അ​പ്പ​ര്‍ കു​ട്ട​നാ​ടന്‍ മേഖല വെ​ള്ള​പ്പൊ​ക്ക ഭീ​ഷ​ണി​യി​ല്‍
Friday, June 28, 2024 6:08 AM IST
മാന്നാ​ര്‍: കാ​ല​വ​ര്‍​ഷം ശ​ക്തി പ്രാ​പി​ച്ച് ന​ദി​ക​ളി​ല്‍ ജ​ല​നി​ര​പ്പു​യ​ര്‍​ന്ന് തു​ട​ങ്ങി​യ​തോ​ടെ അ​പ്പ​ര്‍ കു​ട്ട​നാ​ട​ന്‍ മേ​ഖ​ല​ക​ള്‍ വെ​ള്ള​പ്പൊ​ക്ക ഭീ​ഷ​ണി​യി​ലാ​യി. ക​ന​ത്ത മ​ഴ ജ​ന​ജീ​വ​ിത​ത്തെ ബാ​ധി​ച്ചു. ക​ല​ങ്ങിമ​റി​ഞ്ഞുവ​രു​ന്ന കി​ഴ​ക്ക​ന്‍ വെ​ള്ളം തീ​ര​ദേ​ശ വാ​സി​ക​ളെ​യും ക​ര്‍​ഷ​ക​രെ​യും ആ​ശ​ങ്ക​യി​ലാ​ഴ്ത്തിയിരിക്കുകയാണ്. പ​മ്പാ ന​ദി, അ​ച്ച​ന്‍​കോ​വി​ലാ​ർ, കു​ട്ടം​പേ​രൂ​ര്‍ ആ​റ്, പു​ത്ത​നാ​റ്, വി​വി​ധ പാ​ട​ശേ​ഖ​ര​ങ്ങ​ള്‍, തോ​ടു​ക​ള്‍ എ​ന്നി​വി​ട​ങ്ങ​ളി​ലെ ജ​ല​നി​ര​പ്പ് ഉ​യ​ര്‍​ന്ന​തോ​ടെ​യാ​ണ് അ​പ്പ​ര്‍ കു​ട്ട​നാ​ട്ടി​ലെ താ​ഴ്ന്ന പ്ര​ദേ​ശ​ങ്ങ​ളെ​ കെ​ടു​തി​യി​ലാ​ക്കി​യ​ത്.

കി​ഴ​ക്ക​ന്‍ വെ​ള്ള​ത്തി​ന്‍റെ വ​ര​വ് ശ​ക്തി പ്രാ​പി​ച്ച​തോ​ടെ പ​രു​മ​ല, പ​ന്നാ​യി, പാ​വു​ക്ക​ര, വ​ള്ള​ക്കാ​ലി, മേ​ല്‍​പ്പാ​ടം ഭാ​ഗ​ങ്ങ​ളി​ലെ പ​മ്പ​യാ​റി​ന്‍റെ തീ​ര​ങ്ങ​ളി​ല്‍ താ​മ​സി​ക്കു​ന്ന​വ​ര്‍ ആ​ശ​ങ്ക​യി​ലാ​ണ്. മാ​ന്നാ​ര്‍ കു​ര​ട്ടി​ക്കാ​ട് കോ​ട്ട​ക്ക​ല്‍ ക​ട​വ് പാ​ലം - പ​രു​മ​ല ആ​ശു​പ​ത്രി റോ​ഡി​ല്‍ വെ​ള്ളം ക​യ​റി യാ​ത്ര ദു​ഃസ​ഹ​മാ​ണ്.

പാ​വു​ക്ക​ര വൈ​ദ്യ​ന്‍ ന​ഗ​ര്‍, മൂ​ര്‍​ത്തി​ട്ട ഭാ​ഗം എ​ന്നി​വി​ട​ങ്ങ​ളി​ല്‍ വെ​ള്ളം ക​യ​റി​ത്തു​ട​ങ്ങി. വി​രു​പ്പി​ല്‍ ക്ഷേ​ത്ര​ത്തി​നു സ​മീ​പം മി​ക്ക വീ​ടു​ക​ളും വെ​ള്ള​പ്പെ​ാക്ക​ഭീഷ​ണി​യി​ലാ​ണ്.്പു​ഞ്ച​കൃ​ഷി​യി​റ​ക്കു​ന്ന പാ​ട​ശേ​ഖ​ര​ങ്ങ​ളി​ല്‍ വെ​ള്ള​ക്കെ​ട്ട് രൂ​ക്ഷ​മാ​ണ്. മ​ഴ​യി​ല്‍​പെ​യ്തി​റ​ങ്ങു​ന്ന വെ​ള​ളം ഒ​ഴു​കി പ്പോ​കാ​ന്‍ സാ​ഹ​ച​ര്യമില്ലാ​ത്ത​തി​നാ​ല്‍ മി​ക്ക​യി​ട​ങ്ങി​ളി​ലും വെ​ള്ള​ക്കെ​ട്ട് രൂ​പ​പ്പെ​ട്ടി​ട്ടു​ണ്ട്. മാ​ന്നാ​റി​ന്‍റെ പ​ടി​ഞ്ഞാ​റ​ന്‍ മേ​ഖ​ല​യി​ല്‍ ക​യ​റി​യ വെ​ള്ളം ഇ​ല​മ്പ​നം​ തോ​ട്ടി​ല്‍ പാ​യ​ലു​ക​ളും മാ​ലി​ന്യ​ങ്ങ​ളും നി​റ​ഞ്ഞ​തി​നെ​ത്തു​ട​ര്‍​ന്ന് ഒ​ഴു​കി​പ്പോ​കാ​നാ​വാ​ത്ത അ​വ​സ്ഥ​യി​ലാ​ണ്.

