തൊടുപുഴ: പ്രേം നസീറിന്‍റെ 98-ാമത് ജന്മദിനത്തോടനുബന്ധിച്ച് പുരസ്കാരങ്ങൾ വിതരണം ചെയ്തു. ഇഎപി ഹാളിൽ നടന്ന ചടങ്ങിൽ മന്ത്രി റോഷി അഗസ്റ്റിൻ പുരസ്കാരങ്ങൾ വിതരണം ചെയ്തു.
മർച്ചന്‍റ് അസോസിയേഷൻ പ്രസിഡന്‍റ് രാജു തരണിയിൽ, മദർ ആന്‍ഡ് ചൈൽഡ ്ഫൗണ്ടേഷൻ സെക്രട്ടറി ജോഷി ഓടയ്ക്കൽ, ചലച്ചിത്ര താരം അജിത്ത് കൂത്താട്ടുകുളം, നാദോപാസന ഡയറക്ടർ ഫാ. പ്രിൻസ് പരത്തിനാൽ,
കേരള സാഹിത്യവേദി പ്രവർത്തകൻ രാജൻ തെക്കുംഭാഗം, നൃത്ത ദന്പതികളായ സുരേഷ് ആന്‍ഡ് ലത സുരേഷ്, നീന്തൽ താരം ബേബി വർഗീസ്, ചലച്ചിത്ര കാമറാമാൻ ടോണ്സ് അലക്സ്, നർത്തകൻ ശ്രീഹരി, നർത്തകി മീനാക്ഷി എന്നിവർക്കാണ് പുരസ്കാരം.
നാടക പ്രവർത്തകൻ തൊടുപുഴ കൃഷ്ണൻകുട്ടി, ഫിലിം സൊസൈറ്റി പ്രസിഡന്‍റ് രവീന്ദ്രൻ, ജിമ്മി മറ്റത്തിപ്പാറ,പ്രേംനസീർ സുഹൃദ്സമിതി സംസ്ഥാന സെക്രട്ടറി തെക്കൻ സ്റ്റാർ ബാദുഷ, തൊടുപുഴ ചാപ്റ്റർ പ്രസിഡന്‍റ് വിജയകുമാർ നായർ, സെക്രട്ടറി സന്തോഷ്മാത്യു, ബിനോയ് ജയിംസ്, അശ്വതി സുമേഷ്, സന്ധ്യ തൊടുപുഴ, ബിജു ബി. മാക്സ്, രാജേഷ് താരോദയം തുടങ്ങിയവർ പ്രസംഗിച്ചു.