സ​ർ​ക്കാ​ർ വീ​ടു​ക​ൾ വി​ൽക്കാനൊരുങ്ങി സ്വ​കാ​ര്യ വ്യ​ക്തി​ക​ൾ
Friday, June 14, 2024 3:43 AM IST
ചെ​റു​തോ​ണി: പ്ര​ള​യ​ത്തി​ന്‍റെ​യും ലൈ​ഫ് പ​ദ്ധ​തി​യു​ടെ​യും പേ​രി​ൽ സ​ർ​ക്കാ​രി​ൽനി​ന്നു ല​ഭി​ച്ച വീ​ടു​ക​ൾ വ​ലി​യ തു​ക​യ്ക്ക് മ​റി​ച്ചുവി​ൽ​ക്കു​ന്ന​താ​യി പ​രാ​തി. സ​ർ​ക്കാ​രി​ൽനി​ന്നു ല​ഭി​ച്ച വീ​ടു​ക​ളി​ൽ പ​ല​തി​ലും ആ​ൾത്താ​മ​സ​മി​ല്ല.

പ്ര​ള​യ​ക്കെ​ടു​തി​യി​ൽ ല​ഭി​ച്ച വീ​ട് 20 ല​ക്ഷ​ത്തി​നാ​ണ് വി​ല്പ​ന​യ്ക്ക് വ​ച്ചി​രി​ക്കു​ന്ന​ത്. 2018 - ലെ ​പ്ര​ള​യ​ത്തി​ൽ വീ​ട് ന​ശി​ക്കു​ക​യോ കേ​ടു​പാ​ടു​ക​ൾ സം​ഭ​വി​ക്കു​ക​യോ ചെ​യ്ത​വ​ർ​ക്കും പ്ര​ള​യ സാ​ധ്യ​ത നി​ല​നി​ൽ​ക്കു​ന്ന മേ​ഖ​ല​ക​ളി​ൽ താ​മ​സി​ക്കു​ന്ന​വ​ർ​ക്കു​മാ​ണ് സ​ർ​ക്കാ​ർ പു​ന​ര​ധി​വാ​സ പ​ദ്ധ​തി​യി​ൽ ഉ​ൾ​പ്പെ​ടു​ത്തി സ്ഥ​ലം വാ​ങ്ങി വീ​ടു​വ​ച്ച് ന​ൽ​കി​യ​ത്.

കൂ​ടാ​തെ ലൈ​ഫ് ഭ​വ​ന പ​ദ്ധ​തി​യി​ൽ ഭൂ​ര​ഹി​ത​രും ഭ​വ​ന​ര​ഹി​ത​രു​മാ​യ​വ​ർ​ക്കും വീ​ട് നി​ർ​മി​ച്ച് ന​ൽ​കി. എ​ന്നാ​ൽ ഇ​തി​ൽ പ​ല വീ​ടു​ക​ളും താ​മ​സ​മി​ല്ലാ​തെ ഒ​ഴി​ഞ്ഞു കി​ട​ക്കു​ക​യാ​ണ്. ഒ​രേ​ക്ക​ർ​വ​രെ പ​ട്ട​യ സ്ഥ​ല​വും വീ​ടും ഉ​ള്ള​വ​രും സ​ർ​ക്കാ​ർ വ​ക സ്ഥ​ല​വും വീ​ടും കൈ​വ​ശ​പ്പെ​ടു​ത്തി​യി​ട്ടു​ണ്ട്. ഇ​ത്ത​ര​ക്കാ​രാ​ണ് ഇ​ര​ട്ടി ലാ​ഭ​ത്തി​ന് വീ​ട് വി​ല്പന​യ്ക്ക് വ​ച്ചി​രി​ക്കു​ന്ന​ത്.

നൂ​റ്റാ​ണ്ടി​ലെ ഏ​റ്റ​വും വ​ലി​യ പ്ര​ള​യ​ത്തി​ൽ വീ​ടും കൃ​ഷി​യി​ട​വും വ​ള​ർ​ത്തു​മൃ​ഗ​ങ്ങ​ളും ഒ​ക്കെ ന​ഷ്ട​മാ​യ അ​നേ​ക​രാ​ണു​ള്ള​ത്.ഇ​വ​രി​ൽ ബ​ഹു​ഭൂ​രി പ​ക്ഷം പേ​രെ​യും സ​ർ​ക്കാ​ർ പു​ന​ര​ധിവ​സി​പ്പി​ച്ചു ക​ഴി​ഞ്ഞു. എ​ന്നാ​ൽ, അ​ന​ർ​ഹ​രും ലി​സ്റ്റി​ൽ ക​ട​ന്നു​കൂ​ടി​യി​രു​ന്നു.

സ​ർ​ക്കാ​രി​ൽനി​ന്ന് ആറുല​ക്ഷം രൂ​പ സ്ഥ​ലം വാ​ങ്ങു​ന്ന​തി​നും നാലു ല​ക്ഷം രൂ​പ വീ​ട് നി​ർ​മ​ിക്കു​ന്ന​തി​നും ഒ​പ്പം നൂ​റു തൊ​ഴി​ൽദി​ന​ങ്ങ​ളും കൈപ്പ​റ്റിയാണ് വീ​ടുനി​ർ​മാ​ണം പൂ​ർ​ത്തി​യാ​ക്കി​യ​ത്. ഒ​രി​ക്ക​ൽ​പ്പോ​ലും ഇ​വി​ടെ താ​മ​സി​ക്കാ​തെ 20 ല​ക്ഷം രൂ​പ​യ്ക്ക് വീ​ട് വി​ൽ​പ്പ​ന​യ്ക്ക് വ​ച്ചി​രി​ക്കു​ന്ന​വ​രാ​ണ് ഇ​വ​രി​ൽ ചി​ല​ർ.

Copyright @ 2022 , Rashtra Deepika Ltd.