പയ്യാവൂർ: കേരള കോൺഗ്രസ്-എം കണ്ണൂർ ജില്ലാ മുൻ സെക്രട്ടറിയും, ഇരിക്കൂർ നിയോജക മണ്ഡലം പ്രസിഡന്റുമായിരുന്ന സി.എസ്. പൗലോസിന്റെ ഒമ്പതാം ചരമവാർഷികദിനം ഇരിക്കൂർ നിയോജകമണ്ഡലം കമ്മറ്റിയുടെ ആഭിമുഖ്യത്തിൽ ആചരിച്ചു. ചുണ്ടപ്പറമ്പ് സെന്റ് ആന്റണിസ് പള്ളി സിമിത്തേരിയിലെ സ്മൃതികുടീരത്തിൽ പുഷ്പാർച്ചനയും, പയ്യാവൂർ കെ.എം. മാണി ഭവനിൽ അനുസ്മരണ സമ്മേളനവും നടന്നു.
ജില്ലാ പ്രസിഡന്റ് ജോയി കൊന്നയ്ക്കൽ ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് ബിജു പുതുക്കള്ളി അധ്യക്ഷത വഹിച്ചു. സംസ്ഥാന ജനറൽ സെക്രട്ടറി സജി കുറ്റ്യാനിമറ്റം അനുസ്മരണ പ്രഭാഷണം നടത്തി.
കെ.ടി. സുരേഷ് കുമാർ, സി.ജെ. ജോൺ, ബിനു മണ്ഡപം, ബിനു ഇലവുങ്കൽ, സിബി പന്തപ്പാട്ട്, ജോസഫ് ഇലവുങ്കൽ, സണ്ണി മുക്കുഴി, ഏലമ്മ ജോസഫ്, നോബിൻസ് ചെരിപ്പുറം, എ.പി.ജോസഫ്, ബെന്നി മഞ്ഞക്കഴക്കുന്നേൽ, അലക്സാണ്ടർ ഇല്ലിക്കുന്നുംപുറം, ജോസഫ് കൂനാനി, റോഷൻ ഓലിയ്ക്കൽ, രോഹൻ പൗലോസ് എന്നിവർ പ്രസംഗിച്ചു.