‌സ​നു സി​റി​യ​ക്

ന്യൂ​ഡ​ൽ​ഹി: ബി​ഹാ​ർ നി​യ​മ​സ​ഭാ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി വോ​ട്ട​ർ​പ​ട്ടി​ക​യി​ൽ ന​ട​ത്തു​ന്ന പ്ര​ത്യേ​ക സ​മ​ഗ്ര പ​രി​ഷ്ക​ര​ണ​ത്തി​ൽ (സ്പെ​ഷ​ൽ ഇ​ന്‍റെ​ൻ​സീ​വ് റി​വി​ഷ​ൻ - എ​സ്ഐ​ആ​ർ) യോ​ഗ്യ​ത തെ​ളി​യി​ക്കു​ന്ന​തി​നു​ള്ള രേ​ഖ​ക​ൾ​ക്കൊ​പ്പം ആ​ധാ​ർ നന്പരും ഉ​പ​യോ​ഗി​ക്കാ​മെ​ന്ന നി​ർ​ദേ​ശം തെ​ര​ഞ്ഞെ​ടു​പ്പ് ക​മ്മീ​ഷ​ൻ പാ​ലി​ക്കാ​ത്ത​തി​നെ തു​ട​ർ​ന്ന്, ഒ​ടു​വി​ൽ അ​ത് സം​ബ​ന്ധി​ച്ച ഉ​ത്ത​ര​വ് പു​റ​പ്പെ​ടു​വി​ച്ച് സു​പ്രീം​കോ​ട​തി.

ആ​ധാ​ർ നന്പർ ഉ​പ​യോ​ഗി​ക്കാ​മെ​ന്ന നി​ർ​ദേ​ശം മൂ​ന്നു ത​വ​ണ സു​പ്രീം​കോ​ട​തി ന​ൽ​കി​യി​ട്ടും തെ​ര​ഞ്ഞെ​ടു​പ്പ് ക​മ്മീ​ഷ​ൻ അ​തു പാ​ലി​ക്കു​ന്നി​ല്ലെ​ന്നു ഹ​ർ​ജി​ക്കാ​ർ ചൂ​ണ്ടി​ക്കാ​ട്ടി​യ​തി​നെത്തുട​ർ​ന്ന് പ​ന്ത്ര​ണ്ടാ​മ​ത്തെ രേ​ഖ​യാ​യി ആ​ധാ​ർ നന്പർ ഉ​പ​യോ​ഗി​ക്കാ​മെ​ന്ന ഉ​ത്ത​ര​വ് സു​പ്രീം​കോ​ട​തി പു​റ​പ്പെ​ടു​വി​ച്ചു.

യോ​ഗ്യ​ത തെ​ളി​യി​ക്കാ​ൻ തെ​ര​ഞ്ഞെ​ടു​പ്പ് ക​മ്മീ​ഷ​ൻ ഔ​ദ്യോ​ഗി​ക​മാ​യി പ്ര​സി​ദ്ധീ​ക​രി​ച്ച 11 രേ​ഖ​യ്ക്കു പു​റ​മെ​യാ​ണ് ആ​ധാ​റും ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

ഇതു സം​ബ​ന്ധി​ച്ച നി​ർ​ദേ​ശം ഉ​ദ്യോ​ഗ​സ്ഥ​ർ​ക്കു കൈ​മാ​റാ​ൻ തെ​ര​ഞ്ഞെ​ടു​പ്പ് ക​മ്മീ​ഷ​നോ​ട് ജ​സ്റ്റീ​സു​മാ​രാ​യ സൂ​ര്യ​കാ​ന്ത്, ജോ​യ്മാ​ല്യ ബാ​ഗ്ജി എ​ന്നി​വ​രു​ടെ ബെ​ഞ്ച് ആ​വ​ശ്യ​പ്പെ​ട്ടു. യോ​ഗ്യ​ത തെ​ളി​യി​ക്കു​ന്ന​തി​നു​ള്ള പ​ന്ത്ര​ണ്ടാ​മ​ത്തെ രേ​ഖ​യാ​യി ആ​ധാ​ർ സ്വീ​ക​രി​ക്കു​മെ​ന്ന തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ ഉ​റ​പ്പ് കോ​ട​തി രേ​ഖ​പ്പെ​ടു​ത്തി.

അ​തേ​സ​മ​യം, പൗ​ര​ത്വം തെ​ളി​യി​ക്കു​ന്ന​തി​നു​ള്ള ഒ​രു രേ​ഖ​യ​ല്ല ആ​ധാ​ർ എ​ന്നു വ്യ​ക്ത​മാ​ക്കി​യ കോ​ട​തി, വോ​ട്ട​ർ​മാ​ർ ഹാ​ജ​രാ​ക്കു​ന്ന ആ​ധാ​ർ കാ​ർ​ഡു​ക​ളു​ടെ ആ​ധി​കാ​രി​ക​ത പ​രി​ശോ​ധി​ക്കാ​ൻ തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ ഉ​ദ്യോ​ഗ​സ്ഥ​ർ​ക്ക് അ​വ​കാ​ശ​മു​ണ്ടെ​ന്നും വ്യ​ക്ത​മാ​ക്കി. ജ​ന​പ്രാ​തി​നി​ധ്യ നി​യ​മ​ത്തി​ലെ സെ​ക്‌​ഷ​ൻ 23 (4) പ്ര​കാ​രം ഏ​തൊ​രു വ്യ​ക്തി​യു​ടെ​യും ഐ​ഡ​ന്‍റി​റ്റി സ്ഥാ​പി​ക്കു​ന്ന​തി​നു​ള്ള ഒ​രു രേ​ഖ​യാ​യി ആ​ധാ​ർ പ​രി​ഗ​ണി​ക്കാ​മെ​ന്നും ബെ​ഞ്ച് നി​രീ​ക്ഷി​ച്ചു.


