ന്യൂ​​​ഡ​​​ൽ​​​ഹി: ഇ​​​ന്ത്യ-​​​സിം​​​ഗ​​​പ്പുർ ബ​​​ന്ധം ന​​​യ​​​ത​​​ന്ത്ര​​​ത്തി​​​ന​​​പ്പു​​​റം പോ​​​കു​​​ന്നു​​​വെ​​​ന്ന് പ്ര​​​ധാ​​​ന​​​മ​​​ന്ത്രി ന​​​രേ​​​ന്ദ്ര മോ​​​ദി. നി​​​ർ​​​മി​​​ത ബു​​​ദ്ധി (എ​​​ഐ), ക്വാ​​​ണ്ടം, ഡി​​​ജി​​​റ്റ​​​ൽ സാ​​​ങ്കേ​​​തി​​​ക​​​വി​​​ദ്യ​​​ക​​​ൾ എ​​​ന്നീ മേ​​​ഖ​​​ല​​​ക​​​ളി​​​ൽ സ​​​ഹ​​​ക​​​ര​​​ണം മെ​​​ച്ച​​​പ്പെ​​​ടു​​​ത്താ​​​ൻ ഇ​​​രു​​​രാ​​​ജ്യ​​​ങ്ങ​​​ളും തീ​​​രു​​​മാ​​​നി​​​ച്ച​​​താ​​​യി മോ​​​ദി പ​​​റ​​​ഞ്ഞു.

ലോ​​​ക​​​ത്തി​​​ലെ ഭൗ​​​മ​​​രാ​​​ഷ്‌​​​ട്രീ​​​യ പ്ര​​​ക്ഷു​​​ബ്‌​​​ധ​​​ത​​​ക​​​ളെ മ​​​റി​​​ക​​​ട​​​ക്കാ​​​ൻ ത​​​ന്ത്ര​​​പ​​​ര​​​മാ​​​യ പ​​​ങ്കാ​​​ളി​​​ത്തം ശ​​​ക്തി​​​പ്പെ​​​ടു​​​ത്താ​​​ൻ ഇ​​​ന്ത്യ​​​യും സിം​​​ഗ​​​പ്പൂ​​​രും തീ​​​രു​​​മാ​​​നി​​​ച്ച​​​താ​​​യി പ്ര​​​ധാ​​​ന​​​മ​​​ന്ത്രി മോ​​​ദി​​​യും സിം​​​ഗ​​​പ്പൂ​​​ർ പ്ര​​​ധാ​​​ന​​​മ​​​ന്ത്രി ലോ​​​റ​​​ൻ​​​സ് വോം​​​ഗും അ​​​റി​​​യി​​​ച്ചു. അ​​​മേ​​​രി​​​ക്ക​​​യു​​​ടെ 50 ശ​​​ത​​​മാ​​​നം അ​​​ധി​​​ക​​​തീ​​​രു​​​വ​​​യു​​​ടെ പ​​​ശ്ചാ​​​ത്ത​​​ല​​​ത്തി​​​ലാ​​​ണു പ്ര​​​സ്താ​​​വ​​​ന​​​യെ​​​ങ്കി​​​ലും അ​​​മേ​​​രി​​​ക്ക​​​യു​​​ടെ പേ​​​രെ​​​ടു​​​ത്തു​​​പ​​​റ​​​യാ​​​തെ​​​യാ​​​ണ് വോം​​​ഗ് ഭൗ​​​മ​​​രാ​​​ഷ്‌​​​ട്രീ​​​യം പ്ര​​​ക്ഷു​​​ബ്‌​​​ധ​​​മാ​​​ണെ​​​ന്നു ചൂ​​​ണ്ടി​​​ക്കാ​​​ട്ടി​​​യ​​​ത്.

