ജീ​വി​തം വീ​ൽ​ച്ചെ​യ​റി​ൽ; ഉ​പ​ജീ​വ​നത്തിനായി യുവതിയുടെ പോരാട്ടം
Thursday, June 13, 2024 3:47 AM IST
ക​ട്ട​പ്പ​ന: ആ​ശ്ര​യ​മറ്റ് ജീ​വി​തം വീ​ൽ​ച്ചെ​യ​റി​ലേ​ക്ക് ചു​രു​ങ്ങി​യെ​ങ്കി​ലും മ​നോ​ധൈ​ര്യം കൊ​ണ്ട് ഉ​പ​ജീ​വ​നം ന​ട​ത്താ​ൻ പാ​ടു​പെ​ടു​ക​യാ​ണ് 35 കാ​രി​യാ​യ ഷീ​ബ. പീ​രു​മേ​ട് റാ​ണി​കോ​വി​ൽ പോ​ൾ​ദാ​സ്- അ​ന്ന​ത​ങ്കം ദ​ന്പ​തി​ക​ളു​ടെ മ​ക​ൾ ഷീ​ബ​യാ​ണ് അ​ന്ന​ന്ന​ത്തെ അ​ന്ന​ത്തി​നും മ​രു​ന്നി​നു​മാ​യി ത​ള​ർ​ന്നു പോ​യ ശ​രീ​ര​വു​മാ​യി പാ​ടുപെ​ടു​ന്ന​ത്.

പോ​ൾ ദാ​സി​ന്‍റെ​യും അ​ന്ന​ത​ങ്ക​ത്തി​ന്‍റെ​യും ര​ണ്ടാ​മ​ത്തെ മ​ക​ളാ​യ ഷീ​ബ​യ്ക്ക് ജ​ൻ​മ​നാ ന​ട്ടെ​ല്ലി​ൽ മു​ഴ​യു​ണ്ടാ​യി​രു​ന്നു. ഇ​തി​ന്‍റെ ചി​കി​ത്സ​ക​ൾ​ക്കാ​യി മാ​ത്രം ല​ക്ഷ​ങ്ങ​ളാ​ണ് ദ​ന്പ​തി​ക​ൾ​ക്ക് ചെ​ല​വാ​യ​ത്.

പി​ന്നീ​ട് ശ​സ്ത്ര​ക്രി​യ​യി​ലൂ​ടെ മു​ഴ നീ​ക്കം ചെ​യ്തെ​ങ്കി​ലും ഷീ​ബ​യു​ടെ അ​ര​യ്ക്ക് താ​ഴേ​ക്ക് ത​ള​ർ​ന്നു പോ​യി. ഇ​തോ​ടെ ജീ​വി​തം ഒ​രു വി​ൽ​ചെ​യ​റി​ലേ​ക്ക് ഒ​തു​ങ്ങി. മാ​താ​പി​താ​ക്ക​ൾ അ​ധ്വാ​നി​ച്ചു​ണ്ടാ​ക്കി​യ പ​ണ​മെ​ല്ലാം ചി​കി​ത്സ​യ്ക്കാ​യി ചെ​ല​വാ​ക്കി.

എ​ന്നാ​ൽ, ഇ​രു​വ​രും വൃ​ദ്ധ​രാ​യി തൊ​ഴി​ലെ​ടു​ക്കാ​ൻ ക​ഴി​യാ​തെ വ​ന്ന​തോ​ടെ അ​ന്ന​ന്ന​ത്തെ അ​ന്ന​ത്തി​നാ​യി മ​റ്റു​ള്ള​വ​രു​ടെ മു​ന്പി​ൽ കൈ ​നീ​ട്ടേ​ണ​ണ്ടി വ​ന്നു. ഇ​തോ​ടെ​യാ​ണ് ഷീ​ബ സ്വ​യം തൊ​ഴി​ൽ എ​ന്ന നി​ല​യി​ൽ മെ​ഴു​കു​തി​രി, പേ​പ്പ​ർ പേ​ന എ​ന്നി​വ നി​ർ​മി​ച്ച് ഉ​പ​ജീ​വ​ന​മാ​ർ​ഗം തേ​ടിത്തു​ട​ങ്ങി​യ​ത്.

ആ​രാ​ധ​നാ​ല​യ​ങ്ങ​ളി​ലും പെ​രു​ന്നാ​ളു​ക​ളി​ലും ത​ന്‍റെ ഉ​ത്പന്ന​ങ്ങ​ൾ വി​ൽ​പ്പ​ന ന​ട​ത്തി​യാ​ണ് ഷീ​ബ ഇ​പ്പോ​ൾ മാ​താ​പി​താ​ക്ക​ളെ സം​ര​ക്ഷി​ക്കു​ന്ന​തും ത​നി​ക്കു​ള്ള മ​രു​ന്നു​ക​ൾ വാ​ങ്ങു​ന്ന​തും. ത​ന്‍റെ വി​ക​ലാം​ഗ പെ​ൻ​ഷ​നും മാ​താ​പി​താ​ക്ക​ളു​ടെ വാ​ർ​ധ​ക്യ പെ​ൻ​ഷ​നും മാ​ത്ര​മാ​ണ് മ​റ്റു വ​രു​മാ​നം. ഒ​രു മാ​സം ത​നി​ക്കു​ള്ള മ​രു​ന്നു വാ​ങ്ങാ​ൻ മാ​ത്രം 3000 രൂ​പ​യോ​ളം വേ​ണ്ടി വ​രു​മെ​ന്ന് ഷീ​ബ പ​റ​യു​ന്നു.

മെ​ഴു​കു​തി​രി നി​ർ​മാ​ണ​ത്തി​ന് ന​ല്ലൊ​രു അ​ച്ച് വേ​ണ​മെ​ന്ന് ആ​ഗ്ര​ഹ​മു​ണ്ടെ​ങ്കി​ലും ഇ​തും സാ​ധ്യ​മാ​യി​ട്ടി​ല്ല. തു​ട​ർ ചി​കി​ത്സ​യ്ക്കും ഉ​പ​ജീ​വ​ന മാ​ർ​ഗം വി​പു​ല​മാ​ക്കു​ന്ന​തി​നും സു​മ​ന​സു​ക​ളു​ടെ ക​രു​ണ തേ​ടു​ക​യാ​ണ് ഈ ​യു​വ​തി.

എ​സ്ബി​ഐ പീ​രു​മേ​ട് ബ്രാ​ഞ്ചി​ൽ ഷീ​ബ മേ​രി എ​ന്ന പേ​രി​ൽ അ​ക്കൗ​ണ്ട് തു​റ​ന്നി​ട്ടു​ണ്ട്.
അ​ക്കൗ​ണ്ട് ന​ന്പ​ർ: 33033 619983. ഐഎ​ഫ്എ​സ്‌സി: എ​സ്ബിഐഎ​ൻ0070109.

Copyright @ 2022 , Rashtra Deepika Ltd.