ആ​ധാ​ർ കാ​ർ​ഡ് പ​രി​ഗ​ണി​ക്ക​ണ​മെ​ന്ന് സു​പ്രീം​കോ​ട​തി മൂ​ന്നു ത​വ​ണ ഉ​ത്ത​ര​വി​ട്ടി​ട്ടും ഇ​ല​ക്‌​ട​റ​ൽ ര​ജി​സ്ട്രേ​ഷ​ൻ ഓ​ഫീ​സ​ർ​മാ​രും ബൂ​ത്ത് ലെ​വ​ൽ ഓ​ഫീ​സ​ർ​മാ​രും അ​ത് സ്വീ​ക​രി​ക്കു​ന്നി​ല്ലെ​ന്ന് മു​തി​ർ​ന്ന അ​ഭി​ഭാ​ഷ​ക​ൻ ക​പി​ൽ സി​ബ​ൽ സു​പ്രീം​കോ​ട​തി​യി​ൽ ആ​വ​ർ​ത്തി​ച്ചു.

ആ​ധാ​ർ സ്വീ​ക​രി​ച്ച​തി​ന് ബൂ​ത്ത് ലെ​വ​ൽ ഏ​ജ​ന്‍റി​നു കാ​ര​ണം കാ​ണി​ക്ക​ൽ നോ​ട്ടീ​സ് ന​ൽ​കി​യ ക​മ്മീ​ഷ​ന്‍റെ ന​ട​പ​ടി​യും അ​ദ്ദേ​ഹം ഉ​യ​ർ​ത്തി​ക്കാ​ട്ടി. ആ​ധാ​ർ സ്വീ​ക​രി​ക്കാ​ൻ തെ​ര​ഞ്ഞെ​ടു​പ്പ് ക​മ്മീ​ഷ​ൻ ഉ​ദ്യോ​ഗ​സ്ഥ​ർ​ക്ക് യാ​തൊ​രു നി​ർ​ദേ​ശ​വും ന​ൽ​കി​യി​ട്ടി​ല്ല. ആ​ധാ​ർ സ്വീ​ക​രി​ക്കാ​ത്ത നി​ര​വ​ധി വോ​ട്ട​ർ​മാ​രു​ടെ സ​ത്യ​വാ​ങ്മൂ​ല​ങ്ങ​ൾ സ​മ​ർ​പ്പി​ച്ചി​ട്ടു​ണ്ടെ​ന്നും സി​ബ​ൽ വ്യ​ക്ത​മാ​ക്കി.

പൗ​ര​ത്വ​ത്തി​ന് തെ​ളി​വാ​യി ആ​ധാ​ർ അം​ഗീ​ക​രി​ക്കാ​ൻ ക​ഴി​യി​ല്ലെ​ന്നാ​ണ് തെ​ര​ഞ്ഞെ​ടു​പ്പ് ക​മ്മീ​ഷ​നു വേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ രാ​കേ​ഷ് ദ്വി​വേ​ദി വാ​ദി​ച്ച​ത്. എ​ന്നാ​ൽ, തെ​ര​ഞ്ഞെ​ടു​പ്പ് ക​മ്മീ​ഷ​ൻ നി​ർ​ദേ​ശി​ച്ച രേ​ഖ​ക​ൾ​ക്കൊ​പ്പം പാ​സ്പോ​ർ​ട്ടും ജ​ന​ന സ​ർ​ട്ടി​ഫി​ക്ക​റ്റും ഒ​ഴി​കെ മ​റ്റൊ​ന്നും പൗ​ര​ത്വ രേ​ഖ​ക​ളാ​യി പ​രി​ഗ​ണി​ക്കാ​ൻ ക​ഴി​യി​ല്ലെ​ന്ന് ബെ​ഞ്ചി​ലെ അം​ഗ​മാ​യ ജോ​യ്മാ​ല്യ ബാ​ഗ്ജി​യും ചൂ​ണ്ടി​ക്കാ​ട്ടി.

ക​ര​ട് വോ​ട്ട​ർ​പ​ട്ടി​ക​യു​മാ​യി ബ​ന്ധ​പ്പെ​ട്ട് സെ​പ്റ്റം​ബ​ർ ഒ​ന്നി​നു ശേ​ഷ​വും പ​രാ​തി​ക​ൾ സ​മ​ർ​പ്പി​ക്കാ​മെ​ന്ന് തെ​ര​ഞ്ഞെ​ടു​പ്പ് ക​മ്മീ​ഷ​ൻ​ത​ന്നെ ക​ഴി​ഞ്ഞ ത​വ​ണ വാ​ദം കേ​ട്ട​പ്പോ​ൾ വ്യ​ക്ത​മാ​ക്കി​യി​രു​ന്നു. എ​ന്നാ​ൽ വോ​ട്ട​ർ​പ​ട്ടി​ക അ​ന്തി​മ​മാ​ക്കി​യ​തി​ന് ശേ​ഷ​മാ​യി​രി​ക്കും ഇ​വ പ​രി​ഗ​ണി​ക്കു​ക​യെ​ന്നും ക​മ്മീ​ഷ​ൻ വ്യ​ക്ത​മാ​ക്കി​യി​രു​ന്നു.