വ​ട​യാ​റി​ന്‍റെ മു​ത്ത​ശി ചോ​ല​ങ്കേ​രി​ൽ ഏ​ലി​ക്കു​ട്ടി കു​ഞ്ചെ​റി​യ ഇ​നി ഓ​ർ​മ​ച്ചി​ത്രം
Thursday, June 27, 2024 6:36 AM IST
ത​ല​യോ​ല​പ്പ​റ​മ്പ്: വ​ട​യാ​റി​ന്‍റെ മു​ത്ത​ശി ചോ​ല​ങ്കേ​രി​ൽ ഏ​ലി​ക്കു​ട്ടി കു​ഞ്ചെ​റി​യ (102) ഇ​നി ദീ​പ്ത​സ്മ​ര​ണ. നൂ​റ്റി​യേ​ഴു​വ​ർ​ഷം പ​ഴ​ക്ക​മു​ള്ള താ​ൻ ജ​നി​ച്ചു വ​ള​ർ​ന്ന വീ​ട്ടി​ൽ ഇ​ന്ന​ലെ രാ​വി​ലെ ഏ​ഴോ​ടെ വാ​ർ​ധ​ക്യ​സ​ഹ​ജ​മാ​യ അ​സു​ഖ​ങ്ങ​ളെ​ത്തു​ട​ർ​ന്നാ​യി​രു​ന്നു അ​ന്ത്യം. മ​ക്ക​ളു​ടെ സ്നേ​ഹ​നി​ധി​യാ​യ അ​മ്മ​യും നാ​ട്ടു​കാ​രു​ടെ പ്രി​യ​ങ്ക​രി​യാ​യ അ​മ്മാ​യി​യു​മാ​യി​രു​ന്ന ഏ​ലി​ക്കു​ട്ടി കു​ഞ്ചെ​റി​യ​യു​ടെ വേ​ർ​പാ​ട് നാ​ടി​നെ​യും ദുഃ​ഖ​ത്തി​ലാ​ഴ്ത്തി.

അ​തി​ര​മ്പു​ഴ​യി​ൽ​നി​ന്നു പ്രാ​ഥ​മി​ക വി​ദ്യാ​ഭ്യാ​സം നേ​ടി​യ ഏ​ലി​ക്കു​ട്ടി​യ​മ്മ എ​റ​ണാ​കു​ളം സെ​ന്‍റ് മേ​രീ​സി​ൽ​നി​ന്നാ​യി​രു​ന്നു സ്കൂ​ൾ വി​ദ്യാ​ഭ്യാ​സം പൂ​ർ​ത്തി​യാ​ക്കി​യ​ത്. ആ​ല​പ്പു​ഴ കൈ​ന​ക​രി ക​ളി​പ്പ​റ​മ്പി​ൻ കെ.​സി. കു​ഞ്ചെ​റി​യാ​യി​രു​ന്നു ഏ​ലി​ക്കു​ട്ടി​യ​മ്മ​യു​ടെ ഭ​ർ​ത്താ​വ്. ഭ​ർ​ത്താ​വ് 31 വ​ർ​ഷ​ങ്ങ​ൾ​ക്ക് മു​മ്പ് മ​രി​ച്ചു.

വ​ട​യാ​ർ ഉ​ണ്ണി​മി​ശി​ഹാ പ​ള്ളി ഇ​ട​വ​ക​യു​ടെ മു​ത്ത​ശി കൂ​ടി​യാ​യി​രു​ന്ന ഏ​ലി​ക്കു​ട്ടി​യ​മ്മ​യ്ക്ക് 14 മ​ക്ക​ളാ​ണ്. ഇ​തി​ൽ എ​ട്ടു പെ​ണ്ണും ആ​റ് ആ​ണു​മാ​ണ്. എ​ല്ലാ​വ​രും ഉ​ന്ന​ത വി​ദ്യാ​ഭ്യാ​സം നേ​ടി​യ​വ​ർ. 14ൽ12​പേ​രും ഉ​ദ്യോ​ഗ​സ്ഥ​രാ​ണ്. നാ​ലു​പേ​ർ ഡോ​ക്‌​ട​ർ​മാ​രും മൂ​ന്നുപേ​ർ അ​ധ്യാ​പ​ക​രും ഒ​രാ​ൾ അ​ഭി​ഭാ​ഷ​ക​നു​മാ​ണ്. ജീ​വി​താ​വ​സാ​നംവ​രെ ഏ​ലി​ക്കു​ട്ടി​യ​മ്മ ക​ണ്ണാ​ടി​യു​ടെ സ​ഹാ​യ​മി​ല്ലാ​തെ പ​ത്രം വാ​യി​ച്ചി​രു​ന്നു. ഡ​യ​റി​യെ​ഴു​ത്തും വാ​യ​ന​യു​മാ​യി​രു​ന്നു പ്ര​ധാ​ന ഹോ​ബി.

