽ സംഘടിപ്പിച്ച കൂട്ട ധർണ ഉദ്ഘാടനം ചെയ്യുകയായിരുന്നു അദ്ദേഹം. ബ്രാഞ്ച് പ്രസിഡന്‍റ് പി.അരുണ്‍ അധ്യക്ഷത വഹിച്ചു.
ജില്ലാ സെക്രട്ടറി പ്രേംനാഥ് മംഗലശേരി മുഖ്യപ്രഭാഷണം നടത്തി. സംസ്ഥാന സെക്രട്ടറിയേറ്റ് അംഗം സിജു കെ. നായർ, സംസ്ഥാന കമ്മിറ്റി അംഗങ്ങളായ സി.കെ. സതീശൻ, ടി.അജിത് കുമാർ, ജില്ലാ ഭാരവാഹികളായ കെ. പി. അനീഷ്കുമാർ, കെ.ഫവാസ്, സന്തോഷ് കുനിയിൽ, പി. പ്രദീപ് കുമാർ, ജൂബി ജോസഫ്, സി. ബിനീഷ്, യു.എസ്. വിശാൽ, കെ.കെ ഷൈജേഷ് എന്നിവർ പ്രസംഗിച്ചു. കെ.ആദർഷ്, അക്കുമോൻ ജോസഫ്, പി.വി. സന്ദീഷ്, കെ. കൃഷ്ണൻകുട്ടി, യു.കെ. ആയിഷക്കുട്ടി, എം.ലീല എന്നിവർ നേതൃത്വം നൽകി.