ചിറ്റാരിക്കാൽ: അപരന്റെ ഹൃദയത്തിൽ വാസമൊരുക്കാൻ കഴിയുന്നവരാകണം ഓരോ വിൻസെന്ഷ്യന് പ്രവർത്തകരുമെന്ന് ആർച്ച്ബിഷപ് മാർ ജോസഫ് പാംപ്ലാനി. സെന്റ് വിൻസെന്റ് ഡി പോൾ സൊസൈറ്റി തലശേരി അതിരൂപത വാർഷികാഘോഷം ചിറ്റാരിക്കാൽ വ്യാപാരഭവൻ ഓഡിറ്റോറിയത്തിൽ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. സ്വയം നിയന്ത്രിക്കാൻ കഴിയുന്നവർക്കേ യേശുവിന്റെ സുവിശേഷകരാകാൻ കഴിയുകയുള്ളുവെന്നും ജീവിതത്തെ സ്വയം നിയന്ത്രിച്ച് കഠിനാധ്വാനം ചെയ്ത് മറ്റുള്ളവരുടെ നന്മയ്ക്കായി പ്രവർത്തിക്കുന്നവരാണ് ഓരോ വിൻസെന്റ് ഡി പോൾ അംഗങ്ങളുമെന്നും ആര്ച്ച്ബിഷപ് പറഞ്ഞു.
അതിരൂപത പ്രസിഡന്റ് സണ്ണി നെടിയകാലായിൽ അധ്യക്ഷത വഹിച്ചു. അതിരൂപത ഡയറക്ടർ ഫാ. ഫിലിപ്പ് കവിയിൽ, നാഷണൽ പ്രസിഡന്റ് ജൂഡ് എസ്. മംഗൾരാജ്, കെആർസിസി കോ-ഓർഡിനേറ്റർ തോമസ് പുലിക്കോട്ടിൽ, തോമാപുരം ഫൊറോന വികാരി റവ.ഡോ. മാണി മേൽവെട്ടം, ജോർജ് തയ്യിൽ, ജോളി സെബാസ്റ്റ്യൻ കാരക്കുന്നേൽ, ഫാ.മാത്യു വളവനാൽ, ഫാ.ലൂയി മരിയാദാസ്, ഫിലിപ്പ് വെളിയത്ത്, ജോസഫ് ചൊറുക്കാവിൽ, ആൻവിൻ മാത്യു, ജോയി ഓരത്തേൽ, തോമസ് പുത്തൻപുര, ബാബു ജോസഫ് കൊട്ടാരം, ജോൺസൺ കൂട്ടിയാനിയിൽ, ബിനോയി പുതുമംഗലത്ത്, ചേച്ചമ്മ കിഴക്കേത്തകിടിയേൽ, ലിസി കാവാലം എന്നിവർ പ്രസംഗിച്ചു.
കഴിഞ്ഞ വർഷത്തെ പ്രവര്ത്തന മികവില് പുരുഷ കോൺഫറൻസുകളിൽ ഒന്നാം സ്ഥാനം നേടിയ തോമാപുരം സെന്റ് തോമസ്, രണ്ടാം സ്ഥാനം നേടിയ ചരൾ സെന്റ് സെബാസ്റ്റ്യന്സ്, വനിത കോൺഫറൻസുകളിൽ ഒന്നാം സ്ഥാനം നേടിയ തോമാപുരം സെന്റ് തോമസ്, രണ്ടാം സ്ഥാനം നേടിയ കരുവഞ്ചാൽ ലിറ്റിൽ ഫ്ലവർ എന്നിവയേയും വിവിധ മേഖലകളിൽ ശ്രദ്ധേയമായ പ്രവർത്തനങ്ങൾ നടത്തിയവരേയും വിൻസെൻഷ്യൻ പ്രവർത്തനത്തിൽ 50 വർഷവും 25 വർഷവും പൂർത്തിയാക്കിയവരെയും ചടങ്ങിൽ ആദരിച്ചു.