മു​ഖ്യ​മ​ന്ത്രി​ക്കു വ​ഴി​മാ​റാം, ജ​ന​ങ്ങ​ളോ...?
Monday, June 24, 2024 1:35 AM IST
സ്വ​ന്തം ലേ​ഖ​ക​ൻ

തൃ​ശൂ​ർ: ത​ക​ർ​ന്നു ത​രി​പ്പ​ണ​മാ​യ റോ​ഡു​ക​ൾ നാ​ടി​ന്‍റെ നാ​യ​ക​നെ കാ​ണി​ക്കാ​തി​രി​ക്കാ​ൻ പോ​ലീ​സി​ന്‍റെ ക​ണ്ണു​പൊ​ത്തി​ക്ക​ളി. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ കു​ന്നം​കു​ള​ത്തു​നി​ന്നു തൃ​ശൂ​രി​ലെ​ത്തി​യ​ത് 20 കി​ലോ​മീ​റ്റ​റി​ല​ധി​കം ചു​റ്റി​വ​ള​ഞ്ഞ് വ​ട​ക്കാ​ഞ്ചേ​രി​വ​ഴി! കാ​ര​ണ​മൊ​ന്നു​മാ​ത്രം. കു​ന്നം​കു​ളം- തൃ​ശൂ​ർ റോ​ഡി​ന്‍റെ ത​ക​ർ​ച്ച. ഒ​റ്റ​ച്ചോ​ദ്യം - ന​ടു​വൊ​ടി​ക്കു​ന്ന റോ​ഡി​ലൂ​ടെ യാ​ത്ര ചെ​യ്യാ​തി​രി​ക്കാ​ൻ മു​ഖ്യ​മ​ന്ത്രി​ക്കു വ​ഴി​മാ​റാം. വാ​ഹ​ന​വ്യൂ​ഹ​ത്തി​ന് 20 കി​ലോ​മീ​റ്റ​ർ അ​ധി​ക​മോ​ടാം. പാ​വം ജ​ന​ങ്ങ​ളോ..!

റോ​ഡു​ക​ളു​ടെ ത​ക​ർ​ച്ച പു​തി​യ സം​ഭ​വ​മ​ല്ല. ന​ടു​വൊ​ടി​ക്കു​ന്ന, ചി​ല​പ്പോ​ൾ ജീ​വ​നെ​ടു​ക്കു​ന്ന കു​ഴി​ക​ൾ. റോ​ഡി​ൽ നി​റ​ഞ്ഞ പാ​താ​ള​ക്കു​ഴി​ക​ൾ​മൂ​ലം എ​ത്ര അ​പ​ക​ട​ങ്ങ​ൾ, എ​ത്ര മ​ര​ണ​ങ്ങ​ൾ, അ​പ​ക​ട​ത്തി​ൽ പ​രി​ക്കേ​റ്റ​വ​ർ​മു​ത​ൽ ന​ട്ടെ​ല്ലി​നു ചി​കി​ത്സ തേ​ടു​ന്ന​വ​ർ​വ​രെ. അ​ധി​കാ​രി​ക​ൾ പ​ക്ഷേ, ക​ണ്ട മ​ട്ടി​ല്ല. കാ​ണാ​നു​ള്ള അ​വ​സ​രം ഒ​ഴി​വാ​ക്കാ​നാ​ണ് മി​ടു​ക്ക്.

ആ​ക്സി​ലൊ​ടി​യു​ന്ന വാ​ഹ​ന​ങ്ങ​ൾ വേ​റെ. ബ​സു​ക​ള​ട​ക്ക​മു​ള്ള പ​ല വാ​ഹ​ന​ങ്ങ​ൾ​ക്കും അ​റ്റ​കു​റ്റ​പ്പ​ണി ദി​ന​ച​ര്യ​പോ​ലെ​യാ​യി​ട്ടു​ണ്ട്. റോ​ഡി​ന്‍റെ ത​ക​ർ​ച്ച​യി​ൽ പൊ​റു​തി​മു​ട്ടി, 26 മു​ത​ൽ സ​മ​രം പ്ര​ഖ്യാ​പി​ച്ചി​രി​ക്കു​ക​യാ​ണ് ബ​സു​ട​മ​ക​ളും ജീ​വ​ന​ക്കാ​രും. കോ​ഴി​ക്കോ​ട് -​ കു​റ്റി​പ്പു​റം - തൃ​ശൂ​ർ റോ​ഡി​ന്‍റെ​യും തൃ​ശൂ​ർ-​കൊ​ടു​ങ്ങ​ല്ലൂ​ർ റോ​ഡി​ന്‍റെ​യും നി​ർ​മാ​ണം പൂ​ർ​ത്തി​യാ​ക്കാ​ത്ത​തി​ൽ പ്ര​തി​ഷേ​ധി​ച്ചാ​ണ് അ​നി​ശ്ചി​ത​കാ​ല​സ​മ​രം.

കു​ഴി​യ​ട​യ്ക്ക​ൽ നേ​ർ​ച്ച​പോ ലെ​യാ​ണ് അ​ധി​കാ​രി​ക​ൾ​ ക്ക്. അ​ട​ച്ച​തി​ലും വേ​ഗ​ത്തി​ൽ തു​റ​ക്കു​ന്ന കു​ഴി​ക​ൾ. പ​ണം​വി​ഴു​ങ്ങു​ന്ന ത​ട്ടി​പ്പു​പ​ണി​ക​ളാ​ണ് എ​ല്ലാ​യി​ട​ത്തും. മൂ​ന്നു​മാ​സ​ത്തി​നി​ടെ ആ​റേ​ഴു​ ത​വ​ണ​യെ​ങ്കി​ലും അ​ട​ച്ച കു​ഴി​ക​ളു​ണ്ട്.

തകർന്ന റോഡുകളുടെ ചില കാഴ്ചകൾ മാത്രമാണി വിടെ...

Copyright @ 2022 , Rashtra Deepika Ltd.