ജീവനക്കാരില്ല: ഉ​പ്പു​ത​റ സിഎ​ച്ച്സി രോ​ഗശ​യ്യ​യി​ൽ
Thursday, June 20, 2024 3:32 AM IST
ഉ​പ്പു​ത​റ:​ ഡോ​ക്ട​ർ​മാ​രു​ടെ​യും മ​റ്റു ജീ​വ​ന​ക്കാ​രു​ടേ​യും കു​റ​വു കാ​ര​ണം ഉ​പ്പു​ത​റ ക​മ്യൂ​ണി​റ്റി ഹെ​ൽ​ത്തു സെ​ന്‍റ​റി​ന്‍റെ പ്ര​വ​ർ​ത്ത​നം താ​ളം തെ​റ്റു​ന്നു. ബ്ലോ​ക്ക് പ​ഞ്ചാ​യ​ത്തി​ലെ മു​ഴു​വ​ൻ ചു​മ​ത​ല​യു​മു​ള്ള മ​ദ​ർ ക​മ്യൂ​ണി​റ്റി സെ​ന്‍റ​റാ​യ ഉ​പ്പു​ത​റ​യി​ൽ സി​വി​ൽ സ​ർ​ജ​ൻ ഉ​ൾ​പ്പെ​ടെ ഏ​ഴു ഡോ​ക്ട​ർ​മാ​രാ​ണ് വേ​ണ്ട​ത്.

എ​ന്നാ​ൽ, അ​ഞ്ചു പോ​സ്റ്റാ​ണ് സ​ർ​ക്കാ​ർ അ​നു​വ​ദി​ച്ചി​ട്ടു​ള്ള​ത്. ഇ​തി​ൽ ഒ​രാ​ൾ മാ​ത്ര​മാ​ണ് ഡ്യൂ​ട്ടി​യി​ലു​ള്ള​ത്. 12 ന​ഴ്സു​മാ​രു​ടെ ഒ​ഴി​വി​ൽ നാ​ലു പേ​രെ​യാ​ണ് പോ​സ്റ്റ് ചെ​യ്ത​ത്. ഇ​തി​ൽ മൂ​ന്നു ന​ഴ്സു​മാ​രാ​ണ് ഡ്യൂ​ട്ടി​യി​ലു​ള്ള​ത്. 250 മു​ത​ൽ 400 ഓ​ളം പേ​രാ​ണ് ഇ​വി​ടെ ദി​നം​പ്ര​തി ചി​കി​ത്സ തേ​ടി​യെ​ത്തു​ന്ന​ത്. 30നും 50​നു​മി​ട​യി​ൽ കി​ട​പ്പു രോ​ഗി​ക​ളും ഉ​ണ്ടാ​കും.

അ​യ്യ​പ്പ​ൻ​കോ​വി​ൽ, ഏ​ല​പ്പാ​റ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ൽ ഡോ​ക്ട​ർ​മാ​ർ ഇ​ല്ലാ​തെ വ​ന്നാ​ൽ അ​വി​ടെയെത്തു​ന്ന രോ​ഗി​ക​ൾ ഉ​പ്പു​ത​റ​യി​ലാ​ണ് ചി​കി​ത്സ​ക്കെ​ത്തു​ന്ന​ത്. ക​ണ്ണം​പ​ടി വ​ന​മേ​ഖ​ല​യി​ലെ ആ​ദി​വാ​സി​ക​ളുടെയും പൂ​ട്ടി​ക്കി​ട​ക്കു​ന്ന ചീ​ന്ത​ലാ​ർ, വാ​ഗ​മ​ൺ തോ​ട്ട​ങ്ങ​ളി​ലെ പാ​വ​പ്പെ​ട്ട​വ​രു​ടെ​യും ഏ​ക ആ​ശ്ര​യ​മാ​ണ് ഉ​പ്പു​ത​റ സ​ർ​ക്കാ​ർ ആ​ശു​പ​ത്രി.

മ​ണി​ക്കൂ​റു​ക​ൾ കാ​ത്തി​രു​ന്നാ​ണ് രോ​ഗി​ക​ൾ ചി​കി​ത്സ ഉ​റ​പ്പാ​ക്കു​ന്ന​ത്. ഊ​ണും ഉ​റ​ക്ക​വും ഉ​പേ​ക്ഷി​ച്ച് ജോ​ലി ചെ​യ്യേ​ണ്ട ഗ​തി​കേ​ടി​ലാ​ണ് ജീ​വ​ന​ക്കാ​രും. അ​ടി​യ​ന്തര​മാ​യി ഡോ​ക്ട​ർ​മാ​രെ​യും ന​ഴ്സു​മാ​ർ ഉ​ൾ​പ്പെ​ട​യു​ള്ള ജീ​വ​ന​ക്കാ​രെ​യും നി​യ​മി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.