കൊല്ലം: ലോകത്തിലെ ഏറ്റവും വലിയ സിൽക്ക് സാരി ഷോറൂമായ കല്യാൺ സിൽക്സിന്‍റെ 37-ാം ഷോറൂം ധനമന്ത്രി കെ.എൻ. ബാലഗോപാലും കല്യാൺ സിൽക്സിന്‍റെ ബ്രാൻഡ് അംബാസഡർ നടൻ പൃഥ്വിരാജും ചേർന്ന് ഉദ്ഘാടനം ചെയ്തു.
കല്യാൺ സിൽക്സിന്‍റെയും കല്യാൺ ഹൈപ്പർമാർക്കറ്റിന്‍റെയും ചെയർമാനും മാനേജിംഗ് ഡയറക്ടറുമായ ടി.എസ്. പട്ടാഭിരാമൻ, കല്യാൺ സിൽക്സ് എക്സിക്യൂട്ടീവ് ഡയറക്ടർമാരായ പ്രകാശ് പട്ടാഭിരാമൻ, മഹേഷ് പട്ടാഭിരാമൻ, കല്യാൺ ഹൈപ്പർമാർക്കറ്റ് എക്സിക്യൂട്ടീവ് ഡയറക്ടർമാരായ വർധിനി പ്രകാശ്, മധുമതി മഹേഷ്, കല്യാൺ വസ്ത്രാലയ എംഡി ടി.എസ്. അനന്തരാമൻ, കൊല്ലം മേയർ പ്രസന്ന ഏണസ്റ്റ്, കൗൺസിലർ ഹണി ബെഞ്ചമിൻ, ചലച്ചിത്ര താരം മല്ലിക സുകുമാരൻ, കെഎസ്എഫ്ഇ ചെയർമാൻ കെ. വരദരാജൻ, കെഎംപി കൺസ്ട്രക്‌ഷൻ എംഡി കെ.എം. പരമേശ്വരൻ എന്നിവർ പങ്കെടുത്തു.
ദക്ഷിണ കേരളത്തിലെ ഏറ്റവും വലിയ സിൽക്ക് സാരി ഷോറൂമും ഏറ്റവും വലിയ ഹൈപ്പർമാർക്കറ്റുമാണ് കൊല്ലം ചിന്നക്കടയിലെ ഈ ഷോപ്പിംഗ് സമുച്ചയം. ഒരു ലക്ഷത്തിലേറെ ചതുരശ്ര അടിയിൽ സാരി ഷോറൂമിനും ഹൈപ്പർമാർക്കറ്റിനും പുറമേ എക്സ്ക്ലൂസീവ് ബ്രൈഡ് ഡിസൈൻ ബൊട്ടീക്, എക്സ്ക്ലൂസീവ് ഗ്രൂം ഡിസൈൻ സ്റ്റുഡിയോ, കോസ്മെറ്റിക് കൗണ്ടർ, പെർഫ്യൂം സ്റ്റോർ, ഫുട്ട് വെയർ & ഹാൻഡ് ബാഗ് സെക്‌ഷൻ, ഹോം ഡെക്കോർ, കോസ്റ്റ്യൂം ജ്വല്ലറി സെക്‌ഷൻ എന്നിങ്ങനെ ഒട്ടേറെ സൗകര്യങ്ങളും ഇവിടെയുണ്ട്.
സൗകര്യപ്രദമായ ഒരു ഷോപ്പിംഗ് രീതി കൊല്ലത്തെ ഉപയോക്താക്കൾക്കായി പരിചയപ്പെടുത്താൻ കഴിഞ്ഞതിൽ സന്തോഷമുണ്ടെന്നു ചെയർമാനും മാനേജിംഗ് ഡയറക്ടറുമായ ടി.എസ്. പട്ടാഭിരാമൻ പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.