വടക്കഞ്ചേരി: റവന്യു അവകാശങ്ങൾ നിഷേധിക്കപ്പെട്ട് കുടിയിറക്കു ഭീഷണിയിൽ കഴിയുന്ന മുനമ്പം പ്രദേശവാസികൾക്ക് ഐക്യദാർഢ്യം പ്രഖ്യാപിച്ച് ദേവാലയങ്ങളിൽ പ്രതിജ്ഞയും പ്രതിഷേധ സദസുകളും സംഘടിപ്പിച്ചു.
വടക്കഞ്ചേരി ലൂർദ്മാതാ ഫൊറോന പള്ളിയിൽ നടന്ന പൊതുയോഗത്തിൽ വികാരി ഫാ. റെജി പെരുമ്പിള്ളിൽ മുനമ്പം ജനതക്ക് ഐക്യദാർഢ്യം പ്രഖ്യാപിച്ച് ഇടവക സമൂഹത്തിന്‍റെ പിന്തുണ അറിയിച്ചു. കൈക്കാരൻമാരായ ജോസ് ചുക്കനാനിക്കൽ, ജെയിംസ് പൂതകുഴി എന്നിവർ നേതൃത്വം നൽകി.
വടക്കഞ്ചേരി: എളവമ്പാടം സെൻ്റ്തോമസ് ദേവാലയാങ്കണത്തിൽ നടന്ന പ്രതിഷേധ സദസ് വികാരി ഫാ. മാത്യു ഞൊങ്ങിണിയിൽ ഉദ്ഘാടനം ചെയ്തു. കത്തോലിക്കാ കോൺഗ്രസ് ഫൊറോന പ്രസിഡന്‍റ് ബെന്നി ജോസഫ് മറ്റപ്പള്ളിൽ പ്രസംഗിച്ചു.
നെന്മാറ: എകെസിസിയുടെ നേതൃത്വത്തിൽ ജപമാല റാണി ചിറ്റിലഞ്ചേരി ഇടവക ഐക്യദാർഢ്യം അറിയിച്ചു. ഇടവക വികാരി ഫാ. ജോബിൻ മേലെമുറിയിലിൻ പരിപാടി ഉദ്ഘാടനം ചെയ്തു.
എകെസിസി യൂണിറ്റ് പ്രസിഡന്‍റ് നൈജു വടാശ്ശേരിയുടെയും കൈക്കാരന്മാരായ മാത്യു കാപ്പിൽ, ബേബി അരിശ്ശേരി എന്നിവരുടെയും നേതൃത്വത്തിലാണ് പ്രതിഷേധവും ഐക്യദാർഢ്യം സംഘടിപ്പിച്ചത്.
നെന്മാറ: എകെസിസി യുടെ നേതൃത്വത്തിൽ നെന്മാറ ക്രിസ്തുരാജ പള്ളി ഇടവക ഐക്യദാർഢ്യം അറിയിച്ചു. പ്രതിഷേധ സമരം വികാരി ഫാ. സെബാസ്റ്റ്യൻ താമരശ്ശേരി ഉദ്ഘാടനം ചെയ്തു.
പ്രസിഡൻറ് ജോജി തോമസ് കുറ്റിക്കാടൻ അധ്യക്ഷനായി. സുജി ഇടയലത്തുണ്ടിയിൽ,കെ. എഫ്.ആൻറണി, ജോൺസൺ ചെറുപറമ്പിൽ,പോൾ തെക്കേ പാലക്കൽ, ജോസുകുട്ടി ചെറുപറമ്പിൽ, ജിനി ജോസുകുട്ടി തുടങ്ങിയവർ പ്രസംഗിച്ചു.
മണ്ണാർക്കാട്: മുനമ്പം ജനതയ്ക്ക് ഐക്യദാർഢ്യം പ്രകടിപ്പിച്ചു കൊണ്ട് കത്തോലിക്ക കോൺഗ്രസ്സ് മണ്ണാർക്കാട് ഹോളി സ്പിരിറ്റ് ഫൊറോന യൂണിറ്റ് ഐക്യദാർഢ്യ ദിനാചാരണം നടത്തി. ഫാ. രാജു പുളിക്കത്താഴ അധ്യക്ഷനായി.
രൂപത ജോയിന്‍റ് സെക്രട്ടറി അഡ്വ. റെജിമോൻ ജോസഫ് യോഗം ഉദ്ഘാടനം ചെയ്തു. യൂണിറ്റ് പ്രസിഡറ്റ് ഡേവിസ് മംഗലൻ ഐക്യദാർഢ്യ പ്രതിജ്ഞചൊല്ലി.
മാത്യു കല്ലുവേലി, ജോസ് വടക്കേടത്ത്, ജിജോ പുലവേലിൽ, കുര്യൻ പുലവേരിൽ, അലക്സ് പവത്തുമലയിൽ, ജോർജ് കണക്കഞ്ചേരി, ജോൺ ഇരട്ടപ്പറമ്പിൽ, വിൽസൺ ആലുംമൂട്ടിൽ നേതൃത്വം നൽകി.
മണ്ണാർക്കാട്: കത്തോലിക്കാ കോൺഗ്രസ് സമിതിയുടെ ആഭിമുഖ്യത്തിൽ കേരളത്തിലെ എല്ലാ ഇടവകകളിലും സംഘടിപ്പിച്ച മുനമ്പം ഐക്യദാർഢ്യ ദിനാചരണം മണ്ണാർക്കാട് ഫൊറോനയിലെ കുമരമ്പത്തൂർ ലൂർദ് മാതാ ഇടവകയിൽ നടത്തി. ഇടവക വികാരി ഫാ. ജോമി തേക്കുംകാട്ടിൽ ഉദ്ഘാടനം ചെയ്തു.
യൂണിറ്റ് പ്രസിഡന്‍റ് ജോസ് കിഴക്കേൽ അധ്യക്ഷതവഹിച്ചു. രൂപത ജോയിന്‍റ് സെക്രട്ടറി ഷിബു കാട്രൂകുടിയിൽ, ബിജു പൂതറമണ്ണിൽ, ഫൊറോന പ്രസിഡന്‍റ് ബിജു മലയിൽ, യൂണിറ്റ് ഭാരവാഹികളായ ബിനു പടുവിൽ ജോസ് പൂതറമണ്ണിൽ, സുജ കുന്നുംപുറം, പ്രഭ വലിയ പറമ്പിൽ കൈക്കാരൻമാരായ ബേബി കണ്ണമ്പള്ളി, ജോൺസൺ കണ്ടങ്കേരിൽ എന്നിവർ നേതൃത്വം നൽകി.