തി​രു​വ​ന​ന്ത​പു​രം: റോ​യ​ല്‍ കോ​ളജ് ഓ​ഫ് ഫി​സി​ഷ്യ​ന്‍​സ് ആ​ന്‍​ഡ് സ​ര്‍​ജ​ന്‍​സ് ഗ്ലാ​സ്‌​ഗോ​യു​ടെ ദ​ക്ഷി​ണേ​ന്ത്യ​യി​ലെ ആ​ദ്യ അ​ന്താ​രാ​ഷ്ട്ര എം​ആ​ര്‍​സി​എ​സ് ഫൈ​ന​ല്‍ പരീക്ഷ കിം​സ്‌​ഹെ​ല്‍​ത്തി​ൽ ന​ട​ന്നു. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ നി​ന്നു​ള്ള 80 മ​ത്സ​രാ​ര്‍​ഥിക​ള്‍ പ​ങ്കെ​ടു​ത്തു.

പ​രീ​ക്ഷ​യി​ല്‍ ഓ​രോ ഡോ​ക്ട​ര്‍​മാ​രു​ടെ​യും ശ​സ്ത്ര​ക്രി​യാ വൈ​ദ​ഗ്ധ്യം പ്ര​ത്യേ​കം വി​ല​യി​രു​ത്തു​ന്ന​തി​നാ​യി റോ​യ​ല്‍ കോ​ളജ് ഓ​ഫ് ഫി​സി​ഷ്യ​ന്‍​സ് ആ​ന്‍​ഡ് സ​ര്‍​ജ​ന്‍​സ് (ആ​ര്‍​സി​പി​എ​സ്) ഗ്ലാ​സ്‌​ഗോ​യി​ല്‍ നി​ന്നും 25 മു​ഖ്യപ​രി​ശോ​ധ​ക​രും എ​ത്തി​യി​രു​ന്നു. ശ​സ്ത്ര​ക്രി​യ വി​ദ​ഗ്ധ​ര്‍​ക്ക് ഇ​ന്ത്യ ഉ​ള്‍​പ്പെ​ടെ ലോ​ക​ത്തി​ലെ വി​വി​ധ രാ​ജ്യ​ങ്ങ​ളി​ള്‍ നി​ന്നും ഉ​യ​ര്‍​ന്ന ത​ല​ത്തി​ലു​ള്ള ശ​സ്ത്ര​ക്രി​യാ പ​രി​ശീ​ല​ന​ത്തി​നു​ള്ള അ​ന്താ​രാ​ഷ്ട്ര യോ​ഗ്യ​താ പ​രീ​ക്ഷ​യാ​ണി​ത്.

പ്ര​തി​വ​ർ​ഷം ന​ട​ത്ത​പ്പെ​ടു​ന്ന ഈ ​അ​ന്താ​രാ​ഷ്ട്ര പ​രീ​ക്ഷ ആ​ദ്യ​മാ​യാ​ണ് ദ​ക്ഷി​ണേ​ന്ത്യ​യി​ൽ ന​ടത്തിയതെന്ന് കിം​സ്ഹെ​ൽ​ത്ത് മാ​നേ​ജി​ംഗ് ഡ​യ​റ​ക്ട​റും ചെ​യ​ർ​മാ​നു​മാ​യ ഡോ. ​എം.​ഐ. സ​ഹ​ദു​ള്ള പ​റ​ഞ്ഞു. ഓ​ർ​ത്തോ​പീ​ഡി​ക്സ് ആ​ൻ​ഡ് ട്രോ​മാ വി​ഭാ​ഗം സീ​നി​യ​ർ ക​ൺ​സ​ൾ​ട്ട​ന്‍റും ഗ്രൂ​പ്പ് കോ​-ഓർ​ഡി​നേ​റ്റ​റു​മാ​യ ഡോ. ​മു​ഹ​മ്മ​ദ് ന​സീ​റി​ന്‍റെ നേ​തൃ​ത്വ​ത്തി​ലാ​ണ് പ്രോ​ഗ്രാം ഏ​കോ​പി​പ്പി​ച്ച​ത്.