അ​ശാ​സ്ത്രീ​യ നി​ർ​മാ​ണം: ദു​രി​തംവി​ത​ച്ച് വെ​ള്ള​ക്കെ​ട്ട്
Tuesday, October 1, 2024 4:05 AM IST
തൊ​ടു​പു​ഴ: ന​ഗ​ര സൗ​ന്ദ​ര്യ​വ​ത്ക​ര​ണം വി​ന​യാ​യി. വെ​ള്ള​ക്കെ​ട്ട് ഒ​ഴി​യാ​തെ തൊ​ടു​പു​ഴ ന​ഗ​രം. കാ​ഞ്ഞി​ര​മ​റ്റം - മ​ങ്ങാ​ട്ടു​ക​വ​ല ബൈ​പാ​സി​ൽ ന്യൂ​മാ​ൻ കോ​ള​ജി​നു സ​മീ​പം ചെ​റി​യ മ​ഴ പെ​യ്താ​ൽ പോ​ലും വെ​ള്ള​മു​യ​ർ​ന്ന് യാ​ത്ര ദു​ഷ്ക​ര​മാ​കും.

ഇ​ന്ന​ലെ ഉ​ച്ച ക​ഴി​ഞ്ഞ് പെ​യ്ത മ​ഴ​യി​ലും ഇ​വി​ടെ വെ​ള്ള​മു​യ​ർ​ന്നു. വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള കാ​ൽ​ന​ട യാ​ത്ര​ക്കാ​ർ​ക്കും ഇ​രു​ച​ക്ര വാ​ഹ​ന യാ​ത്ര​ക്കാ​ർ​ക്കു​മാ​ണ് ഇ​വി​ടു​ത്തെ വെ​ള്ള​ക്കെ​ട്ട് ദു​രി​തം വി​ത​യ്ക്കു​ന്ന​ത്.

തൊ​ടു​പു​ഴ കാ​ഞ്ഞി​ര​മ​റ്റം ജം​ഗ്ഷ​ൻ മു​ത​ൽ ന്യൂ​മാ​ൻ കോ​ള​ജി​ന് സ​മീ​പം വ​രെ പാ​ത​യോ​ര​ത്ത് പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ ന​ട​ത്തി​യ ന​വീ​ക​ര​ണ പ്ര​വ​ർ​ത്തി​ക​ളാ​ണ് ജ​ന​ങ്ങ​ൾ​ക്ക് വി​ന​യാ​യ​ത്. സൗ​ന്ദ​ര്യ​വ​ത്ക​ര​ണ​ത്തി​ന്‍റെ ഭാ​ഗ​മാ​യി പാ​ത​യു​ടെ ഇ​രു വ​ശ​ങ്ങ​ളി​ലും സ്ലാ​ബി​ട്ട് ടൈ​ൽ വി​രി​ച്ച് സം​ര​ക്ഷ​ണ വേ​ലി സ്ഥാ​പി​ച്ച് പ്ര​ദേ​ശം ആ​ക​ർ​ഷ​ക​മാ​ക്കി​യി​രു​ന്നു. കാ​ൽ​ന​ട​യാ​ത്ര​ക്കാ​ർ​ക്ക് സൗ​ക​ര്യ​പ്ര​ദ​മാ​യാ​ണ് റോ​ഡി​ന്‍റെ വ​ശ​ങ്ങ​ളി​ൽ ന​ട​പ്പാ​ത​ക​ൾ നി​ർ​മി​ച്ച് സം​ര​ക്ഷ​ണ വേ​ലി സ്ഥാ​പി​ച്ച​ത്.

എ​ന്നാ​ൽ, ഇ​തേത്തു​ട​ർ​ന്ന് റോ​ഡി​ൽ വെ​ള്ളം കെ​ട്ടിനി​ൽ​ക്കു​ന്ന അ​വ​സ്ഥ​യാ​യി. വെ​ള്ളം ഒ​ഴു​കിപ്പോ​കാ​ൻ വ്യാ​സം കു​റ​ഞ്ഞ പൈ​പ്പു​ക​ൾ സ്ഥാ​പി​ച്ച​തി​നെത്തു​ട​ർ​ന്നാ​ണ് വെ​ള്ള​ക്കെ​ട്ട് രൂ​പ​പ്പെ​ട്ട​ത്.

ചെ​റി​യ മ​ഴ പെ​യ്താ​ൽ പോ​ലും വ​ലി​യ വെ​ള്ള​ക്കെ​ട്ട് രൂ​പ​പ്പെ​ടും. വാ​ഹ​ന​ങ്ങ​ൾ ക​ട​ന്ന് പോ​കു​ന്പോ​ൾ കാ​ൽ​ന​ട യാ​ത്ര​ക്കാ​ർ​ക്കും ഇ​രു ച​ക്ര​വാ​ഹ​ന യാ​ത്ര​ക്കാ​രു​ടെ​യും മേ​ൽ ചെ​ളി​വെ​ള്ളം തെ​റി​ക്കു​ന്ന​തും പ​തി​വാ​ണ്. പ​ല​പ്പോ​ഴും വെ​ള്ള​ക്കെ​ട്ടി​ന് ന​ടു​വി​ലെ​ത്തു​ന്പോ​ൾ വാ​ഹ​ന​ങ്ങ​ൾ നി​ന്നുപോ​കു​ന്ന സാ​ഹ​ച​ര്യ​വു​മു​ണ്ട്. മ​ഴ മാ​റി​യാ​ലും ഏ​റെ സ​മ​യം റോ​ഡി​ൽ വെ​ള്ളം കെ​ട്ടിനി​ൽ​ക്കും.

വെ​ള്ള​ക്കെ​ട്ട് രൂ​ക്ഷ​മാ​യ​തി​നെത്തു​ട​ർ​ന്ന് ഇ​തു പ​രി​ഹ​രി​ക്കാ​നു​ള്ള ശ്ര​മം ന​ട​ത്തി​യെ​ങ്കി​ലും ഫ​ല​വ​ത്താ​യി​ല്ല. വെ​ള്ളം ഒ​ഴു​കി​പ്പോ​കാ​നാ​യി റോ​ഡി​ന്‍റെ സൈ​ഡി​ൽ ചാ​ലു​ക​ൾ തീ​ർ​ത്തെ​ങ്കി​ലും ഇ​തൊ​ന്നും വെ​ള്ള​ക്കെ​ട്ടി​നു ശാ​ശ്വ​ത പ​രി​ഹാ​ര​മാ​യി​ല്ല. ഉ​ദ്യോ​ഗ​സ്ഥ​രു​ടെ ത​ലതി​രി​ഞ്ഞ പ​ദ്ധ​തി​യാ​ണ് ഇ​പ്പോ​ൾ ദു​രി​ത​മാ​യി മാ​റി​യി​രി​ക്കു​ന്ന​തെ​ന്നാ​ണ് നാ​ട്ടു​കാ​രും വ്യാ​പാ​രി​ക​ളും ആ​രോ​പി​ക്കു​ന്ന​ത്.
Copyright @ 2018 , Rashtra Deepika Ltd.