കാറ്റിലും മഴയിലും പെരുങ്കടവിളയില് വ്യാപക നാശനഷ്ടം
1429470
Saturday, June 15, 2024 6:22 AM IST
വെള്ളറട: പെരുങ്കടവിള പഞ്ചായത്ത് പരിധിയില് കാറ്റിലും മഴയിലും വ്യാപകമായ നാശനഷ്ടം. പാല്ക്കുളങ്ങര വാര്ഡില് ചിറവിള വടക്കേക്കര പുത്തന്വീട്ടില് യേശുദാസിന്റെ വീട് ഭാഗികമായി തകര്ന്നുവീണു.
ആലത്തൂര് സുധീഷിന്റെ വീടിനോട് ചേര്ന്നുള്ള കാലിത്തൊഴുത്തിന്റെ പുറത്ത് മരം ഒടിഞ്ഞുവീണു. അപകടത്തിൽ പശുക്കൾക്കും പരിക്കേറ്റതായി ഉടമ പറഞ്ഞു. തൊഴുത്ത് പൂര്ണമായും തകര്ന്നു. പഞ്ചായത്ത് പരിധിയില് ശക്തമായ കാറ്റിലും മഴയിലും വ്യാപക നാശനഷ്ടമാണ് സംഭവിച്ചിട്ടുള്ളത്.
മരങ്ങള് കടപുഴകി വീണ് പലയിടത്തും കൃഷി നാശവും സംഭവിച്ചിട്ടുണ്ട്. പ്രദേശത്ത് ഇത്ര അധികം നഷ്ടമുണ്ടാകുന്നത് ആദ്യമാണെന്ന് കര്ഷകര് പറയുന്നു.