അധ്യാപക അവാര്‍ഡുകള്‍ പ്രഖ്യാപിച്ചു; 22 പേര്‍ക്ക് പുരസ്‌കാരം
Tuesday, September 9, 2025 1:23 AM IST
തിരുവനന്തപുരം: ഈ വര്‍ഷത്തെ സംസ്ഥാന അധ്യാപക അവാര്‍ഡുകള്‍ പ്രഖ്യാപിച്ചു. വിവിധ വിഭാഗങ്ങളിലായി 22 പേര്‍ക്കാണ് പുരസ്‌കാരം.
എല്‍പി, യുപി, ഹൈസ്‌കൂള്‍ വിഭാഗങ്ങളില്‍ അഞ്ചുപേര്‍ വീതവും ഹയര്‍ സെക്കന്‍ഡറിയില്‍ നാലുപേരും വിഎച്ച്എസ്ഇയില്‍ മൂന്നു പേരും പുരസ്‌കാരത്തിന് അര്‍ഹരായതായി വിദ്യാഭ്യാസമന്ത്രി വി. ശിവന്‍കുട്ടി അറിയിച്ചു. പാഠ്യ പാഠ്യേതര രംഗങ്ങളിലെ പ്രവര്‍ത്തനങ്ങൾ പരിഗണിച്ചും മാതൃക ക്ലാസ് അവതരണം, അഭിമുഖം എന്നിവയിലെ പ്രകടനം വിലയിരുത്തിയുമാണ് സംസ്ഥാന അവാര്‍ഡ് ജേതാക്കളെ തെരഞ്ഞെടുത്തത്.
നാളെ ഉച്ചകഴിഞ്ഞ് 2.30ന് തിരുവനന്തപുരം ടാഗോര്‍ തിയേറ്ററില്‍ പുരസ്‌കാരങ്ങള്‍ വിതരണം ചെയ്യും. 10,000 രൂപയാണ് അവാര്‍ഡ് തുക.
അവാര്‍ഡ് ജേതാക്കള്‍:
എല്‍പി വിഭാഗം
ബി. ബീന (പിഡി ടീച്ചര്‍, ഗവണ്‍മെന്‍റ് എല്‍പി സ്‌കൂള്‍, പാട്ടത്തില്‍, തിരുവനന്തപുരം). ബിജു ജോര്‍ജ് (പ്രഥമാധ്യാപകന്‍, സെന്‍റ് തോമസ് എല്‍പിഎസ്, കോമ്പയാര്‍, ഇടുക്കി). കെ. സെയ്ത് ഹാഷിം (വിഎല്‍പിഎസ്ടിഎ യുപി. സ്‌കൂള്‍, കുന്നുമ്മല്‍, മലപ്പുറം). കെ.കെ. ഉല്ലാസ് (എല്‍പിഎസ്ടി (സീനിയര്‍ ഗ്രേഡ്) ഗവണ്‍മെന്‍റ് മുഹമ്മദന്‍സ് എച്ച്എസ്എല്‍പിഎസ്, ആലപ്പുഴ). കെ. വനജകുമാരി (എല്‍പിഎസ്ടി എയുപി സ്‌കൂള്‍ കുറ്റിക്കോല്‍, കാസർഗോഡ്).
യുപി വിഭാഗം
എസ്.അജിത (യുപിഎസ്ടി പ്രബോധിനി യുപിഎസ്, വക്കം, തിരുവനന്തപുരം). വി.കെ. സജിത്ത് കുമാര്‍, (പിഡി ടീച്ചര്‍ (യുപിഎസ്എ) മധുസൂദനന്‍ തങ്ങള്‍ സ്മാരക ഗവണ്‍മെന്‍റ്് യുപി സ്‌കൂള്‍ മട്ടന്നൂര്‍, കണ്ണൂര്‍). ടി. സൈജന്‍ (ടിയുപിഎസ്ടി ഗവണ്‍മെന്‍റ് വിഎച്ച്എസ്എസ്, അയ്യന്തോള്‍, തൃശൂര്‍). അഷ്‌റഫ് മോളയില്‍ (യുപിഎസ്ടി ഗവണ്‍മെന്‍റ് എംയുപിഎസ്, അരീക്കോട്, മലപ്പുറം). ടി.പി. മുഹമ്മദ് മുസ്തഫ (പിഡി ടീച്ചര്‍ ഗവണ്‍മെന്‍റ് യുപി സ്‌കൂള്‍ പുറത്തൂര്‍, മലപ്പുറം).
