ആദ്യ ഹാട്രിക് ബെർത്തലോമിയയ്ക്ക് : Deepika.com Sports News |

Click here for detailed news of all items

ആദ്യ ഹാട്രിക് ബെർത്തലോമിയയ്ക്ക്

Friday, October 19, 2018 11:18 PM IST

ന്യൂഡൽഹി/ചെന്നൈ: ഇന്ത്യൻ സൂപ്പർ ലീഗ് (ഐഎസ്എൽ) ഫുട്ബോൾ 2018-19 സീസണിലെ ആദ്യ ഹാട്രിക് നോർത്ത് ഈസ്റ്റ് യുണൈറ്റഡിന്‍റെ ബെർത്തലോമിയോ ഒഗ്ബെചെയ്ക്ക്. ചെന്നൈയിൻ എഫ്സിക്കെതിരേയായിരുന്നു നൈജീരിയക്കാരനായ ബെർത്തലോമിയയുടെ ഹാട്രിക്.

മുൻ ചാന്പ്യന്മാരായ എടികെ ജയം നേടിയപ്പോൾ നിലവിലെ ചാന്പ്യന്മാരായ ചെന്നൈയിൻ എഫ്സി തുടർച്ചയായ മൂന്നാം തോൽവി വഴങ്ങി. ഡൽഹി ഡൈനാമോസിനെയാണ് എടികെ 1-2നു കീഴടക്കിയത്. ബൽവന്ത് സിംഗ് (20-ാം മിനിറ്റ്), നസീർ എൽ മിമൗനി (84-ാം മിനിറ്റ്) എന്നിവരുടെ വകയായിരുന്നു എടികെയുടെ ഗോളുകൾ. പ്രീതം കോട്ടാലാണ് (54-ാം മിനിറ്റ്) ഡൽഹിക്കുവേണ്ടി ലക്ഷ്യംകണ്ടത്. ജയത്തോടെ എടികെയ്ക്ക് മൂന്നു മത്സരങ്ങളിൽനിന്ന് മൂന്ന് പോയിന്‍റ് ആയി.

പിഎസ്ജിയുടെ മുൻ താരമായ ബെർത്തലോമിയ 29, 37, 39 മിനിറ്റുകളിലായിരുന്നു ചെന്നൈയിന്‍റെ വലകുലുക്കിയത്. റോവ് ലിൻ ബോർഗസ് (54-ാം മിനിറ്റ്) നോർത്ത് ഈസ്റ്റിന്‍റെ അക്കൗണ്ട് ക്ലോസ് ചെയ്തു. ബോർഗസിന്‍റെ സെൽഫ് ഗോളിൽ നാലാം മിനിറ്റിൽ ചെന്നൈയിൻ മുന്നിലെത്തി. തുടർന്ന് തോയ് സിംഗ് (15, 32 മിനിറ്റുകൾ) ഇരട്ടഗോൾ നേടി ടീമിന് ലീഡ് നല്കി. എന്നാൽ, ബെർത്തലോമിയയുടെ ഹാട്രിക്കിൽ നോർത്ത് ഈസ്റ്റ് ഒപ്പമെത്തി. സെൽഫ് ഗോളിന്‍റെ പ്രായശ്ചിത്തം ചെയ്ത് ബോർഗസ് നോർത്ത് ഈസ്റ്റിന് ജയം സമ്മാനിച്ച ഗോൾ നേടുകയും ചെയ്തു. മൂന്നു മത്സരങ്ങളിൽനിന്ന് ഏഴ് പോയിന്‍റാണ് നോർത്ത് ഈസ്റ്റ് യുണൈറ്റഡിന് ഇപ്പോഴുള്ളത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.