മോ​​​ദി-​​​വോം​​​ഗ് ച​​​ർ​​​ച്ച​​​ക​​​ളെ​​​ത്തു​​​ട​​​ർ​​​ന്ന് ഡി​​​ജി​​​റ്റ​​​ൽ ആ​​​സ്തി ന​​​വീ​​​ക​​​ര​​​ണ​​​ത്തെ​​​ക്കു​​​റി​​​ച്ച് റി​​​സ​​​ർ​​​വ് ബാ​​​ങ്ക് ഓ​​​ഫ് ഇ​​​ന്ത്യ​​​യും സിം​​​ഗ​​​പ്പുർ മോ​​​ണി​​​റ്റ​​​റി അ​​​ഥോ​​​റി​​​റ്റി​​​യും ത​​​മ്മി​​​ലു​​​ള്ള ക​​​രാ​​​റ​​​ട​​​ക്കം ഇ​​​രു​​​രാ​​​ജ്യ​​​ങ്ങ​​​ളും വി​​​വി​​​ധ ഉടന്പടിക​​​ളി​​​ൽ ഒ​​​പ്പു​​​വ​​​ച്ചു. ഡി​​​ജി​​​റ്റ​​​ൽ സാ​​​ങ്കേ​​​തി​​​ക​​​വി​​​ദ്യ​​​ക​​​ളി​​​ലും ഭീ​​​ക​​​ര​​​വി​​​രു​​​ദ്ധ ശ്ര​​​മ​​​ങ്ങ​​​ളി​​​ലും ശ്ര​​​ദ്ധ കേ​​​ന്ദ്രീ​​​ക​​​രി​​​ക്കാ​​​നും ഇ​​​രു​​​നേ​​​താ​​​ക്ക​​​ളും ഇ​​​ന്ന​​​ലെ ന​​​ട​​​ത്തി​​​യ ച​​​ർ​​​ച്ച​​​യി​​​ൽ ധാ​​​ര​​​ണ​​​യാ​​​യി.

പ​​​ര​​​ന്പ​​​രാ​​​ഗ​​​ത മേ​​​ഖ​​​ല​​​ക​​​ൾ​​​ക്ക​​​പ്പു​​​റം നൂ​​​ത​​​ന ഉ​​​ത്പാ​​​ദ​​​നം, ഗ്രീ​​​ൻ ഷി​​​പ്പിം​​​ഗ്, സി​​​വി​​​ൽ ആ​​​ണ​​​വോ​​​ർ​​​ജം, നൈ​​​പു​​​ണ്യ വി​​​ക​​​സ​​​നം, ന​​​ഗ​​​ര ജ​​​ല മാ​​​നേ​​​ജ്മെ​​​ന്‍റ് എ​​​ന്നി​​​വ​​​യു​​​ൾ​​​പ്പെ​​​ടെ സ​​​ഹ​​​ക​​​ര​​​ണ​​​ത്തി​​​ന്‍റെ പു​​​തി​​​യ വ​​​ഴി​​​ക​​​ൾ ഇ​​​രു​​​പ​​​ക്ഷ​​​വും തി​​​രി​​​ച്ച​​​റി​​​ഞ്ഞ​​​താ​​​യി ഹൈ​​​ദ​​​രാ​​​ബാ​​​ദ് ഹൗ​​​സി​​​ൽ ന​​​ട​​​ത്തി​​​യ സം​​​യു​​​ക്ത പ​​​ത്ര​​​സ​​​മ്മേ​​​ള​​​ന​​​ത്തി​​​ൽ പ്ര​​​ധാ​​​ന​​​മ​​​ന്ത്രി മോ​​​ദി പ​​​റ​​​ഞ്ഞു.
ഭീ​​​ക​​​ര​​​ത​​​യ്ക്കെ​​​തി​​​രേ ഐ​​​ക്യ​​​ത്തോ​​​ടെ പോ​​​രാ​​​ടു​​​ക​​​യെ​​​ന്ന​​​ത് മ​​​നു​​​ഷ്യ​​​ത്വ​​​ത്തി​​​ൽ വി​​​ശ്വ​​​സി​​​ക്കു​​​ന്ന എ​​​ല്ലാ രാ​​​ജ്യ​​​ങ്ങ​​​ളു​​​ടെ​​​യും ക​​​ട​​​മ​​​യാ​​​ണെ​​​ന്ന് താ​​​നും വോം​​​ഗും വി​​​ശ്വ​​​സി​​​ക്കു​​​ന്ന​​​താ​​​യി മോ​​​ദി കൂ​​​ട്ടി​​​ച്ചേ​​​ർ​​​ത്തു.