കൊല്ലം : കശുവണ്ടി ഫാക്ടറികളിലേയും തൊഴിലാളികൾക്ക് 12000 രൂപ ബോണസ് അഡ്വാൻസായി നൽകണമെന്ന് സൗത്ത് ഇന്ത്യൻ കാഷ്യു വർക്കേഴ്സ് കോൺഗ്രസ് -ഐഎൻടിയുസി സംസ്ഥാന കമ്മിറ്റി യോഗം ആവശ്യപ്പെട്ടു.
മൂന്നു മാസത്തേയും 15 ദിവസത്തേയും ചേർത്തുള്ള ശമ്പളത്തിന് തുല്യമായ തുക പരിധി നിശ്ചയിക്കാതെ ബോണസായി നൽകണമെന്നും അടഞ്ഞു കിടക്കുന്ന ഫാക്ടറി തൊഴിലാളികൾക്ക് 5000 രൂപയും ഓണക്കിറ്റും നൽകണമെന്നും യോഗം ആവശ്യപ്പെട്ടു.
20ശതമാനം ബോണസും മൂന്ന് ശതമാനം എക്സ്ഗ്രേഷ്യയും ചേർന്നുള്ള തുക ബോണസായി നിശ്ചയിക്കണമെന്നും യോഗം ആവശ്യപ്പെട്ടു. സൗത്ത് ഇന്ത്യൻ കാഷ്യു വർക്കേഴ്സ് കോൺഗ്രസ് -ഐഎൻടിയു സി സംസ്ഥാന പ്രസിഡന്റ് അഡ്വ. ശൂരനാട് എസ്. ശ്രീകുമാർ അധ്യക്ഷത വഹിച്ചു.
വർക്കിംഗ് പ്രസിഡന്റ് ടി.ആർ. ഗോപകുമാർ, പെരിനാട് മുരളി, എരുവാ വിജയകുമാർ, ഗോവിന്ദപ്പിള്ള, മൈനാഗപ്പള്ളി സുരേന്ദ്രൻ പിള്ള, ഒ.ബി. രാജേഷ്, പി.മോഹൻലാൽ, ചാലൂക്കോണം അനിൽ കുമാർ,
സെക്രട്ടറിമാരായ ശിവപ്രസാദ് ആദിനാട്, രാജേഷ് ആദിനാട്, ജഗദമ്മ, വസന്തകുമാരി, മഞ്ജു, മോഹൻലാൽ, രമണൻ പിള്ള, വിജയൻ ചെങ്ങമ്മനാട്, ദിലീപ് കടമ്പനാട്, വിനോദ് വില്ലിയത്തു, മുനീർ ബാനു, അയത്തിൽ വിക്രമൻ, തുടങ്ങിയവർ പ്രസംഗിച്ചു.