വ​ട​യാ​ർ പ​ള്ളി​യി​ലെ മാ​റി​വ​ന്നി​രു​ന്ന വി​കാ​രി​മാ​രും പു​തു​ത​ല​മു​റ​യി​ൽ​പ്പെ​ട്ട​വ​രും വ​ട​യാ​റി​ലെ പ​ഴ​യ​കാ​ല ച​രി​ത്രം ഏ​ലി​ക്കു​ട്ടി​യ​മ്മ​യോ​ടു ചോ​ദി​ച്ചാ​ണ് അ​റി​ഞ്ഞി​രു​ന്ന​ത്. മൂ​ന്നാ​മ​ത്തെ മ​ക​ൻ സി.​കെ. ഏ​ബ്ര​ഹാ​മി​നൊ​പ്പ​മാ​യി​രു​ന്നു ഏ​ലി​ക്കു​ട്ടി​യ​മ്മ​യു​ടെ താ​മ​സം. ഏ​ബ്ര​ഹാ​മി​ന്‍റെ ഭാ​ര്യ പെ​ണ്ണ​മ്മ ന​ട​ത്തി​യി​രു​ന്ന ഡ​യ​റി ഫാം, ​മ​ത്സ്യ​ക്കൃ​ഷി, പ​ച്ച​ക്ക​റിത്തോ​ട്ടം തു​ട​ങ്ങി​യ​വ​യു​ടെ​യൊ​ക്കെ മേ​ൽ​നോ​ട്ടം ഏ​ലി​ക്കു​ട്ടി​യ​മ്മ​യ്ക്കാ​യി​രു​ന്നു. തെ​ളി​ഞ്ഞ ഓ​ർ​മ​യു​ണ്ടാ​യി​രു​ന്ന ഏ​ലി​ക്കു​ട്ടി​യ​മ്മ നാ​ട്ടു​കാ​രെ പേ​രു​ചൊ​ല്ലി വി​ളി​ക്കു​മാ​യി​രു​ന്നു.

ഏ​ലി​ക്കു​ട്ടി​യ​മ്മ​യു​ടെ 100-ാം പി​റ​ന്നാ​ൾ മ​ക്ക​ളും ചെ​റു​മ​ക്ക​ളും നാ​ട്ടു​കാ​രും ചേ​ർ​ന്ന് വ​ർ​ണ​പ്പ​കി​ട്ടോ​ടെ​യാ​ണ് ആ​ഘോ​ഷി​ച്ച​ത്. തു​റ​ന്ന ജീ​പ്പി​ൽ വാ​ദ്യ​ഘോ​ഷ​ങ്ങ​ളു​ടെ അ​ക​മ്പ​ടി​യോ​ടെ രാ​ജ​കീ​യ​മാ​യാ​ണ് വ​ട​യാ​ർ പ​ള്ളി​യ​ങ്ക​ണ​ത്തി​ൽ​നി​ന്ന് ഏ​ലി​ക്കു​ട്ടി​യ​മ്മ​യെ ചോ​ല​ങ്കേ​രി വീ​ട്ടി​ലേ​ക്ക് ആ​ന​യി​ച്ച​ത്. മ​റ്റു​ള്ള​വ​രു​ടെ സ​ങ്ക​ട​ങ്ങ​ൾ കേ​ട്ട് അ​വ​ർ​ക്ക് സാ​ന്ത്വ​ന​മേ​കു​ന്ന​തി​ലും വീ​ട്ടി​ൽ​വ​രു​ന്ന​വ​ർ​ക്ക് സ്നേ​ഹ​വാ​യ്പോ​ടെ ഭ​ക്ഷ​ണം ന​ൽ​കു​ന്ന​തി​ലും ത​ത്പ​ര​യാ​യി​രു​ന്നു.
Copyright @ 2018 , Rashtra Deepika Ltd.