ക​ന​ത്ത മ​ഴ​യോ​ടെ​പ്പം കാ​റ്റും വീ​ശി​യ​ടി​ക്കു​ന്ന​തി​നാ​ല്‍ മാ​ന്നാ​റി​ന്‍റെ വി​വി​ധ പ്ര​ദേ​ശ​ങ്ങ​ളി​ല്‍​മ​ര​ച്ചി​ല്ല​ക​ള്‍ വൈ​ദ്യു​തി ലൈ​നി​നു​ക​ളി​ല്‍ വീണ് വൈ​ദ്യു​തി മു​ട​ങ്ങു​ന്നു​ണ്ട്. ബു​ധ​നൂ​ര്‍ ത​യ്യൂ​ര്‍ ഭാ​ഗ​ത്ത് നി​ര​വ​ധി വീ​ടു​ക​ള്‍ ഇ​പ്പോ​ള്‍​ത്ത​ന്നെ വെ​ള്ള​ത്തി​ലാ​ണ്. ഇ​വി​ടു​ത്തെ പ​ക​ല്‍വീ​ട്ടി​ല്‍ ദു​രി​താ​ശ്വാ​സ ക്യാ​മ്പ് തു​റ​ന്നു​ക​ഴി​ഞ്ഞു. ഒ​ന്‍​പ​തോ​ളം പേ​ര്‍ ​ക്യാ​മ്പി​ലു​ണ്ട്. പ​രു​മ​ല​യി​ലും മാ​ന്നാ​റി​ലും ക്യാ​മ്പു​ക​ള്‍ ആ​രം​ഭി​ക്കാ​ന്‍ ന​ട​പ​ടി​ക​ള്‍ സ്വീ​ക​രി​ച്ച​താ​യി അ​ധി​കൃ​ത​ര്‍ അ​റി​യി​ച്ചു.

കെ​എ​സ്ആ​ര്‍​ടി​സി സ​ര്‍​വീ​സ് നി​ര്‍​ത്തി

ആലപ്പുഴ: ഇള​ങ്ങ​ര, താ​യ​ങ്ക​രി ഭാ​ഗ​ങ്ങ​ളി​ല്‍ റോ​ഡി​ല്‍ വെ​ള്ളം ക​യ​റി​യി​രി​ക്കു​ന്ന​തി​നാ​ല്‍ കെ​എ​സ്ആ​ര്‍​ടി​സി ഇ​ന്ന​ലെ രാ​വി​ലെ മു​ത​ല്‍ ഇ​തു​വ​ഴി​യു​ള്ള സ​ര്‍​വീ​സു​ക​ള്‍ താ​ത്കാ ലി​ക​മാ​യി നി​ര്‍​ത്തി. നി​ര​ണം, ത​ല​വ​ടി, വീ​യ​പു​രം, എ​ട​ത്വ, ത​ക​ഴി പ​ഞ്ചാ​യ​ത്തി​ലാ​ണ് വെ​ള്ള​പ്പൊ​ക്ക ദു​രി​തം ഏ​റെ അ​നു​ഭ​വ​പ്പെ​ടു​ന്ന​ത്. ഇ​ട​റോ​ഡു​ക​ള്‍ മു​ട്ടോ​ളം വെ​ള്ള​ത്തി​ലാ​യി. ത​ല​വ​ടി​യി​ല്‍ നി​ര​വ​ധി വീ​ടു​ക​ളാ​ണ് വെ​ള്ള​ത്തി​ല്‍ മു​ങ്ങി​യ​ത്.

