പ്രിയങ്കയുടെ ലോധി ബംഗ്ലാവ് ബിജെപി നേതാവിന് |

Click here for detailed news of all items

പ്രിയങ്കയുടെ ലോധി ബംഗ്ലാവ് ബിജെപി നേതാവിന്

Sunday, July 5, 2020 11:21 PM IST

ലക്നോ: കോൺഗ്രസ് ജനറൽ സെക്രട്ടറി പ്രിയങ്കാ ഗാന്ധിയുടെ ഡൽഹിയിലെ ഔദ്യോഗിക വസതി ബിജെപി നേതാവിന് നൽകി കേന്ദ്രസർക്കാർ. ബിജെപിയുടെ മീഡിയ സെല്ലിന്‍റെ ചുമതലയുള്ള അനിൽ ബലുനിക്കാണ് ലോധി എസ്റ്റേറ്റ് ബംഗ്ലാവ് കൈമാറിയത്. ആരോഗ്യപരമായ കാരണങ്ങളാലാണ് അനിൽ ബലുനിക്ക് ലോധി ബംഗ്ലാവ് നൽകിയതെന്ന് കേന്ദ്ര ഭവന, നഗരകാര്യ മന്ത്രാലയം അറിയിച്ചു. ഔദ്യോഗിക വസതി ഓഗസ്റ്റ് ഒന്നിന് മുൻപ് ഒഴിയണമെന്നു പ്രിയങ്കയോടു കേന്ദ്രസർക്കാർ നിർദേശിച്ചിരുന്നു.

കഴിഞ്ഞ വർഷം നവംബറിൽ പ്രിയങ്കയുടെ എസ്‌പി‌ജി സുരക്ഷ കേന്ദ്ര സർക്കാർ പിൻവലിച്ചതിനു പിന്നാലെ ലോധി ബംഗ്ലാവിൽ താമസിക്കാനുള്ള അനുമതി ഭവന, നഗരകാര്യ മന്ത്രാലയം റദ്ദാക്കിയിരുന്നു. പ്രിയങ്കയുടെ ബംഗ്ലാവ് അനിൽ ബലുനിയുടെ അഭ്യർഥനയെ തുടർന്ന് അനുവദിക്കുകയും ചെയ്തു. പ്രിയങ്ക ഒഴിഞ്ഞുകഴിഞ്ഞാൽ അദ്ദേഹത്തിന് ബംഗ്ലാവ് താമസത്തിന് നൽകുമെന്ന് അധികൃതർ‌ പറഞ്ഞു. അർബുദ ബാധിതനായ അനിൽ ബലുനി ആരോഗ്യപരമായ കാരണങ്ങളാൽ‌ ലോധി ബംഗ്ലാവ് അനുവദിക്കണമെന്ന് സർക്കാരിനോട് ആവശ്യപ്പെട്ടിരുന്നു.

എസ്‌പി‌ജി സുരക്ഷയുള്ളതിനാൽ പ്രിയങ്കയ്ക്ക് 1997 ഫെബ്രുവരി 21 ന് ആണ് ലോധി ബംഗ്ലാവ് അനുവദിച്ചത്. 2019 നവംബറിൽ കോൺഗ്രസ് അധ്യക്ഷ സോണിയ ഗാന്ധിയുടേയും മക്കളായ രാഹുൽ ഗാന്ധിയുടേയും പ്രിയങ്കയുടേയും എസ്പിജി സുരക്ഷ ബിജെപി സർക്കാർ പിൻവലിച്ചിരുന്നു. എസ്‌പി‌ജി സുരക്ഷ പിൻവലിച്ചതോടെ ബംഗ്ലാവും ഒഴിയണമെന്ന് സർക്കാർ ആവശ്യപ്പെട്ടു.

ഉത്തർപ്രദേശിന്‍റെ ചുമതലയുള്ള എഐസിസി ജനറൽ സെക്രട്ടറിയായ പ്രിയങ്ക ലക്നോവിൽ മുൻ കേന്ദ്രമന്ത്രി ഷീലാ കൗളിന്‍റെ വസതിയിലേക്കു താമസം മാറ്റു കയാണ്. ഷീലാ കൗളിന്‍റെ വസതി അറ്റകുറ്റപ്പണികൾ നടത്തി മോടി പിടിപ്പിച്ചതായും പ്രിയങ്ക ഉടൻ ലക്നോവിലേക്കു താമസം മാറ്റുമെന്നും യുപിയിലെ കോ ൺഗ്രസ് നേതാക്കൾ പറഞ്ഞു. ഷീല കൗളിന്‍റെ ലക്നോ ഗോഖലെ മാർഗിലെ വസതിയിൽ ആറു മാസം മുന്പേ അറ്റകുറ്റപ്പണികൾ ആരംഭിച്ചിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.