സെക്കൻഡറി വിഭാഗം
പി.ഗിരീഷ് (എച്ച്എസ്ടി ഗണിതം കെഎഎച്ച്എച്ച്എസ്എസ്, കോട്ടോപ്പാടം, പാലക്കാട്). വി.പി. സജിമോന്‍ (ഫിസിക്കല്‍ എഡ്യുക്കേഷന്‍ ടീച്ചര്‍, സികെ മെമ്മോറിയല്‍ ഹയര്‍ സെക്കൻഡറി സ്‌കൂള്‍, കോരുത്തോട്, കോട്ടയം). വിന്‍സി വര്‍ഗീസ് (ഹെഡ്മിസ്ട്രസ്, സേക്രഡ് ഹാര്‍ട്ട് സിജിഎച്ച്എസ്എസ്, തൃശൂര്‍). പി.എം. സജിത് കുമാര്‍ (എച്ച്എസ്ടി മലയാളം ഗവണ്‍മെന്‍റ് എച്ച്എസ്എസ്, മമ്പറം, ആയിത്തറ, കണ്ണൂര്‍). എം. പ്രശാന്ത് (എച്ച്എസ്ടിഎസ്‌ഐ എച്ച്എസ്എസ്, ഉമ്മത്തൂര്‍, കോഴിക്കോട്).
ഹയര്‍ സെക്കന്‍ഡറി വിഭാഗം
എന്‍. കൊച്ചനുജന്‍ (എച്ച്എസ്എസ്ടി ഹിസ്റ്ററി (സീനിയര്‍) ഗവണ്‍മന്‍റ്് എച്ച്എസ്എസ്, കുലശേഖരപുരം, കൊല്ലം). എം. സുധീര്‍ (പ്രിന്‍സിപ്പല്‍, ഗവണ്‍മെന്‍റ് എച്ച്എസ്എസ്, കൊടകര, തൃശൂര്‍). എന്‍. രാധീഷ്‌കുമാര്‍ (ജിഎച്ച്എസ് എസ്ടി (സെലക്‌ഷന്‍ ഗ്രേഡ്) എസ്എന്‍ ട്രസ്റ്റ്‌സ് എച്ച്എസ്എസ്, പള്ളിപ്പാടം, ആലപ്പുഴ). എ. നൗഫല്‍ (പ്രിന്‍സിപ്പല്‍, ഗവണ്‍മെന്‍റ് എച്ച്എസ്എസ് കിളിമാനൂര്‍, തിരുവനന്തപുരം).
വൊക്കേഷണല്‍ ഹയര്‍ സെക്കന്‍ഡറി
കെ.എസ്. ബിജു (നോണ്‍ വൊക്കേഷണല്‍ ടീച്ചര്‍, കെമിസ്ട്രി, ഗവണ്‍മെന്‍റ് വിഎച്ച്എസ്എസ്, ചോറ്റാനിക്കര, എറണാകുളം). ഷൈനി ജോസഫ്, വൊക്കേഷണല്‍ ടീച്ചര്‍ ഇന്‍ എംആര്‍ആര്‍ടിവി, ടിടിടിഎം വിഎച്ച്എസ്എസ്, വടശേരിക്കര, പത്തനംതിട്ട). ബി.ടി. ഷൈജിത്ത് (വൊക്കേഷണല്‍ ടീച്ചര്‍ ഇന്‍ കമ്പ്യൂട്ടര്‍ ആപ്ലിക്കേഷന്‍ ഗവണ്‍മെന്‍റ് വിഎച്ച്എസ്എസ് (ബോയ്‌സ്), കൊട്ടാരക്കര, കൊല്ലം).
മുണ്ടശേരി സ്മാരക സാഹിത്യ അവാര്‍ഡുകള്‍
തിരുവനന്തപുരം: പൊതുവിദ്യാലയങ്ങളിലെ എഴുത്തുകാരായ അധ്യാപകരുടെ മികച്ച പുസ്തകങ്ങള്‍ക്ക് പൊതുവിദ്യാഭ്യാസ വകുപ്പ് നല്‍കിവരുന്ന പുരസ്‌കാരമായ പ്രഫസര്‍ ജോസഫ് മുണ്ടശേരി സ്മാരക സാഹിത്യ പുരസ്‌കാരങ്ങള്‍ പ്രഖ്യാപിച്ചു. സര്‍ഗാത്മകത സാഹിത്യം, വൈജ്ഞാനിക സാഹിത്യം, ബാലസാഹിത്യം എന്നീ മേഖലകളിലെ മികച്ച കൃതികള്‍ക്കാണ് അവാര്‍ഡുകള്‍ നല്‍കുന്നത്.
10,000 രൂപയും പ്രശസ്തിപത്രവും ഫലകവുമാണ് അവാര്‍ഡ് ജേതാക്കള്‍ക്ക് നല്‍കുന്നത്. സര്‍ഗാത്മകത സാഹിത്യം: ഡോ. ടി.കെ. അനില്‍കുമാര്‍ (ഗവണ്‍മെന്‍റ് ഗേള്‍സ് എച്ച്എസ്എസ്, തലശേരി, കണ്ണൂര്‍). വൈജ്ഞാനിക സാഹിത്യം: പ്രകാശന്‍ കരിവള്ളൂര്‍ (ഗവണ്‍മെന്‍റ് യുപിഎസ്, കോട്ടിക്കുളം, കാസർഗോഡ്). ബാലസാഹിത്യം: സുധ തെക്കേമഠം (ജിജെഎച്ച്എസ്എസ്, നടുവട്ടം, പാലക്കാട്).