ച​ക്കു​ള​ത്തു​കാ​വ് ദേ​വീ​ക്ഷേ​ത്ര മൈ​താ​നം വെ​ള്ള​ത്തി​ല്‍ മു​ങ്ങി. നീ​രേ​റ്റു​പു​റം-​മു​ട്ടാ​ര്‍ റോ​ഡും, കൊ​ടു​പ്പു​ന്ന ടൈ​റ്റാ​നി​ക് പാ​ല​ത്തി​ന് സ​മീ​പ​ത്തും വെ​ള്ളം ക​യ​റി​യി​ട്ടു​ണ്ട്. ജ​ല​നി​ര​പ്പ് വീ​ണ്ടും ഉ​യ​ര്‍​ന്നാ​ല്‍ മു​ട്ടാ​ര്‍ റോ​ഡി​ലെ ഗ​താ​ഗ​തം പൂ​ര്‍​ണ​മാ​യി സ്തം​ഭി​ക്കും. ദു​ര​ന്ത നി​വാ​ര​ണ സ​മ​ിതി​യു​ടെ നേ​ത്യു​ത്വ​ത്തി​ല്‍ മു​ട്ടാ​ര്‍ പ​ഞ്ചാ​യ​ത്തി​ല്‍ ഇ​ന്ന് സ​ര്‍​വ​ക​ക്ഷി യോ​ഗം കൂ​ടാ​ന്‍ തീ​രു​മാ​നി​ച്ചു.

ദു​രി​ത ബാ​ധി​ത പ്ര​ദേ​ശ​ങ്ങ​ളി​ല്‍ ക്യാ​മ്പ് തു​ട​ങ്ങാ​നു​ള്ള തയാ​റെ​ടു​പ്പി​ലാ​ണ് ത​ല​വ​ടി പ​ഞ്ചാ​യ​ത്ത് അ​ധി​കൃ​ത​ര്‍. ത​ല​വ​ടി ഏ​ഴാം വാ​ര്‍​ഡ് കു​ന്നു​മ്മാ​ടി-​കു​തി​ര​ച്ചാ​ല്‍ പ്ര​ദേ​ശ​ത്തെ ഒ​ട്ടു​മി​ക്ക വീ​ടു​ക​ളും വെ​ള്ള​ത്തി​ലാ​യി​ട്ടു​ണ്ട്. പ്ര​ദേ​ശ​ത്തേ​ക്കു​ള്ള റോ​ഡും മു​ട്ടോ​ളം വെ​ള്ള​ത്തി​ല്‍ മു​ങ്ങി​യ നി​ല​യി​ലാ​ണ്. കി​ഴ​ക്ക​ന്‍ വെ​ള്ള​ത്തി​ന്‍റെ വ​ര​വ് ശ​മി​ക്കാ​ത്ത​താ​ണ് അ​പ്പ​ര്‍ കു​ട്ട​നാ​ട്ടി​ല്‍ ജ​ല​നി​ര​പ്പ് ക്ര​മേ​ണ ഉ​യ​രു​ന്ന​ത്.

വേ​ന​ല്‍ മ​ഴ​യെത്തുട​ര്‍​ന്നു​ണ്ടാ​യ വെ​ള്ള​പ്പൊ​ക്ക​ത്തി​ലെ ജ​ല​നി​ര​പ്പി​നൊ​പ്പം ഇ​ന്ന​ലെ വെ​ള്ളം എ​ത്തി​യി​ട്ടു​ണ്ട്. ഇ​നി​യും ജ​ല​നി​ര​പ്പ് ഉ​യ​ര്‍​ന്നാ​ല്‍ ജ​ന​ജീ​വി​തം കൂ​ടു​ത​ല്‍ ദു​രി​ത​മാ​യി തീ​രും. ര​ണ്ടു ദി​വ​സംകൂ​ടി ശ​ക്ത​മാ​യ മ​ഴ​യു​ണ്ടെ​ന്ന് കാ​ലാ​വ​സ്ഥാ വ​കു​പ്പ് മു​ന്ന​റി​യി​പ്പ് ന​ല്‍​കി​യ സാ​ഹ​ച​ര്യ​ത്തി​ല്‍ ന​ദീ​തീ​ര താ​മ​സ​ക്കാ​ര്‍ ബ​ന്ധു​വീ​ടു​ക​ളി​ലേ​ക്ക് മാ​റി​യി​ട്ടു​ണ്ട്. ഇ​ന്ന​ലെ വൈ​കുന്നേരം ശ​ക്ത​മാ​യ മ​ഴ​യാ​ണ് ത​ല​വ​ടി, എ​ട​ത്വ, ത​ക​ഴി പ​ഞ്ചാ​യ​ത്തു​ക​ളി​ല്‍ അ​നു​ഭ​വ​പ്പെ​ട്ട​ത്.

Copyright @ 2022 , Rashtra Deepika Ltd.